20-11-2025, 15:00
Paşinyan Qazaxıstana gedib
Baş nazir Nikol Paşinyan 20-21 noyabr tarixlərində Qazaxıstan Respublikasında rəsmi səfərdə olacaq.
Səfər çərçivəsində Nikol Paşinyan Qazaxıstan Prezidenti Kasım-Jomart Tokayevlə təkbətək görüşəcək, ardınca isə geniş tərkibli görüş keçiriləcək.
Baş nazir həmçinin Qazaxıstanın Baş naziri Oljas Bektenov və Qazaxıstan Parlamenti Məclisinin sədri Yerlan Koşanovla görüşəcək.
Pproqrama "Astana Expo", "alem.ai" Beynəlxalq Süni İntellekt Mərkəzi və Qazaxıstan Milli Muzeyinə səfərlər daxildir.
20-11-2025, 14:56
Ermənistanda bu qadınlar hərbi xidmətə çağırılırlar
24 noyabr 2025-ci il tarixindən 31 yanvar 2026-cı il tarixinə qədər Ermənistanda qış çağırışı və tərxis dövrü elan ediləcək.
Məcburi hərbi xidmət və alternativ xidmət üçün qış çağırışı 2025-ci il dekabrın 31-də və ya daha əvvəl 18 yaşı tamam olan kişi vətəndaşlar, eləcə də əvvəllər verilmiş məcburi hərbi xidmətdən möhlət müddəti bitənlər üçün elan ediləcək.
2025-ci il qış çağırışının bir hissəsi olaraq, 1 oktyabr 2025-ci il tarixinə qədər könüllü məcburi hərbi xidmət üçün ərizə təqdim edən qadınlar da hərbi xidmətə çağırılacaqlar.
2025-ci ilin qış çağırışının bir hissəsi olaraq, qanunla müəyyən edilmiş müddətlərdə məcburi hərbi xidməti və ya alternativ hərbi xidməti başa vuran hərbi qulluqçular 31 yanvar 2026-cı il tarixinədək ordudan tərxis olunacaqlar.
Müəyyən edilmiş müddətdə alternativ əmək xidmətini başa vuran şəxsi heyət alternativ əmək xidmətindən azad ediləcək.
20-11-2025, 14:37
Köç karvanı Hadrut qəsəbəsinə çatdı - FOTO
Növbəti köç karvanı Xocavəndin Hadrut qəsəbəsinə çatıb.
Noyabrın 20-də doğma yurduna yola salınan köç karvanı Hadrut qəsəbəsinə çatıb.
Bu mərhələdə Hadrut qəsəbəsinə köçürülən 63 nəfərdən ibarət 17 ailəyə mənzillərin açarları təqdim edilib.
Mərasimdə Ağdam, Füzuli və Xocavənd rayonlarında Azərbaycan Respublikası Prezidentinin xüsusi nümayəndəliyinin, Qaçqınların və Məcburi Köçkünlərin İşləri üzrə Dövlət Komitəsinin nümayəndələri iştirak ediblər.
20-11-2025, 14:21
Şuşakəndə 54 nəfər qayıtdı - FOTO
Noyabrın 20-də Xocalı rayonunun Şuşakənd kəndinə növbəti dəfə köç olub.
Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinin ictimaiyyətlə əlaqələr şöbəsindən verilən məlumata görə, bu mərhələdə Şuşakəndə 54 nəfərdən ibarət 15 ailə qayıdıb.
Mənzillərin açarlarının təqdimatında çıxış edən Xankəndi şəhərində, Ağdərə və Xocalı rayonlarında Azərbaycan Respublikası Prezidentinin xüsusi nümayəndəsinin müavini Səbuhi Qəhrəmanov, sakinləri doğma yurdlarına qayıdış münasibətilə təbrik edərək bildirib ki, işğaldan azad edilmiş ərazilərdə həyata keçirilən bərpa və yenidənqurma proqramı çərçivəsində Şuşakənd və digər yaşayış məntəqələrində bütün əsas infrastruktur, yol, su, elektrik, qaz və digər kommunal xidmətlər tam şəkildə təmin olunub.
