27-03-2025, 19:59
Meşə yanğını 27 nəfərin ölümünə səbəb oldu
Cənubi Koreyada tüğyan edən meşə yanğınlarının miqyası ötən günlə müqayisədə cümə axşamı iki dəfə artıb. Hakimiyyət orqanları ən azı 27 nəfərin ölümünə səbəb olan yanğınları ölkənin ən dəhşətli təbii fəlakəti adlandırıb. Yanğın tarixi məbədləri məhv edib.
Cənubi Koreyanın mərkəzi İyson qəzasında başlayan ən böyük yanğın nəticəsində 33 min hektardan çox ərazi yanıb. 2000-ci ilin martında yanğın 24 min hektar ərazini məhv edib.
“Biz bütün ölkə miqyasında kritik vəziyyətdəyik, meşə yanğınlarının görünməmiş sürətlə yayılması nəticəsində çoxsaylı insan tələfatı var”, - deyə Prezident səlahiyyətlərini icra edən Han Dok Su yanğınların aradan qaldırılması ilə bağlı hökumətin iclasında bildirib.
27-03-2025, 19:36
4 uşaq atası özünü asdı
Biləsuvarda intihar hadisəsi olub.
Hadisə rayonun Xırmandalı kəndində qeydə alınıb.
Belə ki, kənd sakini, 1976-cı il təvəllüdlü Qabil Kazımov səhər saatlarında yaşadıqları evin həyətində olan yem anbarında özünü asıb.
Məlumata görə, onun 4 məktəbli övladı var.
27-03-2025, 17:53
Tramp bu tarixədək Ukraynadakı müharibəni tam dayandırmaq istəyir
ABŞ Prezidenti Donald Tramp Rusiya və Ukrayna arasında davam edən müharibə atəşkəsə nail olmağa çalışır.
"The Economist" nəşri yazıb ki, 20 yanvar 2025-ci ildə səlahiyyətlərinin icrasına başlayan Tramp administrasiyası ilk 100 gün ərzində atəşkəsə nail olmaq üçün fəal diplomatik təşəbbüslər həyata keçirir.
Lakin iki tərəfin hələ də döyüşü dayandırmaq istəməməsi bu prosesi çətinləşdirir. Amerika kəşfiyyatının martın 25-də yaydığı illik qiymətləndirməsinə görə, nə Vladimir Putin, nə də Volodimir Zelenski hazırda münaqişəni dayandırmağa hazırdırlar.
Hər iki lider daha uzun müharibənin risklərini, qeyri-məqbul bir sülhdən daha az təhlükəli hesab edir.
Bu çətinliklərə baxmayaraq, Tramp administrasiyası danışıqları davam etdirir. Martın 11-də ABŞ və Ukrayna 30 günlük şərtsiz atəşkəs təklif edib, lakin Rusiya bunu qəbul etməyib. Martın 18-də Moskva yalnız enerji infrastrukturu və Qara dənizdəki ticarət gəmilərinə hücumları dayandırmağa razılıq verib. Martın 25-də isə ABŞ "təhlükəsiz naviqasiya" razılaşmasının əldə edildiyini elan etsə də, bu açıqlama mübahisəyə səbəb olub. Rusiya bu razılaşmanın yalnız onun dövlət bankının SWIFT beynəlxalq ödəniş sisteminə yenidən qoşulacağı təqdirdə qüvvəyə minəcəyini bildirib.
Bu arada, Qərb ölkələri Rusiyaya qarşı sanksiyaların yumşaldılacağı ilə bağlı ehtimallardan narahatdır. Ağ Ev Rusiyanın kənd təsərrüfatı və gübrə ixracına maneələrin aradan qaldırılacağını, dəniz sığorta xərclərinin azaldılacağını və ödəniş sistemlərinə çıxışın asanlaşdırılacağını açıqlayıb.
Amerikada bəzi rəsmilər Rusiyanı güzəştlərə məcbur etmək əvəzinə, Ukraynanı güzəştə getməyə məcbur etmək istəyir. Bu kontekstdə Ukrayna ordusuna silah və kəşfiyyat məlumatlarının verilməsinin müəyyən müddətə dayandırılması diqqət çəkib. Rusiya ilə razılaşma əldə etmək üçün bəzi dairələr Krımın işğalını tanımaq, Ukraynanın NATO-ya üzvlük perspektivindən imtina etməsi və təhlükəsizlik zəmanətlərinin verilməməsi kimi məsələləri müzakirəyə çıxarıb.
