Dövlət Təhlükəsizliyi Xidməti (DTX) tərəfindən keçirilən əməliyyatla vəzifə cinayətləri ilə bağlı həbs olunan Şəmkir Rayon İcra Hakimiyyətinin sabiq başçısı Alimpaşa Məmmədovun cinayət işi üzrə ibtidai istintaq davam edir.

APA-nın əldə etdiyi məlumata görə, Səbail Rayon Məhkəməsində sabiq icra başçının həbs-qətimkan tədbirinin uzadılması ilə bağlı istintaq orqanının təqdimatına baxılıb.

Məhkəmə A.Məmmədovun həbs-qətimkan tədbiri müddətinin daha üç ay uzadılması ilə bağlı qərar verib.

Qeyd edək ki, rəsmi məlumata görə, Şəmkir Rayon İcra Hakimiyyətinin vəzifəli şəxsləri tərəfindən külli miqdarda dövlət əmlakının ələ keçirilməsi, vətəndaşların hüquqlarına zərər vurulması ilə bağlı qanunsuz əməllərə yol verilməsinə dair məlumatlar əsasında Dövlət Təhlükəsizliyi Xidməti tərəfindən kompleks əməliyyat-istintaq tədbirləri həyata keçirilib.

Başlanılmış cinayət işi üzrə araşdırmalar zamanı Məmmədov Alimpaşa Adil oğlunun Şəmkir Rayon İcra Hakimiyyətinin başçısı kimi vəzifə səlahiyyətlərindən sui-istifadə edərək, Şəmkir rayonu Çinarlı bələdiyyəsi tərəfindən təsis edilmiş, mülkiyyətində 2 milyon 844 min manat dəyərində əmlakı olan “Çinarlı Qəsəbə” MMC-nin bütün paylarını oğlu Adilzadə Adil Alimpaşa oğlu və tabeçiliyində fəaliyyət göstərən digər şəxslərə məxsus “Şəmkir Səbət Ticarət Mərkəzi” MMC-yə cəmi 40 manata satılmasını, Şəmkir şəhər Bələdiyyəsi tərəfindən təsis edilib, mülkiyyətində 967 min manat dəyərində qida məhsulları istehsal zavodu olan “Abad Şəmkir” MMC-nin bütün paylarını oğlu Adil Adilzadəyə cəmi 180 manata satılmasını təmin edib xüsusilə külli miqdarda dövlət əmlakını mənimsəməsinə əsaslı şübhələr müəyyən edilib.

Bundan başqa, Alimpaşa Məmmədovun Şəmkir rayon ərazisində abadlıq işlərinin görülməsi ilə bağlı “Ağstafasutikinti” MMC-nin hesabına köçürülmüş 218 min manat külli miqdarda pul vəsaitini nağdlaşdıraraq təkrar mənimsəmə yolu ilə ələ keçirməsinə, Şəmkir rayonu ərazisində dövlət büdcəsindən ayrılan vəsaitlər hesabına tikinti və abadlıq işləri, əsaslı və cari təmir, habelə yolların təmir edilməsi ilə bağlı işləri yerinə yetirən ayrı-ayrı şəxslərdən ümumilikdə 382 min manat, rayon ərazisində sahibkarlıq və yaşayış təyinatlı tikinti işlərinin aparılması ilə bağlı ayrı-ayrı vətəndaşlardan ümumilikdə 217 min manat vəsaiti tabeçiliyində olan şəxslər vasitəsi ilə rüşvət qismində istəyərək almasına əsaslı şübhələr müəyyənləşib.

Alimpaşa Məmmədovun həmçinin rayon icra hakimiyyəti başçısının ərazi icra nümayəndələri və digər yerli dövlət təsisatlarının vəzifəli şəxslərindən müxtəlif adlar altında 3 min - 10 min manat məbləğində pul vəsaitləri tələb edərək almasına dair əldə edilmiş məlumatlar üzrə araşdırma aparılır. Eləcə də, onun mənimsəmə və rüşvət alma yolu ilə pul vəsaitlərinin əldə edilməsinin həqiqi mənbəyini gizlətmək məqsədi ilə 832 min manat vəsaitin oğlu Adil Adilzadənin adına təsis etdiyi “Az Forel” MMC-nin Şəmkir rayonunda yerləşən balıqyetişdirmə və emalı müəssisəsinin tikintisinə və digər xərclərinə yönəltməklə cinayət yolu ilə əldə etdiyi külli miqdarda pul vəsaitlərini leqallaşdırmasına əsaslı şübhələr müəyyənləşib.

