30-04-2025, 19:19
"Heydər Əliyev və dövlətçilik dəyərləri" mövzusunda seminar keçirildi
Bakı Şəhəri üzrə Təhsil İdarəsinin təşkilatçılığı ilə Nəsimi Rayon İcra Hakimiyyətində Ümummilli Lider Heydər Əliyevin anadan olmasının 102-ci ildönümünə həsr olunmuş “Heydər Əliyev və dövlətçilik dəyərləri: hüquqi irs və milli suverenlik” adlı maarifləndirici seminar keçirildi.
İştirakçılar əvvəlcə Heydər Əliyevin büstü önünə gül dəstələri qoyub, BŞTİ-nin tabeliyində olan Uşaq-Gənclər İnkişaf Mərkəzinin dərnək üzvlərinin rəsmlərindən ibarət sərgiyə baxış keçiriblər.
Seminar Dövlət Himninin səsləndirilməsi, Ulu Öndərin və Vətən şəhidlərinin əziz xatirəsinin bir dəqiqəlik sükutla yad edilməsi ilə başlayıb.
Daha sonra Ulu Öndərin həyat və fəaliyyətindən bəhs edən videoçarx nümayiş etdirilib.
Tədbirdə Azərbaycan Respublikası Prezidenti Katibliyinin sabiq rəisi, 1-ci dərəcə dövlət müşaviri, tarix elmləri doktoru, professor Dilarə Seyidzadə və Nəsimi rayon Ağsaqqallar Şurasının sədri, Əməkdar elm xadimi Vaqif Şadlinski iştirak edərək gənclərlə Ulu Öndər Heydər Əliyevin hüquqi dövlət quruculuğundakı tarixi rolu, milli suverenliyin təminindəki misilsiz xidmətləri, eləcə də Prezident İlham Əliyevin rəhbərliyi ilə bu gün həyata keçirilən mühüm dövlətçilik siyasətləri barədə əhatəli fikir mübadiləsi apardılar. Məktəblilər bu istiqamətdə çoxsaylı suallar verərək həm Ümummilli Liderin, həm də Möhtərəm Prezidentimizin fəaliyyətinin müxtəlif sahələri üzrə maariflənmək üçün yüksək maraq göstərdilər.
Dilarə xanım Seyidzadə və Vaqif Şadlinski gənclərin suallarını geniş və əhatəli şəkildə cavablandıraraq, onları milli-mənəvi dəyərlər, hüquqi maarifləndirmə, dövlətçilik ənənələri və vətəndaş məsuliyyəti istiqamətində marifləndirdilər. Görüşdə Prezident İlham Əliyevin Qərbi Azərbaycana Qayıdış Konsepsiyası da xüsusi müzakirə mövzusu oldu. Qonaqlar bu konsepsiyanın mahiyyəti, tarixi ədalətin bərpası baxımından əhəmiyyəti və gələcək nəsillərə ötürüləcək milli yaddaş kimi rolunu vurğuladılar.
Tədbirdə həmçinin Ulu Öndər Heydər Əliyevin və görkəmli oftalmoloq-alim, xeyriyyəçi Zərifə xanım Əliyevanın ailə dəyərlərinə verdikləri önəm, onların birgə həyat yolunun Azərbaycan cəmiyyətində nümunəvi ailə modeli kimi qəbul olunması haqqında da fikirlər səsləndirildi.
Heydər Əliyev irsinin öyrədilməsi dərsləri çərçivəsində müntəzəm olaraq təşkil olunan bu görüşlərin məqsədi Ulu Öndərin zəngin hüquqi irsini, dövlətçilik ənənələrini, azərbaycançılıq məfkürəsi və müasir Azərbaycan dövlətçiliyinin təməl prinsiplərini gənc nəslə aşılamaqdan ibarət idi.
Tədbirdə 2 və 3 nömrəli Uşaq Gənclər İnkişaf Mərkəzinin dərnək üzvlərinin ifasında ədəbi-bədii kompozisiyalar nümayiş etdirilib.Tədbir iştirakçıları belə əhəmiyyətli bir seminarın təşkilinə görə minnətdarlıqlarını bildirərək bu cür görüşlərin gənclərin formalaşmasında xüsusi rol oynadığını vurğuladılar.
