25-03-2026, 23:47
Fidan Əraqçi ilə hərbi əməliyyatlardan danışdı
Türkiyənin xarici işlər naziri Hakan Fidan ilə İran İslam Respublikasının xarici işlər naziri Abbas Əraqçi arasında telefon danışığı olub.
Bu barədə Türkiyənin Xarici İşlər Nazirliyi məlumat yayıb.
Bildirilib ki, tərəflər bölgədə davam edən son proseslər və hərbi əməliyyatlarla bağlı fikir mübadiləsi aparıblar.
25-03-2026, 23:26
Rusiyada dollar qadağası - RƏSMİ
Rusiyadan Avrasiya İqtisadi Birliyi ölkələrinə 100 min dollardan çox məbləğdə nağd pul aparmaq qadağan edilib.
Bu barədə Rusiya Prezidenti Vladimir Putin Fərman imzalayıb.
Bundan artıq məbləğ üçün yalnız rəsmi icazə alınmalıdır.
25-03-2026, 23:00
Millimiz məğlubiyyətlə başladı
Azərbaycanın 19 yaşadək futbolçulardan ibarət millisi Avropa çempionatının seçmə mərhələsinə məğlubiyyətlə başlayıb.
B Liqasının 6-cı qrupunda yer alan U-19 ilk görüşünü meydan sahibi Litva seçməsinə qarşı keçirib.
Kaunasdakı "Raudondvario" stadionunda keçirilən qarşılaşma meydan sahiblərinin qələbəsi ilə başa çatıb - 4:0.
Qeyd edək ki, U-19 növbəti görüşünü martın 28-də Şimali İrlandiyaya qarşı keçirəcək.
25-03-2026, 22:10
"İran Yaxın Şərqdəki bütün ABŞ bazalarını məhv edib"
"İran Silahlı Qüvvələri Yaxın Şərqdəki bütün ABŞ bazalarını məhv edib".
Bunu "Xatəm əl-Ənbiya" hərbi komandanlığının mərkəzi qərargahının rəsmi nümayəndəsi İbrahim Zülfəqari deyib.
"Regionda bütün ABŞ bazaları məhv edildiyindən, amerikalı komandirlər və əsgərlər qaçaraq bazalardan kənardakı sığınacaqlarda gizləniblər və biz onları axtarırıq", - deyə o bildirib.
İ.Zülfəqari, həmçinin Yaxın Şərq bölgəsinin bütün sakinlərini ABŞ hərbçilərinin gizləndiyi yerlər barədə məlumat verməyə, habelə "öz təhlükəsizlikləri üçün onların qovulmasını tələb etməyə" çağırıb.
25-03-2026, 21:32
Mirzoyan: "İrəvanın məqsədi Bakı ilə qarşılıqlı faydalı əməkdaşlıq qurmaqdır"
Hazırkı gərgin regional mühitdə Ermənistan və Azərbaycan arasında sülh artıq öz etibarlılığını sübut edib.
Bunu Ermənistanın xarici işlər naziri Ararat Mirzoyan Milli Məclisin iclasında bildirib.
O, vurğulayıb ki, sülh hər iki tərəf üçün faydalı olduğu müddətcə qorunub saxlanıla bilər.
Onun sözlərinə görə, İrəvanın məqsədi uzunmüddətli sülhün qorunmasına töhfə verəcək Bakı ilə qarşılıqlı faydalı əməkdaşlıq sistemi yaratmaqdır.
25-03-2026, 21:07
"ABŞ “Buşehr” AES-lə bağlı heç bir zəmanət vermir"
ABŞ İranın “Buşehr” Atom Elektrik Stansiyası ilə bağlı vəziyyət üzrə heç bir zəmanət vermir.
Bu barədə Rusiya Prezidentinin mətbuat katibi Dmitri Peskov bildirib.