Qeyd olunub ki, bu mərhələ ilə birlikdə Şuşakəndə ümumilikdə 284 nəfər -yəni 76 ailə qayıdıb.
20-11-2025, 14:08
PUA ilə 33 kiloqramdan çox narkotikin ölkəmizə keçirilməsinin qarşısı alındı
İrandan Azərbaycana uçuş aparatı vasitəsilə külli miqdarda narkotik vasitənin keçirilməsinin qarşısı alınıb.
Bu barədə Dövlət Sərhəd Xidmətindən məlumat verilib.
Bildirilib ki, dövlət Sərhəd Xidmətinin Sərhəd Qoşunları Komandanlığının "Göytəpə" sərhəd dəstəsinin xidməti ərazisində İrandan uçuş aparatı vasitəsilə narkotik vasitənin Azərbaycana keçirilməsinin qarşısı alınıb.
Əməliyyat-qoşun tədbirləri nəticəsində ümumi çəkisi 33 kiloqram 345 qram narkotik vasitə (29 kq 575 qram marixuana; 3 kq 125 qram metamfetamin; 565 qram tiryək; 80 qram metadon suyu) və 6758 ədəd narkotik tərkibli metadon M – 40 həbi aşkar olunaraq götürülüb.
Faktla bağlı əməliyyat-istintaq tədbirləri davam etdirilir.
20-11-2025, 13:57
Kanalizasiyada ölən Cümşüdə görə vəzifəli şəxsə cinayət işi açılıb
“Baksol” yolu ərazisində yolun çökməsi nəticəsində kanalizasiyaya düşüb ölən 27 yaşlı Cümşüd Cümşüdlü ilə bağlı başlanmış cinayət işinin istintaqı başa çatıb.
Hadisə ilə bağlı Bakı Su Kanal İdarəsinin kanalizasiya kollektorları və təzyiq xidmətlərində qəza-bərpa üzrə sahə rəisi Azər Cümşüdov cinayət məsuliyyətinə cəlb edilib.
Amma sahə rəisi həbs edilməyib. Məhkəməyə qədər onun barəsində “başqa yerə getməmək haqda” qətimkan tədbiri seçilib.
Hazırda prokurorluqda toplanmış materiallar baxılması üçün Nərimanov Rayon Məhkəməsinə göndərilib. İşi hakim Gültəkin Əsədova araşdıracaq.
Qeyd edək ki, Cümşüdün meyiti Suraxanı rayonunun Hövsan qəsəbəsində yerləşən kanalizasiya təmizləmə anbarında tapılmışdı. O, ailənin yeganə övladı idi.
20-11-2025, 13:48
Azərbaycanda avtomobil nömrələrində defis işarəsi ləğv edildi
Azərbaycanda avtomobil nömrələrində yenilik edilib.
Bununla bağlı müvafiq qərar imzalanıb.
Qərara görə, AZS 599:2025 dövlət standartına əsasən, dövlət qeydiyyat nişanlarında rəqəm və hərflər arasındakı "defis" işarələri ləğv edilib.
Xatırladaq ki, bir müddət əvvəl dövlət qeydiyyat nişanlarındakı mikroçiplər də ləğv edilmişdi.
Qeyd edək ki, bu günə qədər avtomobil nömrələrindəki defis işarəsini silən sürücülər cərimə olunurdu.
20-11-2025, 00:43
34 il əvvəl Qarakənddə kimlər həlak olmuşdu... - SİYAHI
Bu gün Azərbaycanın müstəqillik tarixinin ən faciəli hadisələrindən birinin ildönümüdür.
1991-ci il noyabrın 20-də Xocavənd rayonunun Qarakənd kəndi üzərində “Mi-8” vertolyotunun ermənilər tərəfindən vurulmasından 34 il ötür.
Vertolyotun vurulması nəticəsində Azərbaycanın bir çox dövlət xadimləri və jurnalistlər həlak olublar.