30-04-2025, 18:00
Ərdoğan Suriya kürdlərinin təklifini rədd etdi
Türkiyə prezidenti Rəcəb Tayyib Ərdoğan Suriyadakı kürd qruplarının Suriyanın mərkəzləşdirilməmiş idarəetmə sisteminə keçməsi ilə bağlı tələblərini rədd edib.
Ərdoğan bunun “xəyaldan başqa bir şey olmadığını” və ona qonşu ölkədə yer olmadığını deyib.
Mərkəzləşdirilməmiş struktur çağırışı Suriyanın islamçı liderləri tərəfindən də rədd edilib.
"Federal quruluş məsələsi boş xəyaldan başqa bir şey deyil. Onun Suriya reallığında yeri yoxdur. "Mən kürdlərə federal quruluş xəyal etməməyi və bölgəni təhdid edəcək qərarlar verməməyi, əksinə, bölgədə sabitliyə xidmət edəcək addımlar atmağı tövsiyə edirəm", - Ərdoğan Romadan qayıdarkən jurnalistlərə açıqlamasında deyib.
Türkiyə və Suriyanı ayıran 911 kilometrlik sərhədə işarə edən Ərdoğan, "birləşmiş Suriyadan başqa, sərhədlərimizin xaricində heç bir zorakı quruluşa icazə verməyəcəyik" deyib.
ABŞ-ın dəstəklədiyi kürd qruplaşmalaerı Türkiyə tərəfindən “terror təşkilatı” hesab edilir.
30-04-2025, 17:38
Şimali Kiprin Prezidenti Azərbaycan alimlərini qəbul edib
Şimali Kipr Türk Cümhuriyyətinin (ŞKTC) Prezidenti Ersin Tatar Lefkoşada tarix elmləri doktoru, professor Qafar Cəbiyevin rəhbərlik etdiyi Azərbaycan Milli Elmlər Akademiyasının (AMEA) bir qrup alimini qəbul edib.
AMEA Arxeologiya və Antropologiya İnstitutunun əməkdaşlarından ibarət qrup Kipr-Azərbaycan Dostluq Cəmiyyətinin dəvəti ilə Lefkoşada səfərdədir.
ŞKTC lideri “Bir millət, üç dövlət” prinsipi əsasında inkişaf edən Azərbaycan-Türkiyə-ŞKTC əlaqələrindən məmnunluğunu ifadə edib.
Ersin Tatar Azərbaycanı “qardaş dövlət” adlandırıb, Lefkoşaya yaxınlıq və dəstəyə görə rəsmi Bakıya və şəxsən Prezident İlham Əliyevə minnətdarlığını bildirib.
Siyasətçi türk xalqları arasında tarixi-mədəni əlaqələrin sarsılmaz olduğunu qeyd edib. “Biz Azərbaycan xalqının əsl qardaşlarıyıq. Xalqlarımızı ortaq dil, din və mədəniyyət birləşdirir: Mən dost Azərbaycanın hər bir sakinini salamlamaq istərdim”, -deyə E. Tatar bildirib.
30-04-2025, 17:34
Milli Məclis sabah Kamran Əliyevin məsələsinə baxacaq
Milli Məclisin sabah keçiriləcək plenar iclasının gündəliyinə dəyişiklik edilib. İclasın gündəliyinə "Azərbaycan Respublikası Milli Məclisinin Qərarı haqqında" məsələ daxil edilib.
Milli Məclisin gündəliyinə yeni məsləsinin daxil edilməsi Baş prokuror Kamran Əliyevin səlahiyyət müddətinin mayın 1-də bitməsi ilə bağlıdır.
Belə ki, "Azərbaycan Respublikası Milli Məclisinin Qərarı haqqında" məsələnin müzakirəsi zamanı Baş prokuror Kamran Əliyevin səlahiyyət müddətinin uzadılması məsələsinə baxılacaq. Böyük ehtimalla parlament Baş prokuror Kamran Əliyevi ikinci müddətə Azərbaycan Respublikasının Baş prokuroru vəzifəsinə təsdiqləyəcək.
Qanunvericiliyə əsasən, Baş prokuror beş il müddətinə təyin olunur.
