21-04-2023, 12:30
Rumıniya Ukraynaya ərzaq məhsullarının idxalını qadağan etməyəcək
Rumıniya Ukrayna ərzaq məhsullarının idxalını qadağan etmək niyyətində deyil, lakin onu məhdudlaşdırmağa çalışacaq. Bu barədə "Reuters" agentliyi Rumıniyanın kənd təsərrüfatı naziri Petr Deaya istinadən məlumat yayıb. O bildirib ki, ölkə birtərəfli qaydada Ukrayna taxıl idxalına qadağa qoymayacaq və Avropa Komissiyasının Mərkəzi-Şərqi Avropadakı fermerlərə kömək etmək üçün addım atmasını gözləyəcək. Bununla belə, nəşrin məlumatına görə, Dea Buxarestdə ukraynalı həmkarı Nikolay Solski ilə görüşdükdən sonra ölkələrin idxalı məhdudlaşdırmaq üçün gözlənilən taxıl həcmləri ilə bağlı həftəlik məsləhətləşmələr aparacaqlarını qeyd edib. Xatırladaq ki, aprelin 15-də Polşa Ukraynadan taxıl və digər ərzaq məhsullarının idxalına qadağa qoysa da, aprelin 18-də tranzitin bərpasına razılıq verib. Bundan əlavə, Macarıstan Ukraynadan 25 məhsulun idxalına qadağa qoyub. Slovakiya və Bolqarıstanda da oxşar qərarlar nəzərdən keçirilir.
21-04-2023, 12:00
NATO Ukraynaya 55 milyard ABŞ dolları həcmində hərbi yardım edib - Pentaqon
ABŞ-ın müdafiə naziri Lloyd Ostin NATO-nun Ukraynaya göstərdiyi hərbi yardımın həcmini açıqlayıb. Pentaqon rəhbəri bu barədə Ramşteyn toplantısından əvvəl mətbuata danışıb. "Konfliktin başlanğıcından bəri NATO Ukraynaya 55 milyard ABŞ dolları həcmində hərbi yardım edib", - deyə o bildirib. Qeyd edək ki, Ramşteynin gündəmində Ukrayna üçün HHM və hərbi aviasiya məsələləri var.
21-04-2023, 11:30
NATO müttəfiqləri Ukraynanın alyansda olmasına razıdırlar - Stoltenberq
"Bütün NATO müttəfiqləri Ukraynanın alyansda olmasına razıdırlar". Bunu NATO-nun baş katibi Yens Stoltenberq Almaniyada Ramşteyn formatında görüşdən əvvəl "Sky News"un müxbirlərinə bildirib. O əlavə edib ki, müharibə başa çatdıqdan sonra Kiyev yeni hücumlardan qaçmaq üçün çəkindirmə vasitəsinə malik olmalıdır. Bundan əlavə, Stoltenberqin sözlərinə görə, Zelenski NATO-nun iyulda Vilnüsdə keçiriləcək sammitində iştirak etmək üçün dəvəti qəbul edib.
20-04-2023, 23:57
Azərbaycan bayrağını yandıran erməniyə qadağa qoyuldu
İrəvanda Azərbaycan bayrağını yandıran erməni dizayner Aram Nikolyanın dövlət strukturlarına girişi qadağan edilib. Bu barədə Baş nazir Nikol Paşinyanın ailəsinə məxsus "Haykakan Jamanak" qəzeti məlumat yayıb. Nəşr yazır ki, o, Ermənistan İctimai Televiziyasının ərazisinə və polis tərəfindən qorunan digər dövlət binalarına daxil ola bilməyəcək. Qeyd edək ki, Azərbaycanda Aram Nikolyan barəsində cinayət işi açılıb, onun saxlanılması üçün beynəlxalq axtarış elan edilib.
