30-10-2023, 21:53
Masazırda iki Pakistan vətəndaşı bıçaqlandı
Abeşronda iki Pakistan vətəndaşı bıçaqlanıb.
Hadisə rayonun Masazır qəsəbəsində qeydə alınıb.
Belə ki, naməlum şəxs və ya şəxslər iki Pakistan vətəndaşına yaşadıqları mənzildə bıçaq zərbələri endiriblər.
Hadisənin hansı səbəbdən baş verdiyi hələ ki, məlum deyil.
Faktla bağlı araşdırma aparılır.
30-10-2023, 21:10
"Araz-Naxçıvan" “Qarabağ” üzərində qələbə qazandı
Futbol üzrə Azərbaycan Premyer Liqasında XI turunun sonuncu qarşılaşmasıda "Qarabağ" "Araz-Naxçıvan"la üz-üzə gəlib.
Respublika stadionundakı matç Naxçıvan təmsilçisinin 2:1 hesablı qələbəsi ilə bitib.
75-ci dəqiqədə Orxan Əliyev penaltini dəqiq yerinə yetirib. 90+2-ci dəqiqədə Elvis Maşike fərqi iki topa çatdırıb.
"Qarabağ"dan Juninyo 90+7-ci dəqiqədə komandasının yeganə qoluna imza ata bilib.
Bu nəticədən sonra xallarının 20-yə çatdıran "Araz-Naxçıvan" ikinci sıradakı "Qarabağ"a çatıb.
30-10-2023, 20:53
“Azərkosmos” Türkiyənin peyk rabitə operatoruyla müqavilə imzaladı
Azərbaycan Respublikasının Kosmik Agentliyi (“Azərkosmos”) Türkiyənin peyk rabitə operatoru “Türksat” ilə yeni müqavilə imzalayıb.
Bu barədə “Azərkosmos” məlumat yayıb.
Müqaviləyə əsasən, “Türksat” peyk operatoru “Azerspace-2” telekommunikasiya peykinin tutumundan Afrika bölgəsində data layihələrində istifadə edəcək.
30-10-2023, 20:15
“Avroviziya 2024” milli seçim turunun növbəti mərhələsi uğurla başa çatdı
“Avroviziya 2024” milli seçim turunun növbəti mərhələsi uğurla başa çatıb.
Bu mərhələdə 15 namizəd seçilib.
Onların arasında “Avroviziya 2018” təmsilçimiz Aisel də var.
Qeyd edək ki, münsiflər heyətinin tərkibində bəstəkarlar Faiq Sücəddinov və Vaqif Gərayzadə, “Avroviziya” uldulzarı Aysel Adıgözəlzadə (Teymurzadə), Nigar Camal və Eldar Qasımov, həmçinin rejissor Ranar Musayev və DJ Fateh yer alıblar. Seçilən 15 namizədi təqdim edirik:
1. Aisel
2. Tofig Hajiyev & Camal Qurbanov
3. Emy Lia
4. Rilaya
5. Mari
6. İlkin Dövlətov & Mila Miles & Etibar Əsədli
7. Sabina Beyli
8. Lexa
9. Edgar Ravinov
10. Əmrah Musayev
11. Alesker
12. Rahib Mirzəyev & Tofiq Yadigar
13. Səbinə Quluzadə
14. Qorqud
15. Fahree
30-10-2023, 18:31
Zelenskinin mənzili 44 milyon rubla satıldı
Ukrayna prezidenti Volodimir Zelenskinin ailəsinin Rusiya tərəfindən ilhaq edilən Yaltadakı mənzili açıq hərracda 44,3 milyon rubla satılıb.
Bu barədə “Kommersant” qəzeti yazıb.
Rəsmilərin dediyinə görə, sahəsi 120 kvadratmetrdən çox olan mənzil üçün tender keçirilib.
Ukrayna mediası bildirib ki, Yelena Zelenskaya 2013-cü ildə Krımda təxminən 164 min dollara başa gələn penthaus alıb. Rusiya hakimiyyəti 2022-ci ilin payızında Zelenski cütlüyünün mənzilini və bir neçə yüz başqa müəssisəni və qeyri-dost əcnəbilərə məxsus daşınmaz əmlakı milliləşdirib .
30-10-2023, 17:55
Xerson vilayətində elektrik enerjisi kəsildi
Ukraynanın Xerson vilayətində Rusiya qüvvələrinin atəşə tutmasından sonra bütöv bir şəhərin elektrik enerjisi kəsilib.
Bu barədə "Unian" məlumat yayıb.