Alimpaşa Məmmədovun xidməti və yaşayış yerlərinə baxış zamanı müxtəlif vəzifəli şəxslərdən, o cümlədən sahibkarlıq fəaliyyəti ilə məşğul olan şəxslərdən alınmış vəsaitlərin siyahıları, pul vəsaitləri, sənədlər, iş üzrə əhəmiyyət kəsb edən digər dəlillər aşkar edilərək götürülüb.

Alimpaşa Məmmədov Cinayət Məcəlləsinin 179.4 (mənimsəmə), 193-1.3.2 (cinayət yolu ilə əldə edilmiş pul vəsaitlərini leqallaşdırma), 308.2 (vəzifə səlahiyyətlərindən sui-istifadə), 311.3.2 və 311.3.3-cü (təkrar, külli miqdarda rüşvət alma) maddələri ilə cinayət məsuliyyətinə cəlb edilərək barəsində məhkəmənin qərarı ilə həbs qətimkan tədbiri seçilib.
Hazırda cinayət işi üzrə istintaq-əməliyyat tədbirləri davam etdirilir.

Bütöv.az

Rusiya prezidenti Vladimir Putinlə Özbəkistan prezidenti Şavkat Mirziyoyev arasında danışıqlardan əvvəl Kremlin hesabatında Putinin masasına quraşdırılmış düymə böyük marağa səbəb olub.

Bütöv.az xəbər verir ki, prezidentin mətbuat xidmətindən bildirilib ki, masada quraşdırılan xüsusi düymədən istifadə etməklə Rusiya lideri təcili olaraq köməkçiyə zəng edə və ya onlardan çay gətirməyi xahiş edə bilər.
Öz növbəsində, prezidentin mətbuat katibi Dmitri Peskov bildirib ki, Putinin də xüsusi telefon nömrəsi var və bu telefon vasitəsilə o, hökumət rəhbərliyi, departament rəhbərləri, prezident administrasiyasının rəhbərliyi və digər abunəçilərlə birbaşa əlaqə saxlaya bilər. Qeyd edək ki, Putinin “gizli” düyməsi Rusiyanın gerbi və “qəbul” yazısı olan taxta qutuya bənzəyir.

Fransa Liqa 1-də XIV turun "Lion" - "Marsel" görüşü yarımçıq qalıb.

Bütöv.az xəbər verir ki, yerli azarkeşlər qonaq futbolçuların oynamağına imkan verməyib. Belə ki, oyunun 5-ci dəqiqədə "Marsel" künc zərbəsi yerinə yetirməyə başlayarkən tribunadan yad əşyalar atılıb. Nəticədə, yarımmüdafiəçi Dimitri Payetin başına şu qabı dəyib.

Baş hakim oyunu dayandırıb.

Azərbaycanda hər il minimum pensiya artır və bu artıma uyğun olaraq pensiya kapitalı üçün nəzərdə tutulan məbləğ də artır.

Çünki minimun pensiya kapitalı 144 aylıq minimum pensiya məbləğinə bərabərdir. Milli Məclisin büdcə müzakirələrində pensiya kapitalı ilə bağlı təkliflər verilib.

Bizim.Media xəbər verir ki, mövcud qanunvericiliyə əsasən, Azərbaycanda orta pensiya müddəti 12 il nəzərdə tutulur.

Vətəndaşın pensiya kapitalı da hesablanarkən məhz 12 il müddəti əsas meyar kimi götürülür. Pensiyaların verilməsi aylıq hesabıyla ifadə olunduğu üçün 12 il müddəti 12 aya vurulur və orta pensiya müddəti 144 ay qəbul edilir.

Bu hesabla minimum pensiya 200 manat olduqda pensiya kapitalı da 28 min 800 manata bərabər olur. Vətəndaş 28 min 800 manat pensiya kapitalı yığdıqdan sonra minimum pensiya almaq hüququna malik olur. Hər il minimum pensiyanın artımı fonunda bu alqoritmə əsasən pensiya kapitalı üçün nəzərdə tutulan məbləğ də artır.

