17-01-2022, 16:09
“Uzun illərdir ki, manatın məzənnəsi inzibati yolla qorunub saxlanılır. Amma proses bir bu qədər də davam edə bilməz”.
Bu fikirləri Modern.az-a açıqlamasında Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədov manatın məzənnəsinin inzibati üsulla qorunub saxlanılmasına münasibət bildirərkən deyib.
V.Əhmədov deyib ki, belə olmasaydı 1 dollar 1,7 manat səviyyəsində qala bilməzdi:
“Ölkə daxilində baş verənləri, inflyasiyanı, idxalı, ixracı, pulun dövriyyəsilə bağlı prosesləri görürük. Manat inzibati yolla saxlanılır və qorunub saxlanılması üçün də kifayət qədər ehtiyat var. Məzənnənin inzibati yolla qorunub saxlanılması nə qədər davam edəcək, 6 ay, bir il bilinmir. Amma gec-tez sərbəst buraxılacaq və “tam üzən məzənnə”yə keçiləcək”.
Deputat hazırda manatın qorunmasının əhəmiyyətini Qarabağda aparılan quruculuq işləri ilə əlaqələndirib:
“Qarabağda tikinti işləri başlayıb. Orada xarici şirkətlər işləyirlər. Onlar istəyirlər ki, milli valyuta stabil olsun, onlar üçün problem yaranmasın. Manatın məzənnəsinin qorunub saxlanılması əlbəttə dövlət, millət üçün əhəmiyyətlidir. Amma bunun da da bir vaxtı gələcək ki, manat mütləq sərbəst valyuta olacaq”.
Qeyd edək ki, Prezident İlham Əliyev ötən həftə yerli telekanallara müsahibəsində manatın məzənnəsilə bağlı məsələlərə aydınlıq gətirib. Prezident deyib ki, hökumət bir neçə il bundan əvvəl çox ağır addımın atılmasına məcbur olub:
“Manatın qiymətdən düşməsi insanların rifah halına mənfi təsir göstərmişdi. Amma o addımı biz mütləq atmalı idik. Əgər biz o addımı atmasaydıq, bütün valyuta ehtiyatlarımızı xərcləyə bilərdik. Onsuz da bu addımın gecikməsi ona gətirib çıxarmışdı ki, Mərkəzi Bankın valyuta ehtiyatları böyük dərəcədə tükənmişdi. Təqribən 10 milyard dollar vəsait manatın sabit saxlanmasına istifadə edilmişdi. Nəticə etibarilə Mərkəzi Bank manatı sabit saxlaya bilmədi və biz 10 milyard dollar valyutanı itirdik".
Xatırladaq ki, AMB sədri Elman Rüstəmov 2021-ci ilin sonları ilə bağlı brifinqdə jurnalistlərin suallarını cavablandırarkən, “biz manatı zorla tutub saxlaya bilmərik, manatın məzənnəsini inzibati yolla tənzimləmək mümkün deyil”, açıqlamasını vermişdi.
Bütöv.az
17-01-2022, 11:23
Azərbaycanın “Azeri Light” markalı xam neftinin bir barelinin həftə ərzində orta qiyməti 87,45 ABŞ dolları təşkil edib.
Bütöv.az-ın məlumatına görə, son həftə ərzində neftin bir barelinin orta qiyməti ötən həftə ilə müqayisədə 3,08 ABŞ dolları qədər və ya 3,65 faiz artıb.
Həftə ərzində neftin bir barelinin orta qiymətinin ən yüksək həddi 14 yanvar tarixində qeydə alınıb və 89,12 ABŞ dollarına bərabər olub.
Son həftə ərzində Azərbaycan neftinin qiymətinin ən aşağı həddi isə 10 yanvar tarixində qeydə alınıb və 84,67 ABŞ dolları təşkil edib.
Xatırladaq ki, əvvəlki həftə ərzində “Azeri Light” markalı neftin bir barelinin orta qiyməti 84,37 ABŞ dollarına bərabər olub.
17-01-2022, 11:19
17 yanvar 2022-ci il, Bakı - 2022-ci ilin yeni marşrut şəbəkəsi çərçivəsində Qəbələ və Moskvanı birləşdirən yeni müntəzəm aviareys açılıb.
