9-11-2022, 19:47
Rəisi Patruşevlə danışıqlar apardı
İran prezidenti İbrahim Rəisi Tehranda Rusiya Təhlükəsizlik Şurasının katibi Nikolay Patruşevi qəbul edib. Görüşdə təhlükəsizlik sahəsi üzrə Rusiya-İran əməkdaşlığı, eləcə də beynəlxalq problemlər müzakirə edilib. Bundan əvvəl Patruşev və İranın Ali Milli Təhlükəsizlik Şurasının katibi Əli Şamxani Tehranda iki ölkənin nazirlik və idarələrinin nümayəndələrinin iştirakı ilə təhlükəsizlik məsələləri üzrə məsləhətləşmələr aparıblar. Qeyd edək ki, Patruşevin İrandan PUA və raketlər almaq üçün bu ölkəyə səfər etdiyi iddia olunur.
9-11-2022, 19:45
Nazir Şuşada polis və hərbçilərin xidmət şəraiti ilə tanış oldu
Zəfər günü ərəfəsində daxili işlər naziri, general-polkovnik Vilayət Eyvazov, nazir müavini - Daxili Qoşunların Komandanı, general-leytenant Şahin Məmmədov, Qərargah rəisi, general-mayor Tofiq Hüseynov və Komandanın müavini, general-mayor İnqilab Muradov Dxaili İşlər Nazirliyinin (DİN) hərbi qulluqçularının işğaldan azad olunmuş ərazilərdəki yerləşmə məntəqələrində olublar. Bu barədə DİN-dən məlumat verilib. Nazir V.Eyvazov hərbi qulluqçuların kazarma-məişət şəraiti, qidalanması, sağlamlıq durumu ilə maraqlanıb, həmçinin maddi-texniki təminatı ilə yaxından tanış olub, müvafiq tapşırıq və tövsiyələrini verib. General-polkovnik Vilayət Eyvazov vurğulayıb ki, Silahlı Qüvvələrin Müzəffər Ali Baş Komandanı, Prezident İlham Əliyevin işğaldan azad olunmuş ərazilərdə xidmətin müasir standartlar səviyyəsində təşkilinə dair verdiyi tapşırıqlara uyğun olaraq hərbi qulluqçuların maddi-texniki bazası, kazarma-yaşayış şəraitinin yaxşılaşdırılması istiqamətində, eləcə də qabaqcıl texnika, xüsusi vasitələr və rabitə sistemləri ilə təchiz edilmələri üçün ardıcıl tədbirlər həyata keçirilir. Polis əməkdaşlarının və hərbi qulluqçuların işğaldan azad olunmuş ərazilərdə öz şərəfli xidmətini böyük əzm və peşəkarlıqla davam etdirdiyini xüsusi qeyd edən nazir onları Zəfər Günü münasibətilə təbrik edib, xidmətlərində uğurlar arzulayıb.
9-11-2022, 19:42
“Rəşadla aramız yaxşı olub” - Öldürülən şəxsin qardaşı
Məşhur meyxanaçı Rəşad Dağlı İskəndər Mehtiyev adlı şəxsi bıçaqla çoxsaylı xəsarətlər yetirərək qətlə yetirib. Baku TV-nin əməkdaşı hadisənin təfərrüatını araşdırmaq üçün İ.Mehtiyevin yaşadığı ünvana gedib. İ.Mehtiyevin qardaşı hadisənin hansı səbəbdən baş verdiyini bilmədiyini deyib:“Qardaşım oktyabrın 26-da həbsdən çıxmışdı. Rəşadla aramız yaxşı olub. Səhər Rəşad gəlib İskəndəri qapıdan apardı. Sonra da eşitdik ki, belə hadisə baş verib. Hadisənin səbəblərini bilmirik. Subay idi. Anasının 40 mərasimini yenicə keçirmişdik”.
9-11-2022, 19:39
Vətən müharibəsi iştirakçısının müraciəti təmin edildi
Torpaqlarımızın azadlığı uğrunda gedən Vətən müharibəsinin iştirakçılarından biri də Elvin Vəlizadədir. Butov.az xəbər verir ki, o, 2020-ci il sentyabrın 27-də cəbhəyə yollanıb. Füzuli, Cəbrayıl, Zəngilan və Qubadlı istiqamətlərində gedən döyüşlərdə iştirak edən Elvin, ordu sıralarından tərxis olunduqdan sonra işlə təmin olunması üçün SOCAR rəhbərliyinə müraciət edib. Vətən müharibəsi iştirakçısının ünvanladığı müraciətə müsbət cavab verilib. Artıq 1 ildən çoxdur ki, o, SOCAR “Azəriqaz” İstehsalat Birliyində çalışır. Elvin Vəlizadə iş yerinin yaşadığı ərazidən uzaq olması ilə bağlı SOCAR rəhbərliyinə müraciət edərək iş yerinin dəyişdirilməsini xahiş edib. Bu dəfə də Vətən müharibəsinin iştirakçısının müraciəti təmin edilib. Elvin Vəlizadə həssas əhali kateqoriyasından olan insanlara göstərilən diqqət və qayğıya görə SOCAR rəhbərliyinə təşəkkür edib.
9-11-2022, 19:36
İlham Zəkiyev dünya çempionatında finala yüksəldi
Azərbaycan paracüdoçusu İlham Zəkiyev Bakıda keçirilən dünya çempionatında finala yüksəlib. Butov.az-ın məlumatına görə, 90 kiloqramdan yuxarı çəki dərəcəsində çıxış edən 42 yaşlı idmançı ardıcıl olaraq, Onur Taştan (Türkiyə), Qanbat Daştseren (Monqolustan) və Romald Rabotyeyə (Fransa) qalib gəlib. Dünya və 8 qat Avropa, 2 qat paralimpiya çempionu həlledici görüşdə Vilyans Araujo (Braziliya) ilə qüvvəsini sınayacaq. Qadın paracüdoçulardan isə 70 kq-da Xanım Hüseynova və Xatirə İsmiyeva bürünc medal görüşlərinə çıxacaq. Qeyd edək ki, hələlik Azərbaycan təmsilçilərindən 73 kq-da Namik Abbaslı və 48 kq-da Şəhanə Hacıyeva bürünc medal qazanıb.
