3-02-2024, 21:23
İraqda matəm elan olundu
İraqın Baş naziri Məhəmməd Şiya əs-Sudani şənbə günü ABŞ-ın İraqın qərbinə endirdiyi aviazərbələrin qurbanları üçün ölkədə ümumi matəm elan edib.
Bu barədə Baş nazirliyin mətbuat xidməti məlumat yayıb.
“Baş nazir Məhəmməd Şiya əs-Sudani ABŞ-ın Akaşat və Əl-Əs-Südani bombalaması nəticəsində silahlı qüvvələrimiz və mülki şəxslər arasında həlak olanların xatirəsinə bütün dövlət idarə və müəssisələrində üç günlük ümumi matəm elan edilməsi barədə göstəriş verib”,- deyə məlumatda bildirilir.
3-02-2024, 20:49
Berlində aksiya: 150 mindən çox insan küçəyə çıxdı
Berlində 150 mindən çox insanın iştirak etdiyi sağçı ekstremizmə qarşı etiraz aksiyası keçirilir.
Bu barədə TASS agentliyi məlumat yayıb.
Məlumata görə, şəhərdə nəqliyyatın hərəkəti xeyli çətinləşib, bir neçə küçə bağlanıb.
Bildirilib ki, aksiyanın sonuna qədər etirazçılar Reyxstaqın ətrafında insan zənciri təşkil edəcəklər.
3-02-2024, 19:32
Zakir Fərəcov 1-ci dərəcəli “Əmək” ordeni ilə təltif edildi
Zakir Fərəcov 1-ci dərəcəli “Əmək” ordeni ilə təltif edilib.
Bu barədə Prezident İlham Əliyev Sərəncam imzalayıb.
Sərəncama əsasən, Azərbaycan Respublikasının ictimai-siyasi həyatında fəal iştirakına görə Zakir Fərəc oğlu Fərəcov 1-ci dərəcəli “Əmək” ordeni ilə təltif edilib.
Sumqayıt şəhər İcra Hakimiyyətinin başçısı Zakir Fərəcov bu gün 70 yaşını qeyd edir.
3-02-2024, 19:25
Zəlzələ bölgəsində 75 min mənzil tikilir - Ərdoğan
Türkiyədə baş vermiş zəlzələ bölgəsində inşa edilən 75 min mənzilin tikintisi qarşıdan gələn iki ay ərzində tamamlanacaq.
Bu barədə Türkiyə Prezidenti Rəcəb Tayyib Ərdoğan Hatay vilayətində ötən ilin fevral ayında baş verən zəlzələdən zərər çəkmiş şəxslərə yeni tikilən mənzillərin açarlarının verilməsi mərasimində çıxışı zamanı bildirib.
Ölkə başçısı qeyd edib ki, 11 vilayət, 124 rayon, 6929 kənd və məhəllə, eləcə də 14 milyon insana təsir edən bu zəlzələ zamanı dağılan 39 minə yaxın tikilidən 26 minində axtarış-xilasetmə işləri aparılıb. Bundan əlavə 200 mindən artıq tikili ağır zədə alıb.
Ölkəsinin əsrin fəlakəti adlandırılan bu faciəni əsrin həmrəyliyinə çevirməklə çətin günləri geridə qoyduğunu vurğulayan Ərdoğan yeraltı təkanlardan sonra aparılan axtarış-xilasetmə işləri və sonrakı dövrdə 11 vilayətin yenidən qurulması istiqamətində görülən işlərdən danışıb.
Bildirilib ki, aparılan araşdırmalar nəticəsində Hatayda 135 min 589-u yaşayış, 15 min 599-u iş yeri olmaqla ümumilikdə 150 minə yaxın tikilinin sahibi müəyyən edilib. Ümumilikdə zəlzələ bölgəsində müəyyən edilən haqq sahiblərinin sayı isə 390 nəfərdir. Bugünkü püşkatma mərasimində 6572-si vilayət və rayon mərkəzlərində, 703-ü isə kənd yerlərində olmaqla 7275 tikilinin açarları təslim edilir.
Xatırladaq ki, Azərbaycan ilə Türkiyə arasında imzalanan Sazişə əsasən, Azərbaycan Kahramanmaraş vilayətində baş verən zəlzələdən zərər çəkmiş bölgələrin birində yaşayış binaları, ibtidai məktəb, uşaq bağçası və mədəniyyət mərkəzi inşa edir.
3-02-2024, 19:02
Estoniya Ukraynaya “tank əleyhinə raketlər göndərəcək
Estoniya Ukraynaya tank əleyhinə “Javelin” raketləri də daxil olmaqla, yeni hərbi yardım paketini təqdim edib.
Bu barədə Estoniya Müdafiə Nazirliyi məlumat yayıb.
Qeyd olunur ki, Estoniyanın dekabrda aldığı “Javelin” raketləri artıq Ukraynaya çatdırılıb. Yardım paketinə, həmçinin pulemyotlar, atıcı silahların sursatları, müxtəlif yerüstü və su avadanlıqları daxildir.
2022-ci ildən bəri Estoniya Ukraynaya ümumilikdə təxminən 500 milyon avro və ya ümumi daxili məhsulunun təxminən 1,4 faizi həcmində hərbi yardım göstərib.
