17-07-2024, 16:47
SOCAR-ın sabiq vitse-prezidenti deputatlığa namizəddir
Azərbaycan Respublikası Dövlət Neft Şirkətinin(SOCAR) sabiq vitse-prezidenti Bədəl Bədəlov YAP-ın deputatlığa namizədlər siyahısında yer alıb.
Onun namizədliyi 96 saylı Goranboy-Naftalan seçki dairəsindən irəli sürülüb.
Bədəlov Bədəl Şamil oğlu 1961-ci ildə Naftalan şəhərinin Qaşaltı Qaraqoyunlu kəndində anadan olub. O, 2011-ci ildə SOCAR-ın vitse-prezidenti təyin edilib və 28 iyul 2023-cü ildə vəzifəsindən azad edilib.
17-07-2024, 16:43
Keçmiş deputatın oğlu YAP-ın namizədi oldu
Hakim Yeni Azərbaycan Partiyası (YAP) 1 sentyabrda keçiriləcək növbədənkənar parlament seçkiləri üçün özünün namizədlər siyahısını açıqlayıb.
Siyahıda xeyli maraqlı adlar var. Onlardan biri də 20 saylı Nərimanov ikinci seçki dairəsindən namizədliyi irəli sürülən Samir Əhməd oğlu Vəliyevdir.
Qeyd edək ki, Samir Vəliyev keçmiş deputat, Odlar Yurdu Universitetinin rektoru, professor Əhməd Vəliyevin böyük oğludur.
O, 2021-ci ilin sentyabr ayında YAP Nərimanov rayon təşkilatına sədr seçilib.
Samir Vəliyev həm də Odlar Yurdu Universitetinin Müşahidə Şurasının sədridir.
Ə.Vəliyevin digər oğlu Munir Vəliyev isə Odlar Yurdu Universitetinin 1-ci prorektorudur. Onların hər ikisi profesordur.
Əhməd Vəliyev Milli Məclisin üçüncü (2005–2010) və dördüncü (2010–2015) çağırış deputatı olub. O, 2005-ci ildə 31 saylı Siraxanı ikinci seçki dairəsindən, 2010-cu ildə isə 107 saylı Qazax seçki dairəsindən deputat seçilmişdi.
Qeyd edək ki, Vəliyevlərə məxsus 1992-ci ildən fəaliyyət göstərən “Muğan Bank” 2023-cü ildə müflis elan olunaraq bağlanıb.
17-07-2024, 16:17
Məşhur zavod direktoru Zahid Orucun dairəsindən namizəd olacaq
Hakim Yeni Azərbaycan Partiyası (YAP) İdarə Heyətinin qərarı ilə Xanlar Fətiyevin 98 saylı Bərdə - Tərtər seçki dairəsindən deputatlığa namizədliyi irəli sürülüb.
İndiyə kimi həmin dairənin deputatı Sosial Tədqiqatlar Mərkəzi İdarə Heyətinin sədri Zahid Oruc idi. Z.Oruc ikinci, üçüncü, dördüncü, beşinci və altıncı çağırış Milli Məclisin üzvü olub.
O, 1 sentyabr tarixli növbədənkənar parlament seçkilərində Bakıdakı 33 saylı Xətai Birinci Seçki Dairəsindən namizədliyini irəli sürüb.
Zahid Orucun 98 saylı Bərdə - Tərtər seçki dairəsindən çəkildiyini nəzərə alan YAP oradan Gəncə Avtomobil Zavodunun rəhbəri Xanlar Fətiyevin namizədliyini irəli sürüb.
Qeyd edək ki, Xanlar Fətiv daha əvvələr iki dəfə deputat olub. O, dördüncü və beşinci çağırış (2010-2015 və 2015-2020) Milli Məclisin üzvü olub.
X.Fətiyev hazırda Gəncə Avtomobil Zavodu İstehsalat Birliyi Müşahidə Şurasının sədri, Yeni Azərbaycan Partiyasının üzvüdür. Evlidir, 2 övladı var.
17-07-2024, 15:53
Prezident Cəbrayıl, Qubadlı və Zəngilandakı xüsusi nümayəndəsinə müavin təyin etdi
Prezident İlham Əliyev Cəbrayıl, Qubadlı və Zəngilan rayonlarındakı xüsusi nümayəndəsi Vahid Hacıyevə müavin təyin edilməsi haqqında sərəncam imzalayıb.
Bu vəzifə indiyə qədər xüsusi nümayəndəlikdə baş məsləhətçi vəzifəsində çalışan Səbuhi Mehdizadəyə həvalə olunub.
