7-12-2025, 16:25
Rusiya Peçenej su anbarının bəndinə zərbə endirdi
Rusiya Ordusu Xarkov vilayətində yerləşən Peçenej su anbarının bəndinə zərbə endirib, zədələnən bənd üzərindən avtomobillərin hərəkəti tamamilə dayandırılıb.
Bu barədə Peçenej qəsəbə şurasının rəhbəri Aleksandr Qusarov “Telegram”da paylaşım edib.
Qeyd edilib ki, bu gündən etibarən Peçenej bəndi üzərindən nəqliyyatın hərəkəti mümkün deyil.
Peçenej su anbarı Şimalı Dones çayı üzərində yerləşir və regionun əsas hidrotexniki obyektlərindən biri hesab olunur.
7-12-2025, 16:10
Merz: Almaniya həmişə İsrailin təhlükəsizliyini müdafiə edəcək
Almaniya həmişə İsrailin mövcudluq hüququnu və təhlükəsizliyini müdafiə edəcək.
Bunu Almaniya kansleri Fridrix Merz "Yad Vaşem" memorial kompleksinə səfəri zamanı qonaqlar kitabına yazıb.
"Biz almanların yəhudi xalqına qarşı törətdikləri Holokostun dəhşətli cinayətini xatırlayacağıq", - DPA xəbər agentliyi onun sözlərini sitat gətirib.
"Almaniya İsrailin varlığını və təhlükəsizliyini müdafiə etməlidir. Bu, bizim münasibətlərimizin davamlı bünövrəsidir və əbədi olaraq belə qalacaq", - kansler yazıb.
7-12-2025, 15:46
Benində dövlət çevrilişinə cəhdin qarşısı alınıb - YENİLƏNİB
Benində dövlət çevrilişinə cəhdin qarşısı alınıb.
Bu barədə “24 Heures au Benin” məlumat yayıb.
Qeyd edilib ki, çevrilişə cəhd edən bir qrup hərbçi həbs edilib.
***
14:17
Benin hərbçiləri ölkədə hakimiyyəti ələ keçirdiklərini bəyan ediblər.
Bu barədə "La Nouvell Tribune" portalı Benin Dövlət Yayım Korporasiyası olan SRTB-nin efirində səsləndirilən bəyanata istinadən yazıb.
Bəyanata görə, hərbçilər dövlət qurumlarının buraxıldığını və Patris Talonun prezident vəzifəsindən uzaqlaşdırıldığını elan ediblər.
Qeyd olunur ki, keçid dövründə ölkəyə nəzarət polkovnik-leytenant Tiqri Paskalın rəhbərlik etdiyi Hərbi Bərpa Komitəsinə veriləcək.
7-12-2025, 15:38
Rusiya Ukraynaya hücum edib - ölənlər var
Rusiya qoşunları Ukrayna ərazisinə kütləvi pilotsuz və raket hücumları həyata keçirib. Enerji infrastrukturuna və yaşayış binalarına ziyan dəyib.
Kremençuq rayonunda enerji sektorunun bir neçə müəssisəsi zərbə altına düşüb.
"Bu gecə rusiyalılar raket və PUA-ların köməyi ilə Poltavşinaya kütləvi hücum etdilər. Kremençuq rayonunda enerji sektorunun bir neçə müəssisəsi zərbə altına düşdü", - Poltava Hərbi Administrasiyasının rəhbəri Vladimir Koqut teleqram kanalında yazıb.
Onun sözlərinə görə, zərbələr nəticəsində yanğınlar baş verib, fərdi evlərdən birinin ərazisində texniki avadanlıqlara, təsərrüfat binasına ziyan dəyib. Hücum nəticəsində bəzi ərazilərdə istilik və su təchizatı ilə bağlı fasilələr var.
Ukraynanın Fövqəladə Hallar üzrə Dövlət Xidmətinin məlumatına görə, Çerniqov vilayətindəki Novgorod-Seversky şəhərinə Rusiya dronlarının zərbələri nəticəsində 50 yaşlı kişi öldü, tərk edilmiş bina, ev və təsərrüfat binası alovlanıb.
Vilayətin Hərbi Administrasiyasının rəhbəri İvan Fedorov bildirib ki, Rusiya Silahlı Qüvvələri Zaporojye vilayətinin 23 yaşayış məntəqəsini gün ərzində 600 dəfə atəşə tutub. "Ümumilikdə gün ərzində Rusiya qoşunları Zaporojye vilayətinin 649 yaşayış məntəqəsinə 23 zərbə endirib. 43 yaşlı kişi düşmənin Poloqovski rayonuna hücumu nəticəsində yaralanıb", - teleqram kanalında yazıb.