Millət vəkili Vüqar Bayramov deyir ki, vətəndaşdan tələb olunan minimum pensiya kapitalı məbləğinin hər il daha da yüksəlməməsi üçün təkliflər hazırlanıb.

Millət vəkili deyir ki, etdikləri bu təkliflə bağlı bir çox ölkələrdə mexanizmlər də mövcuddur. Bu təklif qəbul olunacağı təqdirdə, vətəndaş pensiya yaşına çatana qədər nə qədər pensiya kapitalı yığmalı olduğunu əvvəlcədən biləcək.

Minimum pensiya məbləğindən asılı olaraq artan pensiya kapitalı tələbi isə bir sualı da aktuallaşdırır. Tələb olunan pensiya kapitalını yığa bilməyən və pensiya yaşına çatmış vətəndaş necə pensiya alacaq?

Qeyd edək ki, növbəti il üçün minimum pensiya məbləğinin 240 manata qaldırılması planlaşdırılır.

Bu da o deməkdir ki, pensiya kapitalına tələb 34 min 560 manat olacaq ki, bu da 5760 manat artıq vəsait toplamaq deməkdir. Mövcud qanunvericilik dəyişməsə, minimum pensiya məbləği artdıqca pensiya kapitalına tələb də artacaq.




Bütöv.az

Azərbaycan Respublikasının Müdafiə Nazirliyi Kəlbəcər rayonunun Yellicə kəndinin videogörüntülərini yayıb.

Həmin görüntüləri təqdim edirik:




Bütöv.az

Azərbaycan Respublikasının Prezidenti İlham Əliyev noyabrın 22-də Koreya Respublikasının Prezidenti yanında Şimali İqtisadi Əməkdaşlıq Komitəsinin nazir statusunda sədri Çong Soo Parkı qəbul edib.

Bu barədə AZƏRTAC məlumat yayıb.

Bütöv.az

Dünya bazarında neftin qiyməti aşağı düşüb.

WTI markalı neftin yanvar fyuçersləri 0,17 % ucuzlaşaraq bir bareli 75,81 ABŞ dolları təşkil edib.

“Brent” markalı neftin yanvar fyuçersləri 0,29 % ucuzlaşaraq bir bareli 78,66 ABŞ dolları olub.

Mənbə: Bloomberg

Bütöv.az

Baş nazirinin müavini, Azərbaycan ilə İran arasında iqtisadi, ticarət və humanitar sahələr üzrə Dövlət Komissiyasının həmsədri Şahin Mustafayevin rəhbərlik etdiyi nümayəndə heyəti Tehrana səfər edib.
“Mehr” agentliyi xəbər verir ki, Ş.Mustafayev səfəri çərçivəsində İranın neft naziri Cavad Ovci ilə görüşüb.
Bu görüşdən sonra mətbuata açıqlama verən Ovci, "Azərbaycan nümayəndə heyəti ilə konstruktiv görüş keçirildi və razılaşmalar əldə olundu" deyib.
Ovci İranın nəhəng neft və qaz ehtiyatlarına toxunaraq, Azərbaycanın neft-qaz sektorunda da yaxşı imkanlara malik olduğunu və bu imkanlar əsasında iki ölkənin əməkdaşlıq edə biləcəyini deyib.
Bugünkü danışıqlarda qonşu dövlətlərdən, xüsusilə Türkmənistan qazının svop üsulu ilə Azərbaycana ixracına dair danışıqlar aparıldığını qeyd edən Ovci, “Naxçıvanla enerji sahəsində əməkdaşlıq mövzusunda razılaşma əldə olundu” söyləyib.
Ovci onu da bildirib ki, yaxın həftələrdə Azərbaycanla neft, qaz və Xəzər dənizində neft yataqlarının işlənməsi sahəsində anlaşma memorandumu imzalanacaq.
Şahin Mustafayev bildirib ki, İran və Azərbaycanın iki dost və qonşu ölkə kimi tarixi əlaqələri var.
İran və Azərbaycan arasında bütün sahələrdə, xüsusilə enerji sahəsində uğurlu əməkdaşlığın olduğunu bildirən Mustafayev, “İran və Azərbaycan arasında neft-qaz sahəsində əməkdaşlıq səmərəli olub” deyib.

