Xəbərlərin siyahısı: 30.12.2024

30-12-2024, 22:56

Vəzifəli şəxs Bakı aeroportunda külli miqdarda qızılla tutuldu

Azərbaycandan külli miqdarda qızıl çıxarmaq istəyən şəxs saxlanılıb.
Dövlət Gömrük Komitəsi Əməliyyat İstintaq Baş İdarəsinin əməkdaşları bununla bağlı Heydər Əliyev adına Beynəlxalq Hava Limanında əməliyyat həyata keçiriblər.
Əməliyyat zamanı 4 kq qızılı ölkədən çıxarmaq istəyən Əfsər Mirzəliyev adlı şəxs saxlanılıb.
Sayt yazır ki, Ə.Mirzəliyev vəzifəli şəxsdir və dövlət qurumlarından birində məsul vəzifədə çalışır.
Xatırladaq ki, 2017-2021-ci illərdə Azərbaycanın ABŞ-dəki Səfirliyində hərbi attaşenin köməkçisi vəzifəsində çalışmış polkovnik-leytenant Qəhrəman Məmmədov da ötən ayın axırlarında İstanbulda 70 kq qızılla saxlanılıb.

Vəzifəli şəxs Bakı aeroportunda külli miqdarda qızılla tutuldu

30-12-2024, 22:22

Təyyarə qəzasında yaralanan daha 3 nəfər Azərbaycana gətirildi

“Azərbaycan Hava Yolların”a məxsus təyyarənin Aktau yaxınlığında qəzaya uğraması nəticəsində ağır yaralanan 3 Azərbaycan vətəndaşı Bakıya gətirilib.
Yaralıları gətirən təyyarə Heydər Əliyev Beynəlxalq Aeroportunda eniş edib.
Həmin yaralılar "Yeni klinika"ya yerləşdiriliblər.

Təyyarə qəzasında yaralanan daha 3 nəfər Azərbaycana gətirildi

30-12-2024, 22:04

Rusiya qoşunları Ermənistan-İran sərhədindən çıxarıldı

Rusiya qoşunları Ermənistan-İran sərhədindən çıxarılıb.
Bu barədə Ermənistan Baş naziri Nikol Paşinyan bildirib.
O qeyd edib ki, bu gündən etibarən Ermənistan və İran arasındakı dövlət sərhədində yerləşən Aqarak sərhəd-keçid məntəqəsində sərhəd nəzarətini yalnız Ermənistanın sərhəd qoşunları həyata keçirəcək.
O, uzun illər ərzində sərhəddə xidmət göstərmiş Rusiya sərhədçilərinə təşəkkür edib və Ermənistan sərhədçilərinə uğurlar arzulayıb.

Rusiya qoşunları Ermənistan-İran sərhədindən çıxarıldı

30-12-2024, 21:37

İlham Əliyevdən 31 Dekabr paylaşımı

Azərbaycan Prezidenti İlham Əliyev rəsmi sosial şəbəkə hesabında 31 dekabr Dünya Azərbaycanlılarının Həmrəyliyi Günü və Yeni il münasibətilə paylaşım edib.
Butov.az paylaşımı təqdim edir:

İlham Əliyevdən 31 Dekabr paylaşımı

30-12-2024, 20:10

“Milan”ın yeni baş məşqçisi bəlli oldu

"Milan" yeni baş məşqçisini rəsmən açıqlayıb.
Butov.az xəbər verir ki, klub Serxio Konseysao ilə müqavilə imzalayıb.
Portuqaliyalı mütəxəssislə 2026-cı ilin iyun ayına kimi müqavilə imzalanıb.
Konseysaonun son iş yeri “Porto” klubu olub.
Qeyd dək ki, “Milan” A seriyasının turnir cədvəlində 17 oyundan sonra 27 xalla 8-ci yerdədir.