Martın 21-də ABŞ-ın Ukrayna üzrə xüsusi nümayəndəsi Stiv Vitkoff bildirib ki, məqsəd yalnız müharibəyə son qoymaq deyil, həm də Rusiya ilə yeni geosiyasi razılaşma əldə etməkdir. Onun fikrincə, bu əməkdaşlıq Arktikada neft və qaz hasilatını, maye qaz ixracını, süni intellekt sahəsində əməkdaşlığı və İran məsələsində razılaşmanı əhatə edə bilər.
Ukrayna və Avropa rəsmiləri ABŞ-nin tələsik atəşkəs razılaşması əldə etməsinin onların maraqlarına zidd olacağını düşünürlər. Zelenski hesab edir ki, pis bir razılaşma Ukraynada daxili narazılığa və gələcəkdə daha böyük təhlükəsizlik problemlərinə səbəb ola bilər.
Tramp isə hələ də münaqişənin tez bir zamanda başa çatdırılacağına ümid edir. Martın 25-də "Newsmax TV"yə verdiyi müsahibəsində o, Putinin vaxt qazanmaq istədiyini qəbul etsə də, bunun onu narahat etmədiyini bildirib. “Ola bilər ki, onlar vaxt udmağa çalışırlar. Mən illər ərzində belə etmişəm, bilirsiniz” – deyə Tramp qeyd edib. Bununla belə, o, həm Rusiya, həm də Ukraynanın müharibəni bitirmək istədiyinə əmin olduğunu vurğulayıb.
Tramp administrasiyası may ayına qədər atəşkəsə nail olmaq niyyətindədir. Lakin Qərbdəki müşahidəçilər xəbərdarlıq edirlər ki, əgər danışıqlar yalnız Rusiyanın maraqlarına uyğun bir razılaşma ilə nəticələnərsə, bu, Ukraynanın gələcək təhlükəsizliyini daha da zəiflədə bilər.
27-03-2025, 17:34
Ananın evdə günlərlə tək qoyduğu körpənin son durumu - TƏBİB məlumat yaydı
Tovuzda anasının imtina etdiyi 2024-cü il təvəllüdlü körpə, martın 25-də Tovuz Rayon Mərkəzi Xəstəxanasından Respublika Pediatriya Mərkəzinin nəzdində olan Nizami Uşaq Yoluxucu Xəstəliklər Xəstəxanasına təxliyə olunub.
Bu barədə TƏBİB-dən məlumat verilib.
Bildirilib ki, hazırda müvafiq şöbədə müalicəsi davam etdirilir, vəziyyəti ağırdır.
Xatırladaq ki, 17.03.2025-ci il tarixində saat 21:20 radələrində 2024-cü il təvəllüdlü azyaşlı polislər tərəfindən Tovuz Rayon Mərkəzi Xəstəxanasının Təcili tibbi yardım şöbəsinə hospitalizasiya edilib. Daxil olarkən körpəyə susuzlaşma, susuzluğun təsirindən yaranan əzginlik, süstlük, raxitlik, ağır dərəcəli inkişaf etaplarının ləngiməsi diaqnozları təyin edilib və zəruri tibbi yardımlar göstərilib.
Qeyd edək ki, Tovuz rayon Polis Şöbəsinə kənd ərazisində yerləşən mənzillərin birində valideyni tərəfindən tənha buraxılan azyaşlının olması barədə məlumat daxil olub. Dərhal polis əməkdaşları sözügedən ünvana gediblər və orada 1 yaş 2 aylıq oğlan uşağının olmasını aşkarlayıblar.
Tovuz rayonunun Yuxarı Öysüzlü kəndində evdə tək qalan körpə anaya qaytarılmayıb, Bakıya gətirilən körpə dövlət uşaq müəssisəsinə yerləşdiriləcək.
27-03-2025, 17:30
Fransada dəmiryolçular ayağa qalxdılar
Fransada dəmiryolçular həmkarlar ittifaqı “Sud Rail” aprelin 17-dən iyunun 1-dək bütün həftə sonları tətilə çağırış edib.
Fransa əmək, səhiyyə, həmrəylik və ailə naziri Ketrin Votrən RTL televiziya kanalında çıxış edərək, həmkarlar ittifaqlarını Pasxa bayramı dövründə tətillərə çağırış etməməyə çağırıb. O, qəzəbini ifadə edərək deyib: “Bayramları girov saxlamaq qəbuledilməzdir”.
“Sud Rail” həmkarlar ittifaqı Pasxa bayramları və May bayramları daxil olmaqla, həftə sonları bazar ertəsi səhər 8-ə qədər dəmiryolçuların tətil edəcəyini elan edib.
Tətilə çağırışın mənşəyi 2022-ci ildə Milad bayramları zamanı dəmir yolları şəbəkəsini artıq iflic etmiş Milli Nəzarətçilər Kollektivindən (CNA) irəli gəldiyi bildirilir. Həmkarlar ittifaqları mətbuata yaydığı açıqlamada iş şəraitinin dözülməzliyini, rəhbərliyin qulaqlarını bağlayaraq, onların səsini eşitməməsini pisləyir.
