9-03-2025, 18:08
Kolumbiyada torpaq sürüşməsi - Ölən var
Kolumbiyanın cənub-qərbində güclü yağışlar torpaq sürüşməsinə səbəb olub, azı bir nəfər ölüb, üç nəfər isə itkin düşüb.
Pasto şəhərinin meri Nikolas Toro dünyasını dəyişən şəxsin avtomobili ilə sürüşmə zonasından keçdiyini bildirib.
Milli Risklərin İdarə Edilməsi Təşkilatı 38 nəfərin xilas edildiyini bildirib. Qeyd olunub ki, 65 evə ziyan dəyib.
Ağır texnika zədələnmiş yolları açmaq və La Koça Laqun yaxınlığındakı məşhur turistik ərazidə kəsilmiş su təchizatını bərpa etmək üçün işləyir.
9-03-2025, 18:08
Kolumbiyada torpaq sürüşməsi - Ölən var
Kolumbiyanın cənub-qərbində güclü yağışlar torpaq sürüşməsinə səbəb olub, azı bir nəfər ölüb, üç nəfər isə itkin düşüb.
Pasto şəhərinin meri Nikolas Toro dünyasını dəyişən şəxsin avtomobili ilə sürüşmə zonasından keçdiyini bildirib.
Milli Risklərin İdarə Edilməsi Təşkilatı 38 nəfərin xilas edildiyini bildirib. Qeyd olunub ki, 65 evə ziyan dəyib.
Ağır texnika zədələnmiş yolları açmaq və La Koça Laqun yaxınlığındakı məşhur turistik ərazidə kəsilmiş su təchizatını bərpa etmək üçün işləyir.
9-03-2025, 17:56
İsraildən Qəzzaya növbəti zərbələr
İsrail ordusu Qəzza zolağına yeni hava zərbəsi endirib və anklavın şimal hissəsində bir qrup fələstinlini hədəf alıb.
Bu barədə ordunun mətbuat xidmətindən bildirilib.
"Bu gün səhər saatlarında Qəzzanın şimalında İsrail hərbçilərinin yaxınlığında yerə partlayıcı qurğu yerləşdirməyə cəhd edən bir neçə terrorçu aşkarlanıb. İsrail Hərbi Hava Qüvvələri terrorçulara zərbələr endirib", - məlumatda deyilir.
9-03-2025, 17:42
Ağ Ev yaxınlığında atışma
Ağ Ev yaxınlığında ABŞ xüsusi xidmət orqanlarının əməkdaşları ilə silahlı şəxs arasında atışma olub.
Həmin vaxt Prezident Donald Tramp Ağ Evdə deyil, Floridada iqamətgahında olub.
Xüsusi xidmət orqanları silahlı şəxsin İndianadan Vaşinqtona gəldiyi, intihar etmək niyyətində olduğu barədə məlumat alıb. Onun avtomobili Ağ Evin yaxınlığında aşkarlanıb. Polis yaxınlaşan zaman isə şübhəli atəş açmağa başlayıb.
Atışma nəticəsinə yaralanan şəxs xəstəxanaya yerləşdirilib.
Onun durumunun necə olduğu açıqlanmayıb.
9-03-2025, 17:07
ABŞ Ukraynaya yardımı bərpa etməyəcək - İDDİA
Ukrayna ilə minerallara dair müqavilədən sonra ABŞ Kiyevə hərbi yardımı və kəşfiyyat məlumatlarının mübadiləsini bərpa etməyəcək.
Bu barədə “NBC News” ABŞ Administrasiyasındakı məmurlara istinadən məlumat yayıb.
Qeyd edilib ki, ABŞ Prezidenti Donald Tramp ukraynalı həmkarı Volodomir Zelenskinin sülh danışıqlarına münasibətinin dəyişməsini, ərazi güzəştlərinə hazır olmasını, o cümlədən prezident seçkilərinin keçirilməsi üçün addım atmasını görmək istəyir.
9-03-2025, 16:52
DİN-dən xəbərdarlıq - Təhlükəli sahələrə daxil olmayın!
Daxili İşlər Nazirliyi (DİN) vətəndaşlara müraciət edib.
Müraciətdə vətəndaşlara maksimum ehtiyatlı davranmaq, mina, partlamamış hərbi sursat və ya naməlum əşyalara toxunmamaq tövsiyə edilir.
“Təhlükəli sahələrə daxil olmayın, atılıb qalmış sursatlara toxunmayın, həyatınızı minaya qurban verməyin.
Heç vaxt mina, partlamamış hərbi sursat və ya naməlum əşyalara toxunmayın, əlinizə götürməyin. Onlara müdaxilə etməyə çalışmayın”, - DİN-in müraciətində qeyd olunur.
9-03-2025, 16:19
Azərbaycanda internet televiziyalarının sayı azalır
Azərbaycanda təəssüflər olsun ki, internet televiziyalarının və "Youtube" kanallarının sayı getdikcə azalmaqdadır.