Kamran Əliyevin rəhbərlik dövrü prokurorluq orqanlarında islahatlar və müsbət tendensiyalarla yadda qalıb. Bu baxımdan onun növbəti müddətə də Baş prokuror vəzifəsində qalacağı ehtimalı yüksək qiymətləndirilir.
Kamran Əliyev 2020-ci ilin 1 may tarixindən ölkənin baş prokurorudur. Onun sözügedən vəzifəyə namizədliyi Prezident İlham Əliyevin təqdimatına əsasən irəli sürülüb.
Milli Məclis isə Kamran Əliyevin namizədlik təqdimatına baxaraq, onu ölkənin Baş prokuroru vəzifəsinə təsdiqləyib.
Kamran Əliyev 1965-ci ilin noyabr ayının 18-də Balakən rayonunda anadan olub.
1987-ci ildə Rusiya Federasiyasının İrkutsk Dövlət Universitetinin Hüquq fakültəsini fərqlənmə diplomu ilə bitirdikdən sonra təyinatla prokurorluq orqanlarına işə qəbul olunub. Əvvəlcə Rusiya Federasiyası Zabaykalye Nəqliyyat Prokurorluğunun Çita Nəqliyyat prokurorluğunun müstəntiqi vəzifəsi üzrə stajoru təyin edilib. Daha sonra həmin prokurorluqda və Zabaykalye Nəqliyyat Prokurorluğunda böyük müstəntiq vəzifəsində işləyib.
1990-1993-cü illərdə keçmiş SSRİ Baş Prokurorluğunun Elmi-Tədqiqat İnstitutunda əyani şöbə üzrə aspirantura təhsili alıb, eyni zamanda həmin müəssisədə elmi işçi vəzifəsində işləyib. 1993-cü ildə həmin İnstitutda dissertasiya işini müdafiə edərək hüquq elmləri namizədi elmi dərəcəsini alıb. Daha sonra köçürülmə qaydasında Azərbaycan Respublikası Prokurorluğu orqanlarına işə qəbul olunmaqla Kadrlar idarəsinin prokuroru, Elm-Tədris Mərkəzinin rəisi, Baş Prokurorluğun İstintaq və ağır cinayətlərə dair işlər üzrə istintaq idarələrində müstəntiq və böyük müstəntiq, Baş prokurorun köməkçisi və böyük köməkçisi, Baş Prokurorluğun Dövlət İttihamının müdafiəsi idarəsinin rəisi işləyib.
K.Əliyev 2007-ci ildən Azərbaycan Respublikasının Baş prokuroru yanında Korrupsiyaya qarşı Mübarizə İdarəsinin rəisi vəzifələrində çalışıb. Azərbaycan Prezidentinin 5 avqust 2014-cü il tarixli Sərəncamı ilə Azərbaycan Respublikası Baş prokurorunun müavini - Azərbaycan Respublikasının Baş prokuroru yanında Korrupsiyaya qarşı Mübarizə Baş İdarəsinin rəisi təyin edilib.
Azərbaycan Respublikasının Baş Prokurorluğu Kollegiyasının sədri, Hüquq elmləri üzrə fəlsəfə doktorudur.
Azərbaycan Prezidentinin 27 sentyabr 2008-ci il tarixli Sərəncamı ilə “Azərbaycan bayrağı”, 28 sentyabr 2018-ci il tarixli Sərəncamı ilə 2-ci dərəcəli “Vətənə xidmətə görə” ordenləri ilə təltif edilib.
Beynəlxalq Prokurorlar Assosiasiyasının vitse-prezidentidir. Avropa Şurasının Korrupsiyaya qarşı Mübarizə Aparan Dövlətlər Qrupunda (GRECO) Azərbaycan nümayəndə heyətinin üzvüdür, habelə ölkəmizin Şərqi Avropa və Mərkəzi Asiya üzrə Antikorrupsiya Şəbəkəsinin İstanbul Fəaliyyət Planı üzrə İqtisadi Əməkdaşlıq və İnkişaf Təşkilatında (OECD) Milli Koordinatorudur.
Prezidentin 1 may 2020-ci il tarixli Sərəncamı ilə Azərbaycan Respublikasının Baş prokuroru təyin edilib. Ölkə başçısının 23 noyabr 2021-ci il tarixli Sərəncamı ilə I dərəcəli dövlət ədliyyə müşaviri ali xüsusi rütbəsi verilib.