3-02-2024, 18:45
Qurban Qurbanov: “Qələbəyə görə futbolçularımı təbrik edirəm”
"Çox vacib qələbə qazandıq. Qarşımızda istəkli komanda var idi. Qələbəyə görə futbolçularımı təbrik edirəm".
Bu sözləri "Qarabağ"ın baş məşqçisi Qurban Qurbanov Azərbaycan Premyer Liqasının XXI turunda səfərdə "Səbail"ə 2:1 hesabı ilə qalib gəldikləri oyundan sonra mətbuat konfransında deyib.
52 yaşlı mütəxəssis süni meydançada oynamağın çətin olduğunu söyləyib: "Səbail" bu cür örtükdə oynamağa öyrəşib. Amma mən bunu bəhanə etmirəm. Futbolçularım istədiklərimi meydanda yerinə yetirdi".
O, UEFA Avropa Liqasının pley-off mərhələsində "Braqa" ilə oyunlarda heyətdə ciddi dəyişikliklər etməyəcəyini vurğulayıb.
Türkiyənin “Qalatasaray” klubunun futbol direktoru Cenk Ergünün matçı stadiondan izləməsinə də münasibət bildirən Q. Qurbanov əlavə edib: "Bu barədə məlumatım yox idi. Azərbaycana xoş gəlib".
Təcrübəli çalışdırıcı rusiyalı baş məşqçi Murad Musayevin "Sabah"la yollarını ayırmasına da toxunub: “Güclü məşqçidir. Təəssüf ki, Musayev kimi istəkli mütəxəssis Azərbaycandan getdi. Ona qarşı oynamaq mənim üçün xoş idi. Ancaq verilən qərarlar bizdən asılı deyil".
3-02-2024, 18:16
Xilasetmə işlərində iştirak edən qardaşlarımıza təşəkkür edirəm - Ərdoğan
“Təxminən 1 il əvvəl, 6 fevralda baş verən zəlzələ nəticəsində həyatını itirən 53 mindən çox vətəndaşımızın hər birinə Allahdan rəhmət diləyirəm”.
Bunu Türkiyə Prezident Rəcəb Tayyib Ərdoğan Hatayda zəlzələdən sonra mənzillərin təhvil verilməsi mərasimində çıxışı zamanı deyib.
O qeyd edib ki, zəlzələ 11 vilayət, 124 rayon, 7000-ə yaxın kənd və məhəllədə böyük dağıntılara səbəb olarkən, 14 milyon Türkiyə vətəndaşı təbii fəlakətdən birbaşa zərər çəkib:
“Xalqımız bu ağrılı sınaqdan uğurla çıxıb. 11 min 500 əcnəbi komanda üzvü olmaqla axtarış-xilasetmə işlərində iştirak edən 35 min nəfərə, bütün qardaşlarımıza təşəkkür edirəm”.
3-02-2024, 18:02
Aşotyandan Paşinyanla bağlı növbəti ittiham
Ermənistan Respublika Partiyası sədrinin müavini Armen Aşotyan Baş nazir Nikol Paşinyana qarşı növbəti dəfə ittihamlar səsləndirib.
O, Paşinyanın ölkə Konstitusiyasını dəyişmək çağırışını yolverilməz hesab edib.
Aşotyan bu cəhdi Ermənistana qarşı böyük təxribat adlandırıb.
Serj Sarkisyanın müavini Nikol Paşinyanı Ermənistanda dağıdıcı siyasət yürütməkdə suçlayıb.
“Əgər erməni xalqı Paşinyanı dəyişməsə, o, erməni xalqını dəyişəcək. Bu, acı reallıqdır, bunun nəticəsində Nikol öz rejimini əbədiləşdirməyə ümid edir. Obrazlı desək, Paşinyan xalqımızı məcburi “cins dəyişikliyinə” məruz qoyur, erməniləri “trans-identifikasiyanın” laboratoriya dovşanlarına çevirir”, – Armen Aşotyan 168.am-a açıqlamasında deyib.
3-02-2024, 00:47
ABŞ Suriyadakı hədəflərə zərbələr endirdi
ABŞ Suriyadakı hədəflərə zərbələr endirib.
Bu barədə Qərb mətbuatı və yerli telekanallar məlumat yayıb.
Məlumata görə, Amerika təyyarələri şərqdəki Deyr əz-Zor əyalətindəki hədəflərə hücum edib, azı 6 nəfər həlak olub.
Hücum İranyönlü qrupların yanvarın sonunda İordaniya-Suriya sərhədində yerləşən Amerika bazasına endirdiyi zərbəyə cavab olaraq həyata keçirilir.
3-02-2024, 00:23
Azərbaycanlı zabit Ukrayna döyüşlərində həlak oldu
Ukrayna Silahlı Qüvvələrinin azərbaycanlı zabiti Murad Babayev həlak olub.
2001-ci il təvəllüdlü M.Babayev Donetsk vilayəti Novomixaylovka kəndi yaxınlığında gedən döyüşlərdə həlak olub.
O, Dnepropetrovsk vilayətində dəfn edilib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!