Həlak olanlar arasında dövlət katibi Tofiq İsmayılov, baş prokuror İsmət Qayıbov, dövlət müşaviri, sabiq daxili işlər naziri Məhəmməd Əsədov, millət vəkilləri Vaqif Cəfərov, Vəli Məmmədov, baş nazirin müavini Zülfü Hacıyev, Prezident Aparatının şöbə müdiri, jurnalist Osman Mirzəyev, Qazaxıstan daxili işlər nazirinin müavini Sanlal Serikov, Azərbaycan Dövlət Televiziyasının jurnalisti Alı Mustafayev də var. Ümumilikdə qəza nəticəsində 22 nəfər həlak olub.
1991-ci il noyabrın 20-də “Mi-8” hərbi vertolyotunda həlak olanlar:
- Tofiq Kazım oğlu İsmayılov - dövlət katibi;
- İsmət İsmayıl oğlu Qayıbov - Baş prokuror;
- Məhəmməd Nəbi oğlu Əsədov - dövlət müşaviri;
- Zülfi Saleh oğlu Hacıyev - Baş nazirin müavini;
- Vaqif Cəfər oğlu Cəfərov - millət vəkili;
- Vəli Hüseyn oğlu Məmmədov - millət vəkili;
- Osman Mirzə Hüseyn oğlu Mirzəyev - Prezident Aparatında şöbə müdiri;
- Qurban Hüseyn oğlu Namazəliyev - nazir müavini;
- İqor Aleksandroviç Plavski - keçmiş DQMV-nin prokuroru;
- Vladimir Vladimiroviç Kovalyov - keçmiş DQMV Daxili İşlər İdarəsinin rəisi;
- Sergey Semyonoviç İvanov - Dağlıq Qarabağ üzrə Milli Təhlükəsizlik Şöbəsinin rəisi;
- Nikolay Vladimiroviç Jinkin - fövqəladə vəziyyət rayonunun komendantı;
- Sanlal Dasumoviç Serikov - Qazaxıstan DİN-in müavini;
- Mixail Dmitriyeviç Lukaşov - milis general-mayoru;
- Oleq Nikolayeviç Koçerev - polkovnik-leytenant;
- Rafiq Məmməd oğlu Məmmədov - dövlət katibinin köməkçisi;
- Alı Mustafa oğlu Mustafayev - telejurnalist;
- Arif İsmayıl oğlu Hüseynzadə - “AzTV”də işıqçı;
- Fəxrəddin İbrahim oğlu Şahbazov - video-operator;
- Vyaçeslav Vladimiroviç Kotov - vertolyot heyətinin komandiri;
- Gennadi Vladimiroviç Domov - vertolyot heyətinin üzvü;
- Dmitri Borisoviç Yarovenko - vertolyot heyətinin üzvü.
20-11-2025, 00:30
Azərbaycanda iki şəhidin məzarı qarət edildi - VİDEO
Bakıda 2 Vətən Müharibəsi şəhidinin məzarı qarət edilib.
Hadisə Bakıxanov qəsəbəsində yerləşən Şəhidlər xiyabanında baş verib.
Şəhid Mayor Səyavuş Kəlbalıyevin həyat yoldaşı Pərvanə Kəlbalıyeva deyir ki, hadisə ilə bağlı xəbəri səhər saatlarında alıb.
Onun oğurlanan yeganə əşyaları (döyüş dəbilqəsi və çəkmələri) 4 ildir şüşə qutunun içərisində, məzarın yanında qorunurmuş.
Digər şəhid Fəxri Məmmədovun atası Habil Fəxri isə deyir ki, hadisəni eşidəndəndən dərin sarsıntı içərisindədirlər:
“Balamın əlləri dəyən öz gitarasını, tək təsəllimizi aparıblar”.
Hadisə ilə bağlı DİN-dən bildirilib ki, məsələ ilə bağlı araşdırma aparılır.
Əməli törədən şəxs və ya şəxslərin müəyyən olunaraq saxlanılması istiqamətində əməliyyat axtarış tədbirləri davam etdirilir.
Ətraflı “Xəzər Xəbər”in videomaterialında:
20-11-2025, 00:13
Prezident Ağdamla bağlı paylaşım etdi
Prezident İlham Əliyev Ağdamın işğaldan azad olunmasının 5-ci ildönümü ilə bağlı sosial şəbəkə hesablarında paylaşım edib.
Butov.az həmin paylaşımı təqdim edir:
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!