O, bu qurumdan əvvəl kənd təsərrüfatı nazirinin müşaviri, “Təmiz şəhər” ASC-nin İdarə Heyəti (İH) sədrinin müavini, İqtisadiyyat Nazirliyinə məxsus “İstehlak Mallarının Ekspertizası Mərkəzi” MMC-nin direktoru, “Azərbaycan Stolüstü Tennis Federasiyası” İctimai Birliyinin (İB) Baş katibi, “Azərbaycan Ağır Atletika Federasiyası” İB-nin İH sədrinin müavini işləyib, hazırda “Azərbaycan Stolüstü Tennis Federasiyası” İB-nin vitse-prezidentidir.
17-07-2024, 15:38
YAP Qənirə Paşayevanın dairəsindən Nizami Səfərovun namizədliyini irəli sürdü
Yeni Azərbaycan Partiyası (YAP) mərhum deputat Qənirə Paşayevanın təmsil etdiyi 106 saylı Tovuz seçki dairəsindən VI çağırış Milli Məclisin 102 saylı Samux-Şəmkir seçki dairəsindən deputat olmuş Nizami Səfərovun namizədliyini irəli sürüb.
Bu barədə Yeni Azərbaycan Partiyası İdarə Heyətinin bu gün keçirilən iclasında qərar qəbul edilib.
Qeyd edək ki, Nizami Səfərov hazırda VI çağırış Milli Məclisin 102 saylı Samux-Şəmkir seçki dairəsini təmsil edir.
Qənirə Paşayeva 28 sentyabr 2023-cü ildə vəfat edib.
17-07-2024, 15:15
Rektor YAP-ın deputatlığa namizədi oldu
Hakim Yeni Azərbaycan Partiyası (YAP) 51 saylı Şirvan seçki dairəsindən Heydər Xanış oğlu Əsədovu özünün deputatlığa namizədi göstərib.
Heydər Əsədov hazırda Azərbaycan Dövlət Dəniz Akademiyasına rektoru vəzifəsində işləyir. O bu posta 2019-cu ilin aprel ayının 3-də təyin olunub.
Heydər Əsədov 1995-ci ildə maliyyə nazirinin müavini təyin edilib, 1996-2007-ci illərdə Maliyyə Nazirliyi yanında Baş Dövlət Xəzinədarlığının Baş direktoru, maliyyə nazirinin müavini, 2007-2013-cü illərdə isə Hesablama Palatasının sədri vəzifələrində çalışıb.
22 oktyabr 2013-cü ildən 2018-ci ilin aprelinədək kənd təsərrüfatı naziri vəzifəsində çalışıb.
17-07-2024, 14:56
İcra başçısı deputatlığa namizəd oldu
Hakim Yeni Azərbaycan Partiyası (YAP) sentyabrın 1-də keçiriləcək parlament seçkilərində iştirak edəcək namizədlərinin siyahısını açıqlayıb.
Siyahıda Nəsimi Rayon İcra Hakimiyyətinin başçısı Asif Əsgərovun da adı var.
Onun namizədliyi 112 saylı Zaqatala seçki dairəsindən irəli sürülüb.
Qeyd edək ki, Asif Əsgərov 2000–2006-cı illərdə Gənclər, İdman və Turizm Nazirinin müavini, 2006–2009-cu illərdə Zaqatala Rayon İcra Hakimiyyətinin başçısı, 2009–2015-ci illərdə isə Bakı şəhəri Səbail Rayon İcra Hakimiyyətinin başçısı vəzifəsində çalışıb. O, Azərbaycan Respublikası Prezidentinin 2 sentyabr 2015-ci il tarixli Sərəncamı ilə Bakı şəhəri Nəsimi Rayon İcra Hakimiyyətinin başçısı vəzifəsinə təyin edilib.
17-07-2024, 14:34
YAP-ın azad olunmuş ərazilərdən namizədləri - SİYAHI
Xəbər verdiyimiz kimi, Milli Məclisə 2024-cü il sentyabrın 1-nə təyin edilmiş növbədənkənar seçkilərlə əlaqədar Yeni Azərbaycan Partiyası tərəfindən deputatlığa irəli sürülmüş namizədlərin tam siyahısı açıqlanıb.
