1-07-2024, 20:22
Kadırovun qızı mükafatlandırıldı
Çeçenistan baş nazirinin sosial blok üzrə müavini, respublika rəhbərinin böyük qızı Ayşad Kadırova Beynəlxalq Tatarlar İttifaqının medalı ilə təltif edilib.
Bu barədə Ramzan Kadırov özünün teleqram kanalında məlumat yayıb.
Kadırovaya “Tatar xalqı qarşısında böyük xidmətlərinə görə” medalı verilib.
Çeçenistan rəhbərinin böyük qızı Ayşat Kadırovanın 25 yaşı var. O, oktyabrda Çeçenistan hökuməti başçısının sosial məsələlər üzrə müavini olub. Bundan əvvəl, 2021-ci ilin oktyabr ayından o, Çeçenistanın Mədəniyyət Nazirliyinə rəhbərlik edib.
1-07-2024, 16:14
Dağıstandakı terrorda ölənlərin sayı artıb
Dağıstanda baş verən silahlı hücumlar zamanı ölənlərin sayı 22-yə yüksəlib.
Bu barədə Dağıstan Respublikasının rəhbəri Sergey Məlikov bildirib.
“Təəssüf ki, terror aktları nəticəsində 22 nəfər həlak olub: 21 nəfər birbaşa terror aktları zamanı, ertəsi gün isə bir polis əməkdaşı aldığı ağır xəsarətlərdən dünyasını dəyişib”, - o deyib.
1-07-2024, 14:40
Cəlili bu axşam Pezeşkianla debata çıxır - Namizədlər bir-birini vurur
İyulun 5-də İranda növbədənkənar prezident seçkilərinin 2-ci turu keçiriləcək.
İkinci tura keçən Səid Celili (İran ali rəhbərinin Təhlükəsizlik Şurasındakı nümayəndəsi) və Məsud Pezeşkian (parlamentin deputatı, keçmiş səhiyyə naziri) bu gün canlı yayımda debata çıxacaqlar.
İran qəzetlərinin bugünkü sayında iki namizədlə bağlı fərqli yazılar dərc olunub.
“Armane Emruz” qəzeti bu axşam iki namizəd arasında keçiriləcək debatla bağlı “İki fərqli düşüncə qarşı-qarşıya” adlı manşet yazısı dərc edib.
Jurnalist İrfan Büyüknejadın yazdığı məqalədə bu ifadələr yer alıb:
“Səid Cəlili və Məsud Pezeşkian ölkənin iki mühüm siyasi fiqurudur. Hər iki şəxs müxtəlif siyasi qanadlardan olduqları üçün daxili və xarici siyasətə baxışları fərqlidir. Bu axşam iki namizəd arasında incə duel baş tutacaq.
Onların hərəsi İran cəmiyyətinin bir hissəsinin fikrini təmsil edir – Cəlili mühafizəkarları, Pezeşkian islahatçıları. Ona görə də bu namizədlərin ölkənin gələcəyi ilə bağlı fərqli baxışları var. Məsələn, mühafizəkar namizəd Səid Cəlili FATF-ın (Maliyyə Fəaliyyəti İşçi Qrupu) əleyhinədir. Lakin Pezeşkian vurğulayır ki, FATF-ı qəbul etməmək təzyiqlərin və beynəlxalq sanksiyaların artmasına səbəb ola bilər”.
“Keyhan” qəzeti “Pezeşkianın seçki kampaniyasının yeganə proqramı ictimaiyyəti rəqibindən qorxutmaqdır” başlıqlı məqalə ilə çıxış edib.
“Rəqibi qorxutmaq taktikası bütün dünyada ən çox yayılmış seçki taktikalarından biridir. Məsud Pezeşkianın ölkəni idarə etmək üçün öz planı olmasa da, seçki kampaniyasını vaxtilə Həsən Ruhaninin kabinetində olmuş şəxslər həyata keçirir. Bu adamlar prezident seçkilərinin ikinci dönəmində öz rəqibini vurmağa çalışırlar.
Məsələn, Qərbədn İrana tətbiq olunmuş sanksiyaların səbəbi kimi Səid Cəlili, hətta mərhum İbrahim Rəisi göstərilir”, - məqalədə deyilir.
