5-07-2025, 14:35
Sabahın havası: Külək, yağış, dolu...
Bakıda və Abşeron yarımadasında iyulun 6-da hava şəraitinin dəyişkən buludlu olacağı, arabir tutulacağı gözlənilir.
Milli Hidrometeorologiya Xidmətindən verilən məlumata görə, gün ərzində bəzi yerlərdə fasilələrlə yağış yağacağı ehtimalı var.
Arabir güclənən şimal-qərb küləyi axşam mülayimləşəcək. Havanın temperaturu gecə 19-22° isti, gündüz 24-27° isti olacaq. Atmosfer təzyiqi normadan aşağı 758 mm civə sütunu olacaq. Nisbi rütubət 60-70 % olacaq.
Azərbaycanın rayonlarında bəzi yerlərdə arabir yağış yağacağı, şimşək çaxacağı gözlənilir. Ayrı-ayrı yerlərdə leysan xarakterli intensiv olacağı, dolu düşəcəyi ehtimalı var. Gecə və səhər bəzi yerlərdə duman. Qərb küləyi bəzi yerlərdə arabir güclənəcək.
Havanın temperaturu gecə 19-22° isti, gündüz 25-30° isti, dağlarda gecə 5-10° isti, gündüz 12-17° isti olacaq.
5-07-2025, 13:56
İran nüvə proqramından imtina etməyib - Tramp
ABŞ Prezidenti Donald Tramp bəyan edib ki, İran nüvə proqramının beynəlxalq yoxlamalarına razılıq verməyib və uranın zənginləşdirilməsindən imtina etməyib.
Bunu prezident Nyu-Cersiyə gedərkən təyyarədə jurnalistlərə bildirib.
"Deyərdim ki, onların proqramı həmişəlik dayandırılıb. Əgər onlar yenidən başlamağa cəhd etsələr, böyük ehtimalla, başqa bir obyektdə olacaq. Əgər başlasalar - bu problem olacaq", - D.Tramp qeyd edib.
ABŞ Prezidenti, həmçinin vurğulayıb ki, İranın nüvə proqramının bərpasına imkan verməyəcək.
Qeyd edək ki, İran parlamenti artıq Atom Enerjisi üzrə Beynəlxalq Agentlik (AEBA) ilə əməkdaşlığın nüvə infrastrukturunun təhlükəsizliyi və toxunulmazlığı təmin edilənə qədər dayandırılması haqqında qanun qəbul edib.
5-07-2025, 13:43
Qazın ucuzlaşması davam edir
Nyu-Yorkun NYMEX əmtəə birjasında təbii qaza olan fyuçers kotirovkalarının qiyməti azalıb.
Avqustda çatdırmaq şərtilə təbii qaza olan fyuçerslərin qiyməti 1 mln. BTU-ya görə (British thermal unit – Britaniya istilik vahidi) 0,56% azalaraq 3,39 ABŞ dolları təşkil edib.
5-07-2025, 13:07
İrəvanda məscidlərimizi bərpa edəcəyik - Şeyxülislam
"Erməni kilsəsi ilə olan əlaqələrimiz qələbəmizdən öncə fərqli idi".
Bu sözləri Qafqaz Müsəlmanları İdarəsinin sədri Şeyxülislam Hacı Allahşükür Paşazadə jurnalistlərə açıqlamasında deyib.
“2020-ci ilə qədər kilsə rəhbərləri ilə görüşdə onlar özlərini qalib kimi göstərir, bizə istehza ilə baxırdı. Bu məni də incitdiyi kimi, Azərbaycan xalqını da incidirdi. Mən indi qalib xalqın Şeyxülüslamıyam və bununla qürur duyuram. Bu yaxınlarda biz İrəvan qazılığını bərpa etdik. İnşallah o torpaqlara da gedəcəyik, məbədlərimizi, ziyarətgahlarımızı, məscidlərimizi bərpa edəcəyik, din xadimlərimiz orada fəaliyyət göstərək", - o əlavə edib.
5-07-2025, 12:55
CHP-li bələdiyyə sədrləri SAXLANILDI
Türkiyədə Cümhuriyyət Xalq Partiyasından (CHP) olan bələdiyyə sədrlərinə qarşı hüquq-mühafizə orqanları tərəfindən əməliyyatlar aparılıb.
