Xəbərlərin siyahısı: 03.08.2025

3-08-2025, 21:46

Bakıda tarixi görüş - Nələr müzakirə edildi...

Bakıda Suriyanın xarici işlər naziri Əsəd Həsən Əl-Şeybani ilə İsrailin strateji işlər naziri Ron Dermer arasında görüş keçirilib.
Bu barədə AFP öz mənbələrinə istinadən məlumat yayıb.
Bildirilib ki, Əsəd Həsən Əl-Şeybani iyulun 30-da Rusiyanın paytaxtı Moskvada səfərdə olub.
O, israilli nazirlə danışıqlar üçün Moskvadan Bakıya gəlib.
Diplomatik mənbə bildirib ki, görüşdə xüsusilə Suriyanın cənubundakı təhlükəsizlik vəziyyəti ciddi müzakirə predmeti olub.
Müxtəlif ərəb və İsrail mediası görüşün iyulun 31-də baş tutduğunu yazıb.

Bakıda tarixi görüş - Nələr müzakirə edildi...

3-08-2025, 21:37

"Qarabağ" yeni transferini açıqladı

"Qarabağ" yeni transferini açıqlayıb.
Bu barədə klubun mətbuat xidməti məlumat yayıb.
Ağdam təmsilçisi Joni Montieli heyətinə qatıb.
Qeyd edək ki, istpaniyalı futbolçu "Qarabağ"ın heyətində "9" nömrəli formanı geyinəcək.

"Qarabağ" yeni transferini açıqladı

3-08-2025, 19:56

4 nəfər kanalda batdı - Biri xilas edildi

Tərtərdə 4 Bərdə sakini kanala düşüb biri xilas edilib.
Hadisə rayonun Cəmilli kəndi ərazisində baş verib.
İlkin məlumata görə, onlar Suqovuşandan çəkilən yeni beton kanala çimmək üçün atılıb daha sonra batıblar.
Kənd sakinləri bir nəfəri xilas edərək təcili yardım maşını ilə rayon xəstəxanasına göndərib. Onun Bərdə rayon Körpüqıran kənd sakini 1976-cı il təvəllüdlü Zamanov Asim Məhəmməd oğlu olduğu qeyd edilir.
Digər bir nəfərin də meyiti kanalın rayonun Borsunlu kəndi ərazisindən keçən hissəsindən çıxarılıb.
Faktla bağlı araşdırma başlanıb meytin kimliyi araşdırılır.

4 nəfər kanalda batdı - Biri xilas edildi

3-08-2025, 19:30

Atası ilə birlikdə boğulan gənc kursant imiş

Xəbər verdiyimiz kimi, Baş Şirvan kollektorunun Şirvan şəhərindən keçən hissəsində ata və oğul batıb.
Atası ilə birlikdə boğulan Mirmövsüm Ağayev kursant olub və birinci kursda təhsil alırmış.
Onların hər ikisinin meyiti dünən FHN-in dalğıc-xilasediciləri tərəfindən sudan çıxarılaraq aidiyyəti üzrə təhvil verilib.

Atası ilə birlikdə boğulan gənc kursant imiş

3-08-2025, 19:17

Nabran-Xudat yolunda yanğın - Hərəkət çətinləşdi

Xaçmazda dənizsahili ərazidə kolluq və qamışlıq sahədə yanğın hadisəsi qeydə alınıb.
Rayonun İstisu qəsəbəsi ərazisində başlayan yanğın güclü külək səbəbindən qısa zamanda geniş əraziyə yayılıb. Yanğın nəticəsində yaranan qatı tüstü Nabran-Xudat yolunda bir kilometrə yaxın məsafədə avtomobillərin hərəkətini çətinləşdirib.
Əraziyə Fövqəladə Hallar Nazirliyinin Dövlət Yanğından Mühafizə Xidmətinin müvafiq qüvvələri cəlb olunub. Yanğının ərazidəki istirahət mərkəzlərinə və çimərlik ərazilərə keçməsinin qarşısı alınıb.
Yanğının tam söndürülməsi istiqamətində iş aparılır.