Bunu Bakı Dövlət Universitetinin professoru, Əməkdar jurnalist Qulu Məhərrəmli deyib.
Onun sözlərinə görə, internet televiziyası və "Youtube" kanallarının baxış sayına, bir verilişin konkret olaraq izlənməsinə, edilən girişlərin, şərhlərin sayına görə reytinqini nisbi şəkildə müəyyənləşdirmək olur:
"Bununla yanaşı diqqəti cəlb edən, ictimai müzakirələr aparan, sosial problemləri qaldıran, maraqlı verilişlər hazırlayan "Youtube" kanalları və internet televiziyaları yaxşı ki, var”.
Həmin kanal və televiziyaların reytinqlərinin hansı meyarlara əsasən müəyyən olunması dəqiq parametrlərə söykənmir. Amma qeyd etdiyim kimi baxış, abunə sayının olması, verilişlərə konkret baxan insan sayı, yazılan şərh sayı müəyyən göstəricidir. Məsələn Azərbaycanda ilk 10-a daxil olan "Youtube" kanalları, internet televiziyaları var. Onların mövcudluğu əlbəttə ki, normaldır. Amma reytiqnlər bütün hamısında bu vəya başqa formada subyektivdir. Hər halda müəyyən dərəcədə ümumi ictimai rəy bir dəqiq müəyyənləşdirməyə imkan verir ki, hansı "Youtube" kanalı, veriliş, aparıcı daha çox baxılır. İndiki şəraitdə vəziyyət belədir”.
Professor sonda qeyd edib ki, bütün reytinq göstəriciləri şərtidir.
9-03-2025, 15:53
Fransadan Ukraynaya 195 milyon avroluq hərbi yardım
Fransa Ukraynaya Rusiya aktivlərinin dondurulmasından əldə olunan faizlərlə 195 milyon avroluq hərbi yardım tədarük edəcək.
Bu barədə Fransanın müdafiə naziri Sebastyen Lekornu "La Tribune Dimanche" qəzetinə verdiyi müsahibədə bildirib.
Nazir deyib ki, yeni tranşa 155 mm-lik artilleriya mərmiləri və AASM tipli idarə olunan aviabombalarla yüklənmiş Mirage-2000 təyyarələri daxildir.
Lekornu hərbi texnikaların istehsal sürətini artırmağı planlaşdırdıqlarını da açıqlayıb. Belə ki, gələn ildən etibarən "Dassault Aviation" ayda 4-5 "Rafale" təyyarəsi təhvil verəcək, bu da ötənilki ilə müqayisədə iki dəfə çoxdur. AASM aviabombalarının istehsal həcmi iki dəfə artacaq.
9-03-2025, 15:52
Qərb Rusiya – Ukrayna müharibəsində hansı rolu oynayır?
Qərbin hərbi-siyasi dairələri tərəfindən Rusiya ilə müharibəyə cəlb edilən Ukrayna çətin və faciəvi günlərini yaşayır. ABŞ və Avropa İttifaqı arasında qarşıdurma yaşanır, Ukrayna isə taleyin ümidinə buraxılmış vəziyyətə salınıb. Hər gün Rusiya yeni-yeni ərazilərini tutur, şəhərlərini dağıdır, insanlar ölür. Hətta iş o yerə çatıb ki, ABŞ indiyə qədər Ukraynaya ayırdığı maliyyənin geri qaytarılmasını tələb edir. Bu gərginlik xüsusilə Münxen Təhlükəsizlik Konfransında daha qabarıq üzə çıxıb. Ukraynanın yaşadığı gərginlikdə şübhəsiz ki, əvvəlki ABŞ administrasiyasının, xüsusilə də prezident Cozef Bayden və dövlət katibi Antoni Blinkenin yarıtmaz siyasəti də az rol oynamadı. Bugünkü ABŞ-Avropa İttifaqı arasında gərginliyinə görə ultra liberal və liberalo-faşist ideologiyasını yürüdən Bayden-Blinken administrasiyası birbaşa məsuliyyət daşıyır. Bu iddianı da əksəriyyət indi birmənalı şəkildə qəbul edir. Ukraynada 3 ildən artıqdır davam edən müharibə beynəlxalq geosiyasi vəziyyətə ciddi təsir göstərib. Bir çox siyasi liderin və ekspertin də dediyi kimi, bu savaş artıq Rusiya-Ukrayna müharibəsi deyil, Moskvanın Qərb ölkələri, o cümlədən ABŞ-la demək olar ki, hərbi qarşıdurmasıdır. Qərbin əsas məqsədi Ukraynanın müstəqilliyini qorumaq, Rusiyanın işğalını dayandırmaq və Moskvanı zəiflətməkdir. Bununla belə, bu müdaxilə Rusiya-Qərb münasibətlərini daha da gərginləşdirib və yeni bir geosiyasi bloklaşmaya səbəb olub. Müharibənin gedişatı və sonu hələ qeyri-müəyyəndir, lakin Qərbin dəstəyi Ukraynanın müqavimətini gücləndirib və Rusiya üçün ciddi çətinliklər yaradıb.
