28-01-2026, 18:20
Rusiya Zelenskini Moskvaya dəvət etdi
ABŞ prezidenti Donald Tramp Rusiyaya Ukrayna prezidenti Volodimir Zelenski ilə Rusiya prezidenti Vladimir Putin arasında mümkün görüşü nəzərdən keçirməyi təklif edib.
Bu barədə Rusiya prezidentinin köməkçisi Yuri Uşakov açıqlama verib.
Uşakovun sözlərinə görə, Vladimir Putin jurnalistlərlə ünsiyyətdə bir neçə dəfə bildirib ki, əgər Zelenski doğrudan da görüşə hazırdırsa, Moskva onu qəbul etməyə hazırdır və onun təhlükəsizliyi, eləcə də danışıqlar üçün lazımi şərait tam şəkildə təmin olunacaq.
Kremlin nümayəndəsi vurğulayıb ki, Rusiya tərəfi Putinlə Zelenski arasında təmaslardan imtina etmir, lakin belə görüşlər əvvəlcədən ciddi şəkildə hazırlanmalı və konkret nəticələrə yönəlməlidir. Onun sözlərinə görə, əsas şərt danışıqların real və müsbət nəticə verməsidir.
Putin və Zelenski arasında mümkün görüş məsələsi yanvarın 23–24-də ABŞ, Rusiya və Ukrayna nümayəndə heyətlərinin Əbu-Dabidə keçirdiyi üçtərəfli danışıqlardan sonra yenidən gündəmə gəlib. Həmin danışıqlar hər üç ölkə tərəfindən müsbət qiymətləndirilib.
Xatırladaq ki, 2025-ci ilin sentyabrında Vladimir Putin Volodimir Zelenski ilə görüş ehtimalını istisna etməmiş və danışıqların Moskvada keçirilməsini təklif etmişdi. Ukrayna prezidenti isə cavabında bu təklifin Rusiya tərəfinin hələlik belə bir görüşə hazır olmadığını göstərdiyini bildirmişdi.
28-01-2026, 18:16
Xətai sakinləri sabah susuz qalacaq
Sabah bəzi yerlərdə su olmayacaq.
Bu barədə İri Şəhərlərin Birləşmiş Su Təchizatı Xidməti məlumat yayıb.
Bildirilib ki, yeni çəkilmiş magistral su xəttinin mövcud şəbəkəyə birləşdirilməsi ilə əlaqədar 29.01.2026-cı il tarixində saat 10:00-dan saat 22:00-dək görüləcək işlər çərçivəsində Xətai rayonunun bəzi ərazilərinə suyun verilməsində fasilə yaranacaq.
“İşlər yekunlaşdıqdan sonra istismar qaydalarına uyğun olaraq suyun əvvəlki qrafiklə verilməsi bərpa ediləcək”, - deyə məlumatda qeyd edilib.
28-01-2026, 17:53
Putin Suriya liderini hərbi qələbə münasibətilə təbrik etdi
Vladimir Putin Əhməd Əş-Şaaranı Fərat bölgəsinin Suriyaya yenidən inteqrasiyası və münasibətilə təbrik etdi.
Bu barədə Putin Moskvada onunla keçirdiyi görüşdə bildirib.
Bu səfərki görüş Suriya liderinin Kremlə ikinci səfəridir, Şaraanın son səfəri 2025-ci ilin oktyabrında olub.
Rusiya liderinin mətbuat katibi Dmitri Peskov bildirib ki, Putin və Əş-Şaranın ikitərəfli əməkdaşlıqla bağlı məsələləri müzakirə etməsi və regiondakı vəziyyətlə bağlı fikir mübadiləsi aparması gözlənilir.
Peskov həmçinin Rusiya qoşunlarının Suriyadakı mövcudluğu ilə bağlı bütün məsələlərin danışıqlar zamanı həll olunacağına şübhə etmədiyini bildirib.
28-01-2026, 17:48
Bakıda oğurluq edənlər saxlanıldılar
Paytaxtın Xəzər rayonunda oğurluq hadisəsi baş verib.
Bu barədə DİN məlumat yayıb.
Bildirilir ki, rayon sakini polisə müraciət edərək “Tufan” markalı mopedinin oğurlandığını bildirib. Polis əməkdaşlarının keçirdikləri tədbirlərlə əməli törətməkdə şübhəli bilinən H.Həsənov və E.Məmmədov polis əməkdaşları tərəfindən saxlanılıblar.
Nərimanov rayonunda isə bir nəfərə məxsus içərisində pul, mobil telefon və bank kartları olan pul kisəsini talamaqda şübhəli bilinən N.Məmmədova da polis əməkdaşları tərəfindən saxlanılıb.
Araşdırmalar davam etdirilir.