Bundan əlavə, Fedorovun sözlərinə görə, yaşayış binalarına, avtomobillərə və infrastruktur obyektlərinə dəyən ziyan barədə 14 məlumat daxil olub.
7-12-2025, 15:25
Dünyada yeni müharibə ocağı – təhlükə artır
Tailand ordusu Kamboca ilə sərhəd bölgələrində yaşayan sakinləri dörd əyalətdə təhlükəsizlik sığınacaqlarına köçürtmək barədə göstəriş verib.
Bu addım yeni hərbi toqquşmaların baş verə biləcəyi ehtimalı ilə əlaqədardır.
Eyni zamanda, Kamboca Müdafiə Nazirliyi bildirib ki, 7 dekabr tarixində yerli vaxtla saat 14:15 radələrində Tailand hərbi qüvvələri Prea Vihear yaxınlığında Kamboca qüvvələrinə atəş açıb.
Kamboca tərəfi cavab atəşi açmadığını və atəşin 14:32-də, Tayland tərəfi ilə əlaqə saxlandıqdan sonra dayandırıldığını açıqlayıb.
Kamboca həmçinin AŞAEN müşahidəçilərini məlumatlandırıb və insidentlə bağlı araşdırma tələb etməyi planlaşdırır. Nazirlik bir daha vurğulayıb ki, ölkə beynəlxalq hüquqa uyğun olaraq atəşkəs rejiminə və münaqişələrin sülh yolu ilə həllinə sadiqdir.
7-12-2025, 15:13
İrandan ABŞ-yə ŞƏRTLƏR
"İran ABŞ ilə nüvə proqramı danışıqlarına hazırdır, lakin qarşılıqlı faydalı olması şərtdir".
Bu barədə İranın xarici işlər naziri Abbas Əraqçi deyib:
"Əgər onlar yanaşmalarını dəyişib ədalətli və qarşılıqlı faydalı danışıqlara hazır olsalar, biz də hazır olarıq. Lakin danışıqlar diktə deyil. O vaxta qədər onların real, ciddi danışıqlara hazır olub-olmadığından əmin deyilik", - deyə nazir bildirib.
Onun sözlərinə görə, İran diplomatiyaya açıqdır, amma yalnız "ədalətli və balanslı" nəticəni təmin edən şərtlərlə.
"Bu ABŞ-dən asılıdır", - deyə Əraqçi vurğulayıb.
7-12-2025, 15:00
İran Məclisinin nümayəndə heyəti Moskvadadır
İran İslam Respublikası İslam Şurası Məclisinin Milli təhlükəsizlik və xarici siyasət komitəsinin sədri İbrahim Əzizinin başçılıq etdiyi nümayəndə heyəti Kollektiv Təhlükəsizlik Müqaviləsi Təşkilatı Parlament Assambleyasının (KTMT PA) tədbirlərində iştirak etmək üçün Moskvaya gəlib.
Bu barədə Dövlət Dumasının teleqram kanalında məlumat verilib.
"İran İslam Respublikası İslam Şurası Məclisinin Milli təhlükəsizlik və xarici siyasət komitəsinin sədri İbrahim Əzizinin başçılıq etdiyi nümayəndə heyəti KTMT PA tədbirlərində iştirak etmək üçün Moskvaya gəlib", - məlumatda deyilir.
Qeyd olunur ki, dekabrın 8-də Dövlət Dumasında Dövlət Dumasının sədri və KTMT PA sədri Vyaçeslav Volodinin sədrliyi ilə Şuranın birgə iclası və Assambleyanın 18-ci plenar iclası keçiriləcək.
Kollektiv Təhlükəsizlik Müqaviləsi Təşkilatının Parlament Assambleyasına Rusiya, Belarus, Qazaxıstan, Qırğızıstan, Ermənistan və Tacikistanın qanunvericilik orqanlarının nümayəndələri daxildir.
7-12-2025, 14:49
Çin və Rusiya birgə raket təlimlərinə başladı
Çin və Rusiya arasında raketdən müdafiə üzrə üçüncü birgə hərbi təlim dekabrın əvvəlində Rusiyada başlayıb.
Bu barədə Çin Müdafiə Nazirliyi məlumat yayıb.
Nazirlikdən verilən açıqlamada bildirilib ki, birgə təlimlər üçüncü ölkəyə qarşı yönəlməyib:
“Təlimlər eləcə də beynəlxalq və regional vəziyyətlə bağlı deyil”.