Ailəlidir, iki övladı var.
30-04-2025, 17:22
Polis Qaradağda əməliyyat keçirdi
Qaradağ Rayon Polis İdarəsinin əməkdaşları tərəfindən narkotik vasitələrin qanunsuz dövriyyəsinə qarşı keçirilən növbəti əməliyyat zamanı 65 yaşlı Nəsirulla Həbiyev saxlanılıb.
Bu barədə DİN-in Mətbuat xidmətindən məlumat verilib.
Bildirilib ki, onun üzərindən və yaşadığı evdən 27 bükümdə satış üçün qablaşdırılan külli miqdarda tiryək, marixuana və psixotrop maddə metamfetamin aşkarlanaraq götürülüb. O, ifadəsində maddi qazanc əldə etmək üçün narkotik vasitələrin satışı ilə məşğul olduğunu etiraf edib.
Qaradağ rayonunda odlu silah-sursatla bağlı aparılan profilaktik tədbirlər də müsbət nəticə verməkdədir. Belə ki, vətəndaşlar tərəfindən son 2 gündə 8 ədəd avtomat silahı və tapança könüllü olaraq polisə təhvil verilib.
Qeyd edilib ki, Qaradağ rayonunda qeyd edilən istiqamətdə tədbirlər davam etdirilir.
30-04-2025, 17:17
Trampla Zelenskinin Vatikandakı söhbətinin TƏFƏRRÜATI
Vatikanda – Papanın dəfni öncəsi ABŞ lideri Donald Trampla Ukrayna prezidenti Vladimir Zelenski arasında baş tutmuş 15 dəqiqəlik söhbətin təfərrüatları açıqlanıb.
“Axios” portalının məlumatına görə, Zelenski söhbət zamanı ABŞ prezidentini Rusiya lideri Vladimir Putinə qarşı daha sərt mövqe tutmağa və atəşkəs üçün prioritetlərə yenidən baxmağa çağırıb.
Nəşrin yazdığına görə, Zelenskinin müşavirləri onun “Oval kabinetdəki fəlakətdən sonra” Trampla təkbətək söhbət etmə riski olub-olmaması ilə bağlı müxtəlif fikirlərə sahib olublar. “Axios” mənbələri deyiblər ki, Zelenski sonda Trampın Putin haqqında fikrini ilk dəfə dəyişməyə müvəffəq olduğunu hiss edib. Və İtaliyadan qayıdarkən Amerika prezidenti jurnalistlərlə söhbətində Rusiya prezidentini Kiyevə kütləvi hücuma görə tənqid edib.
“Zelenskinin məsləhətçiləri əsəbi idilər və bəziləri – hələ də fevralın 28-də Oval ofis səhnəsindən travma alıblar – Zelenskiyə Trampla təkbətək görüşün yaxşı fikir olduğuna əmin olmadıqlarını söylədilər”, – məqalədə deyilir.
Mənbələrdən birinin “Axios”a bildirdiyinə görə, əvvəlcədən heç nəyə qərar verilməyib və ilkin fikir dəfn mərasimindən sonra görüşməyə çalışacaqları olub.
Liderlər Vatikana çatan kimi bir-biri ilə qarşılaşdılar və Müqəddəs Pyotr Bazilikasında təkbətək görüşmək üçün yer tapdılar. Mənbələrə görə, Zelenski Trampa deyib ki, ABŞ prezidenti daha çox təzyiq göstərməyincə, Putin yerindən tərpənməyəcək.
Mənbə bildirib ki, Tramp Putinə münasibətini dəyişməli ola biləcəyini deyib. Nəşr yazır ki, Zelenski həmçinin Trampı sülh danışıqlarının başlanğıc nöqtəsi kimi qeyd-şərtsiz atəşkəslə bağlı ilkin təklifinə qayıtmağa sövq edib, Ukrayna bunu qəbul edib, lakin Rusiya bunu rədd edib.
30-04-2025, 17:03
Milli Məclisin iclasının gündəliyi dəyişdi
Milli Məclisin sabah keçiriləcək plenar iclasının gündəliyinə dəyişiklik edilib.
