4-01-2026, 20:26
Neftlə bağlı vacib qərar
OPEC+ ölkələri neft hasilatının artırılmaması ilə bağlı qərar veriblər.
Təşkilatın səkkiz üzv ölkəsinin nazirləri keçirilən iclasın yekununda 2026-cı ilin birinci rübündə neft hasilatının 2025-ci ilin dekabr ayı səviyyəsində qalacağını təsdiqləyiblər.
Bu barədə OPEC+-in yaydığı kommünikedə bildirilib.
Qərara əsasən, mövsümi dalğalanmalar nəzərə alınaraq 2026-cı ilin fevral və mart aylarında hasilatın mərhələli şəkildə artırılması planı dayandırılıb. Qeyd olunub ki, bu qərar 2025-ci il noyabrın 2-də səkkiz ölkə tərəfindən razılaşdırılıb.
Eyni zamanda, nazirlər 2025-ci ilin noyabr ayının əvvəlində əldə olunan əvvəlki razılaşmanı da xatırladıblar. Həmin razılaşmaya görə, 2025-ci ilin dekabr ayında OPEC+ çərçivəsində neft hasilatının ümumi kvotası sutkada 137 min barel artırılıb.
Mövcud razılaşmalara əsasən, 2026-cı ilin birinci rübü üçün maksimal neft hasilatı səviyyələri belə müəyyən edilib: Rusiya üçün sutkada 9,57 milyon barel, Səudiyyə Ərəbistanı üçün 10,103 milyon barel, İraq üçün 4,273 milyon barel, Birləşmiş Ərəb Əmirlikləri üçün 3,411 milyon barel, Küveyt üçün 2,580 milyon barel, Qazaxıstan üçün 1,569 milyon barel, Əlcəzair üçün 971 min barel və Oman üçün 811 min barel. Bu göstəricilər kompensasiya qrafiki nəzərə alınmadan hesablanıb.
4-01-2026, 20:10
Azərbaycanlı ata-oğul güllələndi
Gürcüstanın Marneuli rayonunun mərkəzi bazarında silahlı insident baş verib.
Qızıl mağazası işlədən azərbaycanlı ata və onun oğlu naməlum şəxs tərəfindən güllələnib.
Hücum edən hadisə yerindən qaçıb
Yaralı ata və oğlu Marneulidə yerləşən klinikalardan birinə yerləşdirilib.
Gürcüstan DİN-dən bildirilib ki, faktla bağlı istintaqa başlanılıb.
4-01-2026, 20:01
Azərbaycanla Ermənistan arasında ticarət münasibətləri yaradılıb
Artıq Azərbaycanla Ermənistan arasında ticarət münasibətləri yaradılıb.
Bunu Prezident İlham Əliyev bu gün ABŞ nümayəndə heyətini qəbul edərkən bildirib.
Əldə olunmuş razılaşmaların tarixi əhəmiyyət daşıdığını deyən dövlətimizin başçısı bu məsələdə ABŞ Prezidenti Donald Trampın rolunu xüsusi vurğuladı. Azərbaycan Prezidenti regional sülh gündəliyinin irəli aparılması üçün ölkəmizin bundan sonra da səylərini davam etdirəcəyini bildirdi. Dövlətimizin başçısı artıq Azərbaycanla Ermənistan arasında ticarət münasibətlərinin yaradıldığını deyərək, bu xüsusda Azərbaycanın neft məhsullarının Ermənistana ixrac edildiyini, həmçinin Qazaxıstan və Rusiyadan buğdanın Azərbaycan ərazisindən keçməklə Ermənistana ixracının həyata keçirildiyini vurğuladı.
4-01-2026, 19:07
Gənc həkimin meyiti tapıldı
Gənc həkim Nurlana Əliyevanın meyiti tapılıb.
Bu barədə xəbəri onun yaxınları sosial mediada yayıblar.
Həkimin evində qəfil boğularaq dünyasını dəyişdiyi bildirilir.
Nurlana Əliyeva Bakıda yerləşən xəstəxanalardan birində kardioloq kimi fəaliyyət göstərirdi.
4-01-2026, 18:55
Amerikalı konqresmenlər İlham Əliyevin qəbulunda
Azərbaycan Respublikasının Prezidenti İlham Əliyev yanvarın 4-də ABŞ nümayəndə heyətini qəbul edib.
