12-04-2025, 09:24
Ermənistandan sərhəd demarkasiyası ilə bağlı AÇIQLAMA
Ermənistanla Azərbaycan arasında delimitasiya və demarkasiyanın bütün prosesi Sovet İttifaqının dağılması zamanı mövcud olan və Sovet Ermənistanı ilə Sovet Azərbaycanı arasında inzibati sərhədi ifadə edən hüquqi cəhətdən əsaslandırılmış sənədlərə və xəritələrə əsaslanır.
Bu barədə Ermənistan KİV-nə Baş nazirin müavini Mher Qriqoryanın ofisindən bildirilib.
“İki ölkənin komissiyalarının birgə fəaliyyəti haqqında əsasnamənin preambulasında demarkasiya prosesinin əsas prinsipi kimi 1991-ci il Alma-Ata Bəyannaməsi təsbit olunub. Buna görə də bütün demarkasiya prosesi Sovet İttifaqının dağılması zamanı mövcud olan və Sovet Ermənistanı ilə Sovet Azərbaycanı arasında inzibati sərhədi ifadə edən hüquqi cəhətdən əsaslandırılmış sənədlərə və xəritələrə əsaslanacaq”, - Mher Qriqrianın ofisi yazılı cavabında bildirib.
2024-cü ildə Tavuşda sərhədin demarkasiyası zamanı 1976-cı ildən SSRİ Silahlı Qüvvələrinin Baş Qərargahında mövcud olan topoqrafik xəritələrin əsas götürüldüyü bildirilmişdi.
Xatırladaq ki, Azərbaycan və Ermənistan arasında demarkasiya prosesi 2024-cü ilin aprel ayından başlayıb və 19 aprel 2024-cü ildə Qazax rayonunun 4 kəndi (Aşağı Əskipara, Bağanis Ayrım, Xeyrimli, Qızılhacılı) işğaldan azad olunub, aprelin 23-də isə Tavuşda ilk sərhəd dirəyi quraşdırılıb.
2025-ci il yanvarın 16-da isə iki ölkənin demarkasiya və delimitasiya komissiyaları prosesin Gürcüstan sərhədindən İrana qədər davam etdirilməsi barədə razılığa gəliblər.
Hazırda Qazaxın Sofulu, Barxudarlı, Yuxarı Əskipara, Naxçıvanın Kərki kəndi hələ də işğaldadır.
11-04-2025, 19:36
Tahir Kərimli partiya sədrliyindən gedir
Vəhdət Partiyasının sədri Tahir Kərimli rəhbərlikdən getmək qərarını verib.
Bu barədə partiyanın Baş Məclisinin sədri Fəxrəddin Ağazadə məlumat verib.
Onun sözlərinə görə, Tahir Kərimli sədrlikdən getsə də, Vəhdət Partiyasının lideri kimi fəaliyyət göstərəcək:
"Tahir müəllim hər həftənin 2-3 günü partiyada olur, müzakirələrdə iştirak edir. Onun sədrlikdən getməsini partiyanın qurultayı həll edir. Düzdür, Tahir müəllim deyib ki, 70 yaşı olanda sədrlikdən gedəcək, amma biz onu getməyə qoymuruq. Hələ onun 70 yaşına iki ilə yaxın müddət var".
"Tahir Kərimli sədr kimi yerinə varis olaraq kimi hazırlayır" sualına Fəfrəddin Ağazadə belə cavab verib:
"Bu məsələ partiyada hələ aktual deyil. Daha doğrusu bu fikiri üzvlərimiz hələ yaxın buraxmır. Bu kollegial bir məsələdir, partiyanın Baş Məclisi var. Qurultay çağrılalı, məsələ müzakirə edilməli və sonra sədr postuna seçki keçirilməlidir. Mən partiya sədr olmayacam, çünki aramızda az yaş fərqi var. Əgər Tahir müəllim getsə, yerinə gənclərdən biri seçiləcək. Sədrlik ağır və məsuliyyətli işdir".
11-04-2025, 18:52
İlham Əliyev Kobaxidzeni qəbul etdi - FOTO
Azərbaycan Prezidenti İlham Əliyevin aprelin 11-də Antalyada Gürcüstanın Baş naziri İrakli Kobaxidze ilə görüşü olub.
11-04-2025, 18:00
Emin İbrahimova hökm oxundu
Keçmiş diplomat Emin İbrahimovun bir nəfəri bıçaqlamaqda təqsirləndirildiyi cinayət işi üzrə məhkəmə araşdırması başa çatıb.
Bakı Ağır Cinayətlər Məhkəməsində keçirilən sonuncu iclasda hökm oxunub.
