17-07-2024, 12:39
Tələbələrin köçürülməsi prosesi nə vaxt başlayacaq? - AÇIQLAMA
Son günlər Azərbaycanda tələbələri maraqlandıran mövzuların biri də köçürülmə prosesidir. Tələbələrin ölkə daxilində və xaricdə yerləşən ali təhsil müəssisələrindən köçürülməsi, yaxud bir ixtisasdan digərinə və təhsilalma formasının dəyişdirilməsi, eləcə də ölkəmizdə yerləşən orta ixtisas təhsili müəssisələrində, magistratura səviyyəsində təhsilalanların köçürülməsi (www.transfer.edu.az) portalı 2016-cı ildə tələbələrin köçürülmə prosesinin sadələşdirilməsi məqsədi ilə istifadəyə verilib.
Tələbələrin köçürülməsi nə vaxt həyata keçiriləcək? Hansı yeni qaydalar tətbiq ediləcək?
Mövzu ilə bağlı Elm və Ali Təhsil üzrə Dövlət Agentliyindən (EATDA) bildirilib ki, ali təhsil müəssisələrinin tələbələrinin köçürülməsi Azərbaycan Respublikasının Elm və Təhsil Nazirliyinin Kollegiyasının 21 fevral 2024-cü il tarixli KQ-02 nömrəli Qərarı ilə təsdiq edilmiş "Ali təhsil müəssisələrinin bakalavriat (əsas (baza ali) tibb təhsilində) və magistratura səviyyələrində təhsilalanlar tərəfindən təhsil müəssisəsinin, ixtisasın, təhsilalma formasının dəyişdirilməsi, onların təhsil müəssisəsindən xaric və ya təhsil müəssisəsinə bərpa olunması, habelə təhsilalanların təhsilini müvəqqəti dayandırması (onlara akademik məzuniyyətin verilməsi) Qaydaları"na əsasən tənzimlənir:
“Qaydalara əsasən təhsil aldığı müddət ərzində təhsil proqramı ilə həmin dövr üçün müəyyən olunmuş kreditlərin ən azı ikidə bir hissəsini toplamayan tələbələrin köçürülməsinə yol verilmir”.
Verilən məlumata görə, tələbələrin köçürülmə prosesini sadələşdirmək, eləcə də təhsil müəssisələrinin muxtariyyətini genişləndirmək məqsədilə proses təhsil müəssisələri tərəfindən aparılacaq:
“Həmçinin qeyd edək ki, xaricdə natamam ali təhsil alan (təhsilini tamamlamamış) şəxslər öz təhsillərini Azərbaycanda yerləşən ali təhsil müəssisələrinin birində davam etdirmək üçün ilkin olaraq kvalifikasiyalarının qismən akademik tanınması haqqında şəhadətnamə əldə etməlidirlər. Şəhadətnamə əldə etmək üçün tələbələrə Təhsildə Keyfiyyət Təminatı Agentliyinə elektron qaydada müraciət etmələri tövsiyə olunur”.
Qeyd olunub ki, tələbələrin köçürülməsi üçün elektron portal aktiv olduğu zaman ictimaiyyətə məlumat bildiriləcək.
17-07-2024, 12:23
YAP-ın Veteranlar Şurasının üzvləri: onlardan kimlər namizəd olacaq? - Siyahı
Yeni Azərbaycan Partiyası (YAP) İdarə Heyətinin bugünkü iclasında hakim siyasi qurumun deputatlığa namizədlərinin adları müəyyən edilib.
Modern.az xəbər verir ki, YAP İdarə Heyətinin bəzi üzvləri mətbuata açıqlamalarında bildiriblər ki, namizədlər siyahısına bəzi veteranların da adları salınıb.
Məsələn, köhnə YAP-çılardan olan Əli Əhmədov, Mübariz Qurbanlı, Səyyad Aran, Eyvaz Qurbanov, Heydər Əsədov kimi veteranlar deputatlığa namizəd olacaqlar.
Bəs YAP-ın Veteranlar Şurasında kimlər var və siyahıda onlardan kimlər ola bilər?