9-11-2022, 19:19
Peskov Donbasa gedib
Rusiya prezidentinin mətbuat katibi Dmitri Peskov Donbasa səfər edib. Bu barədə Rusiya Prezident Administrasiyası rəhbərinin birinci müavini Sergey Kiriyenko bildirib. “Dünən axşam Luqanskdan qayıdan Dmitri Sergeyeviç Peskova təşəkkür etmək istərdim", - o deyib. Rusiya Prezident Administrasiyasının rəsmisinin sözlərinə görə, Peskov tanınmamış, separatçı "LXR" və "DXR"in media və mətbuat xidmətinin əməkdaşlarına təlim keçib.
9-11-2022, 18:08
Peskov Donbasa gedib
Rusiya prezidentinin mətbuat katibi Dmitri Peskov Donbasa səfər edib. Bu barədə Rusiya Prezident Administrasiyası rəhbərinin birinci müavini Sergey Kiriyenko bildirib. “Dünən axşam Luqanskdan qayıdan Dmitri Sergeyeviç Peskova təşəkkür etmək istərdim", - o deyib. Rusiya Prezident Administrasiyasının rəsmisinin sözlərinə görə, Peskov tanınmamış, separatçı "LXR" və "DXR"in media və mətbuat xidmətinin əməkdaşlarına təlim keçib.
9-11-2022, 18:06
Qalmaqallı Pelosi seçkidə qalib gəldi
ABŞ Konqresinin Nümayəndələr Palatasının spikeri Nensi Pelosi Kaliforniya ştatında təkrar seçkilərdə qalib gəlib. Bu barədə CNN məlumat yayıb. O, 82% səslə respublikaçı rəqibi Con Dennisi qabaqlayıb. Lakin Respublikaçılar Nümayəndələr Palatasında yerlərin əksəriyyətini qazansa, spiker partiyanın nümayəndələri arasından təyin ediləcək. CNN-in onlayn seçki nəticələri tablosuna əsasən, respublikaçılar seçkilərdə öndədirlər (193 Respublikaçı namizəd, 170 demokrata qarşı). Qeyd edək ki, Nensi Pelosi 1987-ci ildən Nümayəndələr Palatasının üzvüdür. O, 2019-cu ildən ABŞ Konqresinin Nümayəndələr Palatasının sədridir.
9-11-2022, 17:56
NATO-nun sammiti bu şəhərdə keçiriləcək - Rusiyaya gözdağı
Şimali Atlantika alyansının (NATO) növbəti sammiti 11-12 iyul 2023-cü ildə Litvanın paytaxtı Vilnüsdə keçiriləcək. Bu barədə alyansın baş katibi Yens Stoltenberq bildirib. "Məmnuniyyətlə bildirmək istəyirəm ki, NATO ölkələrinin dövlət və hökumət başçılarının növbəti görüşü 11-12 iyul 2023-cü ildə Vilnüsdə keçiriləcək", - deyə TASS onun sözlərindən sitat gətirir. Stoltenberq deyib ki, sammit zamanı NATO liderləri müdafiə xərclərinin əhəmiyyətli dərəcədə artırılmasını və Ukraynaya yardımın davam etdirilməsini nəzərdən keçirəcəklər. Qeyd edək ki, NATO-nun Rusiya ilə hazırkı gərgin münasibətləri fonunda onun növbəti sammitinin Rusiya ilə həmsərhəd (Kalininqrad vilayəti vasitəsilə) ölkədə keçirilməsi diqqətdən yayınmır.
9-11-2022, 17:24
Patruşev İrana PUA və raket almağa gedib
Rusiya Təhlükəsizlik Şurasının katibi Nikolay Patruşev İrandan daha çox pilotsuz uçuş aparatları və raketlər almaq üçün Tehrana gedib. Bunu politoloq Elxan Şahinoğlu sosial şəbəkə hesabında yazıb. "Rusiya Təhlükəsizlik Şurasının katibini iqtisadi heyətin müşayiət etməsi aldığı hərbi texnikanın qarşılığında nə qədər maliyyə ödəyəcəyi ilə bağlıdır. Rusiya onsuz da gərgin günlər yaşayan və beynəlxalq aləmdən təcrid olunan İranı daha çox bataqlığa sürükləyir. İran dronlarının Ukrayna şəhərlərini və mülki insanları hədəf götürməsi Tehran üçün nəticəsiz qalmayacaq. Bunu İran hakimiyyəti içərisində anlayanlar da var, sadəcə İslam Keşikçiləri Koprusundan qorxduqları üçün səsləri çıxmır, “Ukraynada işğalçı müharibə aparan Rusiyaya hərbi texnika vermək düzgün deyil” deyə bilmirlər", - deyə politoloq vurğulayıb. Qeyd edək ki, Rusiya Təhlükəsizlik Şurasının katibi Nikolay Patruşev İran Milli Təhlükəsizlik Şurasının (MTŞ) katibi, kontr-admiral Əli Şəmxaninin rəsmi dəvəti ilə Tehrana səfər edib. Səfər zamanı Patruşevin İranın yüksək səviyyəli siyasi və iqtisadi nümayəndələri ilə görüşləri nəzərdə tutulub. İrana səfərdə Patruşevi iqtisadi nümayəndə heyəti müşayiət edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!