Əməliyyatlar nəticəsində Adana Böyükşehər Bələdiyyə sədri Seydan Karalar ve Adıyaman Bələdiyyə sədri Abdurrahman Tutdere haqqında həbs qətimkan tədbiri seçilib.
Böyükçəkməcə Bələdiyyə sədrinin müavini Ahmet Şahin ve sürücüsü, Seyhan Bələdiyyəsinin təmizlik işlər müdiri Özcan Zenger haqqında da eyni qərar verilib.
5-07-2025, 12:44
Azərbaycanla Pakistan arasında Anlaşma Memorandumu
Xankəndi şəhərində İqtisadi Əməkdaşlıq Təşkilatının 17-ci Zirvə Görüşü çərçivəsində Pakistanın Baş naziri Məhəmməd Şahbaz Şərifin iştirakı ilə Azərbaycanla Pakistan arasında bu ölkəyə investisiya qoyuluşunu nəzərdə tutan Anlaşma Memorandumu imzalanıb.
Bunu iqtisadiyyat naziri Mikayıl Cabbarov "X" sosial şəbəkəsindəki hesabında bildirib.
Sənədi Azərbaycan tərəfindən nazir, Pakistan tərəfdən isə bu ölkənin Baş nazirinin müavini və xarici işlər naziri Məhəmməd İshaq Dar imzalayıb.
"Sənəd iki ölkə liderlərinin qarşılıqlı iqtisadi münasibətlərin və sərmayə tərəfdaşlığının daha da gücləndirilməsi barədə tapşırığının icrasına təkan verəcək", - deyə M.Cabbarov qeyd edib.
5-07-2025, 11:21
Səfərovlar işi: İstintaq birbaşa Moskvanın nəzarətindədir
Rusiyada həbsdə olan Bakir Səfərova zəruri dərman ötürülməsinə icazə verilib.
Bunu Bakir Səfərovun qardaşı Seyfəddin Hüseynli bildirib.
“Qardaşım Bakir Səfərovun 62 yaşı var. O, hipertoniya xəstəsidir. Yəni, yüksək təzyiqi var. Onun dərmanları vaxtı-vaxtında verilməli, pəhrizi düzgün saxlanılmalıdır. Düzdür, indi ona dərman ötürülməsinə icazə verilir. Amma ilk vaxtlarda həkim müayinəsi də edilməmişdi. Azərbaycan dövlətinin müvafiq təsiri ilə bu məsələ həllini tapdı”, - o deyib.
S.Hüseynli qeyd edib ki, onda olan məlumata görə, Səfərovların işi üzrə istintaq indi tamamən Moskvanın nəzarətindədir:
“Qardaşım Bakir müəllimlə bağlı artıq şəxsi xətlə ala biləcəyim heç bir məlumat yoxdur. Nə məlumat varsa, rəsmi kanalla yayılır. Mənim bildiyimə görə, istintaqı və ona nəzarəti Moskva tamamilə öz üzərinə götürüb. Digər saxlanılanlarla bağlı da məlumatsızam. Ümidvaram ki, inşallah qardaşım Bakir Səfərovla əlaqədar məaələ tezliklə ədalətli həllini tapacaq. Bakir müəllim ziyalı bir insandır, pedaqoqdur. Hər kəs onu əsl ağsaqqal, nurani insan kimi tanıyırlar. Bakir müəllimin dinc, mülayim, barışdırıcı insan olduğunu onu tanıyanların hamısı bilir. Onu tanıyanlar buna zəmanət verə bilərlər. Buna görə də onun hansısa cinayət işində adının hallanması, bununla bağlı ittiham olunması çox ciddi haqsızlıq olardı”.
Xatırladaq ki, iyunun 27-də Rusiya Federasiyasının Yekaterinburq şəhərində hüquq-mühafizə orqanlarının xüsusi bölməsi (OMON dəstələri) tərəfindən azərbaycanlılara qarşı əməliyyat keçirilib. Rusiyanın Yekaterinburq şəhərində OMON xüsusi təyinatlı dəstəsi azərbaycanlı Səfərov qardaşlarının evinə basqın edib. Basqın nəticəsində Ziyəddin və Hüseyn Səfərovlar işgəncə ilə öldürülüb. Bakir Səfərov isə həbs edilib. Onlarla azərbaycanlıya ciddi bədən xəsarətləri yetirilib, xeyli soydaşımız saxlanılıb.
