Milli Məclisin deputatı Fuad Muradov Moskvada keçirilimiş “Gülüstan” sülh müqaviləsinin 200 illiyinə həsr olunmuş beynəlxalq konfransda MDB Ölkələri İnstitutunun direktoru Konstantin Zatulinin Azərbaycana qarşı yönələn ittihamlarını şərh edərkən Modern.az-a
bildirb ki, bu başabəla “direktorun” əsas məqsədi qondrama erməni tarixi barədə “subutlar” gətirməklə Ermənistanın Azərbaycan torpaqlarının işğalına haqq qazandırmaqdır: “Gülüstan” müqaviləsinin ermənilərə heç bir aidiyyatı yoxdur. Bu İran- Rusiya müharibəsindən sonra yaranmış şəraitlə bağlı Azərbaycan xanlıqları ilə münasibətləri müəyyənləşdirən hüquqi sənəddir. Ermənilər bu müqavilədə ayrıca subyekt kimi çıxış etməyib. Bu toplantının keçirilməsində Moskvadakı bəzi qüvvələrin əli var. Zatulun Azərbaycanın və Rusiyanın düşmənidir. Təəssüf ki, Zatulin kimi insanlar Rusiyadakı bəzi qüvvələr tərəfindən dəstəklənir”.
F. Muradovun sözlərinə görə, belə sərsəm addımlar iki tərəfli münasibətlərə kölgə sala bilməz. “Amma eyni zamanda Rusiyada dövlətin möhkəmlənməsi üçün çalışan insanlar Zatulin kimi təxribatçıların qarşısını almalıdırlar”.