Bu gün, 18:45
Azərbaycanda vulkan püskürdü
30 yanvar 2026-cı il tarixində yerli vaxtla saat 16:53-də Hacıqabul rayonunda palçıq vulkanının püskürməsi qeydə alınıb.
Bu barədə AMEA nəzdində RSXM-nin məlumatında deyilir.
RSXM-nin “Zəlzələ ocaqlarının dinamikası” şöbəsinin məlumatına əsasən, palçıq vulkanının püskürməsi 13 dəqiqə davam edib, bir faza ilə xarakterizə olunub. Püskürmənin dərinliyi 3 kilometr, püskürmə nəticəsində ayrılan enerji 3.38×10^6 coul olub.
Bu gün, 18:37
Elza xanım hamıdan əvvəl mənim ağzımı “tikdi" - Aqşin Yenisey
"Gün ərzində müxtəlif saytlardan zəng vurublar ki, Yazıçılar Birliyi sizi hüquq-mühafizə orqanlarına şikayət edəcək, bu barədə nə deyə bilərsiniz? Düzü, bu xəbərə həm təəccübləndim, həm də təəccüblənmədim".
Bunu yazıçı Aqşin Yenisey bildirib.
O təəccüblənməməyinin səbəbini də izah edib:
“Təəccübləndim ki, mən Elza Seyidcahan o quruma üzv seçiləndən sonra orada baş verən hadisələr haqqında heç vaxt yazmamışam, danışmamışam. Yəni Elza xanım hamıdan əvvəl mənim ağzımı “tikdi”.
A. Yeniseyin sözlərinə görə, nə AYB-də gedən ev davalarına qoşulub, nə də təqaüdə görə rədd cavabı alıb, oradakılardan kiminsə haqqında tənqid yazmayıb:
“Mənim adımı “Aqşin Yenisey də daxil olmaqla” ifadəsi ilə başlayan o repressiya ilərinin cümləsinə kim salıb, niyə salıb? Kimdən gəlib bu qaralama, ləkələmə əmrini?
Təəccüblənmədim ona görə ki, Yazıçılar Birliyinin “tarixini” bilirəm. O tarix ki, hamınız bilirsiniz: bizdən olmayanları tutdurmaq, sürgün etdirmək, güllələtdirmək. İndi sürgün etmək və güllələtdirmək dəbdən düşüb deyə məcbur tutdurmaqla kifayətlənirlər”.
“Anlamırlar ki, vaxtilə kimi tutdurublarsa, sürgün etdiriblərsə, güllələtdiriblərsə, Azərbaycan ədəbiyyatı onu bağrına basıb.
Son otuz beş ildə Yazıçılar Birliyi adımı birinci dəfə bir siyahıya saldı, o da tutdurmaq üçün...
Allahınız köməyiniz olsun!”- yazıçı sonda qeyd edib.
Bu gün, 18:32
Yıldız Tilbe Vəfa Şərifovanı MƏHKƏMƏYƏ VERİR
Türkiyənin məşhur müğənnisi Yıldız Tilbe azərbaycanlı ifaçı Vəfa Şərifovanı məhkəməyə verməyə hazırlaşır.
Bu barədə türkiyəli müğənninin vəkili Handan Bakbak məlumat yayıb.
O bildirib ki, Yıldız Tilbe haqqında mətbuatda çıxan əsassız məlumatlar səbəbi ilə məhkəməyə müraciət olunacaq.
Qeyd edək ki, Vəfa Şərifova televiziya verilişlərinin birində Yıldız Tilbe ilə birlikdə duet oxumaq üçün ona 100 min dollar pul ödədiyini, amma yekunda türkiyəli məşhurun onunla duet oxumadığını və pulunun batdığını bildirib.
Bu gün, 18:27
"Qurtuluş"un rəhbəri həbs edildi - YENİLƏNİB
"Qurtuluş" Reabilitasiya Mərkəzinin rəhbəri Ceyhun Salmanov və daha iki əməkdaşı barəsində qətimkan tədbirinin seçilməsi üçün istintaq orqanı tərəfindən məhkəməyə daxil olan təqdimata baxılır.
Sumqayıt Şəhər Məhkəməsində hakim Elşad Əliyevin sədrliyi ilə keçirilən prosesdə Natiq Əliyev barəsində 2 ay 10 gün müddətinə həbs qətimkan tədbiri seçilib.
Hazırda digər təqsirləndirilən şəxslərin barəsində qətimkan tədbiri seçilməsi üçün təqdimatlara baxılır.
***
09:58
"Qurtuluş" Reabilitasiya Mərkəzinin rəhbəri Ceyhun Salmanov və daha iki əməkdaşı saxlanılıb.
Salmanov Ceyhun Məzahir oğlu, Məhərrəmov Elşad Məhərrəm oğlu və Əliyev Natiq Eldəniz oğlu tutulub.
