"Sədərək”də yanan mağazanın 1,5 milyona yaxın borcu varmış? .....                        Dağlıq ərazidə yanğın başladı .....                        Xocavənddə yanğına səbəb olan şəxs tutuldu .....                        ABŞ İraqda iki bazanı tərk edir .....                        Zelenskidən Azərbaycanla bağlı paylaşım .....                        Dəhşətli yanğında 12 nəfər tüstüdən zəhərlənib - RƏSMİ .....                        Çayda batan 3 nəfərin meyiti tapıldı .....                        Rusiyaya güzəştə getməyəcəyik - Zelenski .....                        Qəzzada 16 fələstinli öldürüldü .....                       
18-01-2024, 15:56
Ödənişli yolda sürət həddi müəyyənləşdi


Ödənişli yolda sürət həddi müəyyənləşdi

Ənənəvi yola alternativ olaraq yaradılmış ödənişli avtomobil yolunda yeni yol nişanı qoyulub.
Bakı-Quba-Rusiya Federasiyası sərhədi yolunda maksimal sürət həddi 110 km/saat nişanı quraşdırılıb.
Bundan öncə həm qovşaqlara dönən, həm də giriş-çıxış hissələrində 90 km/saat və 70 km/saat nişanı olsa da, artıq 110 km/saat nişanı da qoyulub. Baxmayaraq ki, magistral yollarda maksimal sürrət həddinin 110 km/saat olduğunu hamı bilir. Amma nişan olmadığı üçün sürücülər bundan sui-istifadə edirdilər.
Qeyd edək ki, sürücülərin sürət rejiminə əməl etməsinə nəzarət olunması məqsədilə yaxın zamanda yolda xüsusi texniki vasitələrin quraşdırılması nəzərdə tutulur. Onu da bildirək ki, artıq ödənişli yolda ölüm və ağır xəsarətlə nəticələnən bir neçə yol qəzası baş verib.
18-01-2024, 15:23
“Qəbələ” - “Qarabağ” oyunu təxirə salındı


“Qəbələ” - “Qarabağ” oyunu təxirə salındı

Azərbaycan Premyer Liqasının XXIII turunun “Qəbələ” – “Qarabağ” oyunu təxirə salınıb.
Bu barədə Peşəkar Futbol Liqası (PFL) məlumat yayıb.
Bildirilib ki, “Qarabağ”ın rəsmi müraciəti və “Qəbələ”nin razılıq məktubunu nəzərə alan PFL Əsasnamənin 6-cı maddəsinin 2-ci bəndinə əsasən, ağdamlıların Azərbaycanı UEFA Avropa Liqasında layiqincə təmsil etməsi məqsədilə qarşılaşmanı təxirə salıb.
Görüşün hansı tarixdə baş tutacağı ilə bağlı hələ ki, qərar verilməyib. Ancaq klubların əvəzedici heyətləri arasındakı matç təqvimə uyğun şəkildə reallaşacaq.
Qeyd edək ki, XXIII turun digər görüşləri fevralın 17-18-də keçiriləcək.
18-01-2024, 15:14
İstanbulda bina çökdü


İstanbulda bina çökdü

Türkiyənin İstanbul şəhərində bina çöküb.
Hadisə Ümraniye rayonunda baş verib.
Belə ki, metro inşaatı zamanı əvvəlcədən boşaldılan yaşayış binası dağılıb.
Daha sonra boşaldılan başqa bir bina və yol çöküb.
18-01-2024, 15:00
Ermənistan və Fransa prezidentləri görüşdülər


Ermənistan və Fransa prezidentləri görüşdülər

Ermənistan və Fransa prezidentləri Vahaqn Xaçaturyan və Emmanuel Makron görüşüblər.
Bu barədə "Sputnik Armenia" məlumat yayıb.
Bu, İsveçrənin Davos şəhərində keçirilən Dünya İqtisadi Forumu çərçivəsində baş tutub. Onlar Cənubi Qafqaz ətrafında fikir mübadiləsi aparıblar.
Detallar açıqlanmayıb.
18-01-2024, 14:49
Naxçıvana yeni yol çəkilir - Rəsmi AÇIQLAMA - VİDEO