“Azərbaycan Hava Yolları” QSC-nin mətbuat xidmətindən "Unikal"a verilən məıumata görə, Nordwind aviaşirkəti 189 sərnişin oturacağı olan Boeing 737-800 təyyarəsində Moskvanın Şeremetyevo hava limanından Qəbələyə ilk reys yerinə yetirib. Uçuş 3 saat davam edib.
Moskva-Qəbələ-Moskva marşrutu üzrə müntəzəm reys həftədə bir dəfə - bazar günləri həyata keçiriləcək. Yerli vaxtla saat 4:10 dəqiqədə təyyarə Qəbələdə enəcək, saat 5:20 dəqiqədə Rusiya paytaxtına qayıtmaq üçün havaya qalxacaq.
Bütün beynəlxalq norma və tələblərə cavab verən Qəbələ beynəlxalq hava limanı istənilən tip hava gəmisini qəbul etməyə qadirdir.
Bütöv.az
15-01-2022, 13:29
Uşaq bağçasının maraqlı yaranma tarixi var. 1837-ci ildə alman pedaqoqu Fridrix Frebel Bad-Blankenburq şəhərində körpələrin təlim-tərbiyəsi məqsədilə ilk məktəbəqədər tərbiyə müəssisəsi yaradır və bu məkanı “Kindergarten” – Uşaq bağçası adlandırır. Onun fikrincə, “Həyatın çiçəkləri” olan uşaqlar xüsusi nəvaziş və diqqət tələb edirlər və onları bacarıqlı və qayğıkeş “bağbanlar” böyüdüb bəsləmələdir. Bu nəcib insan yəqin ki, sivil cəmiyyətdə “uşaq bağçası”nın bəzi nanəcib tərbiyəçilər tərəfindən “cəngəlliyə” çevriləyəcəyini qətiyyən təsəvvür edə biməzdi.
İsmayıllıda baş vermiş hadisə - utandırıcıdır. Sosial şəbəkələrdə geniş yer almış, televiziya efirində nümayiş etdirilmiş kadrları izlədikcə, üzülürəm: üç yaşlı körpəyə əl qaldırmaqmı olar? Nədir bu məzlum varlığın günahı? Nədən bu uşaq ovcunda tutduğu çörək əvəzinə qapaz “yeməlidir”?
“Uşaqlar – gələcəyimizdir” deməklə gələcəyimizi xoşbəxt edə bilmərik. Bu gün uşaq bağçasında tərbiyəsiz tərbiyəçinin qapazına tuş gələn bu çocuq sabah Vətən torpağını qorumalı əsgər deyilmi? Uşağa əl qaldırmaqla gələcəyimizə qəsd etmirikmi?
Məlumata görə, İsmayıllı şəhəri 1 saylı körpələr evi-uşaq bağçasının tərbiyəçisi ilə bağlanmış əmək müqaviləsi vəzifə səlahiyyətlərindən sui-istifadə etdiyinə, əmək müqaviləsi üzrə öhdəlikləri yerinə yetirmədiyinə, “Müəllimlərin etik davranış Qaydaları”nın tələblərini pozduğuna və azyaşlı ilə kobud rəftar etdiyinə görə ləğv edilib.
Ədalətli qərardır. Amma yenə də - yarımçıq. Uşağa təcavüz – kobud rəftar deyil, cinayətdir. Cəzası da sərt olmalıdır: bu tərbiyəsiz tərbiyəçi təlim-tərbiyə müəssisələri ilə əmək müqaviləsi bağlamaq hüququndan həmişəlik məhrum edilməsə, onun qapazının qurbanı olan körpələrin sayı arta bilər. Gələcəyimiz təhlükədə deyilmi?
Ruhiyyə Məmmədova
“Ahıllara və Tənhalara Dəstək” İctimai Birliyinin sədri
14-01-2022, 18:49
Ailə, Qadın və Uşaq Problemləri üzrə Dövlət Komitəsi bağçada uşağa şiddət göstərilməsi ilə bağlı brifinq keçirib.
Qeyd edək ki, ötən gün sosial şəbəkələrdə İsmayıllıda fəaliyyət göstərən uşaq bağçalarından birində tərbiyəçinin azyaşlıya qarşı fiziki zorakılıq göstərdiyini əks etdirən görüntülər yayılıb.