20-04-2023, 22:00
Azərbaycandan Rusiyaya nota
Rusiya Federasiyası Dövlət Dumasının İnformasiya siyasəti, informasiya texnologiyaları və rabitə komitəsinin sədr müavini Oleq Matveyçevin “RUSARMİNFO” erməni xəbər agentliyinin efirində səsləndirdiyi yolverilməz bəyanatları ilə əlaqədar Səfirlik tərəfindən Rusiya Xarici İşlər Nazirliyinə etiraz notası göndərilib. Bu barədə Azərbaycanın Rusiyadakı Səfirliyi məlumat yayıb. “Vahid Rusiya” partiyasından olan deputatın Azərbaycan və Türkiyəyə qarşı fikirləri qəbuledilməz olduğu vurğulanmış, onların regionda sabitliyi pozmağa yönəldiyi və Ermənistan cəmiyyətində revanşist qüvvələrin keçmişdə qalmış münaqişəni yenidən alovlandırmağa təhriki kimi qiymətləndirilib. İşğaldan azad edilmiş ərazilərdə fəal şəkildə aparılan yenidənqurma işləri fonunda “Azərbaycan tərəfindən münaqişənin qızışdırılması” ilə bağlı bəyanatların cəfəngiyat olduğu qeyd olunub. Bildirilib ki, 30 illik işğalın ağır nəticələrinə baxmayaraq, ilk olaraq Ermənistanla dövlətlərarası münasibətlərin normallaşdırılması prosesinə təşəbbüs göstərən, dövlətlərin ərazi bütövlüyü və suverenlik prinsipləri əsasında sülh müqaviləsinin imzalanmasını nəzərdə tutan sülh gündəliyinin təşviqini davam edən məhz Azərbaycan olub. Azərbaycan tərəfi Rusiyanın hakim partiyasının nümayəndəsinin bu cür bəyanatlarının Azərbaycanın ərazi bütövlüyünü dəstəkləyən və Azərbaycan-Ermənistan münasibətlərinin normallaşması üçün səylər göstərən Rusiyanın vasitəçiliyinə kölgə saldığını bildirib. Oleq Matveyçev iki ölkə arasında 2022-ci ilin fevralında imzalanmış müttəfiqlik qarşılıqlı fəaliyyəti haqqında Bəyannamə barədə xəbərsiz ola bilməz və onun bu cür bəyanatları həmin sənədin müddəalarının pozulması deməkdir. Hakim partiyanın nümayəndəsi olan deputat öz bəyanatlarında məsuliyyətli olmalı və Rusiya Federasiyasının rəsmi mövqeyini rəhbər tutmalıdır. Rusiya parlamentində informasiya siyasətinə cavabdeh deputatın Azərbaycana qarşı hücumlar üçün informasiya platforması olan, Rusiyada etnik zəmində millətlərarası düşmənçiliyi qızışdıran erməni saytına müsahibəsi onun sifarişli və imperativ xarakter daşımasından xəbər verir", - deyə səfirliyin məlumatında qeyd olunub.
20-04-2023, 21:00
Qadın güləşçimiz 9-cu dəfə Avropa çempionu oldu
Azərbaycanın qadın güləşçisi Mariya Stadnik Xorvatiyada keçirilən Avropa çempionatında final görüşünə çıxıb. 50 kiloqram çəki dərəcəsində mübarizə aparan idmançımız yarışda Ukrayna güləşçisi Oksana Livaçla üz-üzə gəlib. Azərbaycan güləşçisi rəqibini 9:4 hesabı ilə məğlub edərək Avropa çempionu olub. Qeyd edək ki, bu, Stadnikin Avropada qazandığı 9-cu qızıl medaldır.
