3-04-2026, 16:50
Moskvada terrora cəhd - Putin Təhlükəsizlik Şurasını çağırdı
Rusiya Federal Təhlükəsizlik Xidməti (FSB) Moskvada Ukrayna Təhlükəsizlik Xidməti (SBU) tərəfindən planlaşdırlan terror aktının qarşısını alıb.
Bu barədə Rusiya mediası məlumat yayıb.
Bildirilib ki, terakt Rusiyanın yüksək vəzifəli hüquq-mühafizə orqanı əməkdaşına qarşı planlaşdırılıb.
Məlumata görə, FSB-nin bomba zərərsizləşdirilməsi üzrə mütəxəssisləri hadisə yerində plastik partlayıcı maddə və qəlpədən ibarət olan partlayıcı qurğu aşkarlayıblar.
Digər məlumata görə, Rusiya Prezidenti Vladimir Putin Təhlükəsizlik Şurasının iclasını çağırıb.
3-04-2026, 16:42
İran bu ölkələrə zərbələr endirir
İran ordusu pilotsuz uçuş aparatları ilə İordaniya və Küveytdə ABŞ hərbçilərinin dislokasiya məntəqələrinə, həmçinin Bəhreyndə iri alüminium zavoduna zərbələr endirib.
Bu barədə İran ordusu məlumat yayıb.
Məlumata görə, İran ordusu bu gün PUA-larla İordaniyada ABŞ ordusunun avadanlıq, təminat anbarına, Küveytdə ABŞ-ın zirehli briqadasının mexanikləşdirilmiş batalyonunun yerləşdiyi “Camp Afifjan” bazasına və Bəhreyndə ABŞ-ın hərbi sənayesinin təchizatçısı olan ən böyük alüminium zavoduna zərbələr endirib.
3-04-2026, 16:35
Roma Papası İsrailə çağırış etdi: müharibəni dayandırın!
Roma Papası XIV Leo İsrail prezidenti İsaak Herzoqla telefon danışığı aparıb və Yaxın Şərqdəki münaqişəyə son qoymaq üçün bütün mümkün diplomatik dialoq kanallarının açılmasına çağırıb.
Bu barədə Müqəddəs Taxt-Tacın Mətbuat xidməti məlumat yayıb və söhbətin Pasxa bayramı günlərində baş tutduğunu açıqlayıb.
"Söhbət zamanı Yaxın Şərqdə ədalətli və davamlı sülhün bərqərar olması məqsədilə davam edən münaqişəyə son qoymaq üçün bütün mümkün diplomatik dialoq kanallarının yenidən açılması zərurəti bir daha vurğulanıb. Söhbət mülki şəxslərin qorunmasının, beynəlxalq və humanitar hüquqa hörmətin təşviq edilməsinin vacibliyinə yönəlib", - deyə açıqlamada bildirilib.
3-04-2026, 15:58
ABŞ İranda vurulan qırıcının pilotunu axtarır: onu əsir götürüblər
Amerikanın aprelin 3-də vurulan F-35 qırıcı təyyarəsinin pilotunu azad etmək səyləri uğursuz olub.
Bu barədə İranın yarımrəsmi “Tasnim”Agentliyi məlumat yayıb.
İran Ordusundakı mənbələr bildirirlər ki, amerikalılar bir neçə saatdır aprelin 3-də vurulan F-35 təyyarəsinin pilotlarını Black Hawk helikopterləri və Hercules 130 təyyarələrindən istifadə edərək axtarırlar; lakin səyləri uğursuz olub.
İran hərbçilərinin pilotu əsir götürdüyü ehtimal olunsa da, bu barədə hələ ki rəsmi məlumat yoxdur.
Məlumata görə, qırıcı təyyarənin pilotu katapult edərək ölkə daxilində eniş edib.
İslam İnqilabı Keşikçiləri Korpusu (SEPAH) son sutkada İranın mərkəzi səmasında ABŞ-a məxsus iki F-35 qırıcı təyyarəsinin vurulduğunu bəyan edib.
