5-04-2026, 10:23
İraqın neft anbarları vuruldu
İraqın İranla sərhəddə yerləşən cənub-şərq bölgəsində - Maysan əyalətindəki Buzurgan neft yatağında yerləşən neft anbarları pilotsuz uçuş aparatlarının hücumuna məruz qalıb.
Bu barədə açıqlama İraqın Neft Nazirliyi tərəfindən verilib. Bildirilib ki, dronlar Buzurgan yatağında yerləşən Missan neft obyektlərini hədəf alıb.
Ətraflı
İlkin məlumatlarda hadisə nəticəsində insan itkisi qeydə alınmadığı vurğulanır. Eyni zamanda, mümkün maddi zərərin həcmi ilə bağlı hələlik rəsmi açıqlama verilməyib.
Xatırladaq ki, şənbə günü İraqda İranla bağlı münaqişəyə etiraz olaraq on minlərlə insanın qatıldığı aksiyalar keçirilib. İran tərəfi isə İraq neftinin Hörmüz boğazından maneəsiz keçidinə icazə verildiyini bəyan edib.
5-04-2026, 09:10
Çin ABŞ-nin kəşfiyyat məlumatlarını İrana satır
Çinlə əlaqəli bəzi şirkətlərin İran müharibəsi fonunda ABŞ hərbi qüvvələrinin fəaliyyəti ilə bağlı kəşfiyyat xarakterli məlumatları toplayaraq kommersiya məqsədilə satışa çıxardığı iddia olunur.
Bu barədə The Washington Post nəşri yazıb.
Qəzet bildirir ki, Çin Xalq Azadlıq Ordusu ilə əlaqəli olduğu deyilən şirkətlər süni intellekt texnologiyalarından istifadə etməklə açıq mənbələrdən əldə olunan məlumatları birləşdirir və bazara təqdim edirlər.
Məlumata əsasən, İranla bağlı münaqişə başladıqdan sonra sosial şəbəkələrdə ABŞ-ın hərbi bazaları, təyyarədaşıyan qrupları və regiondakı hərbi hazırlıqlarla bağlı daha detallı informasiyaların yayıldığı müşahidə edilib. Bu məlumatların bir hissəsinin məhz bu cür texnologiyalar vasitəsilə analiz edilərək paylaşdığı iddia olunur.
Qeyd edilir ki, Çin rəsmi olaraq münaqişədə birbaşa iştirak etmədiyini nümayiş etdirsə də, prosesdən dolayı şəkildə faydalanmağa çalışır.
Bildirilib ki, uçuş izləmə sistemləri, peyk görüntüləri və gəmiçilik məlumatları kimi açıq mənbələr uzun müddətdir istifadə olunsa da, süni intellektin inkişafı bu məlumatların daha sürətli və effektiv emalını mümkün edir. Bu isə ABŞ-ın hərbi fəaliyyətlərini gizli saxlamağı daha da çətinləşdirir.
Bir sıra ABŞ rəsmiləri və kəşfiyyat ekspertləri bu tendensiyanı ciddi təhlükəsizlik riski kimi dəyərləndirərək, özəl sektor vasitəsilə yayılan bu tip məlumatların milli təhlükəsizlik baxımından yeni problemlər yaratdığını vurğulayıblar.
Eyni zamanda, daha əvvəl dərc olunmuş materiallarda Çinin mülki-hərbi inteqrasiya strategiyası çərçivəsində süni intellekt sahəsinə böyük sərmayələr yatırdığı və bu istiqamətdə fəaliyyətini genişləndirdiyi qeyd olunub.
Məlumatlarda həmçinin Rusiyanın da İrana regiondakı ABŞ qüvvələri ilə bağlı müəyyən kəşfiyyat məlumatları ötürdüyü iddia edilir.
ABŞ müdafiə naziri Pete Hegseth isə açıqlamasında bildirib ki, rəqib ölkələrin bəzi hallarda paylaşılmamalı olan kəşfiyyat məlumatlarını ötürdüklərindən xəbərdardırlar.
