Rusiya XİN: “Brüsselin arzusu Rusiyanı regiondan çıxarmaqdır” .....                        Rusiya XİN: “Brüsselin arzusu Rusiyanı regiondan çıxarmaqdır” .....                        ABŞ-da çoxluq Baydeni bəyənmir .....                        Baş prokuror Qarabağla bağlı danışdı .....                        Peskov Rusiya-Ukrayna müharibəsindən danışdı .....                        Mətbuat Şurasından İran səfirliyinə müraciət .....                        Zaxarovadan ABŞ-la bağlı açıqlama .....                        Sabahın havası .....                        Fiziki əngəlli qazilərə ayrılmış məbləğ açıqlandı .....                       
9-11-2022, 20:07
Rusiya ordusu Dneprdən geri çəkilir


Rusiya ordusu Dneprdən geri çəkilir

Rusiyanın müdafiə naziri Sergey Şoyqu Ukraynanın cənubunda yerləşən Xerson şəhərinə həyata keçirilən əks-hücumla əlaqədar qoşunlara Dnepr çayının qərb sahilindən geri çəkilməyi əmr edib. Bu barədə Ukraynadakı Rusiya qoşunlarına rəhbərlik edən komandan Sergey Surovikin məlumat verib. O bildirib ki, Xerson şəhərini təchiz etmək artıq mümkün deyil. "Biz əsgərlərimizin həyatını və bölmələrimizin döyüş qabiliyyətini xilas edəcəyik. Onları sağ (qərb) sahildə saxlamaq məqsədəuyğun deyil. Vəziyyəti hərtərəfli qiymətləndirərək, Dnepr çayının sol sahilində müdafiəyə çəkilməyi təklif edirəm. Qoşunların bəzilərindən başqa cəbhələrdə də istifadə oluna bilər", - deyə Surovikin qeyd edib.
9-11-2022, 20:05
ABŞ-da seçki ianələri rekord həddə çatıb - Siyasi qütbləşmə artır


ABŞ-da seçki ianələri rekord həddə çatıb - Siyasi qütbləşmə artır

ABŞ-da Konqresə keçirilən aralıq seçkilər təkcə siyasi deyil, həm də maliyyə analitiklərinin marağına səbəb olub. Partiyalar və onların donorları tərəfindən açıqlanan məlumatlara görə, bu il aralıq seçkilərdə ümumi ianələr 9,3 milyard dolları ötüb. Bu barədə partiyaların, namizədlərin və donorların hesabatlarını təhlil edən “OpenSecrets” tədqiqat təşkilatı məlumat yayıb. 2018-ci ildə keçirilən aralıq seçkilərdə ianələrin məbləği 7.1 milyard dollar olub. Ekspertlər builki rekord nəticəni ABŞ-da siyasi qütbləşmənin kəskinləşməsi ilə izah edir. Cari seçki dövründəki xərclər 2020-ci ildə Konqres seçkilərinə xərclənən 9,9 milyard dollardan bir qədər az olub. Həmin il Konqres seçkiləri prezident seçkiləri ilə eyni vaxtda keçirildiyi üçün xərclər daha çox olub. Bu seçkidə əsasən milyonçu və milyarderlər tərəfindən edilən böyük fərdi ianələr də rekord həddə çataraq 881 milyon dollar təşkil edib. 2018-ci ildə belə ianələrin həcmi 611 milyon dollar, 2014-cü ildə isə 232 milyon dollar olub. Bu il böyük fərdi ianələr edən iyirmi milyonçu və milyarderdən 14-ü Respublikaçılar partiyasını, qalanı Demokratları dəstəkləyib. Cari seçki dövrünün əsas siyasi donoru uzun illər Demokratları dəstəkləyən Corc Soros olub, hazırda onun sərvəti təxminən 6,7 milyard dollardır. Soros bu il 128 milyon dollar ianə edib.
9-11-2022, 20:03
İlham Zəkiyev dünya ikincisi oldu


İlham Zəkiyev dünya ikincisi oldu

Bakıda keçirilən dünya çempionatında kişilər arasında +90 kq J1 çəki dərəcəsində mübarizə aparan Azərbaycan paracüdoçusu İlham Zəkiyev gümüş medal qazanıb. O, finalda braziliyalı rəqibi A.Villiyam ilə qarşılaşıb. Həlledici görüşdə uduzan İlham Zəkiyev dünya ikincisi olub. Bununla da millimizin Dünya Çempionatında qazandığı medalların sayı 4-ə çatıb (1 gümüş, 3 bürünc).
9-11-2022, 20:01
Rusiyanın Qafqaz planı - Zaxarova yeni layihədən söz açdı


Rusiyanın Qafqaz planı - Zaxarova yeni layihədən söz açdı

Rusiya Cənubi Qafqazın iqtisadi və nəqliyyat potensialının ortaya çıxarılması üçün konkret layihələrin həyata keçirilməsi üzərində işləyir. Bunu bu gün keçirilən mətbuat konfransında Rusiya Xarici İşlər Nazirliyinin rəsmi nümayəndəsi Mariya Zaxarova deyib. XİN rəsmisi qeyd edib ki, Azərbaycan, Rusiya və Ermənistan baş nazir müavinlərinin rəhbərlik etdiyi Üçtərəfli İşçi Qrup regionda kommunikasiyaların açılması üçün xeyli iş görüb. “Rusiya tərəfinin fəal iştirakı ilə Azərbaycan və Ermənistan xalqları arasında etimadın möhkəmləndirilməsi istiqamətində addımlar atılır”, - deyə Zaxarova bildirib.
9-11-2022, 19:59
Məşhur aktyor “Oskar”ını Zelenskiyə verdi


Məşhur aktyor “Oskar”ını Zelenskiyə verdi

Amerikalı aktyor Şon Penn Ukraynanın qələbəsinə inam rəmzi olaraq “Oskar” heykəlciyini prezident Volodimir Zelenskiyə təhvil verib. Bu barədə Ukraynanın Prezident Aparatı məlumat yayıb. Bildirilib ki, “Oskar” Ukraynada müharibə bitənə qədər qalacaq. Zelenski Pennə III dərəcəli “Xidmətə görə” ordenini təqdim edib, ona “səmimi dəstəyə və Ukraynanın dünyada məşhurlaşmasına verdiyi mühüm töhfəyə görə” təşəkkür edib.

