22-11-2025, 18:52
Arif Buzovnalı dəfn edildi
Azərbaycan Yazıçılar Birliyinin üzvü, şair Arif Buzovnalı ilə vida mərasimi Məşədi Qərib məscidində başa çatıb.
Mərhum şairlə vida mərasimində ailə üzvləri və sənət dostları iştirak ediblər.
Arif Buzovnalı Buzovna qəbiristanlığında dəfn edilib.
22-11-2025, 18:45
Ramiz Mehdiyevin səhhəti pisləşdi - Təcili yardım çağırıldı
Hazırda ev dustaqlığında saxlanılan Prezident Administrasiyasının sabiq rəhbəri Ramiz Mehdiyevin səhhəti pisləşib.
Dünən gecə saatlarında sabiq PA rəhbərinin səhhəti pisləşib və təcili tibbi yardım çağırılıb.
Ramiz Mehdiyevin ailəsi özəl klinikaların birindən həkim briqadası çağırıb.
İlkin tibbi yardım göstəriləndən sonra Mehdiyevin səhhəti qaydasına düşüb.
Vurğulanıb ki, Ramiz Mehdiyev tənəffüs yollarındakı problemlərdən əziyyət çəkir.
Qeyd edək ki, Ramiz Mehdiyev DTX-nin İstintaq Baş İdarəsində cinayət məsuliyyətinə cəlb olunub.
Onun barəsində ev dustaqlığı qətimkan tədbiri seçilib.
Xatırladaq ki, Ramiz Mehdiyev dövlət çevrilişinə cəhd, vətənə xəyanət və korrupsiya kimi ağır ittihamlarla istintaqa cəlb olunub.
22-11-2025, 17:43
Erməni ekspertlər Hikmət Hacıyevlə görüşdülər - FOTO
21-22 noyabr 2025-ci il tarixlərində “Sülh Körpüsü” Təşəbbüsü çərçivəsində Ermənistan vətəndaş cəmiyyəti nümayəndələrindən ibarət qrupun Azərbaycana səfəri baş tutub.
Səfər çərçivəsində Təşəbbüsün Ermənistandan olan nümayəndələri Areq Koçinyan, Boris Navasardyan, Naira Sultanyan, Narek Minasyan və Samvel Meliksetyan Azərbaycandan olan həmkarları Fərhad Məmmədov, Rusif Hüseynov, Kəmalə Məmmədova, Ramil İskəndərli və Fuad Abdullayev ilə görüşüblər.
Görüş zamanı Azərbaycan və Ermənistan arasında sülh prosesinin dinamikası, vətəndaş cəmiyyətinin dialoqun bərpasındakı rolu və yaxın gələcəkdə icra olunacaq birgə layihələr müzakirə olunmuş, həmçinin sülh prosesi ilə bağlı hər iki cəmiyyəti maraqlandıran aktual mövzulara da toxunulub.
Bundan əlavə, media məkanında birgə fəaliyyətin intensivləşdirilməsi, ekspert qrupları arasında birbaşa əlaqələrin qurulması, Azərbaycan və Ermənistan vətəndaş cəmiyyətlərinin sülh prosesinə daha geniş şəkildə cəlb edilməsi barədə razılıq əldə olunub.
“Sülh Körpüsü” Təşəbbüsü çərçivəsində işgüzar səviyyədə əlaqələrin və hər iki ölkəyə qarşılıqlı səfərlərin davam etdirilməsi də qərara alınıb.
Səfər zamanı “Sülh Körpüsü” Təşəbbüsü üzvləri Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev ilə görüşüblər.
Səmimi şəraitdə keçən fikir mübadiləsi zamanı Vaşinqton görüşündən sonra Azərbaycan və Ermənistan tərəfindən sülh gündəliyinin möhkəmləndirilməsi istiqamətində atılan addımlar müzakirə olunub.
Hikmət Hacıyev Təşəbbüs üzvlərinin suallarını cavablandırıb.