5-07-2025, 10:04
19 yaşlı oğlan Kürdə Boğuldu
Sabirabadda 19 yaşlı oğlan Kür çayında boğulub.
Sabirabad rayonunun Ulacalı kənd sakini, 2006-cı il təvəllüdlü (19 yaş) Məmiyev Eldəniz Cabir oğlu Kür çayının kəndin ərazisindən keçən hissəsində çimərkən suda boğulub. Onun meyiti sudan çıxarılaraq aidiyyatı üzrə təhvil verilib.
Faktla bağlı araşdırma aparılır.
5-07-2025, 09:51
ABŞ-də daşqınlar - 24 ölü
ABŞ-nin Texas ştatında leysan yağışlar və Qvadalupe çayının səbəb olduğu daşqınlar nəticəsində azı 24 nəfər ölüb.
Ölənlər arasında uşaqlar da var. Bundan əlavə, qızların yay düşərgəsindən azı 20 nəfər itkin düşüb.
Qeyd edək ki, bir neçə əyalətdə fövqəladə vəziyyət elan edilib. ABŞ Sahil Mühafizəsi sakinlərin təxliyyəsinə kömək edir.
5-07-2025, 09:00
Bu gün Aşuradır
Bu gün Azərbaycanda Aşura günüdür.
Qafqaz Müsəlmanları İdarəsi (QMİ) Qazılar Şurasının fətvasına əsasən, bu il Məhərrəm ayının onuncu - Aşura günü iyulun 5-nə təsadüf edir.
QMİ-dən verilən məlumata görə, Aşura günü ilə əlaqədar respublika ərazisində qanvermə aksiyaları təşkil olunub.
Vətəndaşlar paytaxt Bakıda “Təzə Pir”, “Əjdərbəy”, “Sahib-Əz-Zaman”, “Şah Abbas”, “Qaraçuxur”, “İmam Əli”, “İmam Rza” məscidlərində, “Bibiheybət” məscid ziyarətgahında və “Mir Mövsüm Ağa” ziyarətgah kompleksində qan verə bilərlər.
Bölgələrdə isə Şuşa şəhər "Yuxarı Gövhər ağa", Ağdam şəhər "Cümə", Mingəçevir şəhər "Heydər", Sumqayıt şəhər "Cümə", Şəki şəhər "İmam Əli", Masallı şəhər "Cümə", Göyçay şəhər "Əbülfəzlil Abbas", Salyan şəhər Mərkəzi "Hacı Tağı", Naxçıvan şəhər “Heydər”, “Sarvanlar”, “Pirqəmiş” və Şirvan şəhər məscidlərində, Gəncə şəhər "İmamzadə" məscid ziyarətgah kompleksində, Bərdə şəhər "İmamzadə" məscid ziyarətgahında, Mərkəzi Qan Bankının Lənkəran və Quba bölmələrində, Masallı rayonunun Boradigah qəsəbə xəstəxanasında, Xaçmaz, Babək, Ordubad, Culfa, Şahbuz, Sədərək, Kəngərli, Şərur Rayon Mərkəzi xəstəxanalarında, Babək rayon Qahab, Cəhri, Nehrəm və Culfa rayon Bənəniyar kənd tibb məntəqələrində qanvermə aksiyaları təşkil edilib.
Qanvermə aksiyaları Aşura mərasiminin dərin mənəvi və humanist ruhunu əks etdirərək, insanlar arasında həmrəyliyin aşılanması, yardımlaşmanın önəmini təşviq etmək məqsədi daşıyır.
Aksiyalar zamanı toplanan qan hemofiliya və talassemiyadan, həmçinin digər xəstəliklərdən əziyyət çəkən insanların müalicəsində istifadə olunacaq.
Qeyd edək ki, bu il Məhərrəm ayı iyunun 26-da başlayıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!