9-11-2022, 19:57
“Qarabağ”dan yeni rekord


“Qarabağ”dan yeni rekord

“Qarabağ” klubu Azərbaycan çempionatları tarixində yeni rekorda imza atıb. Qurban Qurbanovun yetirmələri Misli Premyer Liqasının 2022/23 mövsümünün startında ardıcıl 13-cü qələbəsini qazanıb. Ağdam klubu bunu III turdan təxirə salınan “Turan Tovuz”la səfər matçında rəsmiləşdirib. 2:0 hesabı ilə qalib gələn “Qarabağ” ölkə çempionatlarının 30 illik tarixində ən uzun start qələbəsinin müəllifi olub. Bunadək rekord “Neftçi”yə məxsus idi. Bakılılar 1992-ci ildəki ilk çempionata 12 qələbə ilə başlasa da, 13-cü oyununda Sumqayıtda “Xəzər”dən üç cavabsız qol buraxıb – 0:3. “Qarabağ” da “Neftçi” kimi 12 qələbədən sonra səfərə yollanıb, amma Tovuzda büdrəməyib. Üç gün əvvəl paytaxt təmsilçisinin rekordunu təkrarlayan Qurbanovun komandası bu dəfə mütləq göstəricini rəsmiləşdirib. Qeyd edək ki, “Qarabağ” 14-cü qələbəsini qazanmaq üçün noyabrın 13-də “Sabah”la səfər görüşündə də qalib gəlməlidir.
9-11-2022, 19:54
Ukraynaya 18 milyard avroluq dəstək təklifi


Ukraynaya 18 milyard avroluq dəstək təklifi

“2023-cü il üçün Ukraynaya 18 milyard avroluq dəstək paketi təklif edirik”. Bunu Avropa Komissiyasının Prezidenti Ursula fon der Lyayen tviterdə yazıb. O bildirib ki, Avropa İttifaqı Ukrayna ilə həmrəyliyini davam etdirir. “Avropa İttifaqına üzvlük yolunda irəliləyən Ukraynanın yenidən qurulması üçün zəmin hazırlayırıq”, - Ursula fon der Lyayen qeyd edib.
9-11-2022, 19:52
Rusiya Ukrayna ilə danışıqlara hazırdır


Rusiya Ukrayna ilə danışıqlara hazırdır

Rusiya Ukrayna ilə danışıqlara hazır olduğunu bəyan edib. Butov.az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova jurnalistlər üçün keçirdiyi brifinqdə deyib. XİN rəsmisi qeyd edib ki, rəsmi Moskva hazırda inkişaf edən reallıqları nəzərə alaraq görüşün keçirilməsinə razılıq verə bilər.
9-11-2022, 19:50
Ukraynada həbsdə olan qazimizdən açıqlama


Ukraynada həbsdə olan qazimizdən açıqlama

Bir ildən çoxdur Ukraynada saxlanılan soydaşlarımız − Misir Qasımlı və Sübhan Quliyevlə bağlı hələ də məhkəmə qərarı verilməyib. Butov.az xəbər verir ki, Kiyev vilayəti Obuxovski rayon məhkəməsində keçirilən növbəti prosesdən sonra Misir Qasımlı Baku TV-yə açıqlama verib. Həbsdə olan Qarabağ qazisi bildirib ki, onlar haqqında irəli sürülən ittihamlar yalandır. “Bütün hüquqlarımız apellyasiya məhkəmələri tərəfindən pozulur. 8 aydır bizi heç bir məhkəməyə aparmırlar. Tərcüməçisiz, vəkilsiz məhkəmələr keçirirlər”, - deyə o əlavə edib. M.Qasımlı nə Xarici İşlər Nazirliyindən, nə Ombudsman Aparatından, nə də səfirlikdən vəkillərinin müraciətlərinə cavab verilmədiyini qeyd edib.

9-11-2022, 19:47
Rəisi Patruşevlə danışıqlar apardı


Rəisi Patruşevlə danışıqlar apardı

İran prezidenti İbrahim Rəisi Tehranda Rusiya Təhlükəsizlik Şurasının katibi Nikolay Patruşevi qəbul edib. Görüşdə təhlükəsizlik sahəsi üzrə Rusiya-İran əməkdaşlığı, eləcə də beynəlxalq problemlər müzakirə edilib. Bundan əvvəl Patruşev və İranın Ali Milli Təhlükəsizlik Şurasının katibi Əli Şamxani Tehranda iki ölkənin nazirlik və idarələrinin nümayəndələrinin iştirakı ilə təhlükəsizlik məsələləri üzrə məsləhətləşmələr aparıblar. Qeyd edək ki, Patruşevin İrandan PUA və raketlər almaq üçün bu ölkəyə səfər etdiyi iddia olunur.
����������� ��������� ������ � �����-����������.
��� dle ������� ��������� ������� � �����.
���������� ���� ������ ��������� � ��� �����������.
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Noyabr 2022    »
BeÇaÇCaCŞB
 123456
78910111213
14151617181920
21222324252627
282930 
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!