28-02-2026, 16:17
İranda həlak olan şagirdlərin sayı 57-ə çatıb - YENİLƏNİB
İranda Miyanab bölgəsində qızlar məktəbinə hava zərbələri nəticəsində ölən şagirdlərin sayı 50-ni ötüb.
Hadisə zamanı ölən şagirdlərin sayı 57-yə çatıb. Yaralananların sayı isə 60-dır.
***
15:30
İranın Körfəz sahilindəki Bəndər Abbas limanı yaxınlığındakı Minab şəhəri ABŞ bombardmanına məruz qalıb.
Raket zərbələri nəticəsində 40 nəfər ölüb, 48 nəfər isə müxtəlif dərəcəli bədən xəsarəti alıb. Şəhər merinin verdiyi məlumata görə, ibtidai məktəb də raket zərbəsinə məruz qalıb və şagirdlər arasında da ölənlər var. Hələlik neçə şagirdin ölməsi məlum deyil. Hadisə yerində çalışan fövqəladə hallar üzrə komissiyanın əməkdaşları dağıntılar arasında qalan şagirdləri xilas edirlər. Bu məktəbdə 170 şagird təhsil alır.
Məktəb və universitetdə dərslər, eləcə də banklar və dövlət idarələri də fəaliyyətlərini dayandırıb.
İran mətbuatının xəbərinə görə, Bəndər Abbas limanında İranın dəniz nəqliyyatı üçün infrastrukturu var. ABŞ məhz buna görə limanı və onun yaxınlığındakı obyektləri hədəf alıb.
***
15:11
İsrail və ABŞ hücumu nəticəsində, ölən qızların sayı 18-ə çatıb.
İranın Minəb şəhərinin xüsusi qubernatoru bildirib ki, bu şəhərdəki qızlar məktəbinə İsrail rejiminin hücumunda həlak olanların sayı 18-ə çatıb.
***
14:32
İsrailin zərbələri nəticəsində İranda 5 nəfər ölüb.
İsrailin İranın cənubuna endirdiyi zərbələr nəticəsində azı beş nəfər həlak olub.
Onların ibtidai sinif şagirdləri olduğu bildirilir.
28-02-2026, 16:12
Abbas Ərqaçi 6 ölkə ilə telefon danışığı apardı
İran XİN başçısı Körfəz ölkələrinin həmkarları ilə danışdı.
İranın Xarici İşlər naziri Abbas Əraqçi Səudiyyə Ərəbistanı, BƏƏ, Qatar, Küveyt, Bəhreyn və İraq həmkarları ilə telefon danışığı apararaq onlara son hadisələr barədə məlumat verib.
Əraqçi ABŞ və İsrailin İrana endirdiyi zərbələri BMT Nizamnaməsinin əsas prinsiplərinin kobud şəkildə pozulması və beynəlxalq sülh və təhlükəsizliyə qarşı açıq cinayət adlandırıb.
28-02-2026, 16:08
Prezident olsaydım müharibə olmazdı - Bayden
Əgər mən prezident olsaydım, bu müharibə olmazdı!
Bunu ABŞ-nin eks-prezident Co Bayden bildirib.
Qeyd edək ki, Co Bayden ABŞ-nin 46-cı prezidentidir. Onun dövründə Rusiya-Ukrayna müharibəsi başlayıb və hələ də davam edir.
28-02-2026, 15:59
Suriyaya raket qalıqları düşdü: Ölənlər var
Suriyanın şəhərinə raket qalıqları düşüb.
Suriyanın Əs-Suvayda şəhərinə raket qalıqları düşüb. Hücum nəticəsində ölənlər və yaralananlar olduğu bildirilir
27-02-2026, 22:18
Tramp: İranın mövqeyindən narazıyam
ABŞ Prezidenti Donald Tramp İranla bağlı açıqlama verərək bildirib ki, Tehran nüvə silahına sahib ola bilməz.
O, İranın mövqeyindən məmnun deyil, lakin cümə günü əlavə danışıqlar keçiriləcəyini qeyd edib.