“Milan”ın yeni baş məşqçisi bəlli oldu

30-12-2024, 19:57

Daha bir təyyarə qəzası - Bu dəfə Avropada

Almaniyanın Ştutqart şəhərində birmühərrikli kiçik təyyarə qəzaya uğrayıb.
77 yaşlı pilotun “Cessna” markalı təyyarəni hava limanına endirmək cəhdi qatı duman səbəbindən uğursuz olub. Qəza nəticəsində pilot yüngül, 70 yaşlı sərnişini isə ağır xəsarət alıb.
Hadisə ilə əlaqədar hava limanında uçuş əməliyyatları saat yarım ərzində dayandırılıb. Qəzanın baş verdiyi əraziyə ümumilikdə 20-dək xilasetmə və yanğınsöndürmə briqadası və polis qüvvələri cəlb olunub, araşdırma aparılır.

Daha bir təyyarə qəzası - Bu dəfə Avropada

30-12-2024, 19:27

Ordubadda ağır qəza: 6 nəfər yaralandı

Ordubad rayonunda yol-nəqliyyat hadisəsi baş verib.
Qəza rayonun Aza kəndi ərazisində qeydə alınıb.
69-BD-013 dövlət nömrə nişanlı "NAZ-Lifan" markalı avtomobillə 69-BF-392 dövlət nömrə nişanlı "Lada" markalı avtomobil toqquşub. Qəza nəticəsində 6 nəfərin xəsarət aldığı bildirilir. Xəsarət alanlar Naxçıvan Muxtar Respublika Xəstəxanasına yerləşdirilib
Hadisə yerinə polis əməkdaşları cəlb edilib.
Faktla bağlı araşdırma aparılır.

Ordubadda ağır qəza: 6 nəfər yaralandı

30-12-2024, 19:04

Xankəndidə Yeni İl atəşfəşanlığı olacaq

Sabah Xankəndidə 31 Dekabr - Dünya Azərbaycanlılarının Həmrəyliyi Günü və Yeni il münasibətilə atəşfəşanlıq təşkil ediləcək.
Bu barədə Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətindən məlumat verilib.
Bildirilib ki, sakinlər və qonaqlar atəşfəşanlığı Xankəndidə seyr etmək üçün dekabr 31-i saat 00:00-da şəhərin zəfər meydanında “Qış nağılı” yarmarkası keçirilən əraziyə gələ bilərlər.

Xankəndidə Yeni İl atəşfəşanlığı olacaq

30-12-2024, 18:33

Azərin şikayəti rədd edildi

“TikTok” əməliyyatı ilə həbs edilən aparıcı Azər Zahid və digərləri həbs qərarından narazıdır.
Bakı Apellyasiya Məhkəməsində əvvəlcə A.Zahidin şikayətinə baxılıb.
Qumar oyunlarının təşkili və cinayət yolu ilə qazanılmış pulların leqallaşdırılmasında ittiham olunan aparıcı barəsindəki qərarın ləğv edilərək sərbəst buraxılmasını istəyib.
Amma yuxarı instansiya məhkəməsi aparıcının dediklərini əsaslı hesab etməyib, Nərimanov Rayon Məhkəməsinin hakimi Gültəkin Əsədovanın 4 aylıq həbs qətimkan tədbiri qərarını qüvvədə saxlayıb.
Eyni gündə narkotik cinayəti ilə əlaqədar saxlanılan digər tiktokçuların da şikayətinə baxılıb.
“Magerramoff” adı ilə tanınan Əmrah Məhərrəmovun və Nuh Məmmədovun hüquqlarını vəkil Yusif Seyfəlov müdafiə edir. Vəkil deyib ki, müvəkkilləri barəsindəki həbs qərarından verilmiş apellyasiya şikayətləri təmin edilməyib.
Qeyd edək ki, “TikTok”da əxlaqsızlığın təbliğinə qarşı əməliyyat polis tərəfindən keçirilib. Saxlanılan şəxslər müxtəlif cinayətətlərdə təqsirləndirilirlər.

Azərin şikayəti rədd edildi

30-12-2024, 18:09

Dəniz kənarında körpə meyiti tapıldı

Sumqayıtda dəniz kənarından körpə meyiti tapılıb.
Hadisə Corat ərazisində dəniz kənarında qeydə alınıb.
Meyitin 5-6 aylıq oğlan uşağına aid olduğu təxmin edilir.
Meyit aidiyyəti üzrə təhvil verilib, fakt araşdırılır.

Dəniz kənarında körpə meyiti tapıldı