19-02-2024, 19:22
Türkiyə-Azərbaycan Universitetinin yaradılması barədə saziş imzalandı
Türkiyə-Azərbaycan Universitetinin yaradılması barədə saziş imzalanıb.
Saziş Azərbaycan Prezidenti İlham Əliyevin səfəri çərçivəsində imzalanıb.
Azərbaycan Respublikasının Elm və Təhsil Nazirliyi ilə Türkiyə Respublikasının Ali Təhsil Şurası arasında Türkiyə-Azərbaycan Universitetinin yaradılmasına dair Anlaşma Memorandumu”nu Azərbaycanın elm və təhsil naziri Emin Əmrullayev və Türkiyənin Ali Təhsil Şurasının (YÖK) sədri Erol Özvar imzalayıblar.
Qeyd edək ki, ötən il Prezident İlham Əliyev Türkiyənin ovaxtkı milli təhsil naziri Mahmut Özeri və Türkiyə Böyük Millət Məclisinin (TBMM) bir qrup üzvünü qəbul edərkən birgə universitetin yaradılması məsələsi də müzakirə olunub. Prezident həmin görüşdə Azərbaycan-Türkiyə birgə universitetinin yaradılmasının böyük önəm daşıdığını söyləyib.
Oktyabr ayında isə Türkiyə Ali Təhsil Şurasının sədri Erol Özvarın rəhbərlik etdiyi nümayəndə heyəti Azərbaycan – Türkiyə Universitetinin yaradılması üzrə danışıqların davam etdirilməsi məqsədilə ölkəmizə səfər edib.
19-02-2024, 19:04
ABŞ-da bugün Prezidentlər Günü kimi qeyd edilir
Milyonlarla amerikalı ABŞ-da fevral ayının üçüncü bazar ertəsini Prezidentlər Günü kimi qeyd edir.
İlk dəfə 1879-cu ildə qeyd olunan Prezidentlər Günü ABŞ-ın ilk prezidenti, Amerikanın yekdilliklə seçilən yeganə dövlət başçısı Corc Vaşinqtonun ad günü münasibətilə fevralın 22-dən keçirilməyə başlayıb.
Sonradan Prezidentlər Gününün 1809-cu il fevralın 12-də dünyaya gələn Avraam Linkolnun ad günü münasibətilə iki tarix arasına keçirilməsinə qərar verilib. ABŞ-ın 16-cı prezidenti olan Avraam Linkoln Respublikaçılar Partiyasının banisidir. Amerikada quldarlığın ləğvi haqqında qanun məhz onun hakimiyyəti dövründə qəbul edilib.
Prezidentlər Günü hazırda ABŞ-ın gəlib-keçmiş bütün dövlət başçılarına həsr olunan federal bayram kimi qeyd edilir.
19-02-2024, 18:41
Avtomobilə “Qatil 78 leş” ifadəsini yazan sürücü saxlanıldı
Bu gün Koroğlu metrostansiyasından üzü Heydər Əliyev prospekti istiqamətində hərəkət edən “Toyota Prius” markalı avtomobilin üzərinə yazılmış sözlər sosial şəbəkələrdə müzakirələrə səbəb olub.
Avtomobilin dövlət qeydiyyat nişanının yerinin dəyişdirilməsi və onun yerinə “Qatil 78 leş” sözlərinin yazılması diqqət çəkib.
Bakı Şəhər Dövlət Yol Polisi İdarəsinin bölmə rəisi Toğrul Nəsirli bildirib ki, artıq həmin avtomobil yol polisi əməkdaşları tərəfindən saxlanılıb:
“Sosial şəbəkələrdə və xəbər saytlarında yayımlanan görüntü ilə əlaqədar olaraq sözügedən nəqliyyat vasitəsinin sürücüsü saxlanılıb. Onun barəsində İnzibati Xətalar Məcəlləsinə uyğun olaraq tədbirlər həyata keçirilir”.
19-02-2024, 18:22
İlham Əliyev Ərdoğanı Azərbaycana dəvət etdi
Prezident İlham Əliyev Türkiyə Prezidenti Rəcəb Tayyib Ərdoğanı Azərbaycana səfərə dəvət edib.
Bu təklifi Prezident İlham Əliyev Türkiyəyə rəsmi səfəri çərçivəsində bu ölkənin Prezidenti Rəcəb Tayyib Ərdoğanla mətbuata birgə bəyanatı zamanı ifadə edib.
“Bir daha, əziz qardaşım, göstərdiyiniz qonaqpərvərliyə görə sizə təşəkkürümü bildirmək istəyirəm. Fürsətdən istifadə edərək sizi yenidən Azərbaycana dəvət etmək istəyirəm”, - dövlət başçısı vurğulayıb.
