“BİLİK GÜNÜ” qeyd olundu

"Zəka və Ülviyyət" Maarifləndirmə İB-nin təsisçisi və sədri, ZİRVƏ Ziyalılar Təşkilatının Yasamal Rayon şöbəsinin sədri Elmira Ağayevanın təşkilatçılığı ilə təşkil olunmuş BİLİK GÜNÜ layihəsi uğurla həyata keçdi. Bakının Xətai Rayonundakı Nizami adına Mədəniyyət və İstirahət «Parkı-LUNA PARK»da təşkil olunmuş möhtəşəm «BİLİK GÜNÜ»ndə Elmira xanımın məktəblilərə ilk hədiyyəsi "BU günün və Sabahın Sülh carçıları" adlı yenicə çapdan çıxmış kitabı oldu.
Tədbirdə Uşaq evlərindən, İnternatdan və "Autizm Mərkəzin"də qeydiyyatda olan autizm sindromlu uşaqlar iştirak edirdilər.
Təşkilatçı tədbirdə iştirak edən bir sıra aztəminatlı ailələrdən olan məktəbliləri hədiyyələrlə də sevindirdi. Belə ki, Bakı Tikiş Evinin təqdim etdiyi 10 nəfərlik məktəbli geyimini 30 nəfərə hissə-hissə paylaşdırdı.
Tədbirdə Qarabağ müharibəsi Veteranı Sevda xanım, şəhid anaları Xeyriyyə Cəmiyyətinin Füzuli Rayon şöbəsinin sədri Mənsurə xanım Abdullayeva (Arışlı), “AUTİZM» İB-nin nümayəndəsi və digərləri çıxış edərək məkkəbliləri, tələbə , müəllimləri təbrik etdilər.
“ZİRVƏ” Zİyalılar Təşkilatının prezidenti Minayə Dəyanət Elmira Ağayevanı təşkilatın qərarəna əsasən yüksək təşkilatçılıq və peşəkarlıq fəaliyyətinə görə "İLİN JURNALİSTİ" diplomu ilə təbrik etdi. Ona bir daha yüksək yaradıcılıq uğurları arzuladı.

Şəhla Aslan