Bugünə qədər ABŞ-ın Marşal İrsi İnstitutu Azərbayacana 40 xilasedici minaaxtaran it hədiyyə edib. Bu barədə ABŞ-ın Azərbaycandakı Səfirliyi məlumat yayıb.
“İtlər mina və partlayıcı sursatların təmizlənməsi əməliyyatlarına cəlb olunub və 30 milyon kvadratmetrdən çox ərazini təmizləyiblər.
Növbəti 1,5 il ərzində ANAMA-ya minatəmizləmə işlərində kömək etmək üçün əlavə xilasedici minaaxtaran 30 it hədiyyə ediləcək”, - səfirliyin məlumatında deyilir.

HƏQİQƏTİ DEMƏYƏ LAL, GÖRMƏYƏ KOR, BÖHTAN ATMAĞA PƏRGAR PANFARSİST
Özünü bölgə məsələləıri üzrə ekspert kimi qələmə verən Məhəmməd Rza Forqanı adlı birisi Azərbaycan-Ermənistan münasibəti ilə bağlı məsələlərdə ağına-bozuna baxmadan ancaq Azərbaycan əleyhinə böhtan və iftira dolu müsahibə verməklə gündəmə gəlib.
17 noyabr 2021/26 aban 1400-cü il tarixində bu başabəla ekspert Ermənistanın Azərbaycana qarşı son hərbi təxribatlarını “şərh” edərkən Ermənistana qardaş gözü ilə baxıb, onun halına acıyıb timsah yaşları axıdıb, Azərbaycanı günahlandırmağa cəsarət göstərib. Bir sıra iranlı “alim” və analitiklər İranın həqiqi alim və bilikli analitiklər tayfasının adına qara ləkə olduqlarını nümayiş etdirirlər. Onlar savadsız bir tayfa ilə danışdıqlarını güman edərək hər nə qədər yalan-palan bilirlərsə tamaşaçılara və dinləyicilərə sırıyıb onlarda Azərbaycan əleyhinə əhval-ruhiyyə yaratmağa çalışırlar. Belə “analitik”lərin sözləri və şərhlərinə yəqin ki, nəinki samballı alim və təhlilçilər, hətta az-çox sağlam düşüncəyə sahib olan şəxslər də istehza ilə yanaşarlar.
Soruşan olar ki, bu başabəla, panfarsist “ekspert” nə deyib?
İran ictimai rəyində Azərbaycana qarşı düşmənçiliyi qızışdıran sözügedən analitik deyir ki, Ermənistan Azərbaycan ərazisinin bir hissəsini işğal etmişdi. Sonra Azərbaycan öz Silahlı Qüvvələrini gücləndirərək müharibəyə “başladı” və bu ərazilərin bir hissəsini geri aldı. Ekspert çox sakit şəkildə Azərbaycanı Vətən müharibəsini başlamaqda ittiham edir.
Ekspertin Erməni qardaşlarına canıyananlığının səbəbi bundan sonra daha geniş şəkildə məlum olur. Demə, Azərbaycan öz ərazi bütövlüyünü təmin etmək üçün özünü Ermənistan ərazisinin DİGƏR HİSSƏLƏRİNİ İŞĞAL etməyə haqlı bilir. Yaşam prinsiplərindən biri xəbis niyyətlərini gizlətmək olan panfarsistlərin "Ermənstanın ərazisinin digər hissəsi" deyəndə artıq xəbis və alçaqlıqla yoğrulmuş böhtan və iftira dediyini gizlədə bilmir. "Digər hissə" deyəndə bu etikalı yırtıcı panfarsist Azərbaycanın azad etdiyi əraziləri də Ermənistan ərazisi hesab edir. Belə böhtan əsasında qurulan məntiq ancaq Azərbaycana qarşı düşmənçiliklə yoğrulmuş panfarsistlərdə olar.
Panfarsist analitik bütün sadə həqiqətləri unudaraq Azərbaycanı Ermənistanın Azərbaycanı Naxçıvandan ayıran ərazisini işğal etmək məqsədi olmasında ittiham edir. Məlum olduğu kimi, hətta Azərbaycanı belə niyyəti olduğunda ittiham etmək heç ermənilərin özlərinin ağıllarına gəlməmişdir. Bu panfarsist analitik isə öz şərhlərində ermənilərin dərdinə onlardan daha çox yandığını qardaşlarına nümayiş etdirməkdən yorulmaq bilmir.