“Şərq” qəzeti “İqtisadiyyat doktoru” başlığından istifadə edərək Məsud Pezeşkianı dəstəkləyən keçmiş iqtisadiyyat naziri Əli Tayyibniya haqqında məqalə dərc edib və onu tərifləyib.
Jurnalist Davud Haşmeti məqaləsində yazıb: "Son 10 ilin ən yaxşı iqtisadi dövrü Həsən Ruhaninin ilk prezidentliyi zamanı iqtisadiyyat naziri Əli Tayyibniyanın rəhbər olması ilə bağlı idi”.
30-06-2024, 18:21
İzmirdə qaz partlayışı: 5 nəfər ölüb, 63 nəfər yaralanıb
Türkiyənin İzmir şəhərininin Torbalı rayonunda restoranda baş verən partlayış nəticəsində 5 nəfər ölüb.
Hadisə zamanı daha 63 nəfər yaralanıb.
Hadisə yerinə təcili yardım, xilasedicilər və polis əməkdaşları cəlb olunub. Polis partlayışın baş verdiyi restoranın qarşısında təhlükəsizlik tədbirləri görüb.
Partlayış nəticəsində ətrafdakı 11 binaya da ziyan dəyib.
30-06-2024, 18:00
"Fırtına" hələ də səngimir - Dağıstan rəhbəri
Mahaçqala və Dərbənddə baş verən terror aktlarından sonra region və onun sakinləri təqiblərlə üzləşib.
Bu barədə Dağıstanın rəhbəri Sergey Melikov bildirib.
Onun sözlərinə görə, respublika ətrafında fırtına hələ də səngimir: "Respublikanı təhqir edən bəyanatlar artıq bir həftədir ki, dayanmır. Bizi radikalizmdə ittiham edirlər, cinayətkarları bütün dindarlarla qarışdırırlar, niqablarda terror əlamətləri görürlər və ictimaiyyətin gözü qarşısında ehtiyatsızlıq edirlər, hətta deyərdim ki, təhlükəli şərhlər verirlər”, - deyə respublika rəhbəri öz "Telegram" kanalında yazıb.
Melikovun fikrincə, hər şey elə görünür ki, sanki bəzi yüksək rütbəli spikerlər vəziyyəti gərginləşdirmək istəyir.
Dağıstan rəhbəri həmçinin terror aktlarının ötən il İsraildən təyyarənin gəlməsi zamanı baş verən iğtişaşlarla əlaqələndirilməsini qəribə cəhdlər adlandırıb. O, əmin edib ki, həmin hadisələrə görə məsuliyyət daşıyanların hamısı layiq olduqları cəzanı alacaqlar və iğtişaş iştirakçılarına qarşı cinayət işləri onlara daha obyektiv baxılması üçün Krasnodar diyarına köçürülüb.
“Dövlət Dumasının bəzi deputatlarının həmin cinayət işlərinin Dağıstana qaytarılması ilə bağlı qəribə, razılaşdırılmamış bəyanatları tamamilə yersizdir. Mən bunun əleyhinəyəm, necə ki, kiminsə xüsusi strukturların işinə qarışmasının əleyhinəyəm”, - deyə Melikov qeyd edib.
30-06-2024, 17:00
Qəzzada ölən fələstinlilərin sayı açıqlandı
Qəzza zolağında hərbi əməliyyatlara başlayandan bəri həlak olan fələstinlilərin sayı 37 877 nəfərə çatıb.
Bu barədə anklavın Səhiyyə Nazirliyi məlumat yayıb.
Bildirilib ki, zərərçəkənlərin sayı 86 969 nəfərdir.
Xatırladaq ki, 2023-cü ilin oktyabrın 7-də HƏMAS qruplaşması İsrailin nəzarətində olan ərazilərə hücum edib. Buna cavab olaraq İsrail ordusu Qəzzada hərbi əməliyyatlara başlayıb.
30-06-2024, 16:46
İsraildən Livandakı Hizbullah hədəflərinə yeni hücumlar
İsrail ordusu Livanın cənub bölgələrinə yeni hücumlara başlayıb.
Bu barədə ordunun mətbuat xidməti məlumat yayıb.
Onların hədəfi Hizbullah şiə təşkilatının hərbi infrastrukturu və onun silahlı birləşmələrinin üzvləri olub.