İran mediası vurulan təyyarənin qalıqlarının fotoşəkillərini yayımlayıb.
3-04-2026, 13:49
Rusiya təyyarəsi qəzaya uğradı
Krımda təlim uçuşu zamanı Su-30 təyyarəsi qəzaya uğrayıb.
Bu barədə Rusiya Müdafiə Nazirliyi məlumat yayıb.
Bildirilib ki, ekipaj katapult edib və təyyarə sursatsız uçurmuş.
Təyyarə heyəti yerüstü axtarış-xilasetmə qrupu tərəfindən təxliyə edilib. Pilotların həyatı üçün heç bir təhlükə olmadığı bildirilib.
3-04-2026, 13:00
Uşaqların avtobusu qəzaya düşü: sürücü öldü, 10 nəfər yaralandı
Rusiyanın Saratov vilayətində avtobus qəzası baş verib.
Bu barədə regionun qubernatoru Roman Busargin sosial şəbəkədə bildirib.
Qubernator qəzada xəsarət alanların sayının 10-a çatdğını qeyd edib.
Təcili yardım xidmətlərinin məlumatına görə, avtobusda 2 böyük və 23 uşaq olub. Sürücü həlak olub.
Bütün yaralılar Petrovsk Mərkəzi Rayon Xəstəxanasın aparılıb.
Uşaqlar Yerşovdan Penzaya ekskursiyaya gedirmişlər.
3-04-2026, 12:20
İranda humanitar yardımla dolu konteynerlər vuruldu
İranın cənubundakı Buşehr əyalətində Qızıl Aypara Cəmiyyətinin şöbəsinə hava hücumu olunub.
Zərbələr nəticəsində humanitar yardımla dolu iki konteyner məhv edilib .
"Hücum 3 aprel tarixində Buşehr bölgəsinin Çoqadak yaşayış məntəqəsində baş verib. Zərbə nəticəsində humanitar yardım daşımaq üçün istifadə edilən iki təkərli konteyner, eləcə də bir avtobus və bir xilasetmə maşını məhv edilib", - deyə açıqlamada bildirilir.
3-04-2026, 11:58
İran Küveytin neft zavodu vurdu
İran cümə günü səhər saatlarında dronlar vasitəsilə Küveytin “Mina əl-Əhmədi” neft emalı zavoduna və onun ixrac mərkəzinə hücum edib.
Küveytin KUNA dövlət xəbər agentliyinin məlumatına görə, hücumlardan sonra paytaxtdan 45 kilometr cənubda yerləşən zavodda yanğın baş verib.
Ərəb ölkəsinin Müdafiə Nazirliyi bildirib ki, hava hücumundan müdafiə qüvvələri hazırda İranın ballistik raket və dron hücumlarını dəf edir.
Xatırladaq ki, bu, İranın “Mina əl-Əhmədi” neft emalı zavoduna ilk hücumu deyil. Martın 20-də qeydə alınan öncəki hücum nəticəsində zavodun bəzi bölmələrinə ciddi zərər dəymişdi.
3-04-2026, 02:15
Ermənistanda poliqonda partlayış: hərbçi öldü
Ermənistan Müdafiə Nazirliyinin Armavir bölgəsinin Baqramyan icmasında yerləşən təlim poliqonunda partlayış baş verib.
Hərbçi isə yaralanaraq hərbi hospitala yerləşdirilib. Hadisə ilə bağlı cinayət işi açılıb. Ölən və yaralananın şəxsiyyəti, eləcə də hadisənin baş vermə səbəbləri müəyyən edilir.
3-04-2026, 01:10
Kərəclə Tehranı birləşdirən körpünü vuruldu - 8 ölü, 95 yaralı
Tehranın qərbində yerləşən Kərəc şəhərində tikilməkdə olan körpüyə zərbələr endirilib.
Bu barədə "Fars" agentliyi məlumat yayıb. Hadisə nəticəsində 8 nəfər ölüb, 95 nəfər yaralanıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!