Naxçıvana yeni yol çəkilir - Rəsmi AÇIQLAMA - VİDEO

Azərbaycan Respublikasının əsas hissəsini
Naxçıvan Muxtar Respublikası ilə birləşdirən avtomobil yolunun İran İslam Respublikası ilə bağlantısı və Araz çayı üzərində körpünün tikintisi işləri icra olunur.
Azərbaycan Avtomobil Yolları Dövlət Agentliyindən (AAYDA)verilən məlumat görə, Azərbaycan Respublikası Prezidentinin Horadiz–Cəbrayıl–Zəngilan–Ağbənd avtomobil yolunun İran İslam Respublikası ilə bağlantısının və Araz çayı üzərində körpünün tikintisi işlərinin davam etdirilməsi ilə bağlı tədbirlər haqqında Sərəncamına uyğun olaraq, Azərbaycan Avtomobil Yolları Dövlət Agentliyi tərəfindən ərazidə tikinti işləri davam etdirilir.
Horadiz-Cəbrayıl-Zəngilan-Ağbənd avtomobil yolunun İran İslam Respublikası ilə bağlantı yolu və Araz çayı üzərində körpü layihəsi Horadiz – Cəbrayıl – Zəngilan – Ağbənd avtomobil yolunun 111.8 km-dən ayrılır.
Qeyd olunan layihə üzrə inşa edilən 7.2 kilometrlik 1 dərəcəli bağlantı avtomobil yolunda süni qurğuların (istinad divarları, müxtəlif diametrli borular, düzbucaqlı borular, keçidlər və beton küvetlər) və torpaq yatağının tikintisi davam etdirilir. Görülmüş işlərin fiziki tərəqqisi 80% təşkil edir.
Layihə çərçivəsində Araz çayı üzərində uzunluğu 374 və eni isə 27.6 metr təşkil edəcək avtomobil körpüsünün inşasına da start verilib. 4 hərəkət, 2 təhlükəsizlik və ayrıcı zolaqlardan ibarət olmaqla hər bir istiqamətdə üzrə körpü üzərində 2.8 metr enində piyada səkilərinin inşası da nəzərdə tutulub.
Hazırda ərazidə körpünün dayaq svaylarının vurulması və svay başlıqlarının qurulması işləri davam etdirilir. Bu işlər üzrə tərəqqi 10% təşkil edir.
“İran İslam Respublikasının ərazisindən keçməklə Azərbaycan Respublikasının Şərqi Zəngəzur iqtisadi rayonu ilə Naxçıvan Muxtar Respublikası arasında yeni kommunikasiya bağlantılarının yaradılması haqqında Anlaşma Memorandumu” çərçivəsində inşa edilən avtomobil körpüsü iki ölkə ərazisindən keçən tranzit yükdaşımalarının artımına və Naxçıvan Muxtar Respublikasına gediş-gəlişin asanlaşdırılmasına xidmət göstərəcək. Tikiləcək, avtomobil körpüsünün gündəlik buraxılış qabiliyyəti 1100 ədəd yük-nəqliyyat vasitələrinin təşkil edəcəkdir.

[media=https://youtu.be/b9ycdYreNPo]
18-01-2024, 14:42
Prezident ABŞ-nin yeni təyin olunmuş səfiriylə fikir mübadiləsi apardı


Prezident ABŞ-nin yeni təyin olunmuş səfiriylə fikir mübadiləsi apardı

Prezident İlham Əliyev yanvarın 18-də ABŞ-nin Azərbaycana yeni təyin olunan fövqəladə və səlahiyyətli səfiri Mark Libbinin etimadnaməsini qəbul edib.
Bu barədə Azərbaycan Prezidentinin Mətbuat Xidməti məlumat yayıb.
Söhbət zamanı Ermənistanla Azərbaycan arasında münasibətlərin normallaşdırılması və sülh gündəliyi barədə fikir mübadiləsi aparılıb.
18-01-2024, 14:33
Növbəti köç karvanı Füzuli şəhərinə çatdı - Ailələrə açarları təqdim olundu - FOTO


Növbəti köç karvanı Füzuli şəhərinə çatdı - Ailələrə açarları təqdim olundu - FOTO

Yanvarın 18-də Bakı şəhərinin Qaradağ rayonundan yola salınan növbəti köç karvanı Füzuli şəhərinə çatıb. Yeni köçürülən ailələrə mənzillərinin açarlarının təqdimat mərasimi keçirilib.
Qaçqınların və Məcburi Köçkünlərin İşləri üzrə Dövlət Komitəsindən verilən xəbərə görə, mərasimdə Komitənin və Azərbaycan Respublikası Prezidentinin Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) xüsusi nümayəndəliyinin rəsmiləri iştirak ediblər.
Köçürülən ailələr Füzuli şəhərində yenidən tikilən evlərdə məskunlaşacaqlar. Bu mərhələdə Füzuli şəhərinə daha 30 ailə - 127 nəfər köçürülüb. Bununla da Füzuli şəhərində 410 ailə, 1519 nəfərin daimi məskunlaşması təmin edilib.