Ətraflı Baku TV-nin videosunu təqdim edirik:
Bütöv.az
14-01-2022, 12:00
““Azərqaz QSC-nin direktoru Ruslan Əliyevin KİV-lərə verdiyi müsahibələr ümid yaradırdı ki, bu sahədə insanlara daha yaxşı xidmət üçün yeni qaydalar qəbul ediləcək. Amma görürəm ki, vəziyyət "yenilər köhnələrin atasına rəhmət oxutdurur" prinsipindən kənara çıxmır".
Bu sözləri “AzPolitika.info”ya müraciətində Zərdab şəhəri, S.Mahmudov küçəsində yaşayan Tahir Qasımov bildirib.
Şikayətçi mexaniki sayğacının fotosunu 1 yanvar tarixindən “Azərqaz”ın qeyd etdiyi nömrəyə göndərsə də, 10 gün ərzində ona əvvəlki limitlə qaz sərfiyyatının hesablandığını bildirir: "Bu il qiymət artımları ilə bağlı əhalinin narazılığını nəzərə alan “Azərqaz” ASC guya, operativ qaydada 4-5 gün ərzində sayğacların sıfırlanacağını bildirmişdi. Ona görə də qurum abonentlərə xəbardarlıq etmişdi ki, hər bir abonent sayğacının şəkilini çəkib, “104” qısa nömrəsinə göndərsin. Amma bu köhnə üsul bir çox abonent kimi mənə də çətinliklər yaratdı. Yanvarın 1-i səhər saat 9-10 radələrində sayğacın fotosunu çəkib qeyd olunan ünvana göndərdim və hər şeyin həll olunduğunu zənn etdim. Dünən ev ünvanıma göndərilən bildirişdə 12 gün keçsə də, mexaniki saygacın sıfırlanmadıgını, 10 gün ərzində əvvəlki tariflə qaz pulu hesablandıgını gördüm. Bu idimi “Azərqaz”ın tətbiq etdiyi yenilik? Bu insanları aldatmaq və onların cibinə girməkdir”.
“Azərqaz” ASC-nin ictimaiyyətlə əlaqələr şöbəsinin rəhbəri Eldəniz Vəliyev “AzPolitika.info”ya açıqlamasında bildirib ki, bütün xidmət sahələrində sərfiyyatın ölçülmə müddəti 30 gün müəyyənləşdirilir: “Ötən ilin sonuncu sərfiyatı dekabrın 10-da olub. Deməli, növbəti bildiriş müddəti yanvarın 10-da verilməli idi və belə də oldu. Yəni limitin yenilənmə müddəti hər ilin yanvarın 10-dan, 10-na kimi ölçülür. Abonentin 1 ili, yəni 365 günü belə tənzimlənir. Növbəti sərfiyyat göstəricisini alacaq abonentlər, istehlak etdikləri hər bir kubmetrə görə 12 qəpik ödəyəcəklər”.
Bütöv.az
14-01-2022, 11:24
Dünya bazarında "Azeri Light" markalı Azərbaycan neftin qiyməti azalıb.
Bütöv.az xəbər verir ki, "Azeri Light"markalı neftin 1 barelinin qiyməti 0,33 ABŞ dolları, yaxud 0,37 % azalaraq 88,12 ABŞ dollara çatıb.
13-01-2022, 10:03
Dünya bazarlarında neft bahalaşmaqda davam edir.
Bütöv.az xəbər verir ki, “Brent” neftinin mart fyuçersləri 1,64% bahalaşaraq, 1 bareli 85,09 ABŞ dollarına satılıb.
Qeyd edək ki, “Brent” markalı neftin qiyməti bundan əvvəl 2021-ci il noyabrın 10-da ilk dəfə bir barel üçün 85 dolları keçib.
12-01-2022, 17:13
11-01-2022, 19:07
Daxili İşlər Nazirliyində yeni kadr təyinatı olub.
Bütöv.az oxu.az-a istinadən xəbər verir ki, bununla bağlı daxili işlər naziri general-polkovnik Vilayət Eyvazov əmr imzalayıb.
Əmrə əsasən, Bakı Baş Polis İdarəsinin Cinayət Axtarış İdarəsinin Cibgirlik Cinayətlərinə qarşı Mübarizə Şöbəsinin rəisi, polis polkovnik-leytenantı Atik Cəlilzadə Səbail Rayon Polis İdarəsinin Cinayət Axtarış Şöbəsinin rəisi vəzifəsinə təyin edilib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!