Siyahıda işğaldan azad olunmuş ərazilərdən namizədliyi irəli sürülən şəxslərin də adı yer alıb:
118 saylı Ağdam - Xocalı Məmmədov Elman Camal oğlu
119 saylı Ağdam Məmmədov İbrahim Raqif oğlu
Ətraflı
120 saylı Cəbrayıl - Qubadlı Məmmədov Ceyhun Valeh oğlu
121 saylı Laçın Muradov Rövşən Şahbaz oğlu
122 saylı Xankəndi Məmmədov Aqil Kamran oğlu
123 saylı Kəlbəcər Əhmədova Aidə Ələsgər qızı
124 saylı Şuşa - Ağdam - Xocavənd Babışova Leyla Adil qızı
125 saylı Zəngilan - Qubadlı İsmayılov İmamverdi İbiş oğlu
17-07-2024, 13:30
Daha 7 şəhidimizin qalıqları dəfn olunacaq
Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyası itkin-şəhidlərin dəfn mərasimlərinə dair yeni məlumat yayıb.
Dövlət Komissiyasının məlumatına görə, iyulun 18-də Aydın Əsədulla oğlu Qurbanov Bakının Sabunçu rayonunun Maştağa qəsəbəsindəki Şəhidlər xiyabanında, Yaşar Ələkbər oğlu Kərimov Neftçala rayonunun Qaramanlı kəndində, Zahid Baxış oğlu Nağıyev Ağdam rayonunun Evoğlu kəndində, Akif İlyas oğlu Abbasov Gəncə şəhərindəki Şəhidlər xiyabanında dəfn ediləcək.
İyulun 19-da isə Rəhim Əlyar oğlu Rəsulov Sumqayıt şəhərindəki Şəhidlər xiyabanında, İbrahim Ələşrəf oğlu Vəliyev İmişli rayonundakı Şəhidlər xiyabanında, Bəxtiyar Əliş oğlu Hümbətov Yevlax şəhərindəki Şəhidlər xiyabanında dəfn olunacaq.
17-07-2024, 12:39
Tələbələrin köçürülməsi prosesi nə vaxt başlayacaq? - AÇIQLAMA
Son günlər Azərbaycanda tələbələri maraqlandıran mövzuların biri də köçürülmə prosesidir. Tələbələrin ölkə daxilində və xaricdə yerləşən ali təhsil müəssisələrindən köçürülməsi, yaxud bir ixtisasdan digərinə və təhsilalma formasının dəyişdirilməsi, eləcə də ölkəmizdə yerləşən orta ixtisas təhsili müəssisələrində, magistratura səviyyəsində təhsilalanların köçürülməsi (www.transfer.edu.az) portalı 2016-cı ildə tələbələrin köçürülmə prosesinin sadələşdirilməsi məqsədi ilə istifadəyə verilib.
Tələbələrin köçürülməsi nə vaxt həyata keçiriləcək? Hansı yeni qaydalar tətbiq ediləcək?
Mövzu ilə bağlı Elm və Ali Təhsil üzrə Dövlət Agentliyindən (EATDA) bildirilib ki, ali təhsil müəssisələrinin tələbələrinin köçürülməsi Azərbaycan Respublikasının Elm və Təhsil Nazirliyinin Kollegiyasının 21 fevral 2024-cü il tarixli KQ-02 nömrəli Qərarı ilə təsdiq edilmiş "Ali təhsil müəssisələrinin bakalavriat (əsas (baza ali) tibb təhsilində) və magistratura səviyyələrində təhsilalanlar tərəfindən təhsil müəssisəsinin, ixtisasın, təhsilalma formasının dəyişdirilməsi, onların təhsil müəssisəsindən xaric və ya təhsil müəssisəsinə bərpa olunması, habelə təhsilalanların təhsilini müvəqqəti dayandırması (onlara akademik məzuniyyətin verilməsi) Qaydaları"na əsasən tənzimlənir:
“Qaydalara əsasən təhsil aldığı müddət ərzində təhsil proqramı ilə həmin dövr üçün müəyyən olunmuş kreditlərin ən azı ikidə bir hissəsini toplamayan tələbələrin köçürülməsinə yol verilmir”.
Verilən məlumata görə, tələbələrin köçürülmə prosesini sadələşdirmək, eləcə də təhsil müəssisələrinin muxtariyyətini genişləndirmək məqsədilə proses təhsil müəssisələri tərəfindən aparılacaq:
“Həmçinin qeyd edək ki, xaricdə natamam ali təhsil alan (təhsilini tamamlamamış) şəxslər öz təhsillərini Azərbaycanda yerləşən ali təhsil müəssisələrinin birində davam etdirmək üçün ilkin olaraq kvalifikasiyalarının qismən akademik tanınması haqqında şəhadətnamə əldə etməlidirlər. Şəhadətnamə əldə etmək üçün tələbələrə Təhsildə Keyfiyyət Təminatı Agentliyinə elektron qaydada müraciət etmələri tövsiyə olunur”.
Qeyd olunub ki, tələbələrin köçürülməsi üçün elektron portal aktiv olduğu zaman ictimaiyyətə məlumat bildiriləcək.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!