28-01-2026, 17:46
Dövlət Agentliyinin şirkəti borclanıb
Azərbaycan Avtomobil Yolları Dövlət Agentliyinə (AAYDA) məxsus 10 №-li Xüsusi Təyinatlı Yol İstismarı MMC-nin dövlət qarşısında vergi borcu yarım milyona çatır.
Məlumata görə, MMC-nin hazırda Dövlət Vergi Xidmətinin Milli Gəlirlər Baş İdarəsinə borcu 488 089.64 manat təşkil edir.
Qeyd edək ki, 10 №-li Xüsusi Təyinatlı Yol İstismarı MMC-nin nizamnamə kapitalı 1 505 600 manatdır. Şirkətin direktoru isə Araz Bəndəliyevdir. O, daha əvvəl 14 №-li Xüsusi Təyinatlı Yol İstismarı MMC-nin direktoru olub.
28-01-2026, 17:46
Güləmail Murad,
AYB əməkdaşı, şair-publisist
Qazaxıstanda Regional
Ekoloji Sammit keçiriləcək
2026-cı il 22–24 aprel tarixlərində Qazaxıstanın paytaxtında ilk dəfə Regional Ekoloji Sammit keçiriləcək. Sammit ekologiya və su ehtiyatları sahəsində mövcud problemlərin müzakirəsi, eləcə də əsas məsələlər üzrə razılaşmaların əldə edilməsi məqsədilə dövlət rəhbərlərini, ekspertləri və beynəlxalq təşkilatların nümayəndələrini bu platformada bir araya gətirəcək.Tədbirin əsas məqsədi ekoloji çağırışlar üzrə birgə praktiki həllərin hazırlanması üçün açıq beynəlxalq platformanın formalaşdırılmasıdır.
Aktual problemlərin müzakirəsi və dövlətlərarası razılaşmaların əldə edilməsi məqsədilə Sammitin işində Mərkəzi Asiya ölkələri, Avropa İttifaqı, ŞƏT və Yaxın Şərq ölkələrindən təxminən 1500 iştirakçının iştirakı gözlənilir.
Sammit çərçivəsində 8 əsas mövzu üzrə müzakirələr aparılacaq:
Ekoloji və təbii risklərə uyğunlaşma və iqtisadi dayanıqlılıq;
Ərzaq təhlükəsizliyi və regional ekosistem;
Təbii resursların dayanıqlı idarə olunması;
Atmosfer havasının çirklənməsi ilə mübarizə və tullantıların idarə edilməsi;
Ekoloji ambisiyalara nail olma mexanizmləri;
Ədalətli və inklüziv keçid;
Ekoloji və rəqəmsal kompetensiyalar;
İqlim keçidinin dəstəklənməsi.
Sammit çərçivəsində Mərkəzi Asiya dövlət başçılarının birgə bəyannaməsinin qəbul edilməsi planlaşdırılır. Regional Ekoloji Sammitin 2026-cı ildə (RƏS 2026) BMT ilə tərəfdaşlıq çərçivəsində keçirilməsi təşəbbüsü Qazaxıstan Respublikasının Prezidenti Kasım-Jomart Tokayev tərəfindən 2023-cü ildə BMT Baş Assambleyasının 78-ci sessiyası zamanı irəli sürülmüşdür.
Sammitin beynəlxalq tərəfdaşları: BMT, OECD, BEA, IRENA, ADB, Dünya Bankı, EBRD, IWMI, SWITCH-Asia.
28-01-2026, 17:44
Ağsunun 2 kəndinə şad xəbər: su dərdi çəkməyəcəklər
Ağsu rayonu Sanqalan və Quzey kəndlərinin içməli su təchizatının yaxşılaşdırılması işlərinə başlanılır.
ADSEA-nın Regional Su Meliorasiya Xidməti hazırlıq işlərinə yekun vurub.
Belə ki, qurum sözügedən işlərin icrasını “Hydro-Geo Environment Group” şirkətinə havalə edib və onunla müqavilə bağlayıb.
Bağlanmış müqavilənin maliyyə dəyəri 682 manat olaraq müəyyənləşib.
28-01-2026, 17:29
Məşhur hakim 4 881 manat pensiyadan narazıdır
Bakı Ağır Cinayətlər Məhkəməsinin ötən il təqaüdə göndərilən məşhur hakimi Azad Məcidov Dövlət Sosial Müdafiə Fondunu (DSMF) məhkəməyə verib.
A.Məcidov ona hakim kimi əmək pensiyasının təyin edilməməsindən şikayət edib.
Sabiq hakim iddia ərizəsində göstərib ki, 30 ilə yaxın müddətdə Daxili İşlər Nazirliyinin istintaq orqanlarında və Milli Təhlükəsizlik Nazirliyində (hazırda ləğv edilib) çalışıb, rütbəcə polkovnikdir. 2011–2025-ci illərdə isə Bakı Ağır Cinayətlər Məhkəməsində hakim işləyib. Təqaüdə çıxdıqdan sonra Azad Məcidova hakimlik fəaliyyəti nəzərə alınmadan aylıq 4 881 manat pensiya təyin edilib.
