22-11-2023, 18:10
Yeni “AH-12,7” adlı iri çaplı pulemyot təqdim olundu
Azərbaycan yeni “AH-12,7” adlı iri çaplı pulemyot hazırlayıb.
Pulemyot noyabrın 22-də Bakı Ekspo Mərkəzində Mərkəzi Asiya Ölkələrinin İqtisadiyyatları üçün BMT-nin Xüsusi Proqramı - SPECA həftəsi çərçivəsində Azərbaycanın xüsusi təşəbbüsü ilə keçirilən “SPECA Ölkələrinin Sərgisi: Dayanıqlı inkişaf üçün regional əməkdaşlıq” adlı sərgidə təqdim olunur.
Sərgidə Müdafiə Sənayesi Nazirliyinin müəssisələrində istehsal olunan müxtəlif növ atıcı silahlar, yaxın məsafəli döyüş vasitələri, minaatanlar, müxtəlif çaplı döyüş sursatları, pilotsuz uçuş aparatları və s. olmaqla 88 adda müdafiə təyinatlı məmulat nümayiş etdirilir.
22-11-2023, 17:48
Zərdabda çöllük ərazidən tapança aşkarlandı
Zərdab Rayon Polis Şöbəsinə rayonun Böyük Dəkkə kəndinin çöllük ərazisində müxtəlif növ silah-sursat tapılması barədə məlumat daxil olub.
DİN-in Mətbuat Xidmətinin Şirvan regional qrupundan verilən məlumata görə, daxil olan məlumatla əlaqədar dərhal şöbə əməkdaşları tərəfindən hadisə yerinə baxış keçirilib və ərazidən 1 ədəd "Makarov" markalı tapança, 1 ədəd sandıqça və 8 ədəd patron aşkarlanaraq götürülüb.
Faktla bağlı araşdırmalar aparılır.
22-11-2023, 16:58
Komitə köçkünlərin Xankəndiyə köçürülməsiylə bağlı cavab verdi
Qaçqınların və Məcburi Köçkünlərin İşləri üzrə Dövlət Komitəsinə ərazisi işğaldan azad olunmuş müxtəlif rayonlardan olan məcburi köçkünlərdən Xankəndiyə köçməklə bağlı çoxsaylı müraciətlər gəlir.
Bu barədə Komitədən məlumat verilib.
Məlumatda bildirilib ki, ərazisi işğaldan azad olunmuş ərazilərdə, Böyük Qayıdışa dair I Dövlət Proqramı çərçivəsində, bərpa edilən və yenidən tikilən yaşayış məntəqələrinə köçürülmə aparılır.
"Bu zaman məcburi köçkünlər yalnız qeydiyyatda olduqları şəhər, rayon, kənd və qəsəbə üzrə daimi yaşayış sahəsi ilə təmin edilirlər. Buna uyğun olaraq, Xankəndi şəhərinə də həmin ərazidən olan məcburi köçkünlərin köçürülməsi nəzərdə tutulur", - Komitə qeyd edib.
22-11-2023, 16:40
İlham Əliyev Kahramanmaraşla bağlı Sazişi təsdiqlədi
Prezident İlham Əliyev Azərbaycanın Kahramanmaraşda tikinti işləri aparması haqqında Sazişi təsdiqləyib.
2023-cü il sentyabrın 25-də Naxçıvan şəhərində imzalanmış “Azərbaycan Respublikası Hökuməti ilə Türkiyə Respublikası Hökuməti arasında Türkiyə Respublikasının Kahramanmaraş vilayətində yaşayış binaları, ibtidai məktəb, uşaq bağçası və mədəniyyət mərkəzinin tikilməsi haqqında Əməkdaşlıq Sazişi” təsdiq edilib.
22-11-2023, 16:33
Rusiya XİN Ermənistanı tənqid etdi
"İrəvanın Qərbə qarşı ehtiyatsız "stavkası" fiasko idi".
Bunu Rusiya XİN-in sözçüsü Mariya Zaxarova deyib.
“Sülh müqaviləsi üzrə danışıqlara dair təkliflərə baxmayaraq, onlar hələ də dondurulmuşdur. Fransa silahlarının tədarükünün faydaları ilə bağlı arqumentlər də sadəlövh görünür", - o əlavə edib.
Zaxarova bəyan edib ki, Ermənistandakı Aİ missiyası təhlükəsizliyi təmin etmir. O, KTMT-nin bunu daha yaxşı bacara biləcəyinə eyham vurub.
Rusiyanın Cənubi Qafqazdan çıxarılmağa çalışıldığını vurğulayan sözçü Qərbin Azərbaycan və Ermənistan arasında vasitəçiliyini də tənqid edib. O, Qərbi nəticəsizlikdə günahlandırıb.
22-11-2023, 16:21
Gürcüstandan Azərbaycana ixrac olunan avtomobillərin sayı artıb
Gürcüstan 2023-cü ilin ilk 9 ayı ərzində Azərbaycana 371,98 milyon ABŞ dolları dəyərində 19 820 ədəd avtomobil ixrac edib.
Bu barədə Gürcüstan Milli Statistika İdarəsinin hesabatında bildirilib. Qeyd olunub ki, hesabat dövründə Azərbaycana ixrac edilən avtomobillərin sayı illik müqayisədə 5 276 ədəd və ya 21,02% azalıb, lakin dəyəri 126,78 milyon dollar və ya 51,7% artıb.