Vüqar Quliyevin sədrlik etdiyi məhkəmə heyəti müttəhimi təqsirli hesab ediblər.
Hökmə əsasən, Emin İbrahimova Cinayət Məcəlləsinin 221-ci (xuliqanlıq) maddəsi ilə elan edilmiş ittiham ləğv edilib. O, qəsdən sağlamlığa ağır zərər vurmaqda təqsirli bilinərək 7 il müddətə azadlıqdan məhrum edilib.
Müttəhim ittihama münasibətdə özünü təqsirli bilməyib. Son sözündə bəraət istəyib.
Qeyd edək ki, hadisə paytaxtın Nizami rayonu ərazisində baş verib. Emin İbrahimov səki ilə hərəkətdə olarkən onunla üzbəüz gələn Kamal Şükürovla çiyin-çiyinə dəyib. Bu səbəbdən tərəflər arasında yaranan mübahisə nəticəsində E.İbrahimov üzərində gəzdirdiyi bıçaqla Kamal Şükürovu qarın nahiyəsindən bıçaqlayıb. Zərərçəkənin həyatını xilas etmək mümkün olub.
11-04-2025, 17:48
İlham Əliyev Suriya liderini Azərbaycana dəvət etdi - FOTO
Azərbaycan Respublikasının Prezidenti İlham Əliyevin aprelin 11-də Antalyada Suriya Ərəb Respublikasının keçid dövrü Prezidenti Əhməd Əl Şaraa ilə görüşü olub.
Bu barədə Prezidentin Mətbuat Xidməti məlumat yayıb.
Prezident İlham Əliyev Suriyada baş vermiş dəyişikliklərlə əlaqədar məmnunluğunu bildirərək, bununla bağlı Əhməd Əl Şaraanı təbrik edib.
Dövlətimizin başçısı deyib ki, dəyişikliklərdən sonra Azərbaycan nümayəndə heyəti ən qısa müddət ərzində bu ölkəyə göndərilib və Əsəd rejiminin siyasəti səbəbindən uzun zaman fəaliyyət göstərməyən Azərbaycanın Suriyadakı səfirliyi fəaliyyətini bərpa edib.
Prezident İlham Əliyev Suriyada sabitliyin möhkəmləndirilməsi üçün zəruri olan bu ölkənin bərpa prosesində Azərbaycanın iştirak etməyə hazır olduğunu qeyd edib.
Əhməd Əl Şaara Azərbaycan tərəfinin dəstəyinə görə dövlətimizin başçısına minnətdarlığını bildirib.
O, gələcəkdə energetika, infrastruktur, təhlükəsizlik sahələrində Azərbaycanın Suriyaya dəstək göstərməsinin önəmini qeyd edib.
Suriyada sabitliyin bərpası üçün əlindən gələni etdiyini deyən Əhməd Əl Şaara bununla belə xarici faktorların bu məsələyə təsirindən narahatlığını vurğulayıb.
Söhbət zamanı, eyni zamanda, Azərbaycan-Suriya-Türkiyə üçtərəfli əməkdaşlıq formatının inkişafı məsələsinə toxunulub.
Görüşdə ölkələrimiz arasında yüksəksəviyyəli rəsmi nümayəndə heyətlərinin və biznes dairələrinin təmsilçilərinin qarşılıqlı səfərlərinin həyata keçirilməsi ilə bağlı razılıq əldə olunıub.
Dövlətimizin başçısı Əhməd Əl Şaraanı ölkəmizə səfərə dəvət edib.
Dəvət minnətdarlıqla qəbul olunub.
11-04-2025, 17:38
Yağışlı hava bu tarixədək davam edəcək - XƏBƏRDARLIQ
Milli Hidrometeorologiya Xidməti hava şəratininin yenidən dəyişəcəyini proqnozlaşdırıb.
Xidmətdən verilən məlumata görə, aprelin 13-də Azərbaycanın bəzi dağlıq və dağətəyi rayonlarında, 14-ü axşam isə şimal və qərb rayonlarından başlayaraq hava şəraitinin yağıntılı olacağı, şimşək çaxacağı, dolu düşəcəyi, dağlıq ərazilərdə qar yağacağı, 15-dən isə hava şəraitinin daha da kəskinləşəcəyi, yağıntıların intensiv və güclü olacağı gözlənilir.
Yağıntılarla əlaqədar çaylarda sululuğun artacağı, bəzi dağ çaylarından qısamüddətli sel keçəcəyi ehtimalı var. Böyük və Kiçik Qafqazın, Naxçıvan Muxtar Respublikasının və Lənkəran-Astara zonasının ərazisindən axan bəzi çaylarda daşqın və sel riski daha yüksəkdir.