5-04-2026, 08:59
Xameneinin müşavirindən Trampa çağırış - İSTEFA VER
“Trampın istefa verməsi daha məqsədəuyğun olardı”.
Bu fikri İranın ali liderinin hərbi müşaviri Möhsün Rzayi səsləndirib.
O, ABŞ generallarının sıralarında aparılan işdən azadetmələrə münasibət bildirərək qeyd edib: “Onlar İranın hava hücumundan müdafiə sistemlərini sıradan çıxardıqlarını iddia etdilər. Həmişə olduğu kimi, yenə yalan danışdılar. Ola bilsin ki, hərbi rəhbərlik deyil, məhz Donald Tramp istefa versəydi, daha yaxşı olardı. Biz bu qarşıdurmaya illərdir hazırlaşırıq və gözlənilməz addımlar davam edəcək...”, – deyə Rzayi "X" sosial şəbəkəsində paylaşım edib.
4-04-2026, 20:41
İran səmasında gərginlik: ABŞ-nin 3 döyüş təyyarəsi vuruldu
İranın yeni hava hücumundan müdafiə sistemi aprelin 3-də ABŞ və İsrailə məxsus üç təyyarə və iki helikopteri zərərsizləşdirib.
Bu barədə İran İslam İnqilabı Keşikçiləri Korpusu (SEPAH) bu gün rəsmi açıqlama verib.
Bildirilib ki, vurulan texnikalar arasında bir ədəd F-35 qırıcısı, iki A-10 hücum təyyarəsi və iki “Black Hawk” helikopteri yer alır. SEPAH eyni zamanda vahid və inteqrasiya olunmuş hava hücumundan müdafiə sisteminin tətbiq olunduğunu da qeyd edib.
Bundan əvvəl İran tərəfi F-35-in məhv edildiyini və pilotunun saxlanıldığını açıqlamışdı. ABŞ-ın “Axios” nəşri isə hadisəyə yaxın mənbəyə istinadən yazıb ki, söhbət əslində iki nəfərlik F-15E Strike Eagle tipli təyyarədən gedə bilər.
4-04-2026, 20:09
İranın ABŞ təyyarələrinə qarşı yeni müdafiə sistemi
İran hərbi rəhbərliyi ölkənin yeni hava hücumundan müdafiə (HHM) sistemindən istifadə etdiyini açıqlayıb.
Bu barədə məlumatı Reuters yayıb. Bildirilir ki, yeni sistem ABŞ-yə məxsus təyyarə və helikopterlərə qarşı tətbiq olunub.
İran tərəfi həmçinin bəyan edib ki, ölkə öz hava məkanına “tam nəzarəti” təmin etmək niyyətindədir və bu istiqamətdə fəaliyyətini davam etdirəcək.
Rəsmi açıqlamada vurğulanıb ki, İran hava məkanının təhlükəsizliyini təmin etmək üçün bütün imkanlarını səfərbər edir.
4-04-2026, 19:45
Zelenski İstanbulda - Ərdoğanla görüş yekunlaşdı
Türkiyə Prezidenti Rəcəb Tayyib Ərdoğan ilə Ukrayna Prezidenti Volodimir Zelenski İstanbulda görüş keçirib.
Görüş zamanı ikitərəfli münasibətlər, Ukrayna-Rusiya müharibəsi fonunda sülh axtarışları, eləcə də regional və qlobal məsələlər müzakirə olunub.
Ərdoğan bildirib ki, Türkiyə Ukrayna ilə Rusiya arasında danışıqlara dəstəyini davam etdirəcək.
O, həmçinin vurğulayıb ki, Türkiyə Qara dənizdə gəmiçilik təhlükəsizliyinə böyük önəm verir və enerji təchizatının təhlükəsizliyi əsas prioritetlərdəndir.