7-12-2025, 14:35
Deputat Qusardakı layihələrdən danışdı – Yeni mənzillər, su anbarı
Millət vəkili Azər Badamov son zamanlar deputatlarla rayon icra hakimiyyəti rəhbərləri arasındakı əməkdaşlıq barədə səslənən suallara münasibət bildirib.
Deputat qeyd edib ki, həm deputatın, həm də icra başçısının əsas məqsədi bölgə sakinləri ilə mütəmadi görüşlər keçirərək problemlərin operativ həllinə nail olmaqdır.
Onun sözlərinə görə, Qusar rayonunda deputat–icra başçısı münasibətləri sağlam əməkdaşlıq mühiti üzərində qurulub: “Biz rayonun sosial-iqtisadi inkişafı və sakinləri narahat edən məsələləri birlikdə müzakirə edirik. Sağlam münasibət nəticələrin daha tez əldə olunmasına, ictimai-siyasi mühitdə məmnunluğun artmasına səbəb olur”.
Deputat bildirib ki, bu günlərdə Qusarda uzun illərdən bəri gündəmdə olan iki mühüm layihənin icrasına başlanılıb. Bunlardan biri şəhid ailələri və Qarabağ müharibəsi veteranları üçün bina tikintisidir. Qusarda onların yerləşdirilməsi üçün 112 mənzilli, iki 5 mərtəbəli yaşayış binasının tikintisinə start verilib. Deputat tikinti işlərinin yüksək keyfiyyətlə aparıldığını, yaxın dövrdə bu kateqoriyadan olan vətəndaşların mənzil probleminin aradan qalxacağını vurğulayıb.
A.Badomovun açıqlamasına görə ikinci layihə isə “Bənövşə gölü” su anbarının bərpası ilə bağlıdır.
“Uzun illər Qusar və ətraf kəndlərin əsas su mənbəyi olan anbar hazırda yararsız vəziyyətdədir. Dövlət başçısının sərəncamı ilə su anbarının yenidən qurulmasına ilkin olaraq 1 milyon manat vəsait ayrılıb”.
Deputat bildirib ki, layihə başa çatdıqdan sonra həm Qusar şəhəri üçün ehtiyat su mənbəyi yaradılacaq, həm də ətraf 6 kəndin su təminatı yaxşılaşdırılacaq.
Azər Badamov qeyd edib ki, qarşıdakı mərhələdə rayonun sosial-iqtisadi inkişafı istiqamətində daha geniş layihələr həyata keçiriləcək: “İşgüzar mühit və sağlam münasibət rayonun inkişafına təkan verir. Biz mövcud dəst-xətti qoruyaraq Qusarın daha da inkişaf etməsi üçün əzmlə çalışacağıq”.
7-12-2025, 14:07
Qırğızıstan Azərbaycanın Mərkəzi Asiya ilə əməkdaşlıq formatını dəstəkləyən ilk ölkələrdəndir - Prezident
Qırğızıstan Azərbaycanın Mərkəzi Asiya ölkələri ilə əməkdaşlıq formatına qoşulmasına dəstək verən ilk dövlətlərdən biridir.
Bunu Azərbaycan Prezidenti İlham Əliyev dekabrın 7-də Qırğız Respublikasının Nazirlər Kabineti sədrinin müavini Bakıt Torobayevin rəhbərlik etdiyi nümayəndə heyətini qəbul edərkən deyib.
Azərbaycanın dövlət başçısı bunun əlaqələrimizin qardaşlıq xarakteri daşımasının təcəssümü olduğunu vurğulayıb.
Prezident İlham Əliyev Qırğızıstanın Azərbaycanın Mərkəzi Asiya ölkələri ilə əməkdaşlıq formatına qoşulmasına dəstək verən ilk dövlətlərdən biri olduğunu deyərək, bunun əlaqələrimizin qardaşlıq xarakteri daşımasının təcəssümü olduğunu vurğulayıb.
Ölkəmizin Mərkəzi Asiya Dövlət Başçılarının Məşvərət Görüşünün tamhüquqlu iştirakçısı olduğunu qeyd edən dövlətimizin başçısı buna görə Qırğızıstana və digər ölkələrə minnətdarlığını bildirərək vurğuladı ki, bu, Mərkəzi Asiya ölkələri ilə Cənubi Qafqaz regionunu daha sıx bağlayacaq, hər iki istiqamətdə fasiləsiz və sabit yükdaşımanın təmin edilməsində, xalqlarımız arasında qardaşlıq əlaqələrinin daha da möhkəmlənməsində öz rolunu oynayacaq.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!