Nabran-Xudat yolunda yanğın - Hərəkət çətinləşdi

3-08-2025, 18:57

İran və Pakistan 12 saziş imzaladı

İran və Pakistan iki ölkə liderlərinin iştirakı ilə elm və texnologiya, nəqliyyat və tranzit, iqtisadiyyat və ticarət, turizm və kənd təsərrüfatı daxil olmaqla müxtəlif sektorları əhatə edən 12 əməkdaşlıq sazişi imzalayıblar.
İran prezidenti Məsud Pezeşkianın bazar günü Pakistana rəsmi səfəri zamanı hər iki ölkənin yüksək vəzifəli şəxsləri ikitərəfli əməkdaşlığın asanlaşdırılması və inkişafına zəmin yaradılması məqsədi ilə birgə görüş keçirdikdən sonra sazişləri imzalayıblar.
Məlumata görə, imzalanmış sənədlər “bilik mübadiləsinin təşviqi, ticarət potensialının genişləndirilməsi, insanlar arasında qarşılıqlı əlaqələrin gücləndirilməsi və iki ölkə arasında regional sinerjinin təşviqi” üçün çərçivə təmin edir”.

İran və Pakistan 12 saziş imzaladı

3-08-2025, 18:49

Suriya Azərbaycanın qaz tədarük etdiyi 14-cü ölkə oldu

Bizim enerji tərəfdaşlığımız möhkəmlənir və SOCAR beynəlxalq miqyasda daha böyük oyunçuya çevrilir.
Bu barədə Azərbaycanın iqtisadiyyat naziri Mikayıl Cabbarov “Avronyus Turkish”ə deyib.
M.Cabbarov həmçinin Azərbaycan Respublikası Dövlət Neft Şirkəti SOCAR-ın regional və qlobal enerji bazarlarında getdikcə daha çox nüfuz qazandığını qeyd edib.
M.Cabbarov bildirib ki, Suriya Azərbaycanın təbii qaz tədarük etdiyi 14-cü ölkə olub.
Bildirilib ki, Azərbaycan Suriyaya təbii qaz tədarükünə başlamaqla enerji diplomatiyasının genişləndirilməsi istiqamətində mühüm addım atıb.
Qeyd edək ki, avqustun 2-də Türkiyə-Suriya təbii qaz boru kəmərinin açılışı ilə Azərbaycandan təbii qazın Kilis vasitəsilə Suriyaya ixracı başlayıb.

Suriya Azərbaycanın qaz tədarük etdiyi 14-cü ölkə oldu

3-08-2025, 18:30

"Formula 1" Macarıstan Qran-prisinin qalibi müəyyənləşdi

"Formula 1" üzrə Macarıstan Qran-prisinin qalibi bəlli olub.
“Maklaren”in pilotu Lando Norris bütün rəqiblərini qabaqlayıb.
Onun komanda yoldaşı Oskar Piastri ikinci yeri tutub.
İlk "üçlüy"ü "Mersedes"dən Corc Rassel Şarl Lekler qapayıb.
Qeyd edək ki, Azərbaycan Qran-prisi sentyabrın 19-21-i aralığında baş tutacaq.

"Formula 1" Macarıstan Qran-prisinin qalibi müəyyənləşdi

3-08-2025, 17:56

Tərtərdə 3 nəfər su kanalında itkin düşdü

Tərtərdə 3 nəfər su kanalında itkin düşüb.
Hadisə rayonun Cəmilli kəndi ərazisində baş verib.
İlkin məlumata görə, Bərdənin 4 sakini çimmək üçün Suqovuşan-Goranboy beton su kanalına düşüblər. Kanalda axın güclü olduğundan onların hamısını su aparıb. Kənd sakinləri kanalda boğulmaq təhlükəsi ilə üzləşən bir nəfəri xilas ediblər, o, təcili yardım maşını ilə rayon xəstəxanasına göndərilib. Digər 3 şəxsdən isə xəbər yoxdur.
Hazırda hüquq-mühafizə əməkdaşları hadisənin baş verdiyi ərazidədirlər.

Tərtərdə 3 nəfər su kanalında itkin düşdü

3-08-2025, 17:30

İsrail ordusu Suriyanın cənubunda

İsrail hərbçiləri gecə saatlarında Suriyanın cənubunda reyd keçirib.
Bu barədə ordunun mətbuat xidməti məlumat yayıb.
Məlumata görə, reyd rayonun Hader qəsəbəsində keçirilib. Reyddə məqsədin silah qaçaqmalçılığının qarşısının alınması olduğu bildirilib. Hərbçilər silah alverində iştirakda şübhəli bilinən bir neçə nəfəri dindiriblər. Əməliyyat zamanı tapılan silahlar müsadirə edilib.
“210-cu diviziyanın qoşunları bölgədə yerləşdirilib və İsrail mülki əhalisini, xüsusən də Holan yüksəkliklərinin sakinlərini qorumaq üçün hər hansı terrorçu ünsürün Suriyada mövqe tutmasının qarşısını almaq üçün fəaliyyətini davam etdirir”, - məlumatda bildirilir.

İsrail ordusu Suriyanın cənubunda