6-10-2025, 16:06
Trampın prezidentlik postundakı varisi açıqlandı
ABŞ-ın hazırkı vitse-prezidenti Ceyms Devud Vens 2028-ci ildə Respublikaçılar Partiyasının prezidentliyə növbəti namizədi olacaq.
Bunu ABŞ-ın dövlət katibi Marko Rubio açıqlayıb.
ABŞ prezidenti Donald Tramp bundan əvvəl Rubionu prezident postunun potensial varisi adlandırmışdı.
“Düşünürəm ki, vitse-prezident Vens namizəd olmaq qərarına gəlsə, növbəti Respublikaçı namizəd o olacaq”, - Rubio Fox News-a müsahibəsində Trampın ondan bunu istəsə, prezidentliyə namizədliyini irəli sürməyə hazır olub-olmayacağını şərh edərkən deyib.
6-10-2025, 16:02
Zakir Həsənov Britaniyanın ölkəmizdəki səfiri ilə görüşüb
Müdafiə naziri general-polkovnik Zakir Həsənov Böyük Britaniya və Şimali İrlandiya Birləşmiş Krallığının Azərbaycandakı fövqəladə və səlahiyyətli səfiri Fergus Auld ilə görüşüb.
Bu barədə Müdafiə Nazirliyindən məlumat verilib.
Bildirilib ki, Müdafiə naziri Azərbaycan ilə Böyük Britaniya arasında digər sahələrdə olduğu kimi hərbi sahədə də əlaqələrin xüsusi əhəmiyyət daşıdığını və bunun hər iki tərəfin ordusunun inkişafına töhfə verəcəyini bildirib.
F.Auld isə öz növbəsində ölkələr arasında əməkdaşlığın mövcud vəziyyətindən məmnunluq ifadə edib, əlaqələrin daha da inkişaf etdirilməsində bu kimi görüşlərin əhəmiyyətini vurğulayıb.
Krallığın Azərbaycandakı hərbi attaşesi 2-ci dərəcəli kapitan Gavin Tarbardın da iştirak etdiyi görüşdə tərəflər hərbi sahədə əməkdaşlığın inkişaf perspektivləri, regional təhlükəsizlik, həmçinin qarşılıqlı maraq doğuran bir sıra məsələləri müzakirə ediblər.
6-10-2025, 15:49
Samuxda qaynata keçmiş kürəkənini döyüb
Samuxda 44 yaşlı kişinin döyülməsi ilə bağlı araşdırmaya başlanılıb.
Bu barədə Daxili İşlər Nazirliyinin (DİN) mətbuat xidmətinin Gəncə regional qrupunun baş inspektoru Eşqin Qasımov məlumat verib.
Onun sözlərinə görə, hazırda Samux rayon Polis Şöbəsində Z.Səmədovun döyülməsi ilə bağlı araşdırma aparılır. Müvafiq ekspertizalar təyin olunub. Ekspertizanın rəyindən və araşdırmaların nəticəsindən asılı olaraq məsələyə hüququ qiymət veriləcək.
6-10-2025, 15:33
Qırğızıstanın Prezidenti Azərbaycana gəldi
Qırğız Respublikasının Prezidenti Sadır Japarov Türk Dövlətləri Təşkilatının (TDT) Dövlət Başçıları Şurasının 12-ci Zirvə Görüşündə iştirak etmək üçün oktyabrın 6-da Azərbaycana səfərə gəlib.
Qəbələ Beynəlxalq Hava Limanında ali qonağın şərəfinə fəxri qarovul dəstəsi düzülmüşdü.
Qırğızıstan Prezidenti Sadır Japarovu hava limanında Azərbaycanın elm və təhsil naziri Emin Əmrullayev və digər rəsmi şəxslər qarşılayıblar.
6-10-2025, 15:28
Fransanın baş naziri istefasının səbəbini açıqladı
Fransanın bu gün vəzifədən gedən baş naziri Sebastian Lekornu istefasının səbəbini açıqlayıb.
France 24-ün məlumatına görə, Lekornu bildirib ki, istefa verməsinə səbəb vəzifədə qalması üçün şərtlərin yerinə yetirilməməsidir.
"Baş nazir kimi vəzifələrimi yerinə yetirməyim üçün şərtlər yerinə yetirilmədi", - deyə Lekornu qedy edib. Eks-baş nazir onu istefaya məcbur etdiyini bildirən fraksiyaların "partizan iştahlarını" qınayıb.