Bu səbəbdən o, məhkəməyə müraciət edərək hakim fəaliyyəti nəzərə alınmaqla pensiyasının yenidən hesablanmasını xahiş edib.
Cavabdeh qismində çıxış edən DSMF-nin Xüsusi Şərtlərlə Təyinat üzrə Mərkəzi Filialı isə iddianın rədd edilməsini istəyib. Qurum etirazını belə əsaslandırıb ki, mövcud qanunvericiliyə görə, əlavə hakim pensiyası almaq üçün azı 15 il hakim kimi fəaliyyət göstərmək tələb olunur. Azad Məcidovun isə hakimlik stajı 14 il 4 ay 13 gündür.
Lakin Bakı İnzibati Məhkəməsi DSMF-nin arqumentlərini əsassız hesab edib. Qeyd olunub ki, “Hakimlərin statusuna dair” Avropa Xartiyasının 6.4-cü maddəsinə əsasən, müəyyən müddət ərzində hakim vəzifəsini icra etmiş və pensiya yaşına çatmış şəxslərə son vəzifə maaşlarına mümkün qədər yaxın məbləğdə pensiya təyin olunmasına təminat verilməlidir.
Qərara əsasən, Azad Məcidovun iddiası təmin edilib. Məhkəmə DSMF-yə sabiq hakimin pensiyasının yenidən hesablanması öhdəliyini qoyub.
Qeyd edək ki, Azad Məcidov hakim kimi fəaliyyəti dövründə bir sıra səs-küylü cinayət işlərinə baxıb. O, son olaraq Mərkəzi Gömrük Hospitalı ilə bağlı səsləndirdiyi fikirlərlə gündəmə gəlmişdi.
28-01-2026, 17:13
Tramp İrana xəbərdarlıq etdi: Növbəti hücum daha pis olacaq!
"Nəhəng bir armada İrana doğru gedir. O, sürətlə, böyük güc, həvəs və məqsədlə hərəkət edir".
Bunu ABŞ Prezidenti Donald Tramp özünün “Truth” sosial media platformasında yazıb.
Onun sözlərinə görə, bu, Venesuelaya göndərilən nəhəng təyyarədaşıyan gəmidən daha böyük bir donanmadır.
"Bu donanma Venesuelada olduğu kimi, İranla da bağlı lazım olduğu təqdirdə, öz missiyasını böyük sürətlə, qüdrətlə yerinə yetirməyə hazırdır, həvəslidir və qadirdir. Ümid edirik ki, İran tez bir zamanda bütün tərəfləri qane edən ədalətli, bərabər, nüvə silahından imtina olunmuş razılaşma üçün danışıqlar masasına oturacaq. Zaman vacibdir, bu, həqiqətən vacibdir! Bir dəfə İrana dediyim kimi, SAZİŞ BAĞLAYIN! Onlar bunu etmədilər və "Gecəyarısı çəkic" əməliyyatı başladıldı, nəticədə İran üçün ciddi dağıntılar yarandı. Növbəti hücum daha pis olacaq! Bunun bir daha təkrarlanmasına imkan verməyin", - deyə ABŞ Prezidenti qeyd edib.
28-01-2026, 16:58
Azərbaycanda 82 milyon 400 min manat əmlakın üzərinə həbs qoyulub - RƏSMİ
Prokurorluq orqanlarında ibtidai istintaqı aparılaraq yekunlaşmış cinayət işləri üzrə ümumilikdə ötən il 94 milyon 817 min manat məbləğində maddi ziyan vurulduğu müəyyən edilərək istintaq tədbirləri ilə onun 32 milyon 635 min manat hissəsinin ödənilməsinə nail olunub, 82 milyon 400 min manatdan artıq məbləğdə əmlak üzərinə həbs qoyulub.
Bu barədə yanvarın 28-də Baş prokuror Kamran Əliyevin rəhbərliyi ilə Azərbaycan Respublikasının Prokurorluğu orqanları tərəfindən 2025-ci ildə qanunla prokurorluq orqanlarının səlahiyyətinə aid bütün fəaliyyət istiqamətləri üzrə görülmüş işlərin vəziyyəti və qarşıda duran vəzifələrin müzakirəsinə həsr olunmuş geniş kollegiya iclasında məlumat verilib.
Bildirilib ki, cinayət-prosessual qanunvericiliyinin tələblərinə əsasən icraatına xitam verilmiş cinayət işləri üzrə cinayət məsuliyyətindən azad olunmuş şəxslər tərəfindən dövlət büdcəsinə əlavə olaraq 5 milyon 172 min manat pul vəsaiti ödənilməklə, həmin məbləğin 4 milyon 855 min manatı prokurorluq orqanlarında istintaqı aparılmış işlər olub.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!