Başabəla analitik öz fobiyası və anti-Azərbaycan mövqeyindən çıxış edərək bəyan edir ki, Azərbaycan qanuni tarixi və humanist standartların əleyhinə gedib Ermənistanın DİGƏR bölgələrinə göz tikməməlidir və indiki coğrafi vəziyyətin regionun geopolitik dəyişikliyinə gətirib çıxarmamasını qəbul etməlidir.
İranda panfarsist dairələr kor yapalaq kimi 44 günlük Vətən müharibəsinin sonlarına yaxın regionun geopolitik vəziyyətinin dəyişə biləcəyindən danışırlar. Onlar İranın obyektiv analitiklərinin müharibədən sonra regionda heç bir geosiyasi dəyişikliklərin baş vermədiyi və verməyəcəyi haqqında əsaslandırılmş fikirlərinə əhəmiyyət vermirlər. Buna baxmayaraq panfarsist dairələr İran əhalisini Azərbaycan təhlükəsi ilə qorxutmaqda davam edərək anti-Azərbaycan əhval-ruhiyyəsini qızışdırmaqda davam edirlər.
Ermənilərin bu panfarsist qardaşı alimcəsinə bəyan edir ki, geopolitik dəyişiklikləri nə Ermənistan, nə onun qonşuları (nədənsə İran demir), nə də beynəlxalq ictimaiyyət qəbul etməz.
Yalan və həyasızlığın həddi-hüdudu olmurmuş. Bu alçaq yazır ki, Azərbaycan öz ərazilərinin bir hissəsini geri almaqla kifayətlənməyib Ermənistan ərazisinə daha çox təcavüz etmək istəyir.
Maraqlıdır ki, Azərbaycan Ermənistan ərazisinə nə vaxt təcavüz etmişdi ki, indi genişləndirmək istəyir.
Analitik xəbis xislətini büruzə verərək proqnoz verir ki, atəşkəs davamlı olmayacaq. Halbu ki, proqnoz tamamilə digər əsaslara dayanmalı idi. Ermənistanın beynəlxalq hüquq tərəfindən tanınan sərhədlərə hörmət etməsi, ərazi bütövlüyünü tanıması nəinki davamlı atəşkəsin, həmçnin daimi sülhün qarantı olardı.
Erməni Forqani Azərbaycanın düşməni oduğunu gizlətməyə belə ehtiyac duymur, böhtan və iftiralarını genişləndirir. O deyir ki, son hərbi toqquşma Azərbaycanın təcavüzü nəticəsində baş vermişdir.
Bu erməni-fars qarışığı həyasızlığın zirvəsinə qalxaraq oradan ermənilərə bəyan edir ki, bu hücumlar üçün Azərbaycanın heç bir qanuni hüquqi və əxlaqi əsası yox idi.
Hadisələri panfarsist mövqeyindən, yəni həyasızcasına yalanlar, iftira və böhtanlar əsasında şərh edən analitikin hədyanları haqqında fikir söyləmək tamamilə yersizdir. Çünki onun kəm ağlı haqlı iradları eşitməyə və kor gözü həqiqəti görməyə öyrənməyib. Onun kimilər dünyanı oduğu kimi deyil, görmək istədikləri kimi görürlər. Bu cəhətdən panfarsistlər ilə ermənilər arasında heç bir fərq yoxdur. Onlar dünyaya onlara qarşı intriqalar toxuyan düşmən kimi baxırlar. Ermənistanda digər xalqlar olmadığından qonşulara düşmən kimi baxdıqları halda, panfarsistlər İran xalqlarına və ilk növbədə Cənubi azərbaycanlılara düşmən kimi baxırlar. Hər yerdə düşmən görən və özlərini düşmənləri vasitəsi ilə təsdiq etməyə çalışan panfarsistlər və faşist ermənilərin yeri tarixin zibilliyidir.
Eyni zamanda daha bir panfarsist təşəbbüsə diqqəti cəlb etmək lazımdır.