Onun sözlərinə görə, Moskva bu obyektə zərbələrin yaratdığı təhlükə ilə bağlı öz mövqeyini Vaşinqtona çatdırır.
“Heç bir zəmanət yoxdur, lakin biz hər dəfə bu zərbələrin arxasında duran ciddi təhlükə ilə bağlı mövqeyimizi onların diqqətinə çatdırırıq”, – deyə Peskov qeyd edib.
25-03-2026, 20:41
Xaçmazda meşədə gənc oğlan meyiti tapıldı
Xaçmazda meşədə meyit tapılıb.
Hadisə şəhər ərazisində qeydə alınıb.
Xudat şəhər sakini, 25 yaşlı Şükür Rəsul oğlu Musayevin meyiti Xaçmaz şəhəri ərazisindəki meşəlik sahədə aşkarlanıb. Onun hansı səbəblə öldüyü bilinmir.
Araşdırma aparılır.
25-03-2026, 20:29
Livanda ölənlərin sayı 1094-ə çatıb
Son 24 saat ərzində İsrailin Livanın cənub və şərqində hava hücumları nəticəsində ən azı 22 nəfər həlak olub, daha 153 nəfər yaralanıb.
Bu rəqəmlər Səhiyyə Nazirliyinin hesabatında qeyd olunub.
"Hərbi eskalasiyanın başlanğıcından bəri həlak olan mülki şəxslərin ümumi sayı 1094-ə, yaralılar isə 3119-a çatıb. Martın 2-dən 24-dək İsrailin hücumlarının qurbanları arasında 120 uşaq və 81 qadın var."
Livan Daxili İşlər Nazirliyinin məlumatına görə, əsasən Beyrutda 1 milyondan çox şəxs müharibə səbəbindən şəhəri tərk edib.
25-03-2026, 19:56
Zərdabda maşın kanala düşdü: 3 ölü, 4 yaralı - YENİLƏNİB
Bu gün Zərdabda yol qəzasında xəsarət alan 4 nəfərdən biri dünyasını dəyişib.
Xəsarət alan Mütəllim Mütəllimov həkimlərin səyinə baxmayaraq, Zərdab Rayon Mərkəzi Xəstəxanasında ölüb.
***
10:50
Zərdabda yol qəzası olub, ölən ve xəsarət alan var.
Hadisə rayonunun Əlvəd kəndi ərazisində qeydə alınıb.
Belə ki, “Hyundai Santa Fe” markalı avtomobil idarəetmədən çıxaraq su kanalına aşıb.
Hadisə nəticəsində 2 nəfər - Nəsibov Rasim Yaqub oğlu və Nəsibova Paket Kamran qızı ölüb, 4 nəfər - Vidadi Nəsibov, Vəkil Abışov, Ramilə Baxışova ve Umud Mütəllimov isə xəsarət alıb.
25-03-2026, 19:10
Google-dan BBC-yə: Yeni baş dirketor kimdir?
Google-un keçmiş icraçı direktoru Mett Brittin BBC-nin yeni baş direktoru olacaq.
Bu barədə BBC məlumat yayıb.
57 yaşlı Brittin əvvəllər Google-un Avropa, Yaxın Şərq və Afrika üzrə biznes əməliyyatlarına rəhbərlik edib.
Karyerasının əvvəlində o, "McKinsey" konsaltinq firmasında və "Trinity Mirror" media şirkətində çalışıb. O, 2007-ci ildən 2025-ci ilə qədər Google-da müxtəlif vəzifələrdə çalışıb.
Brittin Kembric Universitetinin məzunudur və 1989-cu il Dünya Avarçəkmə Çempionatında Böyük Britaniya komandasının bürünc medalçısıdır.
Brittin yeni vəzifəsinə mayın 18-də başlayacaq.
Onun sələfi Tim Deyvi ötən il ABŞ Prezidenti Donald Trampın çıxışının təhrif edilməsi ilə bağlı mübahisələr fonunda istefa verdiyini açıqlayıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!