22-11-2025, 17:28
4 nəfərin ölümünə görə “Lake Hotel”in rəhbəri HƏBS EDİLDİ
Noyabrın 21-də paytaxtın Binəqədi rayonu, Xırdalan–Binəqədi şossesində yerləşən “Lake Hotel”in işçiləri — 1997-ci il təvəllüdlü Cavidan Muradlı, 2005-ci il təvəllüdlü Emil Quliyev, 2006-cı il təvəllüdlü Eltac Əliyev və 2007-ci il təvəllüdlü Əkbər Zeynalovun iş görən zaman elektrik cərəyanı vurması nəticəsində ölmələri faktına görə Binəqədi rayon prokurorluğunda Cinayət Məcəlləsinin 162.3-cü (əmək mühafizəsi qaydalarının pozulması ehtiyatsızlıqdan iki və daha çox şəxsin ölümünə səbəb olduqda) maddəsi ilə başladılan cinayət işi başa çatıb.
Bu barədə baş Prokurorluğun mətbuat xidmətindən məlumat verilib.
"Cinayət işi üzrə prokuror-kriminalist və müvafiq ekspertin iştirakı ilə hadisə yerinin ətraflı müayinəsi aparılaraq maddi sübutlar toplanıb, çoxsaylı istintaq hərəkətləri yerinə yetirilib, habelə ekspertizalar təyin olunub.
Toplanmış sübutlarla “Lake Hotel”in icarədarı Ağasif Verdiyev tərəfindən elektrik şəbəkəsinin mühafizə zonası ərazisində planlaşdırılan və həyata keçirilən işlər zamanı Azərbaycan Respublikası Nazirlər Kabinetinin 16 may 2024-cü il tarixli Qərarı ilə təsdiq olunmuş “Elektrik şəbəkələrinin mühafizə zonalarının ölçüləri və həmin ərazilərdə təsərrüfat işlərinin aparılmasına dair Tələblər”ə və digər normativ aktlara zidd olaraq texniki təhlükəsizlik və əmək mühafizəsi qaydalarını pozmasına əsaslı şübhələr müəyyən edilib.
Ağasif Verdiyev noyabrın 21-də cinayət işi üzrə rayon prokurorluğu tərəfindən şübhəli şəxs qismində tutulub.
Noyabrın 22-də A.Verdiyev Cinayət Məcəlləsinin 162.3-cü maddəsi ilə təqsirləndirilən şəxs qismində cəlb olunaraq, ona həmin maddədə nəzərdə tutulan ittiham elan olunub.
İstintaq orqanının vəsatəti və ibtidai araşdırmaya prosessual rəhbərliyi həyata keçirən prokurorun təqdimatı əsasında A.Verdiyevin barəsində Bakı şəhəri Binəqədi Rayon Məhkəməsinin qərarı ilə həbs qətimkan tədbiri seçilib.
Hazırda cinayət işi üzrə ibtidai istintaq davam edir və baş vermiş hadisədə təqsiri olan bütün şəxslərin müəyyən edilərək məsuliyyətə cəlb olunmaları istiqamətində zəruri istintaq və əməliyyat-axtarış tədbirləri həyata keçirilir.
Nəticəsi barədə ictimaiyyətə əlavə məlumat veriləcəkdir".
22-11-2025, 17:17
Əhməd Oruc VƏFAT ETDİ
Bir neçə ay əvvəl fəaliyyətinə son verilmiş Azadlıq Partiyasının sədri Əhməd Oruc vəfat edib.
Bu barədə Əhməd Orucun oğlu Abdul Oruc məlumat verib.
Qeyd edək ki, bir müddət əvvəl Əhməd Oruc insult keçirərək xəstəxanaya yerləşdirilmişdi.
22-11-2025, 16:57
İki ay komada qalan Vətən müharibəsi iştirakçısı vəfat etdi
Sentyabrın 27-də Qubada avtomobilin ağaca çırpılması nəticəsində yaralanan Asim Qafarov vəfat edib.
Asim Qafarov iki aya yaxın müddət ərzində komada qaldıqdan sonra dünyasını dəyişib.
O, Vətən müharibəsi iştirakçısı olub.
Qeyd edək ki, sözügedən qəzada sürücü Ceyhun Yusifov hadisə yerində həyatını itirmişdi.
22-11-2025, 16:38
İranda Hirkan meşələri yanır - Tehran yardım istəyir
İranın şimalındakı Hirkan meşələrində bir neçə gündür davam edən genişmiqyaslı yanğın nəzarətdən çıxıb. Mazandaran vilayətinin dağlıq Elit bölgəsində daha da güclənən yanğın səbəbindən rəsmi Tehran beynəlxalq ictimaiyyətə təcili yardım müraciəti edib.
