28-07-2022, 11:16
28-07-2022, 10:40
28-07-2022, 10:14
28-07-2022, 07:43
Qərbi Azərbaycanda silah qaçaqmalçıları ələ keçirilib
Qərbi Azərbaycan əyalətində silah qaçaqmalçılığı ilə məşğul olan şəxs və qruplara qarşı əməliyyat keçirilib. Bu barədə Sərhəd Qoşunlarının Komandanı Yəhya Hüseynxani açıqlama verib. Yəhya Hüseynxani deyib ki, əməliyyat nəticəsində 18 ədəd döyüş silahı aşkar edilərək götürülüb.
Y.Hüseynxani silah qaçaqmalçılarının həbs edilməsi üçün axtarış-əməliyyat tədbirlərinin keçirildiyini deyib.
Qeyd edək ki, Qərbi Azərbaycan əyalətində silah-sursat, insan qaçaqmalçıları və narkotik maddə alverçiləri əsasən gəlmə etnik kürdlərdir.
Onlar İraqın şimalında yerləşən muxtar bölgə və PKK terror təşkilatı ilə əlaqəli şəkildə fəaliyyət göstərirlər. İranın Təhlükəsizlik və Kəşfiyyat Nazirliyi, İnqilab Keşikçiləri Korpusunun (SEPAH) nəzarəti altında çalışırlar və ara-sıra adı çəkilən qurumların nəzarətindən qıraqda fəaliyyət göstərən dəstələrə qarşı əməliyyatlar keçirilir.
28-07-2022, 07:32
Həmədanlı gənc beynəlxalq yarışa qatılacaq
Həmədan əyalətinin Stolüstü Tennis Federasiyasının başçısı Zahra Əbutalibiyan tanınmış gənc idmançı, stolüstü tennis üzrə bir neçə dəfə çempion olmuş Şima Səfayinin beynəlxalq yarışda Həmədan əyalətini təmsil edəcəyini deyib. O, 13 ölkənin stolüstü tennis üzrə idmançılarının qatılacağı yarışda həmədanlı idmançının çempion olmaq şansının yüksək olduğunu bildirib.
Həmədanlı idmançı Şima Səfayi bundan öncə yerli və xarici yarışlarda yeniyetmələr, gənclər və böyüklər yaş kateqoriyalarında dəfələrlə birinci yeri tutub.
Qeyd edək ki, yarışlar 8-10 avqust tarixində Türkiyənin Koniya şəhərində keçiriləcək.
28-07-2022, 07:27
"İran məsulları Azərbaycana ögey bölgə kimi baxırlar”
Şərqi Azərbaycan əyalətinin keçmiş valisi Məhəmmədəli Sübhanullahinin İran hökumətinin Azərbaycan bölgələrinə bağlı münasibəti barədə danışdığı video sosial mediada geniş yayılıb.
"Bir sıra məsullar Azərbaycana başqa gözlə, ögey bölgə kimi baxırlar"-deyən sabiq vali bildirib ki, onlar bölgəyə sərmayə qoyulmamasını "Azərbaycanın İran tərkibində qalacağının şübhə altında olması" ilə izah edirdilər.
Şərqi Azərbaycan əyalətinə önəmli sərmayə qoyulmadığını, başqa bölgələrə nisbətdə ayrı-seçkiliyə məruz qaldığını deyən Subhanullahi bildirib ki, bu günə kimi əldə edilənlərə Azərbaycan özü nail olub, bunun mərkəzə aidiyyatı yoxdur.
"Bir zamanlar Təbrizdə 10 xarici ölkənin baş konsulluğu var idi. Bu gün bu say ikiyə enib"-deyə, keçmiş vali Azərbaycan və Təbrizin geri saxlanıldığını qeyd edir.
Xatırladaq ki, İranın rəhbəri Əli Xameneyinin indiki baş müşaviri, keçmiş xarici işlər naziri Əliəkbər Vilayəti və başqa bir neçə aparıcı məsul Azərbaycan bölgələrinə sərmayə qoyuluşunun yanlış olduğunu demişdilər. Onlar bunu Azərbaycan bölgələrinin İran tərkibində qalıb-qalmayacağının şübhə altında olması ilə əlaqələndirirdilər.
28-07-2022, 07:14
"Daşqınlardan ziyan görənlərə təzminat ödənilmir”
Qəzvin əyalətinin İran parlamentindəki nümayəndəsi Fatimə Məhəmmədbeygi hökumətin Avuc və Ələmut bölgələrində daşqınlardan zərər görən vətəndaşlara nəzərdə tutulan təzminatı ödəmədiyini deyib.