Qeyd edək ki, Baş Prokurorluq "Qurtuluş" Reabilitasiya Mərkəzində aşkar edilmiş qanun pozuntuları ilə bağlı bir müddət əvvəl məlumat yayıb.
Məlumatda bildirilirdi ki, "Qurtuluş" Reabilitasiya Mərkəzi MMC-nin Sumqayıt şəhəri ərazisində yerləşən müəssisəsində baş verən qanunsuzluqlarla bağlı daxil olmuş vətəndaş müraciətləri əsasında Sumqayıt şəhər prokurorluğunda araşdırma aparılıb.
Araşdırma nəticəsində toplanmış ilkin dəlillər əsasında Azərbaycan Respublikası Cinayət Məcəlləsinin 125 (özünü öldürmə həddinə çatdırma), 145.2.1 və 145.2.4-cü (adam oğurluğu ilə bağlı olmayan qanunsuz azadlıqdan məhrum etmə qabaqcadan əlbir olan bir qrup şəxs tərəfindən iki və ya daha çox şəxsə qarşı törədildikdə) maddələri ilə cinayət işi başlanaraq ibtidai istintaq aparılır.
Qeyd edək ki, sözügedən mərkəzin adı son vaxtlar daha çox orada müalicə olunan və sonradan mərkəzi tərk edən Əməkdar jurnalist Nəsimi Nəbizadə ilə bağlı hallanıb.
Lakin cinayət işinin həmin hadisə ilə əlaqəsi yoxdur. Şikayət prokurorluğa ötən ilin dekabr ayında daxil olub.
Bu gün, 18:23
Arakçi Ərdoğanın qəbulunda
Türkiyə Prezidenti Rəcəb Tayyib Ərdoğan İstanbulda İranın xarici işlər naziri Abbas Arakçi ilə görüşüb.
Bu haqda “TRT Haber” məlumat yayıb.
Görüşdə xarici işlər naziri Hakan Fidan da iştirak edib.
Bu gün, 18:20
Qonşunun 13 yaşlı qızına təcavüz edən şəxs AĞIR CƏZALANDIRILDI
Salyan rayonunda qonşuya məxsus evə qeyri-qanuni yolla daxil olaraq 13 yaşlı qıza təcavüz edən şəxsə hökm oxunub.
Lənkəran Ağır Cinayətlər Məhkəməsində İmran Babayevə (şərti ad-soyadlı) hökm oxunub.
O, Cinayət Məcəlləsinin 150.3.3, 153.1, 157.1 və 180.1-ci (Seksual xarakterli zorakılıq hərəkətləri, əxlaqsız hərəkətlər, mənzil toxunulmazlığını pozma və soyğunçuluq) maddələri ilə təqsirli bilinərək 18 il həbsə məhkum edilib.
Bildirilib ki, hadisə 2025-ci ilin avqustun 7-si baş verib. Həmin gün 1996-cı il təvəllüdlü İ.Babayev saat 05 radələrində qonşuluqda yaşayan qadının iş yerinə getmək üçün evi tərk etdiyini görərək gizli şəkildə mənzilə daxil olub. Həmin vaxt ev sahibinin 2 yeniyetmə və 1 azyaşlı qızı evdə olub. O, otaqda yatmış qızları oyadaraq çirkin əməllər törədib. Həmçinin ev sahibinə məxsus 1000 manat pulu götürərək uzaqlaşıb.
İ.Babayev gedəndən sonra qızlar hadisə barədə dayılarına məlumat veriblər və dərhal polisə müraciət edilib.
Bu gün, 18:16
907-ci düzəlişin ləğvi müzakirə edildi
30 yanvar 2026-cı il tarixində xarici işlər nazirinin müavini Elnur Məmmədov ABŞ Konqresinin Nümayəndələr Palatasının Xarici Məsələlər Komitəsinin peşəkar heyətini qəbul edib.
XİN-dən verilən məlumata görə, görüşdə cari regional vəziyyət, 8 Avqust Vaşinqton Sülh Sammiti çərçivəsində əldə olunmuş razılaşmaların əhəmiyyəti, Azərbaycan-Ermənistan normallaşma prosesi və sülh sazişi ilə bağlı görülən tədbirlər, yekunlaşmaqda olan ABŞ-Azərbaycan Strateji Tərəfdaşlıq Xartiyası layihəsi, eləcə də ikitərəfli gündəlikdə duran və qarşılıqlı maraq doğuran digər məsələlər müzakirə edilib.
Görüş zamanı həmçinin Azərbaycanla bağlı Konqresdə qaldırılmış təşəbbüslər üzrə fikir mübadiləsi aparılıb və Azadlığa Dəstək Aktına 907-ci düzəlişin Azərbaycana münasibətdə ləğv edilməsinin əhəmiyyəti vurğulanıb.