Qərbin Ukrayna-Rusiya müharibəsində rolu əvəzolunmazdır. Iqtisadi, hərbi, diplomatik və humanitar yardımlarla Ukraynanı dəstəkləməklə yanaşı, Qərb həm də Rusiya üzərində təzyiqi artırmağa çalışır. Müharibə Qərb və Rusiya arasındakı münasibətləri tamamilə yenidən formalaşdırıb və dünya siyasətində yeni güc balansının yaranmasına səbəb olub. Müharibənin gələcəyi hələ naməlumdur, amma Qərbin dəstəyi Ukraynanın müqavimətini gücləndirməkdə mühüm rol oynayır .
Turan Dənyarlı,
“Azərbaycan” universitetinin “Politologiya” ixtisası üzrə ikinci kurs tələbəsi
9-03-2025, 15:44
Türkiyə-İran gərginliyinin pərdəarxası
Türkiyənin Xarici İşlər Naziri Hakan Fidan "Əl-Cəzirə" kanalına müsahibəsində İranın regional siyasətini tənqid edib.
Fidan İranın bölgədə milislər vasitəsilə apardığı xarici siyasətin böyük risklər daşıdığını bildirib. Türkiyə XİN başçısı, həmçinin bir ölkənin başqa dövlətlərdəki silahlı qrupları dəstəkləyərək üstünlük qazanmağa çalışmasının əks təsir yaradacağını bildirib: "Əgər siz başqasına daş atırsınızsa, unutmayın ki, sizə də daş ata bilərlər."
İran xarici işlər nazirinin müavini Mahmud Heydəri Türkiyə Cümhuriyyətinin Tehrandakı səfiri Hicabi Kırlanğıç ilə görüşüb. Martın 3-ü axşam saatlarında keçirilən görüşdə Türkiyə xarici işlər nazirinin son bəyanatlarına istinad edən Heydəri vurğulayıb: “İki ölkənin ortaq maraqları və regional şərtlərin həssaslığı ikitərəfli münasibətlərdə fikir ayrılıqlarına və gərginliyə səbəb ola biləcək yanlış şərhlər və qeyri-real təhlillərin aparılmamasını tələb edir”.
İki ölkə arasında gərginliyi şərh edən Milli Məclisin Azərbaycan-İran Parlamentlərarası İşçi Qrupunun üzvü Ceyhun Məmmədov bildirib ki, Türkiyənin qaldırdığı məsələdə haqlıdır:
"Hakan Fidanın səsləndirdiyi bu məsələ özünü Suriyada, İraqda, hətta Yəməndə və digər ölkələrdə də göstərir. Hazırda Suriyada baş verən hadisələrdən narahat olan İran çalışır ki, yenidən öz mövqeyini bərpa etsin. Ona görə də burada yeni silahlı qruplaşmalar yaratmaq üçün müəyyən addımlar atır. Bu da təbii ki, Türkiyənin maraqlarına uyğun deyil. Yəni Türkiyənin belə bir mövqe sərgiləməsinin çox ciddi səbəb və əsasları var. Çünki İranın atdığı addımlar bölgədə müəyyən gərginliklər yaradır. Hətta Türkiyənin daxilində də müəyyən qruplaşmaların yaradılması, İraqda oxşar təşkilatlara dəstək verməsi, zaman-zaman Azərbaycanda da bu istiqamətdə addımların atılmasına cəhdlərin edilməsi ciddi məsələdir və narahatlığa səbəb olur".
C.Məmmədov söyləyib ki, Azərbaycan bu məsələyə fərdi yanaşmalıdır:
"Əslində Türkiyə İrana mesaj vermək istəyirdi ki, Suriyadakı proseslərə müdaxilə edib, yeni silahlı qruplaşmalar yaradaraq hazırki hakimiyyətin devrilməsinə cəhd etməsin. Türkiyə çalışır ki, regionda əlavə qarşıdurmalar olmasın. Türkiyə regionda əsas ölkələrdən biri kimi, bu məsələdə yenidən problem yaşamaq istəmir. Qardaş ölkənin narahatlığı başa düşüləndir. Türkiyənin bu açıqlaması ilə İran siyasətini dəyişən deyil. İran bu məsələni təhlükəsizliyini təmin etmək üçün məcburi atılan addımlar kimi qeyd edir. Müəyyən narahatlıqlar, fikir ayrılıqları həmişə olub və ola bilər. Bu, təbiidir. İranın bu cür əsaslandırmaları qəbuledilməzdir. Müəyyən fikir ayrılıqları, münasibətlərdə gərginliklər olacaq. Ümumi son dövrlərdə baş verən proseslərə baxanda Azərbaycan-İran münasibəltərinə ayrı-ayrılıqda yanaşmalıyıq. Bütün hallarda Azərbaycan-Türkiyə münasibətləri strateji müttəfiqlik səviyyəsindədir. İranın atdığı bu addımlar isə müəyyən təhdidləri və təhlükələri vəd edir".
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!