İclasın gündəliyinə daha 1 məsələ "Azərbaycan Respublikası Milli Məclisinin Qərarı haqqında" qanun layihəsi daxil edilib.
Beləliklə, gündəlikdəki məsələlərin sayı 12-dən 13-ə qaldırılıb.
İclasın gündəliyindəki məsələr aşağıdakılardır:
1. “Ölçmələrin vəhdətinin təmin edilməsi haqqında”, “Uyğunluğun qiymətləndirilməsi sahəsində akkreditasiya haqqında”, “Standartlaşdırma haqqında” və “Texniki tənzimləmə haqqında” Azərbaycan Respublikasının qanunlarında dəyişiklik edilməsi barədə Azərbaycan Respublikası qanununun layihəsi (üçüncü oxunuş).
2. Azərbaycan Respublikasının Ailə Məcəlləsində, Azərbaycan Respublikasının Mülki Məcəlləsində, “Yaşayış yeri və olduğu yer üzrə qeydiyyat haqqında”, “Uşaq hüquqları haqqında”, “Yol hərəkəti haqqında”, “Valideynlərini itirmiş və valideyn himayəsindən məhrum olmuş uşaqların sosial müdafiəsi haqqında”, “Yetkinlik yaşına çatmayanların baxımsızlığının və hüquq pozuntularının profilaktikası haqqında” və “Penitensiar müəssisələrdə cəza çəkməkdən azad edilmiş şəxslərin sosial adaptasiyası haqqında” Azərbaycan Respublikasının qanunlarında dəyişiklik edilməsi barədə Azərbaycan Respublikası qanununun layihəsi (üçüncü oxunuş).
3. Azərbaycan Respublikasının İnzibati Xətalar Məcəlləsində, “İcra məmurları haqqında”, “İcra haqqında”, “İpoteka haqqında” və “Nağdsız hesablaşmalar haqqında” Azərbaycan Respublikasının qanunlarında dəyişiklik edilməsi barədə Azərbaycan Respublikası qanununun layihəsi (üçüncü oxunuş).
4. Azərbaycan Respublikasının Vergi Məcəlləsində dəyişiklik edilməsi haqqında Azərbaycan Respublikası qanununun layihəsi (üçüncü oxunuş).
5. “Azərbaycan Respublikası Fövqəladə Hallar Nazirliyinin 20 illiyi (2005-2025)” Azərbaycan Respublikasının yubiley medalının təsis edilməsi ilə əlaqədar “Azərbaycan Respublikasının orden və medallarının təsis edilməsi haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi.
6. “Aviasiya haqqında” Azərbaycan Respublikasının 2023-cü il 22 dekabr tarixli 1058-VIQ nömrəli Qanununun icrası ilə əlaqədar Azərbaycan Respublikasının bəzi qanunlarında dəyişiklik edilməsi barədə Azərbaycan Respublikası qanununun layihəsi.
7. “Azərbaycan Respublikası Silahlı Qüvvələri İntizam nizamnaməsinin təsdiq edilməsi haqqında”, “Azərbaycan Respublikası Silahlı Qüvvələri Qarnizon və qarovul xidmətləri nizamnaməsinin təsdiq edilməsi haqqında”, “Azərbaycan Respublikası Silahlı Qüvvələri Daxili xidmət nizamnaməsinin təsdiq edilməsi haqqında”, “Hərbi xidmətkeçmə haqqında” Əsasnamənin təsdiq edilməsi barədə” və “Hərbi vəzifə və hərbi xidmət haqqında” Azərbaycan Respublikasının qanunlarında dəyişiklik edilməsi barədə Azərbaycan Respublikası qanununun layihəsi (ikinci oxunuş).
8. Azərbaycan Respublikasının Mülki Prosessual Məcəlləsində və “İcra haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi (ikinci oxunuş).
9. “Hərbi xidmətkeçmə haqqında” Əsasnamənin təsdiq edilməsi barədə” və “Hərbi vəzifə və hərbi xidmət haqqında” Azərbaycan Respublikasının qanunlarında dəyişiklik edilməsi barədə Azərbaycan Respublikası qanununun layihəsi (ikinci oxunuş).