Bu gün, 17:53
Avropa Rusiyaya sanksiyalardan 1.5 trilyon avro itirib
Avropa İttifaqı (Aİ) Rusiya ilə iqtisadi əlaqələrin dayandırılması səbəbindən 1,5 trilyon avro itirib.
Bu barədə Rusiya Federasiyası xarici işlər nazirinin müavini Aleksandr Qruşko “Rossiya Seqodnya” Beynəlxalq Multimediya Mətbuat Mərkəzində keçirilən brifinqdə bildirib.
Diplomatın sözlərinə görə, bu hələ səthi hesablamadır.
Avropa İttifaqının Statistika Xidmətinin məlumatlarına əsasən, son dörd il ərzində Aİ-nin Rusiyaya ixracı 65% azalıb.
Bu gün, 17:36
Tramp şəxsən Putindən xahiş edib
ABŞ Prezidenti Donald Tramp Rusiya lideri Vladimir Putinə şəxsi müraciət edərək fevralın 1-dək Kiyevə zərbələrdən çəkinməyi xahiş edib.
Bu barədə Rusiya Prezidentinin mətbuat katibi Dmitri Peskov bildirib.
“Bəli, doğrudan da, Prezident Tramp Prezident Putinə şəxsi xahişlə müraciət edərək danışıqların aparılması üçün əlverişli şərait yaratmaq məqsədilə fevralın 1-dək Kiyevə zərbələrin endirilməsindən çəkinməyi xahiş edib”,-deyə Peskov jurnalistlərə bildirib.
Kremlin nümayəndəsindən Trampın xahiş etdiyi atəşkəs müddətinə fevralın 1-i tarixinin də daxil olub-olmadığı soruşulub.
“Fevralın 1-dək”,-deyə Peskov cavab verib.
O, Putinin Trampın xahişi ilə razılaşıb-razılaşmadığı, həmçinin söhbətin bütün zərbələrin, yoxsa yalnız enerji obyektlərinə endirilən zərbələrin dayandırılmasından gedib-getmədiyi ilə bağlı suallara cavab verməkdən çəkinib.
“Artıq deyilənlərə əlavə edəcəyim detallı məlumat yoxdur. Bir daha vurğulamaq istəyirəm ki, söhbət danışıqlar üçün əlverişli şəraitin yaradılmasından gedir”,-deyə Peskov qeyd edib.
Qeyd edək ki, bir gün əvvəl Donald Tramp güclü şaxtalar səbəbindən Kiyevə zərbələrin bir həftəlik dayandırılması ilə bağlı Putinə şəxsən müraciət etdiyini bildirib. “O da bununla razılaşdı. Və deyə bilərəm ki, bu, çox xoş oldu”,-deyə ABŞ Prezidenti Nazirlər Kabinetinin iclasında vurğulayıb.
Bu gün, 17:29
Baş nazir hökumət üzvlərini topladı - Tapşırıqlar verdi
Bu gün İqtisadi Şuranın iclası keçirilib.
Bu barədə Nazirlər Kabinetindən xəbər verilib.
İqtisadi Şuranın sədri, Baş nazir Əli Əsədovun rəhbərliyi ilə keçirilən iclasın gündəliyində Azərbaycan Respublikasının Prezidenti İlham Əliyevin 2026-cı il yanvar ayının 5-də yerli televiziya kanallarına verdiyi geniş müsahibəsindən irəli gələn tapşırıqlar və 2025-ci ilin sosial-iqtisadi inkişaf göstəriciləri, İqtisadi Şuranın 2026-cı il üzrə Fəaliyyət Planı, “Azərbaycan Respublikasının 2022-2026-cı illərdə sosial-iqtisadi inkişaf Strategiyası” və “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı”nın 2025-ci il üzrə monitorinq və qiymətləndirmə nəticələrinə dair Hesabat, “Sahibkarlıq fəaliyyətinə maneə və çətinliklərin aradan qaldırılması və biznes mühitinin yaxşılaşdırılması islahatları üzrə İşçi qrup”un təqdimatı, İqtisadi İslahatların Təhlili və Kommunikasiya Mərkəzinin 2025-ci il üzrə Fəaliyyət Hesabatı və 2026-cı il üçün Fəaliyyət Planı və digər aktual məsələlər ətraflı müzakirə olunub.
Gündəlikdə olan məsələlər üzrə Azərbaycan Respublikası Prezidentinin köməkçisi Natiq Əmirovun və İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlının məruzələri dinlənilib. İclasda təqdim olunan məsələlərə dair İqtisadi Şuranın üzvləri və eləcə də ədliyyə naziri Fərid Əhmədov çıxış ediblər.
İclasın yekununda İqtisadi Şuranın üzvlərinin rəy və təklifləri nəzərə alınmaqla qərarlar qəbul olunub və aidiyyəti qurumlara müvafiq tapşırıqlar verilib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!