4-04-2026, 19:30
Qasım Süleymaninin qardaşı qızı və nəvəsi HƏBS EDİLDİ
ABŞ öldürülən İran generalı Qasım Süleymaninin qardaşı qızı Həmidə Süleymanini və nəvəsini həbs edib.
Bu barədə ABŞ Dövlət Departamenti məlumat yayıb.
Məlumata görə, Qasım Süleymaninin qardaşı qızı və nəvəsi ötən gün ABŞ-da federal agentlər tərəfindən həbs edilib.
Xatırladaq ki, SEPAH-ın Qüds Qüvvələrinin komandiri Qasım Süleymani 2020-ci ildə İraqda ABŞ-ın pilotsuz təyyarəsinin hücumu nəticəsində öldürülüb.
4-04-2026, 19:16
Kreml Paşinyanla münasibətləri davam etdirmək istəmir - İDDİA
Erməni mənbələrinin yaydığı məlumata görə, Rusiya rəhbərliyi bir neçə həftə əvvəl Ermənistanın Baş naziri Nikol Paşinyanla münasibətlərin davam etdirilməsinin məqsədəuyğun olmadığı qənaətinə gəlib.
İddialara əsasən, Moskva Paşinyanın Rusiya paytaxtında verdiyi vədlərlə İrəvanda həyata keçirdiyi siyasətin fərqli olduğunu və bunun Rusiya-Ermənistan münasibətlərinə zidd getdiyini düşünür.
Məlumatda bildirilir ki, bu səbəbdən Rusiyada əsas dövlət strukturlarının rəhbərlərinə Ermənistan daxilində Rusiya ilə münasibətləri bərpa etməyi hədəfləyən siyasi qüvvələrin hakimiyyətə gəlməsi üçün səylərin artırılması ilə bağlı göstəriş verildiyi iddia olunur.
Həmçinin qeyd edilir ki, Ermənistan hakimiyyəti daxilində bəzi dairələr ölkədə anti-Rusiya əhval-ruhiyyəsinin gücləndirilməsinə çalışsa da, eyni zamanda Moskva ilə əlaqələri qorumağa cəhd edir.
İddialara görə, Moskvaya son səfər zamanı əvvəlcə parlamentin spikeri Alen Simonyan Kremlin Ermənistan üzrə kuratoru Sergey Kiriyenko ilə görüşməyə cəhd etsə də, bu baş tutmayıb. Daha sonra Paşinyanın da belə bir görüş təşkil etməyə çalışdığı, lakin nəticə əldə olunmadığı bildirilir.
4-04-2026, 19:07
Ermənistan təhlükəsizliyinin təminatçısı Azərbaycandır - Simonyan
Ermənistan Milli Assambleyasının sədri Alen Simonyan müxalifətin ölkənin təhlükəsizlik təminatçısına ehtiyacı olduğu barədə fikirlərinə münasibət bildirərkən diqqətçəkən açıqlama verib.
Spiker jurnalistlərə açıqlamasında Ermənistanın təhlükəsizliyinin əsas təminatçısının Azərbaycan olduğunu vurğulayıb.
Simonyan əlavə edib ki, müxtəlif qüvvələr Ermənistanla Azərbaycanı yenidən bir-birinə qarşı hərbi qarşıdurmaya cəlb etməyə çalışır:
“Bir çox qüvvələr bizi yenidən müharibəyə sürükləmək istəyir. Lakin bu cəhdlərin qarşısı alınmalıdır”, - o bildirib.
4-04-2026, 18:48
Ya Hörmüzü açın, ya yanın – Trampdan İrana sərt mesaj
“İranın Hörmüz boğazını açmaq və ya ABŞ ilə razılığa gəlmək üçün 48 saatı var”.
Bunu ABŞ Prezidenti Donald Tramp “Truth Social” səhifəsində yazıb.
Trampın sözlərinə görə, əks halda onları onları cəhənnəm gözləyir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!