Nəzarətçilər maaşların artırılmasını, aylıq bonuslarının ən azı 100 avro artırılmasını, daha yaxşı karyera inkişafı və sabit iş saatlarını tələb edirlər.
Bildirilir ki, sərnişin qatarları üçün vacib olan bilet müfəttişlərinin kütləvi tətili bayram vaxtı gərgin anlar yaradacaq. İndiyə qədər apolitik olduğunu iddia edən CNA və sol təmayüllü “Sud Rail” tətil təhdidlərini davam edirlər. Dəmiryolçuların aparıcı həmkarlar ittifaqı olan Fransa Ümumi Əmək Konfederasiyası (CGT) da tətili dəstəkləyir.
27-03-2025, 17:25
İki erməni deputatın toxunulmazlığı ləğv edildi
Ermənistan parlamentinin iki deputatının toxunulmazlığı ləğv edilib.
Ermənistanda parlament çoxluğu baş prokuror Anna Vardapetyanın vəsatətini təmin edilib.
Gizli səsvermə ilə deputatlar həmkarları Ovik Ağazaryan və "Mənim şərəfim var" müxalifət fraksiyasından olan deputat Taron Markaryana qarşı cinayət araşdırmasının başlanmasına icazə verib.
O.Ağazaryanın deputat ondan məhrum edilməsinin lehinə 65 deputat səs verib, əleyhinə isə səs verən olmayıb. T.Markaryanın deputat immunitetindən məhrum edilməsini 67 deputat dəstəkləyib, 2 nəfər bunun əleyhinə çıxıb.
Martın 26-dan parlamentdə baş prokuror Vardapetyanın O.Ağazaryana qarşı cinayət təqibinin başlanması ilə bağlı vəsatəti, martın 27-dən isə T.Markaryanla bağlı məsələ müzakirə edilir.
O.Ağazaryanla bağlı iş iki epizodu əhatə edir: birinci epizod üzrə o, başqa bir şəxsə saxta sənədlərlə mal-qaranın ixracını təşkil etməyi vəd edib. İxrac Qida Təhlükəsizliyi üzrə Müfəttişlik Orqanının vəzifəli şəxslərinə rüşvət verməklə həyata keçirilməli idi. O.Ağazaryan 150-200 baş mal-qaranın ixracını təşkil etmək üçün iş adamlarından 200-300 min dollar almaq niyyətində olub. İkinci epizoda əsasən, o, vətəndaş Aram Mkrtçyandan Açapnyakda 136 saylı məktəbin qəzalı vəziyyətdə olan binasının sökülməsini və ərazidə yaşayış binasının tikintisini təşkil etmək məqsədilə 23 min dollar və 300 min dram rüşvət tələb edib.
T.Markaryana gəlincə, ona qarşı müxtəlif illərdə çirkli pulların yuyulması, vəzifə səlahiyyətlərini aşma, torpaq sahələrinin mənimsənilməsi ilə bağlı müxtəlif maddələr üzrə ittiham irəli sürüləcək.
27-03-2025, 17:00
Putin Şimali Koreya liderini təltif etdi
Rusiya Prezidenti Vladimir Putin Şimali Koreya lideri Kim Çen İni təltif edib.
Bu barədə Rusiyanın Pxenyandakı səfirliyi məlumat yayıb.
Putinin sərəncamı ilə KXDR lideri Böyük Vətən Müharibəsində Qələbənin 80 illiyinə həsr olunmuş medalı təqdim edib.
Bildirilib ki, martın 27-də Mansudae Konqres Mərkəzində Rusiya Federasiyası Prezidentinin 22 sentyabr tarixli fərmanı ilə təltif edilmiş Koreya Xalq Demokratik Respublikasının Dövlət İşləri üzrə Sədri Kim Çen Ina “1941-1945-ci illər Böyük Vətən Müharibəsində Qələbənin 80 illiyi” medalının təqdim edilməsi mərasimi keçirilib.
Rusiya səfiri Aleksandr Matseqora medalı KXDR Ali Xalq Məclisi Rəyasət Heyətinin sədr müavini Kanq Yun Soka təqdim edib. O, Kim Çen In adından minnətdarlığını bildirib və bu mükafatın iki ölkə arasında tərəfdaşlığın yüksək səviyyəsini təsdiq etdiyini bildirib.
27-03-2025, 16:33
İran nüvə silahı əldə edib? - ABŞ kəşfiyyatından önəmli AÇIQLAMA
İran ABŞ və müttəfiqləri üçün ciddi təhlükə mənbəyi olaraq qalır.