20-04-2023, 20:30
Terrora məruz qalan deputatdan paylaşım
Bir müddət əvvəl terror hücumuna məruz qalan deputat Fazil Mustafa Ramazan bayramı ilə bağlı paylaşım edib. Bayram münasibəti ilə təbriklərini çatdıran deputat, artıq tikişlərinin söküldüyü bildirib. "Əziz dostlar, sabah Ramazan bayramıdır, hamınıza xeyir, bərəkət, məmləkətimizə barış arzulayıram. Son otuz ildə ilk dəfə idi ki, bu ayın fəzilətindən faydalanmaq, sonadək Allah qarşısında borcumu yerinə yetirmək nəsib olmadı. Namazı məhdud şərtlərlə də olsa bərpa etdim, lakin müalicə prosedurasına tabe olmaq məcburiyyəti oruc tutmağa imkan vermədi. Sevindirici odur ki, bu gün yaralarımın tikişləri söküldü və hər hansı bir fəsad aşkar olunmadı. Hələ ki, sağ ayağımda reabilitasiyaya başlaya bilərəm. Dörd həftə sonra çiyin nahiyəsində də bu prosesi başlamaq nəzərdə tutulur. Hər şey əvvəlkindən də gözəl olacaq. Əsas odur ki, diriyik, güclüyük, inamlıyıq. Allah millətimizi və dövlətimizi qorusun! Bir daha bu gözəl bayramın bərəkəti ocağınıza yetişsin", - deyə deputat paylaşımında bildirib. Qeyd edək ki, martın 28-də F.Mustafaya qarşı yaşadığı evin qarşısında "Kalaşnikov" avtomat silahından atəş açılaraq terror aktı törədilib. F.Mustafa bədənin sağ çiyin qurşağını və sağ budun aşağı üçdə birini dəlib keçən güllə yarası alıb. Ona zəruri tibbi xidmətlər göstərilib. Faktla bağlı Dövlət Təhlükəsizliyi Xidmətinin İstintaq baş idarəsində Cinayət Məcəlləsinin 277-ci (dövlət xadiminin və ya ictimai xadimin xidməti və ya siyasi fəaliyyətinə son qoymaq və ya bu fəaliyyətə görə qisas almaq məqsədilə onun həyatına sui-qəsd etmə) və 228.2.1-ci (qabaqcadan əlbir olan bir qrup şəxs tərəfindən qanunsuz olaraq odlu silah, onun komplekt hissələrini, döyüş sursatı əldə etmə, saxlama, daşıma və gəzdirmə) maddələri ilə cinayət işi başlanılıb. Hadisədən bir neçə gün sonra keçirilən xüsusi əməliyyat nəticəsində terror aktını törətməkdə şübhəli bilinən şəxslər müəyyən edilərək saxlanılıb.
20-04-2023, 20:00
Kahramanmaraşda zəlzələdən sonra fırtına baş verdi
Türkiyənin fevral ayında zəlzələ baş verən Kahramanmaraş vilayətinin Pazarcık bölgəsində güclü fırtına olub. Fırtına zəlzələ qurbanlarının sığındığı çadırları dağıdıb, binaların damlarını uçurub. Fırtına nəticəsində 1 nəfərin öldüyü, 44 nəfərin yaralandığı bildirilir. Hadisə yerinə çoxlu sayda təcili yardım əməkdaşı göndərilib.
20-04-2023, 19:30
Üç ölkənin XİN rəhbərləri İrəvanda görüşdü
İrəvanda Ermənistan, İran və Hindistan XİN-ləri arasında ilk üçtərəfli siyasi məsləhətləşmələr aparılıb. Bu barədə "Sputnik Armenia" məlumat yayıb. Bildirilib ki, görüşdə Ermənistanı XİN başçısının müavini Mnatsakan Safaryan, İranı xarici işlər nazirinin köməkçisi Seyid Rəsul Musəvi, Hindistanı isə XİN-in regional baş idarəsinin müdiri Citender Pal Sinq təmsil edib. Məlumata görə, görüşdə iqtisadi və regional kommunikasiya məsələləri, eləcə də qarşılıqlı maraq doğuran digər məsələlər ətrafında fikir mübadiləsi aparılıb.
20-04-2023, 19:00
Erməni deputatlar arasında növbəti qalmaqal
Ermənistan parlamentində növbəti dəfə qalmaqal yaşanıb. Parlamentin iclası zamanı deputat Taquhi Tovmasyan siyasi aksiya keçirdiyini bildirib və tribunadan düşməkdən imtina edib. "Mən burada yalan fikirlərin səsləndirilməsinə icazə verməyəcəm", - deyə müxalif deputat vurğulayıb. Spiker Alen Simonyan təhlükəsizlik xidmətinin əməkdaşlarını iclas zalına çağırıb. Bundan sonra müxalifətin parlamentdəki təmsilçiləri ilə təhlükəsizlik xidmətinin işçiləri arasında gərginlik yaşanıb. İclasa mane olmaqda günahlandırılan deputatlar məcburi şəkildə zaldan çıxarılıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!