Nümayəndə heyətinə ABŞ Senatının Silahlı Qüvvələr Komitəsinin üzvü, Oklahomadan respublikaçı senator Markveyn Mallin, Nümayəndələr Palatasının üzvü və həmin qurumun Gəlirlər Komitəsinin sədri, Missuridən respublikaçı Ceyson Smit, Nümayəndələr Palatasının və həmin qurumun Silahlı Qüvvələr Komitəsinin üzvü, Texasdan respublikaçı Ronni Cekson, Nümayəndələr Palatasının və həmin qurumun Gəlirlər Komitəsinin üzvü, Kaliforniyadan demokrat Cimmi Panetta daxildir.
Qəbula görə Prezident İlham Əliyevə minnətdarlıqlarını bildirən qonaqlar Bakıda gördükləri inkişaf proseslərinin onlarda dərin təəssürat hissi yaratdıqlarını dedilər.
Qonaqlar ötən ilin avqustunda Azərbaycanla Ermənistan arasında sülh gündəliyinin irəli aparılması ilə bağlı Vaşinqtonda əldə edilmiş nailiyyətlər münasibətilə dövlətimizin başçısına təbriklərini çatdırdılar.
Prezident İlham Əliyev təbriklərə görə təşəkkürünü bildirdi.
Əldə olunmuş razılaşmaların tarixi əhəmiyyət daşıdığını deyən dövlətimizin başçısı bu məsələdə ABŞ Prezidenti Donald Trampın rolunu xüsusi vurğuladı. Azərbaycan Prezidenti regional sülh gündəliyinin irəli aparılması üçün ölkəmizin bundan sonra da səylərini davam etdirəcəyini bildirdi. Dövlətimizin başçısı artıq Azərbaycanla Ermənistan arasında ticarət münasibətlərinin yaradıldığını deyərək, bu xüsusda Azərbaycanın neft məhsullarının Ermənistana ixrac edildiyini, həmçinin Qazaxıstan və Rusiyadan buğdanın Azərbaycan ərazisindən keçməklə Ermənistana ixracının həyata keçirildiyini vurğuladı. Prezident İlham Əliyev TRİPP dəhlizinin regional nəqliyyat bağlantıları baxımından yeni imkanlar yaradacağına ümidvarlığını bildirdi.
Dövlətimizin başçısı “Azadlığa Dəstək Aktı”na ədalətsiz 907-ci düzəlişin ölkələrimiz arasında əlaqələrin bügünkü inkişafının mahiyyətinə uyğun olmadığını dedi. Prezident İlham Əliyev ABŞ Prezidenti Donald Tramp tərəfindən bu düzəlişin fəaliyyətinin dayandırılmasını yüksək qiymətləndirərək, onun tamamilə ləğv edilməsi istiqamətində konqres üzvlərinin də bundan sonra səylərini davam etdirəcəyinə ümidvar olduğunu vurğuladı.
Görüşdə Azərbaycanla ABŞ arasında ikitərəfli münasibətlərin inkişafından məmnunluq ifadə olundu, siyasi, iqtisadi, enerji, müdafiə və müdafiə sənayesi, təhsil, informasiya texnologiyaları, süni intellekt və digər sahələrdə əlaqələrin genişləndirilməsi üçün yaxşı imkanların olduğu bildirildi.
Söhbət zamanı ölkələrimizin qanunverici orqanları arasında əməkdaşlığın perspektivləri barədə fikir mübadiləsi aparıldı.
4-01-2026, 17:53
“Fənərbaxça”nın yeni transferi
“Fənərbaxça” qış transfer pəncərəsində ilk transferini gerçəkləşdirib.
İstanbul nəhəngi “Samsunspor”un niderlandlı futbolçusu Entoni Musaba ilə 4,5 illik müqaviləyə imza atıb.
Bu transfer “Fənərbaxça”ya 5 milyon avroya başa gəlib.
Qeyd edək ki, 25 yaşlı vinger bu mövsüm “Samsunspor”la çıxdığı 22 rəsmi matçda 6 qol və 4 asistlə yadda qalıb.
4-01-2026, 17:32
Gürcüstanda turizm obyekləri bağlandı
Gürcüstanda əlverişsiz hava şəraitinə görə bir sıra turizm obyektləri müvəqqəti olaraq ziyarətçilər üçün bağlanacaq.
Bu haqda “Sputnik Gürcüstan” məlumat yayıb.
Sinoptiklər yanvarın 3-ü və 4-də Gürcüstanın əksər hissəsində hava şəraitinin pisləşdiyini bildiriblər.
