İcra hakimiyyəti mühafizə xidmətinə 72 min manat ayırdıCəbrayıl Rayon İcra Hakimiyyəti mühafizə xidmətinin alınması ilə bağlı satınalma həyata keçirib.
Satınalmanı Beyləqan Regional Mühafizə Şöbəsi həyata keçirib.
Məlumata görə, müqavilənin dəyəri 72 564,36 AZN təşkil edir. Sənədə əsasən, xidmətin icrasına 1 yanvar 2026-cı il tarixindən başlanılıb və 31 dekabr 2026-cı il tarixinədək davam edəcək.
Bununla yanaşı, Cəbrayıl Rayon İcra Hakimiyyəti tərəfindən digər satınalmalar da həyata keçirilib.
Belə ki, təbii gül və əklillərin satın alınması üçün Cavahir Zahid qızı Məmmədova ilə 7 000 AZN dəyərində müqavilə bağlanıb.
Həmçinin, telekommunikasiya xidmətləri üzrə “AzTelekom” ilə 1 252,2 AZN dəyərində birbaşa müqavilə imzalanıb. Bundan başqa, yanacağın alınması məqsədilə “Azpetrol LTD” MMC ilə 22 057,8 AZN məbləğində satınalma həyata keçirilib.