Xerson vilayət administrasiyasının rəhbərliyindən bildirilib ki, Berislav şəhəri kritik infrastruktur obyektinə zərbə endirdikdən sonra işıqsız qalıb.
Hazırda ekspertlər dəymiş ziyanın həcmini müəyyənləşdirirlər. Energetiklər işığı mümkün qədər tez bərpa etmək üçün tezliklə işə başlayacaqlar.
Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.
30-10-2023, 17:42
Moldova rus saytlarına girişi blokladı
Moldova öz ərazisində bir sıra rus saytlarına girişi bloklayıb.
Bu barədə ölkənin xüsusi xidmət orqanı olan "İnformasiya və Təhlükəsizlik Departamenti" açıqlayıb.
Bloklanan saytlar arasında Rusiyanın iki böyük xəbər agentliyinin - TASS və "İnterfaks"ın səhifələri, həmçinin "Sputnik" radiostansiyasının və rəsmi "Rossiyskaya qazeta" qəzetinin səhifələri var: "Ümumilikdə 31 sayt bloklanıb, onlardan 21-i birbaşa Rusiyadan idarə olunur".
Bundan əlavə, ölkənin xüsusi xidmət orqanlarının əmri ilə altı yerli televiziyanın lisenziyası "xarici maraqlara xidmət etdiyi və Moldovanın informasiya təhlükəsizliyini təhdid etdiyi" səbəbilə ləğv edilib.
30-10-2023, 17:30
Xaçatryan: “Bakı baş nazirin səsləndirdiyi 3 bəndlə razılaşıb”
"Hələ anklavlar məsələsi müzakirə olunmayıb".
Bunu Ermənistan baş naziri Nikol Paşinyanın Mülki Müqavilə partiyasının funksioneri Armen Xaçatryan jurnalistlərə bildirib.
"Rəsmi Bakı baş nazirin səsləndirdiyi 3 bəndlə razılaşıb. Sülh müqaviləsinin imzalanması “günlər və aylar” məsələsidir", - o əlavə edib.
30-10-2023, 16:59
Ərdoğan qazaxıstanlı həmkarına TOGG hədiyyə edəcək
Türkiyə prezidenti Rəcəb Tayyib Ərdoğan Qazaxıstan prezidenti Kasım-Jomart Tokayevə TOGG hədiyyə edəcək.
Bu barədə Türkiyənin sənaye və texnologiya naziri Mehmet Fatih Kacır məlumat verib.
"2024-cü ildə qlobal brend olmağı hədəfləyən Togg-un Avropa bazarlarına ixracı üçün hazırlıqlar böyük ölçüdə tamamlanıb. Bu il Türk Dövlətləri Təşkilatının Toplantısı Qazaxıstanda keçiriləcək. Cənab prezidentimiz Rəcəb Tayyib Ərdoğan TOGG-u Qazaxıstan prezidenti Kasım-Jomart Tokayevə hədiyyə olaraq təqdim edəcək", - deyə o bildirib.
Qeyd edək ki, Türkiyənin ilk elektrikli avtomobili olan TOGG 100 faiz Türkiyə tərəfindən layihələndirilib və bu layihə ölkənin sənaye mülkiyyətinə sahib qlobal marka yaratmaq məqsədi ilə həyata keçirilib.
TOGG satışa başladıqdan sonra dörd ay ərzində bütün elektrikli avtomobil bazarında ən çox satılan marka və model kateqoriyası üzrə liderə çevrilib. TOGG 2023-cü ilin yanvar-avqust aylarında T10X modeli ilə 3 min 400 tədarükü tamamlayaraq elektrikli avtomobil seqmentinin lokomotiv markası olmağı bacarıb.
Məlumat üçün bildirək ki, 3 noyabr tarixində Türk Dövlətləri Təşkilatının (TDT) Qazaxıstanda iclası keçiriləcək və Şimali Kipr Türk Respublikası bu iclasda müşahidəçi üzv kimi iştirak edəcək.
30-10-2023, 16:38
Tələbə ürəktutmadan vəfat etdi
UNEC-in tələbəsi qəfil dünyasını dəyişib.
Bu barədə “Azərbaycan Universitetləri” səhifəsi məlumat yayıb.
Azərbaycan Dövlət İqtisad Universitetində Biznesin idarə edilməsi ixtisası üzrə təhsil alan IV kurs tələbəsi Elmin Rzayev ürəktutmadan vəfat edib.
Qeyd edək ki, E.Rzayev son 1 həftədə qəfil vəfat edən sayca üçüncü tələbədir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!