Bu barədə ABŞ Kəşfiyyat Birliyinin (IC) illik təhlükə qiymətləndirmə hesabatında bildirilib.
Hesabatda İranın nüvə proqramı, regional təsir siyasəti, hərbi gücü və kiber əməliyyatları ilə bağlı kritik kəşfiyyat məlumatları yer alır.
Kəşfiyyatçıların hesabatına görə, İran nüvə fəaliyyətlərini genişləndirməkdə davam edir və uranın zənginləşdirilməsini artırır. ABŞ kəşfiyyatı İranın hələlik nüvə silahı istehsal etmədiyini bildirsə də, onun bu sahədə kifayət qədər texniki bacarıqlara malik olduğunu qeyd edir. Vaşinqton İranın nüvə silahına yaxınlaşmasını qarşısını almaq üçün diplomatik və iqtisadi təzyiqləri gücləndirməyə çalışır.
ABŞ kəşfiyyatının qiymətləndirməsinə əsasən, İran Yaxın Şərqdəki təsirini artırmaq üçün Hizbullah, Husi üsyançıları və İraqdakı şiə qruplaşmalarına dəstəyini davam etdirir. Tehran, həmçinin Suriyada hərbi varlığını gücləndirərək İsrail və ABŞ qüvvələrinə təzyiq göstərməyə çalışır. İranın ballistik və qanadlı raket proqramları regiondakı ABŞ bazaları və müttəfiqləri üçün ciddi təhlükə yaradır.
ABŞ hesabatında İranın kiber təhlükələr sahəsində getdikcə daha aktiv rol oynadığı vurğulanır. İranın dövlət dəstəyi ilə fəaliyyət göstərən haker qrupları ABŞ-ın enerji, nəqliyyat və maliyyə sektorlarını hədəf alır. Tehran həmçinin dezinformasiya kampaniyaları və sosial media vasitəsilə ictimai fikrə təsir göstərməyə çalışır.
Vaşinqton İranın nüvə fəaliyyətlərini və regional təsirini məhdudlaşdırmaq üçün bir sıra addımlar atır:
Sanksiyalar: İran iqtisadiyyatına təsir göstərmək üçün sərt iqtisadi məhdudiyyətlər tətbiq edilir.
Hərbi Tədbirlər: ABŞ hərbi bazalarını və müttəfiqlərini qorumaq məqsədilə regiondakı qüvvələrini gücləndirir.
Diplomatik Təzyiqlər: ABŞ və onun müttəfiqləri İranla bağlı beynəlxalq diplomatik səyləri artırmağa çalışır.
Ümumilikdə, ABŞ kəşfiyyatı İranın regional və qlobal təhlükəsizlik üçün ciddi bir faktor olduğunu qeyd edir və onun fəaliyyətlərini yaxından izləməyə davam edəcəyini bildirir.
27-03-2025, 16:27
Sərnişin avtobusu "Toyota" ilə toqquşdu - Yaralılar var
Gəncədə sərnişin avtobusu minik avtomobili ilə toqquşub, xəsarət alanlar var.
Yeni Gəncə qəsəbəsində şəhərdaxili sərnişin daşıyan mikroavtobusla "Toyota" markalı avtomobilin toqquşması nəticəsində Daşkəsən rayon sakinləri, 1983-cü il təvəllüdlü T.Orucova və 1978-ci il təvəllüdlü Z.Bayramova müxtəlif dərəcəli bədən xəsarətləri alıb.
Yaralılar xəstəxanaya yerləşdiriliblər.
Faktla bağlı araşdırma aparılır.
27-03-2025, 16:10
Pilot pasportunu götürmədi: Təyyarə geri qayıtdı
Los-Ancelesdən Şanxaya uçan "United Airlines" şirkətinə məxsus "Boeing 787" sərnişin təyyarəsinin pilotu pasportunu götürməyi unutduğu üçün hava gəmisi geri dönmək məcburiyyətində qalıb.
Bu barədə şirkətdən məlumat verilib.
Bildirilir ki, 257 sərnişin və 13 ekipaj üzvünü daşıyan UA 198 saylı reys təxminən iki saatlıq uçuşdan sonra Sakit Okean üzərindən geri dönüb və San Fransiskoya yönləndirilib.
"Pilotlardan birinin pasportu yanında yox idi. Müştərilərimizin şikayətini həll etmək üçün yeni komanda təşkil etdik və həmin axşam onları təyinat yerlərinə göndərdik. Sərnişinlərə yemək kuponu və kompensasiyalar verildi", - açıqlamada bildirilir.
Təyyarədəki çinli sərnişinlərdən biri pilotun "olduqca qəzəbli tonda" açıqlama verdiyini və "pasportumu unutdum" dediyini bildirib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!