19-02-2024, 18:10
Türk dünyasının birləşməsi Türk Dövlətləri Təşkilatının hər bir üzvünü gücləndirəcək
Türk dünyasının birləşməsi, ortaq köklərə sahib olan xalqların bir arada olması Türk Dövlətləri Təşkilatının hər bir üzvünü gücləndirəcək.
Bunu Prezident İlham Əliyev Türkiyə Prezidenti Rəcəb Tayyib Ərdoğan ilə mətbuata bəyanatında söyləyib.
Bu ilin iyulunda Şuşada Türk Dövlətləri Təşkilatının qeyri-rəsmi Zirvə görüşünün keçiriləcəyini bildirən dövlətimizin başçısı deyib: “Eyni zamanda, bu görüşdə müşahidəçi statusunda olan Şimali Kipr Türk Cümhuriyyətinin Prezidenti də mənim dəvətimlə iştirak edəcək və bu, bizim ümumi işimizə, türk xalqlarının birliyi işinə növbəti güclü təkan verəcək”.
19-02-2024, 17:59
Azərbaycanda separatçı qüvvələrə yer yoxdur və heç vaxt olmayacaq
Qarabağda keçirilmiş antiterror əməliyyatı ölkəmizin suverenliyini tam təsdiqlədi.
Bunu Prezident İlham Əliyev Türkiyə Prezidenti Rəcəb Tayyib Ərdoğan ilə mətbuata bəyanatında bildirib.
Dövlətimizin başçısı xatırladıb ki, artıq Azərbaycan ərazisində separatçı qüvvələrə yer yoxdur və bundan sonra heç vaxt olmayacaq.
19-02-2024, 17:55
Antiterror tədbirləri göstərdi ki, Türkiyənin ordu modeli Azərbaycanda artıq tam oturuşub
İşbirliyimizin önəmli istiqaməti hərbi sahədə işbirliyidir. Bizim ordularımız bir yumruq anlamına gəlir.
Bu sözləri Prezident İlham Əliyev Türkiyə Prezidenti Rəcəb Tayyib Ərdoğan ilə mətbuata bəyanatında deyib.
Dövlətimizin başçısı qeyd edib:
“İkinci Qarabağ savaşı və 5 ay əvvəl keçirdiyimiz antiterror tədbirləri bir daha onu göstərdi ki, Türkiyənin ordu modeli Azərbaycanda artıq tam oturuşub”.
19-02-2024, 17:51
Türkiyə və Azərbaycan arasında Anlaşma Memorandumu imzalandı
Ankarada Prezident İlham Əliyevin və Prezident Rəcəb Tayyib Ərdoğanın iştirakı ilə Azərbaycan-Türkiyə sənədlərinin imzalanması mərasimində “Azərbaycan Respublikasının Elm və Təhsil Nazirliyi ilə Türkiyə Respublikasının Ali Təhsil Şurası arasında Türkiyə-Azərbaycan Universitetinin yaradılmasına dair Anlaşma Memorandumu” imzalanıb.
Anlaşma Memorandumunu Azərbaycanın elm və təhsil naziri Emin Əmrullayev və Türkiyənin Ali Təhsil Şurasının (YÖK) sədri Erol Özvar imzalayıblar.
19-02-2024, 17:46
Azərbaycan ilə birlikdə çiyin-çiyinə hərəkət edirik - Ərdoğan
Azərbaycan ilə Ermənistan arasında davamlı sülhün imzalanmasının bölgəmizdə və dünyada sülh, əmin-amanlıq və sabitlik üçün yeni bir ümid mənbəyi olacağı şübhəsizdir. Bu prosesdə Azərbaycan ilə birlikdə çiyin-çiyinə hərəkət edirik.
Bu fikri fevralın 19-da Türkiyə Prezidenti Rəcəb Tayyib Ərdoğan Azərbaycan Prezidenti İlham Əliyev ilə birgə mətbuata bəyanatında deyib.
19-02-2024, 17:26
Müharibə tezliklə Rusiyanın qələbəsi ilə bitəcək - Medvedev
Rusiya Təhlükəsizlik Şurasının sədr müavini Dmitri Medvedev Ukraynadakı müharibənin tezliklə qələbə ilə bitəcəyinə əminliyini ifadə edib.
O, bu barədə əməliyyatlarda iştirak edən çeçen komandirlərlə görüşündə deyib.
O söyləyib ki, qələbə tezliklə təmin olunacaq: "Rusiyanın hərbi qüdrəti dünyanın heç bir ölkəsindən geri qalmır”.
D.Medvedevin sözlərinə görə, bu gün Rusiyanın taleyi həll olunur.
Qeyd edək ki, Rusiya 2022-ci il fevralın 24-də Ukraynaya qarşı müharibəyə başlayıb. Moskva bu müharibəni xüsusi əməliyyat adlandırır.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!