Belə ki, bu yaxınlarda İran Xarici işlər naziri Azərbaycan Xarici işlər naziri ilə onlayn görüşdən sonra bildirmişdi ki, tərəflər ictimai rəyi və kütləvi informasiya vasitələrinin fəaliyyətini idarə etmək, ona nəzarət etmək üçün Birgə komitə yaratmaq barədə razılığa gəliblər. Az sonra İranın Bakıdakı səfiri həmin məsələni Azərbaycan XİN sözçüsü ilə müzakirə etdikləri haqqında məlumat vermişdi.
Razılaşma və müzakirənin təfərrüatı bizə məlum olmasa da, güman etmək olar ki, söhbət kütləvi informasiya vasitələrində və mətbu məkanda ölkələrin bir-birinə qarşı təhrikedici informasiyanın yayılmamasına nəzarət etməkdən getmişdir.
Elə həmin xoşməramlı danışıqlardan sonra da İranın İslam birliyinə informasiya dəstəyi göstərmək missiyasını öhdəsinə götürmüş “tasnim” saytında ermənidən daha artıq erməni olmaq istəyən farsın Azərbaycana qarşı yalan, iftira və böhtanlarla dolu bu müsahibəsi yer almışdır. Həmin müsahibə ilə tanış olan sıravi azərbaycanlıda farsların təbiətcə yalançı, böhtançı, iftiraçı olması və islam birliyinin düşməni olması haqqında təsəvvür yaranır.
Panfarsistdən heç kim islam birliyini möhkəmlətmək, İran və Azərbaycan arasında mehriban qonşuluq münasibətlərini gücləndirməyə dəstək göstərməyi tələb etmir. Sıravi vətəndaş isə analitikdir, nə zibildir, ondan hadisələrə düzgün və ya obyektiv yanaşmağı gözləyir.
Belə bir gözlənti qeyri-real görünsə də, bir məsələni təkcə bu yaramaz panfarsistin deyil, bütün fars ziyalılarının və onların quyruğunda sülənən paniranistlərin yadına salmaqda fayda var.
Məlum olduğu kimi, Ermənistan Azərbaycana qarşı xarici havadarlarının, o cümlədən İranın panfarsist dairələrinin dəstəyi ilə Azərbaycana hərbi təcavüz edərək onun ərazisinin 20%-ni işğal edib 30 ilə yaxın bir müddətdə öz işğalı altında saxlamışdı. Həmin 30 il ərzində İranda nəinki hər hansı panfarsist, həm də hər hansı bir siyasətçi, ziyalı, ruhani Ermənistanı təcavüzkar adlandırmadı.
Amma panfarsist alçaq sərhəddə faşist və revanşist ermənilərin geniş miqyaslı hərbi təxribatına qarşı Azərbaycanın hərbi əməliyyatını təcavüz adlandırır. Panfarsistlər, paniranistlərin xəbis xislətini bildiyimiz üçün deyə bilərik ki, İranda Azərbaycanı təcavüzkar kimi qələmə vermək bu yaramazın xüsusi fikri olaraq qalmayacaq və dini ekspansionizm siyasəti yeridən dairələr tərəfindən təkrar və sərf etdiyi zaman geniş təbliğ ediləcəkdir.
Azərbaycanı təcavüzkar kimi qələmə vermək ermənilərlə həmrəylik nümayiş etdirmək məqsədindən daha çox, İran əhalisində Azərbaycan Respublikasına və Cənubi Azərbaycanda milli kimlik və milli varlıq uğrunda mübarizə aparan milli qüvvələrə qarşı düşmənçilik əhval-ruhiyyəsi yaradıb qızışdırmağa yönəlibdir.
Məhz buna görə 30 il həqiqəti - Ermənistanın Azərbaycana qarşı təcavüzkar siyasət yeritdiyini guya görməyən və dilə gətirməyən İranda Azərbaycanın haqlı, qanuni, suverenlik və ərazi bütövlüyünün təmin edilməsinə yönəlmiş addımlarının təcavüz hesab edilməsi heç də təəccüblü deyil. Hələ ki, panfarsistin bunu deməsi də istisna hal hesab edilə bilməz. Ardı gələcək...
Bizdən DİQQƏT, EHTİYAT VƏ HAZIR OLMAQ tələb olunur.