F. Məhəmmədbeygi bundan öncə bölgə əhalisi və daşqınların fəsadlarını aradan qaldırmaq üçün təsdiq edilən 400 milyard tümənin verilmədiyini deyib və məsulların məsələyə laqeyd yanaşmasını tənqid edib. Millət vəkili təzminat məbləğinin az olduğunu deyib. Onun sözlərinə görə, vəsait ödənilmədiyi üçün Avuc və Ələmut bölgəsinin kəndliləri ev-eşikləri, kənd təsərrüfatlarını bərpa edə bilmir, iş ardınca böyük şəhərlərə köçmək məcburiyyətində qalırlar.
Qedy edək ki, 2021-ci ilin avqust ayında Qəzvin əyalətinin Avuc və Ələmut bölgələrində baş verən sel və daşqınlar nəticəsində bölgə əhalisinə külli məbləğdə ziyan dəyib. Təbii fəlakət nəticəsində 7 nəfər həyatını itirib, minlərlə hektar əkin və bağ sahəsi, yaşayış evləri dağılıb, çox sayda mal-qara, avtomobili sel suları aparıb.
Qəzvin əyalətinin Böhran İdarəetmə Mərkəzinin başçısı Qüdrətullah Mehdixani ümumilikdə əyalətə 450 milyard tümən ziyan dəydiyini bildirib.
Timur
28-07-2022, 07:08
Zindanda milli fəala təzyiq göstərilir
İyulun 16-da Urmu gölü ilə bağlı etiraz aksiyasından sonra Təbrizdə həbs edilən İbrahim Asimani (Azəroğlu) 5-ci gündür ki, aclığı davam etdirir.
Yaxınlarının verdiyi məlumata görə, Asimaninin ailəsi ilə telefon danışığına qadağa qoyulub və iyulun 21-dən sonra onunla telefon əlaqəsi saxlamaq mümkün olmur.
İyulun 21-də ailəsi ilə son telefon danışığı zamanı milli fəal günahsız yerə Təbriz zindanında saxlanıldığını, ittihamı barədə heç bir açıqlama verilmədiyini deyib. O, durumuna aydınlıq gətirilməsə aclıq aksiyasına başlayacağı barədə xəbərdarlıq edib.
Timur
28-07-2022, 07:04
"Toz fırtınaları Tehrana çatacaq"
Təbriz, Üskü və Tufarqan şəhərlərinin İran parlamentindəki təmsilçisi Ruhullah Mütəfəkkir Azad ekoloji faciə barədə xəbərdarlıq edib. O, Urmu gölünün quruması ilə toz fırtınalarının Tehran yaxınlığına qədər çatacağını deyib. Millət vəkili hazırda milyonlarla insanın həyatını təhlükəyə atan ekoloji problemin yaşandığını söyləyib:
"Urmu gölünün quruması nəticəsində bölgə şoranlıq və səhralığa çevriləcək. Bu isə 600 kilometrə bərabər radiusda duz fırtınalarının baş qaldıracağı deməkdir.
14 milyon insan xərçəng, astma riski altındadır. Urmiya gölünün bərpası üçün indi pul xərcləməsək, gələcəkdə bu xəstəliklərin müalicəsi üçün pul xərcləməli olacağıq"-deyə, millət vəkili bildirib.
Cavidan
28-07-2022, 06:58
Şərqi Azərbaycan xəstəxanalarında avadanlıq çatışmır
Təbriz Tibb Elmləri Universitetinin başçısı Bəhmən Nəğipur Şərqi Azərbaycan əyalətinin xəstəxanalarında tibbi texnika və avadanlıqların çatışmadığını deyib:
"Son illər tibb və xəstəxana avadanlıqları və ləvazimatları fasiləsiz istifadə olunduğundan zaman keçdikcə onların çoxunun istismar müddəti bitib və bu Şərqi Azərbaycan əyalətinin səhiyyə sektorunda böyük problemlər yaradıb"-deyə, Nəğipur bildirib. O, Təbriz Tibb Elmləri Universitetinin borclarının olduğu və yetərli büdcə almadıqları üçün sıradan çıxan tibbi avadanlıqları ala bilmədiklərini söyləyib.
Tibb Elmləri Universitetinin başçısı başda Təbriz olmaqla əyalətin əksər şəhərlərinin xəstəxanalarında çox vacib avadanlıqların yenilənə bilmədiyi üçün bu sahədə böhran yaşandığını qeyd edib.
Timur
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!