Belə ki, 2022-ci ilin yanvar-oktyabr ayları ərzində Gürcüstan Azərbaycana 245,2 milyon dollar dəyərində 25 096 ədəd avtomobil ixrac edib.
Cari ilin ilk 3 rübü ərzində Gürcüstan ümumilikdə 1 milyard 762 milyon dollar dəyərində avtomobil ixrac edib ki, bu da illik ifadədə 2,65 dəfə çoxdur. Bu il avtomobil Gürcüstanın əsas ixrac məhsulu olub və ölkənin ümumi ixracının 34,5%-ni təşkil edib.
22-11-2023, 15:48
Qəzza zolağında vəziyyət çoxdan kritik həddi aşıb - Putin
"KTMT ölkələrinin vahid hava hücumundan müdafiə sisteminin formalaşdırılması istiqamətində xeyli iş görülüb".
Bunu Rusiya prezidenti Vladimir Putin hökumətin onlayn iclasında deyib.
"Rusiya Tacikistana iki S-300 divizionu tədarük edib və KTMT-nin vahid hava hücumundan müdafiə sistemi üçün tədarükləri başa çatdırmağa hazırdır", - o əlavə edib.
Putin Nazirlər Kabinetinə KTMT üçün vahid hava hücumundan müdafiə sisteminin yaradılması barədə qərarı gözdən qaçırmamağı və müvafiq addımlar atmağı tapşırıb.
"Qəzza zolağında vəziyyət çoxdan kritik həddi aşıb. Oradan təxliyə olunmaq üçün Rusiya Federasiyasına 900-ə yaxın insan üz tutub ki, onlardan 639-u rus, 271-i isə onların qohumlarıdır", - Rusiya prezidenti məlumat verib.
O, Qəzza zolağından Rusiya vətəndaşlarının təxliyəsini "müqəddəs vəzifə" adlandırıb.
Putin iqtisadi məsələlərdən danışarkən iddia edib ki, Rusiya Federasiyasında rekord sayda yerli brendlər meydana çıxıb.
22-11-2023, 14:57
Laçına köçürülən ailələr artıq doğma yurdlarındadır
Laçına köçürülən ailələr artıq doğma yurdlarına çatıb.
Səhər saatlarında Bakı şəhərindən yola düşən 81 nəfərdən ibarət 21 ailə artıq Laçın şəhərinə çatıb.
Belə ki, yeni köçürülən ailələri burada Qaçqınların və Məcburi Köçkünlərin İşləri üzrə Dövlət Komitəsinin, Şərqi Zəngəzur İqtisadi rayonuna daxil olan Laçın rayonunda Azərbaycan Prezidentinin xüsusi nümayəndəliyinin və “Bakı Abadlıq Xidməti” MMC-nin nümayəndələri qarşılayıb.
Bununla da Laçın şəhərində 346 ailə, yəni 1326 nəfərin daimi məskunlaşması təmin edilib.
Qeyd edək ki, köçürülən ailələr, Laçın şəhərində vaxtilə yaşadıqları, işğala son qoyulduqdan sonra dövlətimizin başçısının göstərişi əsasında bərpa edilən və ya yenidən tikilən evlərdə məskunlaşması üçün bütün şərait yaradılıb.
22-11-2023, 14:47
Aİ Ukrayna üçün təhlükəsizlik konsepsiyası hazırladı
Aİ Ukrayna üçün təhlükəsizlik təminatı konsepsiyası hazırlayıb.
Konsepsiyaya aşağıdakılar daxildir:
Aİ müdafiə sənayesini səfərbər edərək, Ukraynaya proqnozlaşdırıla bilən, effektiv, davamlı və uzunmüddətli hərbi dəstək,
Ukraynanın kiberhücumlara və hibrid təhdidlərə, eləcə də dezinformasiyaya qarşı mübarizəsini gücləndirmək,
İmkanların gücləndirilməsi və standartların uyğunlaşdırılması, kəşfiyyat və peyk görüntülərinin mübadiləsi, nüvə təhlükəsizliyinin təmin edilməsi üçün Ukraynanın müdafiə sənayesi ilə əməkdaşlığın dərinləşdirilməsi,
Ərazilərin minalardan təmizlənməsinə, habelə partlayıcı qalıqların yaratdığı çirklənmənin aradan qaldırılmasına dəstək,
Avropa İttifaqına daxil olmaq üçün zəruri olan islahatların aparılmasına köməklik,
Silahlara nəzarət və qanunsuz dövriyyəyə qarşı mübarizə.
22-11-2023, 14:12
Erməni müxalifəti dəstək üçüb Rusiyaya müraciət etmişdi - Zatulin
"2021-ci ildə erməni müxalifəti dəstək istəyi ilə Rusiya Federasiyasına müraciət etdi".
Bunu Rusiya Dövlət Dumasının deputatı Konstantin Zatulin "Moskva danışır" radiostansiyasında deyib.
"Lakin Rusiya tərəfi hakimiyyət dəyişikliyinin 9 noyabr 2020-ci il tarixli üçtərəfli bəyanatına təsir göstərə və yeni müharibəyə səbəb ola biləcəyi üçün bundan imtina edib", - o əlavə edib.
"Ermənistanın özündə də təbii ki, səhərdən axşama kimi internetdə, televiziyada və s.-də beyinləri yuyulduqları üçün Rusiyaya inam azalır. Biz bununla mübarizə aparmalıyıq", - Zatulin belə söyləyib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!