Məlumata görə, aşağıdakı obyektlər bağlanacaq:
Sataplia;
Navenakhevi mağarası;
Okatse kanyonu;
Okatse şəlaləsi.
4-01-2026, 17:24
Bayram çərşənbələrinin tarixi AÇIQLANDI
Bu il Azərbaycanda qeyd ediləcək Novruz çərşənbələrinin vaxtı məlum olub.
Bu ilin ilk Su çərşənbəsi fevralın 24-nə təsadüf edir.
Ardıcıl olaraq martın 3-də Od, martın 10-da Yel, martın 17-də isə axırıncı - Torpaq çərşənbəsi qeyd olunacaq.
Qeyd edək ki, Azərbaycanda Novruz bayramı martın 20-24-də qeyd olunur. Bu il yaz fəsli Azərbaycana martın 20-də, saat 18:46-da daxil olacaq.
4-01-2026, 17:17
Maduronu 3 saata götürən “Delta”: Bu gizli qrup nəyə qadirdir?
Ötən gün ABŞ ordusunun Karakasa hava zərbələri endirməsi ilə başlayan əməliyyat uğurla başa çatıb, qısa müddət ərzində Venesuela Prezidenti Nikolas Maduro və həyat yoldaşı iqamətgahlarında ələ keçirilib və dərhal da ölkədən çıxarılıb.
Cəmi 3 saata yaxın davam edən əməliyyat zamanı heç bir itkinin olmaması da xüsusilə vurğulanır. Bir neçə ay ərzində hazırlanan və “Delta” qrupunun gecə ilə həyata keçirilən bu mükəmməl əməliyyat onu icra edənləri bir daha gündəmə gətirib.
Bahalı, gizli və qeyri-adi “Delta”...
1-ci Xüsusi Qüvvələrin Əməliyyat Komandası - Delta (ing. 1st Special Forces Operational Detachment-Delta - 1st SFOD-D), geniş yayılmış adları ilə “Delta”, “Delta Force” və ya Mübarizə Tətbiqləri Qrupu (Combat Applications Group - CAG).
Elit Xüsusi Əməliyyat Qüvvələri (Special Operations Force/SOF) və Müştərək Xüsusi Əməliyyatlar Komandanlığı (JSOC) təşkilatını tamamlayan “Delta” qrupunun yaradılması barədə qərar 21 noyabr 1977-ci ildə verilib, ilk bölmələr isə 1978-ci ildə formalaşıb.
Antiterror və xüsusi missiyalar dəstəsidir. “Delta” xüsusi olaraq hazırlanmış və diqqətlə seçilmiş ən yaxşı əsgərlərdən ibarətdir. “Delta”nın əsas vəzifəsi terrorla və üsyan əleyhinə mübarizə olsa da, məxfi tapşırıqları yerinə yetirən son dərəcə çevik bir təşkilatdır. Bu gizli tapşırıqlara girovları xilas etmək, basqın və gizli düşmən qüvvələrini aradan götürmək daxildir.
İlk əməliyyatları İranda girov saxlanılan diplomatları xilas etmək olub (“Qartalın Pəncəsi” əməliyyatı). Bu əməliyyatdakı çatışmazlıqlar əsasında hava dəstəyi üçün 160-cı Xüsusi Əməliyyat Aviasiya Alayı yaradılıb.
Bəzi məlumatlara görə, bu qrupun illik büdcəsi 2 milyard dollara yaxındır.
Ən məşhur əməliyyatları: Pablo Eskobarın zərərsizləşdirilməsi (1993), Səddam Hüseynin ələ keçirilməsi (2003-cü il, “Qırmızı Şəfəq” əməliyyatı), İŞİD lideri Əbu Bəkr əl-Bağdadinin məhvi (2019), narkotacir El Çaponun yaxalanması (2016) və s.
4-01-2026, 17:06
Britaniya və Fransadan İŞİD-ə zərbə
Böyük Britaniyaya və Fransa yanvarın 3-də Suriyanın Palmira şəhərinin şimalındakı dağlıq ərazidə yerləşən İŞİD terror təşkilatına məxsus yeraltı obyektə aviazərbə endirib.
Bu barədə Böyük Britaniya Müdafiə Nazirliyi məlumat yayıb.
İŞİD-in bu obyektdən silah və partlayıcı maddələrin saxlanması üçün istifadə etdiyi ehtimal olunur.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!