Tramp vurğulayıb ki, İran razılaşma əldə etmək istəyir və ABŞ hərbi güc tətbiq etmək istəmir, amma bəzi hallarda buna məcbur qala bilər.
Prezident əlavə edib ki, İran açıq şəkildə “nüvə silahı olmayacaq” kimi qəti mövqe ortaya qoymur.
27-02-2026, 22:02
Qazaxıstan vətəndaşlarını İranı tərk etməyə çağırıb
İran ətrafında davam edən gərginlik səbəbindən Qazaxıstan Xarici İşlər Nazirliyi vətəndaşlarına vəziyyət sabitləşənədək bu ölkəyə səfər etməməyə çağırış edib.
Rəsmi açıqlamada hazırda İranda olan Qazaxıstan vətəndaşlarına mümkün olduqda ölkəni tərk etmək tövsiyə edildiyi qeyd edilib.
Onlara təhlükəsizlik qaydalarına ciddi əməl etmək, ayıq-sayıq olmaq, rəsmi məlumatları izləmək və yerli qurumların göstərişlərinə riayət etmək məsləhət görülüb.
Nazirlik həmçinin Yaxın Şərq ölkələrinə səfər planlaşdıran şəxslərə bölgədə vəziyyətin qəfil kəskinləşə biləcəyini nəzərə almağı tövsiyə edib.
Bildirilib ki, Qazaxıstanın İrandakı diplomatik nümayəndəlikləri fəaliyyətini normal rejimdə davam etdirir.
27-02-2026, 21:22
“Qalatasaray” prezidentinə 15 günlük cəza verildi
Türkiyənin Galatasaray klubunun prezidenti Dursun Özbek barəsində intizam tədbiri görülüb.
Qərar Peşəkar Futbol İntizam Komitəsi (PFDK) tərəfindən qəbul edilib.
Qərara əsasən, klub rəhbəri 15 gün müddətinə futbol fəaliyyətindən uzaqlaşdırılıb və hüquqlarından məhrum edilib
Eyni zamanda, “sarı-qırmızılılar” ümumilikdə 3 milyon 700 min türk lirəsi məbləğində cərimə olunub. Bundan əlavə, klubun fevralın 21-də “X” sosial şəbəkəsində və fevralın 22-də rəsmi internet səhifəsində yayımladığı açıqlamalarda futbol qurumlarının nüfuzuna xələl gətirən ifadələrə görə əlavə 2,7 milyon lirə cərimə tətbiq edilib.
27-02-2026, 21:03
Pakistanla Əfqanıstan niyə döyüşür?
Pakistan və Əfqanıstan arasında münasibətlər son günlər kəskin şəkildə gərginləşib. Rəsmi İslamabad və Kabilin açıqlamasına görə, Pakistan ötən gecə Əfqanıstan ərazisində hava zərbələri endirib, Talibanın hərbi postları və sursat anbarları hədəfə alınıb.
Bu addımın Əfqanıstan tərəfinin Pakistan sərhəd qüvvələrinə hücumundan sonra atıldığı bildirilib. Pakistanın müdafiə naziri vəziyyəti “açıq müharibə” adlandırıb.
Pakistan uzun illər Talibanı dəstəkləsə də, 2021-ci ildə onların hakimiyyətə qayıdışından sonra münasibətlər gözlənildiyi kimi inkişaf etməyib. İslamabad iddia edir ki, “Təhrik-e-Taliban Pakistan” (TTP) qruplaşmasının rəhbərliyi və döyüşçüləri Əfqanıstan ərazisində sığınacaq tapır və Pakistana qarşı hücumlar həyata keçirirlər. Kabil isə bu ittihamları rədd edir və əksinə, Pakistanı İŞİD döyüşçülərinə sığınacaq verməkdə suçlayır.
Son aylarda sərhəddə toqquşmalar və keçid məntəqələrinin bağlanması ticarətə və hərəkətə ciddi təsir göstərib. Pakistan tərəfi 2024-cü ilin sonundan bəri ölkədə baş verən bir sıra terror aktlarının Əfqanıstanla əlaqəli olduğunu bildirir. Bajaur bölgəsində 11 təhlükəsizlik əməkdaşının və iki mülki şəxsin ölümü ilə nəticələnən son hücuma görə məsuliyyəti TTP üzərinə götürüb.