Belə ki, ordunun verdiyi açıqlamaya görə, Livanın cənubundakı Hula bölgəsində bir radikal hərbi obyektə girərkən görüntülənib. İsrail əsgərlərinin dediyinə görə, orada başqa radikallar da var idi. Tezliklə bu struktur İsrail Hərbi Hava Qüvvələrinin qırıcıları tərəfindən hücuma məruz qalıb.
Eyni zamanda silahlı radikalın da göründüyü Kfar Killa kəndi yaxınlığındakı Hizbullah hərbi obyektinə növbəti zərbə endirilib.
Bundan əlavə, gecə saatlarında İsrail Hərbi Hava Qüvvələri Livanın cənubundakı Əl-Teybe və Rab-Taliatin yaşayış məntəqələri yaxınlığında Hizbullahın hərbi infrastrukturuna hücum edib.
30-06-2024, 15:49
Fransada seçki məntəqəsinin sədrinə hücum
Fransanın cənubunda parlament seçkilərinin birinci turunda səsvermə başlamazdan əvvəl seçki məntəqəsinin sədrinə hücum edilib.
Bu barədə Nitsa şəhərinin meri Kristian Estrosi "X" sosial şəbəkəsində yazıb.
“Bomet məktəbindəki seçki məntəqəsinin sədrinə Respublikaçılar Partiyasının lideri Erik Skiotti tərəfindən təyin edilmiş müşahidəçinin hücumunu şiddətli şəkildə qınayıram”, - mer qeyd edib.
“Nitsa-Matin” qəzetinə görə, müşahidəçi seçki komissiyasının tərkibinə etiraz edib. Erik Skiotti müşahidəçinin zorakılığını pisləyib və onun davranışını “açıq-aşkar yersiz” adlandırıb.
Müşahidəçi polis tərəfindən saxlanılıb.
İyunun 30-da Fransada Milli Assambleyaya (parlamentin aşağı palatası) seçkilərin birinci turu keçirilir.
30-06-2024, 15:10
Türkiyə və Suriya dialoqa başlayacaq
Bağdad Suriya və Türkiyə arasında ikitərəfli münasibətlərin normallaşdırılması məqsədilə danışıqların keçiriləcəyi məkana çevriləcək.
Bu barədə Dəməşqdəki hökumət mənbəsi bildirib.
Onun sözlərinə görə, qarşıdakı Suriya-Türkiyə görüşü “uzun danışıqlar prosesinin başlanğıcı olacaq və bu, siyasi anlaşmaya və sərhədyanı ərazilərdə vəziyyətlə bağlı razılaşmalara gətirib çıxaracağı gözlənilir”.
Nəşrə görə, Türkiyə tərəfi Moskva və Bağdaddan “ikitərəfli dialoqun aparılacağı masada mediadan uzaqda iştirak etməyi” xahiş edib. Tərəflər “iki qonşu arasında münasibətləri normal vəziyyətə gətirmək” üçün təfərrüatları müzakirə etməli olacaqlar.
Qəzet iddia edir ki, Ankara ilə Dəməşq yaxınlaşması ərəb ölkələri, xüsusilə də BƏƏ və Səudiyyə Ərəbistanı tərəfindən dəstəklənir.
29-06-2024, 16:43
Mirzoyan və Kuleba Azərbaycandan danışdı
Ukraynanın xarici işlər naziri Dmitri Kuleba erməni həmkarı Ararat Mirzoyanla görüşüb.
Bu barədə məlumatı Ermənistan tərəfi yayıb.
Onlar Xorvatiyanın Dubrovnik şəhərində keçirilən forum çərçivəsində Avropa İttifaqı (Aİ) ilə əməkdaşlıq məsələlərini müzakirə ediblər.
Nazirlər ikitərəfli siyasi dialoq məsələlərini müzakirə ediblər. Bu kontekstdə Kiyevdə keçirilən müxtəlif formatlarda siyasi məsləhətləşmələr və s. qeyd olunub. Avropa İttifaqı ilə qarşılıqlı fəaliyyət məsələlərinə dair fikir mübadiləsi aparılıb. Regional mövzulara toxunulub.
Mirzoyan Azərbaycanla münasibətlərin normallaşması prosesində baş verən son hadisələrə toxunub, regional təhlükəsizliyin təmin edilməsi üçün sülh sazişinin imzalanmasının vacibliyini vurğulayıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!