Bakıda və Abşeron yarımadasında aprelin 14-dən 15-nə keçən gecədən başlayaraq fasilələrlə yağış yağacağı, bəzi ərazilərdə leysan xarakterli olacağı gözlənilir. Ayın 16-da isə yağıntıların daha intensiv olacağı ehtimalı var.
11-04-2025, 17:31
Məktəbin pəncərəsindən yıxılan şagirdin son durumu
Aprelin 11-i saat 13:00 radələrində Respublika Təcili və Təxirəsalınmaz Tibbi Yardım Mərkəzinə Nizami rayonu, 220 saylı orta məktəbdən müraciət qeydə alınıb.
Bu barədə TƏBİB-dən xəbər verilib.
Bildirilib ki, dərhal çağırış ünvanına briqada cəlb olunub. 2011-ci il təvəllüdlü şəxs (kişi cinsli) Sabunçu Tibb Mərkəzinə hospitalizasiya olunub.
"Pasiyentə belin küt travması diaqnozu təyin edilib. Zəruri tibbi yardımlar göstərilən şəxs ambulator müalicə üçün evə buraxılıb", - məlumatda qeyd olunub.
11-04-2025, 17:23
Ankaradan İrəvana mesaj: Paşinyan Konstitusiya dəyişikliyinə söz verib!
Türkiyənin Ermənistanla münasibətlərin normallaşdırılması üzrə xüsusi nümayəndəsi Serdar Kılıç Antalya Diplomatik Forumu çərçivəsində jurnalistlərə bəzi açıqlamalar verib.
Serdar Kılıç Türkiyənin Ermənistandan Konstitusiyaya dəyişiklik tələbini edib-etmədiyi barədə suala belə cavab verib:
"Baş nazir Nikol Paşinyan Konstitusiya dəyişikliyi ilə bağlı açıqlama verib. Bu kontekstdə Ermənistan öz Konstitusiyasına lazımi dəyişiklikləri edəcək".
Xatırladaq ki, Azərbaycanla Ermənistan arasında sülh müqaviləsinin mətni artıq tam razılaşdırılıb və 17 paraqrafdan ibarətdir. Azərbaycanın sülh təşəbbüslərinə əsaslanan bu sənəd hər iki ölkənin nümayəndələrinin uzunmüddətli və səmərəli danışıqları nəticəsində formalaşıb.
Rəsmi Bakı sülh müqaviləsinin mətnin hazırlanmasında heç bir əlavə şərt irəli sürməyib, ancaq Azərbaycan mövcud reallıqların qəbul olunmasını istəyir. Bunun üçün Ermənistan cəmi 2 şərti yerinə yetirməlidir:
- ATƏT-in Minsk Qrupunun ləğv edilməsinə razılaşmalıdır;
- Ermənistan Konstitusiyasına dəyişiklik edilməlidir.
Qeyd edək ki, Türkiyə Ermənistan-Azərbaycan danışıqlarını diqqətlə izləyir və Ankara Bakının haqlı şərtlərini müdafiə edir.
11-04-2025, 17:07
Türkiyə Cənubi Qafqazda davamlı sülh üçün səylərini davam etdirir
Türkiyə Cənubi Qafqazda davamlı sülh və sabitliyin təmin olunması üçün səylərini davam etdirir.
Bu barədə Türkiyə Prezidenti Rəcəb Tayyib Ərdoğan IV Antalya Diplomatiya Forumunun rəsmi açılışında çıxışı zamanı bildirib.
11-04-2025, 16:45
Müştərinin kartından oğurluq edən administrator saxlanıldı
Restoranda müştərinin bank kartından oğurluq edən administrator saxlanılıb.
Hadisə Suraxanı rayonunda yerləşən restoranların birində qeydə alınıb. Restoranda yemək yeyən şəxs hesabı kartla ödəmək istədiyini bildirib. Restoranın administratoru isə onlarda post-terminalın olmadığını deyib və pulu yaxınlıqdakı bankomatdan çıxarmaq üçün müştəridən kartını ona verməsini istəyib. Müştəri isə maddi vəsaiti çıxarmaq üçün bank kartını və şifrəni administratora verib. Sonradan zərərçəkən kartından ödənişlə birlikdə ümumilikdə 1006 manatının çıxarıldığını aşkar edib.Zərərçəkənin şikayətindən sonra əməli törədən restoranın administratoru - 42 yaşlı G.Quliyev polis əməkdaşları tərəfindən saxlanılıb.
Araşdırma aparılır.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!