10. “Əmək pensiyaları haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi (ikinci oxunuş).
11. Azərbaycan Respublikasının Cinayət-Prosessual Məcəlləsində, Azərbaycan Respublikasının İnzibati Xətalar Məcəlləsində və “Məhkəmələr və hakimlər haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi (ikinci oxunuş).
12. “Tarix və mədəniyyət abidələrinin qorunması haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi (ikinci oxunuş).
13. "Azərbaycan Respublikası Milli Məclisinin Qərarı haqqında" qanun layihəsi.
30-04-2025, 16:56
Prezident DTX ilə bağlı fərman imzaladı
Azərbaycan Respublikası Prezidenti İlham Əliyev
Dövlət Təhlükəsizliyi Xidməti (DTX) ilə bağlı Fərman imzalayıb. Fərmanda deyilir:
"Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:
1. “Azərbaycan Respublikası Dövlət Təhlükəsizliyi Xidmətinin fəaliyyətinin təmin edilməsi haqqında” Azərbaycan Respublikası Prezidentinin 2016-cı il 13 yanvar tarixli 724 nömrəli Fərmanında (Azərbaycan Respublikasının Qanunvericilik Toplusu, 2016, № 1, maddə 46 (Cild I); 2024, № 6 (I kitab), maddə 651) dəyişiklik təsdiq edilsin.
2. Azərbaycan Respublikasının Nazirlər Kabineti bu Fərmandan irəli gələn məsələləri həll etsin".
30-04-2025, 16:25
85 minə yaxın uşaq 1-ci sinfə yerləşdirilib - RƏSMİ
30 aprel 2025-ci il tarixində Azərbaycan bölməsi üzrə ümumi təhsil müəssisələrinin məktəbəhazırlıq qruplarında təhsil alan 85 minə yaxın uşaq avtomatik olaraq 1-ci sinfə yerləşdirilib.
Bu barədə Məktəbəqədər və Ümumi Təhsil üzrə Dövlət Agentliyi (MÜDTA)məlumat yayıb.
Bildirilib ki, övladları avtomatik olaraq 1-ci sinfə yerləşdirilən valideynlər 1 may 2025-ci il saat 11:00-dan etibarən mektebeqebul.edu.az saytı vasitəsilə şəxsi kabinetlərinə daxil olaraq elektron ərizələrini çap edib məktəbə təqdim edə bilərlər.
30-04-2025, 16:01
Məhkəmə DSX mayoruna hücum edən idmanı ilə bağlı qərar verdi
Bakıda DSX mayoruna hücum etməkdə təqsirləndirilən idmançılar barəsində olan həbs qətimkan tədbirinin müddətinin uzadılması barədə məhkəməyə təqdimat daxil olub.
Bu gün Xətai rayon Məhkəməsində keçirilən prosesdə Elnur Həmidovun prosesi keçirilib.
Məhkəmə Elnur Həmidovun həbs-qətimkan tədbirinin müddətini 5 iyunadək uzadıb.
Qeyd edək ki, yanvarın 4-də saat 03 radələrində paytaxtın Xətai rayonunda bir qrup idmançı xuliqanlıq zəminində insident törədib.
İdmançıların DSX mayoru, kikboksinq üzrə Əməkdar məşqçi və Əməkdar idman ustası Fuad Zeynalova hücum etdikləri bildirilib.
Faktla bağlı idmançılardan Elnur Həmidov, Emil Hümbətov, Elçin Hüseynov, Elvin Məmmədov, Musa Əhmədov və Ramal Aslanov polis tərəfindən saxlanılıb.
Hadisənin sifarişçisinin Kikboksinq Federasiyasının I vitse-prezidenti Ramal Aslanov olduğu açıqlanıb.
Xətai rayon Məhkəməsinin qərarına əsasən, saxlanılan Elnur Həmidov, Elçin Hüseynov və Musa Əhmədov barəsində 3 ay müddətində həbs qətimkan tədbiri seçilib. Elvin Məmmədov barəsində isə polis nəzarəti altına vermə qətimkan tədbiri seçilib.
Onlara Cinayət Məcəlləsinin 221.2.1-ci (bir qrup şəxs tərəfindən xuliqanlıq) maddəsi ilə ittiham irəli sürülüb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!