Lekornu siyasi partiyaları barışmazlıqda ittiham edib:
“Mən güzəştə getməyə hazır idim, lakin hər bir siyasi partiya digərinin öz proqramını tam şəkildə qəbul etməsini istəyirdi”.
O dolayısı ilə daxili işlər naziri Bruno Retaillonu və adlarını çəkmədən Respublikaçılar partiyasını tənqid edib.
6-10-2025, 14:52
İran ABŞ-la danışıqları bərpa etmək istəmir
İran Xarici İşlər Nazirliyi üç Avropa ölkəsinin nüvə məsələsinə yanaşmasının gələcək danışıqların gedişatını dəyişdiyini bəytan edib.
Bunu nazirliyin sözçüsü İsmail Bəqayi bazar ertəsi keçirdiyi mətbuat konfransında ildirib. O əlavə edib ki, Tehran bu mərhələdə ABŞ-la danışıqlar aparmaq niyyətində deyil.
Baqai nüvə danışıqlarında iştirak edən üç Avropa ölkəsinin son davranışlarını tənqid edərək, onların mövqeyini “məsuliyyətsiz və dağıdıcı” adlandırıb.
Onun sözlərinə görə, Avropa üçlüyü (Böyük Britaniya, Fransa və Almaniya) Atom Enerjisi üzrə Beynəlxalq Agentliyin (MAQATE) mübahisələrin həlli mexanizmindən sui-istifadə edib. Halbuki onların İranıa danışıqlarda iştirakı üçün ilkin şərtləri tamamilə əsassızdır.
Baqainin sözlərinə görə, İran MAQATE ilə öz mühafizə öhdəliklərinə uyğun olaraq konstruktiv dialoq aparıb və Agentliyi qane edən yeni əməkdaşlıq çərçivəsinə nail olub. Avropa əvvəlcə bunu alqışlasa da, sonradan bu üç ölkə dəstəyini geri götürüb. O qeyd edib ki, üç Avropa ölkəsi tərəfindən atılan addımlar “rasional hesablama və ya hüquqi aspektləri nəzərə almaqdan daha çox ABŞ-ın tələblərinə əməl etməkdə inadkarlıqla diktə edilib. İranın bu məsələdə mövqeyinin Çin və Rusiya tərəfindən də dəstəkləndiyini deyən Baqai əlavə edib ki, Rusiya Təhlükəsizlik Şurasının daimi üzvü kimi “bu hərəkətlərin qanunsuz olduğunu tez bir zamanda göstərib”.
İran da Təhlükəsizlik Şurasında Katibliyin davranışı ilə bağlı öz etirazını və tənqidini rəsmi şəkildə bildirib.
Qeyd edək ki, üç Avropa ölkəsi BMT-nin İrana qarşı sanksiyalarının yenidən qüvvəyə minməsi ilə nəticələnən “snapback mexanizmi” adlanan təşəbbüslə çıxış ediblər.
6-10-2025, 14:48
Naxçıvanda evdən kişi meyiti tapıldı
Naxçıvanda 1971-ci il təvəllüdlü Paşayev İlham Həsən oğlunun meyiti şəhərin Babək məhəlləsi, bina 11, mənzil 22 ünvanında tapılıb.
İ.Paşayev evdə tək yaşayırmış və dispanserdə alkoqol kimi qeydiyyatdadır.
Faktla bağlı Naxçıvan Şəhər Prokrorluğunda araşdırma aparılır.
6-10-2025, 14:29
Şabranda maşın ağaca çırpıldı - Sürücü öldü
Gəndob-Yalama avtomobil yolunda, Şabran rayonunun Şahnəzərli kəndi yaxınlığında ağır yol-nəqliyyat hadisəsi baş verib.
“Mercedes” markalı minik avtomobili yoldan çıxaraq ağaca çırpılıb. Nəticədə sürücü - Quba rayonunun Kələnov kənd sakini Elşən Rzaquliyev hadisə yerində ölüb. Avtomobildə olan bir qadın isə, xəsarət alıb.
Hadisə yerinə Fövqəladə Hallar Nazirliyinin xilasetmə qrupu cəlb olunub. Meyit deformasiyaya uğramış avtomobildən çıxarılaraq aidiyyəti üzrə təhvil verilib.
Faktla bağlı araşdırma aparılır.