"Anadolu" agentliyinin məlumatına görə, yanğının söndürülməsinə yanğınsöndürənlər, ekologiya qurumunun əməkdaşları, “Bəsic” könüllüləri və dağ xilasediciləri cəlb edilib. Lakin ərazinin çətin relyefi, güclü külək və sıx ot örtüyü alovun sürətlə yayılmasına səbəb olur. Dağlıq bölgədə helikopterlərin məhdud istifadəsi də işləri çətinləşdirir.
İranın vitse-prezidenti Mühəmməd Cəfər Qaimpenah bildirib ki, ölkə alovu nəzarət altına ala bilmir və buna görə yaxın dost ölkələrdən sürətli yardım istəyib:
“Elit bölgəsinin dağlıq relyefi yanğını öz imkanlarımızla söndürməyə imkan vermir. Digər ölkələrdən təcili dəstəyə ehtiyacımız var”..
Onun sözlərinə görə, yardım müraciəti həm mövcud yanğının lokallaşdırılması, həm də onun ətraf meşə massivlərinə yayılmasının qarşısının alınması üçün göndərilib.
22-11-2025, 16:19
Yeni Konstitusiya qəbul edilməlidir - Paşinyan çağırış etdi
Ermənistanın baş naziri Nikol Paşinyan ölkədə yeni Konstitusiya qəbul edilməsinin hakimiyyətin daxili legitimliyini gücləndirmək üçün vacib olduğunu bildirib.
O, bu fikri ictimaiyyət qarşısındakı çıxışı zamanı səsləndirib.
Paşinyan deyib ki, Ermənistan beynəlxalq aləmdə tanınmış ərazi bütövlüyünün qorunmasını prioritet hesab edir və yenilənmiş Konstitusiya bu istiqamətdə əsas hüquqi mexanizm rolunu oynamalıdır.
“Daxili legitimliyimizin gücləndirilməsi fundamental məsələdir və bu, yeni Konstitusiyanın qəbulunda öz əksini tapmalıdır”, – deyə o qeyd edib.
Ermənistanda Konstitusiya islahatları son aylarda geniş müzakirə mövzusuna çevrilib. Yeni sənədin hazırlanması ilə bağlı prosesin gələn il sürətlənəcəyi gözlənilir.
22-11-2025, 16:14
]198 sahibkar reklama görə cəzalandırılıb - RƏSMİ
Cari ilin ilk üç rübündə Azərbaycan Respublikasının Dövlət Reklam Agentliyinin vəzifəli şəxsləri tərəfindən “Reklam haqqında” Qanunun tələblərinin pozulması ilə bağlı 278 inzibati xəta haqqında protokol tərtib edilərək baxılması üçün məhkəməyə göndərilib.
Azərbaycan Dövlət Reklam Agentliyindən bildirilib ki, məhkəmələrin qəbul etdiyi qərarlara əsasən açıq məkanda reklamı olan ümumilikdə 198 fiziki və hüquqi şəxs olan sahibkara cərimə tətbiq olunub.
Bildirilib ki, qanunvericiliyin pozulması hallarının əksəriyyətini müvafiq icazə olmadan, həmçinin onun tələbləri pozulmaqla açıq məkanda reklam yerləşdirilməsi təşkil etmişdir. Azərbaycan Respublikası Dövlət Reklam Agentliyinin açıq məkanda reklam sahəsində nəzarətin həyata keçirilməsi çərçivəsində verdiyi yazılı göstərişlərin və qərarların vaxtında və tam yerinə yetirilməməsi də əsas pozuntu hallarındandır.
22-11-2025, 15:50
G20 sammiti başladı
Cənubi Afrika Respublikasında (CAR) G20 sammiti işinə başlayıb.
Sammiti ölkə Prezidenti Siril Ramafosa açıb.
O qeyd edib ki, CAR Qlobal Cənubun və Afrikanın inkişaf prioritetlərinin G20-nin gündəliyində əks olunmasını təmin etmək istəyir.
Ramafosanın sözlərinə görə, sammitdə iştirak edən ölkələr yekun bəyannaməni razılaşdırıblar.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!