Butov.az Yeni Azərbaycan Partiyasının Veteranlar Şurasının siyahısını təqdim edir:
Rəhimzadə Arif Qafar oğlu – sədr
Qəhrəmanova Sədaqət Məmmədyar qızı – sədr müavini
Əlizadə Akif Ağamehdi oğlu
Fərəcov Ədalət Nurulla oğlu
İmamverdiyev Sudeyf Bəşir oğlu
Mehdiyev Ramiz Ənvər oğlu
Seyidzadə Dilarə Bağır qızı
Mahmudov Yaqub Mikayıl oğlu
Nəsirov Məmməd Yahya oğlu
Cəbiyev Rizvan İsrafil oğlu
Əsgərov Şahlar Qaçay oğlu
Xəlilov Zahid Abdulla oğlu
Abasova Adilə Ziyat qızı
Ələkbərov Urxan Kazım oğlu
Məmmədhəsənov Rafiq Musa oğlu
Əliyev Cəmil Əziz oğlu
Mərdanov Misir Cumayıl oğlu
Əliyeva Nurlana Müzəffər qızı
Əzizov İbrahim Vahab oğlu
Əmiraslanov Əhliman Tapdıq oğlu
Cahangirov Asif Baxış oğlu
Qasımzadə Elbay Ənvər oğlu
Həsənov Əli Şamil oğlu
Məmmədov Tahir Tais oğlu
Qoca Xeyrəddin Sayəddin oğlu
Məmmədov Elman Camal oğlu
Novruzov Vahid Tapdıq oğlu
Rzayev Tahir Musa oğlu
Abutalıbov Hacıbala İbrahim oğlu
Əhmədov Tağı Məhəmməd oğlu
Xanbabayev Şəmsəddin Hüseynqulu oğlu
İsmayılov Nazim Mehdi oğlu
Quliyeva Zərifə Rzaqulu qızı
Hüseynov Vaqif Aslan oğlu
Quliyev Tahir Məhərrəm oğlu
17-07-2024, 12:05
Sabahın hava proqnozu
İyulun 18-də gözlənilən hava şəraiti açıqlanıb.
Milli Hidrometeorologiya Xidmətindən verilən xəbərə görə, sabah Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi, lakin günün birinci yarısında bəzi yerlərdə arabir yağış yağacağı gözlənilir. Səhər yarımadanın bəzi yerlərində qısamüddətli intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək.
Havanın temperaturu gecə 21-26° isti, gündüz 30-35° isti olacaq. Atmosfer təzyiqi normadan aşağı 758 mm civə sütunu olacaq. Nisbi rütubət gecə 70-80 %, gündüz 50-60 % olacaq.
Azərbaycanın rayonlarında bəzi yerlərdə fasilələrlə yağış yağacağı, şimşək çaxacağı gözlənilir. Əsasən dağlıq və dağətəyi rayonlarda leysan xarakterli intensiv olacağı, dolu düşəcəyi ehtimalı var. Gecə və səhər bəzi yerlərdə zəif duman olacaq. Şərq küləyi əsəcək.
Havanın temperaturu gecə 20-25° isti, gündüz 31-36° isti, dağlarda gecə 12-17° isti, gündüz 18-23° isti olacaq.
17-07-2024, 11:34
YAP-ın deputatlığa namizədlər siyahısında veteranlar da var - Musa Quliyev
YAP İdarə Heyətinin iclasında partiya namizədlərini irəli sürüb.
Bunu YAP İdarə Heyətinin üzvü Musa Quliyev iclasdan sonra bildirib.
“Siyahı bu gün dərc olunacaq. Hamısı uğurlu namizəddir. Partiyamızın sədrinə hamımız minnətdarlığımızı bildirdik, etimadı doğruldacağımıza söz verdik. Çalışacağıq ki, xalqımızla bir yerdə növbəti 5 ildə də ölkəmizi, qanunverici hakimiyyətimiz daha da inkişaf etdirək, xalqımızın etimadını doğruldaq”.
O, siyahıda dəqyilşikliok olduğunu deyib: “Siyahıda gənclər və xanımlar da var, veteranlar da qayıdır”.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!