Dünya » Səhifə 262

10-05-2023, 16:04

Muharrem İncenin mitinqləri səhhətiylə bağlı təxirə salındı

Türkiyə prezidenliyinə namizəd, Məmləkət Partiyasının sədri Muharrem İncenin səhhətində problem yaranıb. Bu barədə partiyanın deputatlığa namizədi Figen Okan "Twitter" hesabında paylaşım edib. O qeyd edib ki, İncenin səhhətində yaranmış problemə görə İzmir və Manisada keçirilməsi nəzərdə tutulan mitinqləri təxirə salınıb. Siyasətçi partiya liderinin vəziyyəti barədə məlumat verməyib.

Muharrem İncenin mitinqləri səhhətiylə bağlı təxirə salındı

10-05-2023, 15:38

Çavuşoğlu iranlı həmkarı ilə görüşdü

Türkiyənin xarici işlər naziri Mövlud Çavuşoğlu Moskvada iranlı həmkarı Hüseyn Əmir Abdullahian ilə görüşüb. Bu barədə o, “Twitter” hesabında məlumat yayıb. Tərəflər Suriya, yüksək səviyyəli səfərlər, iqtisadi və enerji əməkdaşlığını müzakirə ediblər.

Çavuşoğlu iranlı həmkarı ilə görüşdü

10-05-2023, 15:22

Gürcüstan Prezidenti rusiyalı həmkarının qərarına etiraz etdi

Gürcüstan Prezidenti Salome Zurabişvili Rusiya Prezidenti Vladimir Putinin gürcülər üçün viza rejimini ləğv etməsinə dair qərarına etiraz edib. Bu barədə Gürcüstan Prezidentinin Mətbuat Xidməti məlumat yayıb. Zurabişvili qərarı qəbuledilməz adlandırıb. Qeyd edək ki, Prezident Vladimir Putin Rusiya ilə Gürcüstan arasında viza rejiminin ləğvinə dair sərəncam imzalayıb. Sərəncama əsasən, mayın 15-dən Gürcüstan vətəndaşları üçün viza rejimi ləğv olunur. Bundan sonra Gürcüstan vətəndaşları 90 gün Rusiyaya vizasız səyahət edə biləcəklər.

Gürcüstan Prezidenti rusiyalı həmkarının qərarına etiraz etdi

10-05-2023, 12:57

Çavuşoğlu rusiyalı həmkarıyla görüşünün detallarını açıqladı

Türkiyənin xarici işlər naziri Mövlud Çavuşoğlu Rusiya XİN başçısı Sergey Lavrovla görüşünün detallarını açıqlayıb. Nazir bu barədə twitter səhifəsində paylaşım edib. "Suriya mövzusu ilə bağlı dördtərəfli XİN başçıları toplantısından öncə rusiyalı həmkarım Lavrovla Suriya, Ukrayna və Qafqazdakı hadisələr, eləcə də taxıl sazişini müzakirə etdik", - deyə Çavuşoğlu yazıb.

Çavuşoğlu rusiyalı həmkarıyla görüşünün detallarını açıqladı

10-05-2023, 12:10

Bu ölkələrin XİN başçıları Moskvada görüşür

Rusiya, Türkiyə, Suriya və İranın XİN başçılarının Moskva görüşünə start verilib. Bu barədə TASS məlumat yayıb. Qeyd olunub ki, əsas gündəm mövzuları terrorla mübarizə və Suriya məsələsidir.

Bu ölkələrin XİN başçıları Moskvada görüşür

9-05-2023, 23:15

Məhkəmə ABŞ-ın sabiq prezidentini təqsirli bildi

Manhetten federal məhkəməsi ABŞ-ın keçmiş prezidenti Donald Trampı yazıçı və jurnalist Jen Karrolla təcavüz cəhdi işində təqsirli bilib. Bu barədə CNN məlumat yayıb. Manhetten federal münsiflər heyəti Donald Trampın 1996-cı ilin yazında univermağın soyunub-geyinmə otağında Kerrolla cinsi təcavüz etdiyini müəyyən edib. ABŞ-ın keçmiş prezidenti qurbana 2 milyon dollar təzminat ödəməli olacaq.

Məhkəmə ABŞ-ın sabiq prezidentini təqsirli bildi

9-05-2023, 19:11

G20 ölkələrinin növbəti sammiti bu şəhərdə baş tutacaq

G20 ölkələri liderlərinin növbəti sammiti gələn ilin noyabr ayında baş tutacaq. Bu barədə Braziliyanın "Oglobe" nəşri məlumat yayıb. Braziliyanın sədrliyi ilə baş tutacaq sammit Rio-de-Janeyroda keçiriləcək. Tədbirdə 10-dan çox müşahidəçi dövlətin nümayəndələri iştirak edəcək.

G20 ölkələrinin növbəti sammiti bu şəhərdə baş tutacaq

9-05-2023, 18:12

1.8 milyona yaxın türk vətəbdaşı seçkilərdə səs verib

Türkiyə xaricində prezident və parlament seçkiləri üçün səs verən şəxslərin sayı 1 milyon 785 min 570 nəfərə çatıb. Bu barədə ölkənin Ali Seçki Komissiyası məlumat yayıb. Onların 1 milyon 662 min 41 nəfəri xarici nümayəndəliklərdə, 123 min 529-u gömrükdə səs verib. Səsvermə mayın 14-də saat 17:00-da gömrük qapılarında, mayın 9-da isə xarici nümayəndəliklərdə başa çatacaq. Xaricdə seçici siyahısında qeydə alınmış seçicilər 24 saat ərzində səs verə bilərlər. Məlumata görə, xaricdə ümumilikdə 3 milyon 416 min 98 seçici səs vermək hüququna malikdir. İlk dəfə səs verəcək seçicilərin sayı 277 min 646 nəfərdir. Qeyd edək ki, Türkiyə xaricində səsvermə aprelin 27-də başlayıb.

1.8 milyona yaxın türk vətəbdaşı seçkilərdə səs verib

9-05-2023, 17:48

ABŞ Ukraynaya 1.2 milyard dollarlıq hərbi paket ayırdı

ABŞ Ukraynaya 1.2 milyard dollarlıq yeni hərbi yardım paketi ayırıb. Bu barədə Pentaqon məlumat yayıb. Bildirilib ki, paketə əlavə hava hücumundan müdafiə vasitələri və sursatlar, Qərb hava hücumundan müdafiə sistemlərinin, raketlərin və radarların Ukrayna hava hücumundan müdafiə sistemləri ilə inteqrasiyası üçün avadanlıq, pilotsuz uçuş sistemlərinə qarşı döyüş sursatları, 155 millimetrlik artilleriya mərmiləri, kommersiya peyk təsvirləri xidmətləri, hərbi aktivliyin saxlanması və dəstəklənməsi üçün təlimlər daxildir. Qeyd edək ki, bu, ABŞ tərəfindən elan olunan ilk belə paket deyil.

ABŞ Ukraynaya 1.2 milyard dollarlıq hərbi paket ayırdı

9-05-2023, 14:13

Zelenski Avropa Komissiyasının prezidenti ilə görüşdü

Ukrayna prezidenti Volodimir Zelenski Avropa Komissiyasının prezidenti Ursula fon der Leyen ilə görüşüb. Bu barədə Ukrayna Prezident Ofisi məlumat yayıb. Görüş Leyenin Kiyevə səfəri çərçivəsində baş tutub. Qeyd edək ki, Avrokomissiyanın prezidenti Avropa Gününü qeyd etmək üçün bu səhər Kiyevə gəlib.

Zelenski Avropa Komissiyasının prezidenti ilə görüşdü