6-10-2025, 14:11
Gəncəyə raket hücumu ilə bağlı sənədlər elan edildi
Oktyabrın 6-da Bakı Hərbi Məhkəməsində Ermənistan Respublikası vətəndaşlarının ittiham olunduğu cinayət işi üzrə məhkəmə prosesi sənədlərin elan olunması ilə davam etdirilir.
Məhkəmə iclasında 2020-ci ildə 44 günlük Vətən müharibəsi zamanı Gəncə şəhərinə raket atılması ilə bağlı sənədlər oxunub. Epizodlar üzrə tədqiq olunan sənədlərdə göstərilib ki, Ermənistan silahlı qüvvələri atəşkəs rejimini və beynəlxalq hüquq normalarını, o cümlədən silahlı münaqişələr zamanı mülki şəxslərin müdafiəsinə dair 12 avqust 1949-cu il tarixli Cenevrə Konvensiyasının tələblərini kobud şəkildə pozaraq, 2020-ci il oktyabr ayının 4-də, 5-də, 8-də, 11-də və 17-də cəbhədən uzaqda yerləşən Gəncə şəhərində yaşayış məntəqələrinə, habelə hərbi hədəf olmayan, aydın görünən və fərqləndirilən təhsil və tibb obyektlərinə, həmçinin mülki əhaliyə və ya döyüşlərdə iştirak etməyən ayrı-ayrı mülki şəxslərə 9K58 “Smerç” (BM-30) və 9K72 “Elbrus” tipli raketlərlə zərbələr endiriblər. Bununla da Ermənistan silahlı qüvvələri hərbi zərurətdən irəli gəlməyən genişmiqyaslı dağıntılar, mülki vətəndaşların xəsarət alması və ölümü ilə nəticələnən, habelə mülki əhalinin xüsusilə külli miqdarda əmlakının məhv edilməsi ilə müşayiət olunan terrorçuluq və digər cinayətlər törədiblər.
İstintaq zamanı qeyd olunan hadisələrin hər biri üzrə hadisə yerlərinə baxış keçirilib, həlak olmuş şəxslərin meyitlərinin tibb eksperti tərəfindən müayinəsinin aparılması, habelə yaralanmış şəxslərin xəsarətlərinə dair tibbi rəylərin alınaraq iş materiallarına əlavə edilməsi, ölmüş zərərçəkmiş şəxslərin hüquqi varislərinin tanınaraq dindirilməsi həyata keçirilib, eyni zamanda, xəsarət almış şəxslərin zərərçəkmiş şəxs qismində tanınmalarına dair qərarların qəbul edilərək iş üzrə dindirilməsi, habelə şahidlərin dindirilməsi və sair istintaq hərəkətlərinin həyata keçirilməsi təmin edilib.
Sənədlərdə qeyd olunub ki, 2020-ci il oktyabr ayının 4-də, 5-də, 8-də, 11-də və 17-də Gəncə şəhərinə edilmiş raket hücumları nəticəsində 26 mülki şəxs qəsdən öldürülüb, 175 nəfər isə müxtəlif dərəcəli bədən xəsarətləri alıb. Həlak olmuş 26 nəfərdən 10-u kişi, 10-u qadın, 6-sı isə yetkinlik yaşına çatmayan şəxslərdir. Xəsarət almış 175 nəfərin isə 61-i kişi, 66-sı qadın, 48-i isə yetkinlik yaşına çatmayanlardır.
Qeyd edək ki, Ermənistanın hərbi təcavüzü nəticəsində sülh və insanlıq əleyhinə cinayətlər, müharibə cinayətləri, o cümlədən təcavüzkar müharibənin hazırlanması və aparılması, soyqırımı, müharibə qanunlarını və qaydalarını pozma, habelə terrorçuluq, terrorçuluğu maliyyələşdirmə, hakimiyyəti zorla ələ keçirmə, onu zorla saxlama və digər çoxsaylı cinayətlər törətməkdə təqsirləndirilən Ermənistan Respublikasının vətəndaşlarının məhkəməsi davam etdirilir.
6-10-2025, 13:43
Onlara Nobel mükafatı verildi
2025-ci il üzrə Fiziologiya və Tibb sahəsində Nobel mükafatına layiq görülən alimlərin adları açıqlanıb.
Bu barədə məlumatı Nobel Komitəsi yayıb.
Bildirilib ki, sözügedən sahə üzrə Nobel mükafatına araşdırmaçılar Mari Brunkov, Fred Ramsdell və Şimon Sakaquçi layiq görülüb.
Onlar mükafatı periferik immun tolerantlığa dair kəşflərə görə qazanıblar.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!