18-01-2024, 14:25
İordaniya Suriyaya hava zərbələri endirdi


İordaniya Suriyaya hava zərbələri endirdi

İordaniyanın Suriyanın cənubuna hava zərbələri endirib.
Nəticədə 10 nəfər həlak olub.
Onların arasında uşaqların da olduğu deyilir. İordaniya rəsmilərindən hələlik hər hansı şərh verilməyib. İordaniyanın hava zərbələri ölkənin cənubundakı Suveyda əyalətinin Arman şəhərində iki evə endirilib. Onların narkotik daşıyanlar olduğu bildirilir.
İordaniya və onun Qərb müttəfiqləri narkotik qaçaqmalçılığında artımın səbəbkarı kimi Livanda yerləşən, İranın dəstəklədiyi Hizbullah və Suriyanın cənubuna nəzarət edən digər iranpərəst qrupları günahlandırır. İran və Hizbullah bu ittihamları müttəfiqləri Suriyaya qarşı Qərbin konspirasiya planı olduğunu iddia edir və narkotik istehsalı və qaçaqmalçılığında iştirakını inkar edir.
Müharibədən əziyyət çəkən Yaxın Şərq ölkəsi olan Suriya narkotik ticarəti üçün regionun əsas məkanına çevrilib, İordaniya isə əsas tranzit marşrutu kimi istifadə olunur.
18-01-2024, 14:02
Lavrov İrandan və Ermənistandan keçən yolların müqayisəsini çətin anlandırdı


Lavrov İrandan və Ermənistandan keçən yolların müqayisəsini çətin anlandırdı

Rusiya xarici işlər naziri Sergey Lavrov İrandan və Ermənistandan keçən yolların müqayisəsini çətin adlandırıb.
Bu barədə o, bu gün keçirilən mətbuat konfransında danışıb.
Nazir Paşinyanın təklifinin yersiz olduğunu bildirib.
“Cənab Paşinyanın Ermənistan ərazisindən tranzit üçün eyni şərtləri istədiyi barədə dediklərində heçir məntiq görünmür, açığını desəm, bunları müqayisə etmək çətin və yersizdir".
O qeyd edib ki, Ermənistan indi Sünik vilayətindən (Zəngəzur - red.) keçən yolu açmaqda çətinlik edir, bu üçtərəfli bəyanatda deyilib.
"İrəvan yeni tələblər irəli sürür, orada Rusiya sərhədçilərinin yerləşdirilməsini istəmir. Bu, razılaşmalara ziddir. Qərbin eqoist istəklərinin maraqlarının Ermənistan və Azərbaycanın maraqlarının reallaşmasına mane olması təəssüf doğurur", - nazir belə söyləyib.
Qeyd edək ki, Ermənistan baş naziri Nikol Paşinyan bir neçə gün əvvək Qavar şəhərində keçirilən görüş zamanı deyib ki, İrəvan İran kimi eyni şərtlərlə Azərbaycanla Naxçıvan arasında quru əlaqəsini təmin etməyə hazırdır.
“Biz də İranın təqdim etdiyi şərtlərlə Azərbaycan və Naxçıvan arasında dəmir yolu və avtomobil əlaqəsini təmin etməyə hazırıq”, - Paşinyan bildirib.
18-01-2024, 13:58
Ankara Pakistanla İran arasında vasitəçilik təklif etdi


Ankara Pakistanla İran arasında vasitəçilik təklif etdi

Rəsmi Ankara Pakistanla İran arasında vasitəçilik təklif edib.
Bu barədə Türkiyə Xarici İşlər Nazirliyindən bildirilib.
Qeyd olunub ki, Türkiyə Tehran və İslamabad arasında yaranan gərginlikdən narahatdır: “Problemin BMT prinsipləri əsasında, ölkələrin ərazi bütövlüyü və suverenliyi əsasında həllinin vacib olduğuna inanırıq. Məsələnin regional təhlükəsizlik və sabitliyə daha çox təhdid yaratmadan, dialoq və əməkdaşlıq əsasında həllini arzulayırıq”, - bəyanatda bildirilib.
Rəsmi Ankara tərəfləri dialoqa çağırıb: “Türkiyə təcrübəsini bölüşməyə və prosesə töhfə verməyə hazırdır”.
Qeyd edək ki, bir neçə gün əvvəl İran İslam İnqilabı Keşikçiləri Korpusu (Sepah) Pakistanda yerləşən “Ceyş əl-Adl” qruplaşmasına zərbələr endirib. Yanvarın 17-də Pakistan buna cavab olaraq İran ərazisinə zərbələr endirib. Nəticədə 9 nəfər həlak olub. Pakistan Silahlı Qüvvələri yüksək hazırlıq səviyyəsinə gətirilib.
����������� ��������� ������ � �����-����������.
��� dle ������� ��������� ������� � �����.
���������� ���� ������ ��������� � ��� �����������.
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Avqust 2025    »
BeÇaÇCaCŞB
 123
45678910
11121314151617
18192021222324
25262728293031
Reklam
Hava
Valyuta
Reklam

Sayğac
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!