Analitiklər hesab edir ki, Pakistan hərbi əməliyyatları genişləndirə bilər. Talibanın canlı qüvvəsi təxminən 172 min nəfər olsa da, Pakistan ordusunun 600 mindən çox aktiv şəxsi heyəti və güclü hava qüvvələri var. Pakistan nüvə silahına malikdir.
27-02-2026, 20:50
Taliban qaydaları qadınları təhlükəyə atır – XƏBƏRDARLIQ
Talibanın tətbiq etdiyi qaydalar Əfqanıstanda qadınların və uşaqların həyatını təhlükə altına qoyur.
Bu barədə Əfqanıstan üzrə BMT-nin Xüsusi Məruzəçisi Riçard Bennet məlumat verib.
Onun sözlərinə görə, qadınlar xəstəxanaya müraciət edərkən kişi qəyyumun müşayiəti, geyim qaydalarına riayət və kişi həkim tərəfindən müayinə kimi tələblərlə üzləşir. Bəzi hallarda qadınlara kişi müşayiəti olmadığı üçün təcili yardım xidməti göstərilmir.
Bennetin BMT İnsan Hüquqları Şurasına təqdim etdiyi hesabatda bir qadının tək olduğu üçün xəstəxana qapısında doğuş etdiyi, başqa bir qadının isə övladını xəstəxanaya apara bilmədiyi üçün itirdiyi qeyd olunub.
Ekspert bildirib ki, qadınların tibbi təhsilinə qoyulan qadağa gələcəkdə qadın həkimlərin sayını azaldacaq və bu, səhiyyə sistemini daha da zəiflədəcək.
Əfqanıstanın sabiq səhiyyə naziri Suraya Dalil isə doğuş zamanı ana və uşaq ölümlərinin arta biləcəyi ilə bağlı narahatlığını ifadə edib.
27-02-2026, 20:05
Şamaxıda 3-cü ZƏLZƏLƏ
Şamaxı rayonunda yenidən zəlzələ qeydə alınıb.
Bu barədə Azərbaycan Milli Elmlər Akademiyası nəzdində Respublika Seysmoloji Xidmət Mərkəzi məlumat yayıb.
Bildirilib ki, maqnitudası 3,3 olan zəlzələ yerli vaxtla saat 19:12-də qeydə alınıb.
Zəlzələlərin Tədqiqatı Bürosunun məlumatına əsasən, zəlzələ ocağının dərinliyi 9 kilometr olub və hiss edilməyib.
16:00
Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən Fövqəladə Hallar Nazirliyinin Böhran Vəziyyətlərində İdarəetmə Mərkəzinə daxil olmuş məlumata əsasən, 27.02.2026-cı il tarixində yerli vaxtla saat 15:52-də Şamaxı rayonunda 4.7 maqnituda zəlzələ qeydə alınıb.
Bu barədə FHN-dən məlumat verilib.
Zəlzələ episentrdə 5 bala yaxın, ətraf rayonlarda 3-4 bala yaxın hiss olunub.
Zəlzələ nəticəsində dağıntı və ya insan xəsarəti barədə bu vaxtadək Fövqəladə Hallar Nazirliyinə məlumat daxil olmayıb.
***
16:02
Şamaxıda 5 bal gücündə zəlzələ olub.
Bu barədə Respublika Seysmoloji Xidmət Mərkəzindən bildirilib.
Məlumata görə, zəlzələ episentrdə 5 bala yaxın, ətraf rayonlarda 3-4 bala yaxın hiss olunub.
***
Azərbaycanda zəlzələ olub.
Bu barədə Respublika Seysmoloji Xidmət Mərkəzindən bildirilib.
Qeyd edilib ki, zəlzələ yerli vaxtla 15:52-də Şamaxıda baş verib.
13 km dərinlikdə baş verən zəlzələnin maqnitudası isə 4,7-dir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!