7-06-2024, 19:11
Kanada mətbuatı Vardanyanı ifşa etdi
Ruben Vardanyan Qarabağda erməni terrorçularının Azərbaycana qarşı müqavimətinin əsas maliyyə donoru olub.
Bu barədə İsrailin sabiq rabitə, peyk və kibertəhlükəsizlik naziri, İqtisadi Sülh Mərkəzinin prezidenti, tanınmış siyasətçi və politoloq Ayub Kara Kanadanın nüfuzlu “Thej.ca” nəşrində dərc olunmuş “Ukrayna Ruben Vardanyana qarşı niyə sanksiyalar tətbiq etdi?” sərlövhəli məqaləsində yazıb. Qeyd olunub ki, Qarabağdakı separatçı rejimdə “dövlət naziri” olmuş Vardanyan Azərbaycanın təhlükəsizlik qüvvələri tərəfindən həbs edilib. O, Azərbaycana qarşı terrorçuluğu maliyyələşdirməkdə, beynəlxalq sərhədləri qanunsuz keçməkdə, Ermənistanla Azərbaycan arasında sülh prosesini sabotaj etməkdə, Azərbaycana qarşı erməni terror təşkilatları ilə qarşılıqlı əlaqədə ittiham olunur.
Son aylar mediada Vardanyanın adının əsasən Qarabağ və həbs kontekstində hallandığına diqqət çəkən müəllif erməni separatçısının uzun müddət beynəlxalq münaqişələrdə separatçılara dəstək göstərdiyini də vurğulayıb. Belə ki Rusiya ilə Ukrayna arasında hərbi qarşıdurma başladıqdan sonra Ukrayna tərəfi Vardanyana qarşı sanksiyalar tətbiq edərək barəsində axtarış elan edib. Erməni milyarder İran silahlarının Rusiyaya satışında əsas vasitəçilərdən olub. Eyni zamanda, diqqətə çatdırılıb ki, Rusiya-Ukrayna münaqişəsi səbəbindən Qərbin sonuncuya qarşı təzyiqlərə başlamasından sonra Vardanyan Rusiyanı tərk edərək bu ölkənin vətəndaşlığından imtina edib.
Sabiq nazir yazısının sonunda bildirib: “Düşünürəm ki, Vardanyanın Qərbin sanksiyalarına məruz qalan şəxslər siyahısına salınmasın səbəbi ilə bağlı sualınıza artıq cavab tapdınız. Bu adamın həm Ermənistanda, həm də Tehranda Rusiyanı Ukrayna ilə münaqişədə dəstəkləyən Kreml tərəfdarları ilə əlaqələri var. O, həmçinin yüksəkrütbəli məmurların pullarının yuyulmasını təmin edib. Özünün bəxtsizliyindən, Ukraynanın bəxtindən isə Vardanyan hazırda Azərbaycanda həbsdədir”.
7-06-2024, 15:48
Əli Baqeri Türkiyəyə gedib
İranın xarici işlər naziri vəzifəsini icra edən Əli Baqeri Türkiyəyə yola düşüb.
u barədə İran Xarici İşlər Nazirliyinin "X" hesabında məlumat verilib.
Bildirilib ki, xarici işlər naziri vəzifəsini icra edən Əli Baqeri Kəni Qəzzadakı vəziyyətlə bağlı D-8-in fövqəladə iclasında iştirak və çıxış etmək üçün Türkiyənin İstanbul şəhərinə gedib.
7-06-2024, 15:07
Paşinyan velosipedə mədhiyyə dedi - VİDEO
Ermənistanın baş naziri Nikol Paşinyan bu gün yenidən özünün velosipedlə videosunu yayıb.
Paşinyan sosial şəbəkədəki videopaylaşımına bu sözləri yazıb:
“İlk velosiped yürüşümüz baş tutdu. Qoşulmaq istəyirsinizsə, adınızı, telefon nömrənizi nikolpashinyan@gmail.com ünvanına yazın. Bu mövzuda digər qaydaları əvvəlki postda qeyd etmişdim.
Velosiped həyatdır, velosiped optimizmdir, velosiped çətinlikləri və kədəri aradan qaldırmaq üçün gücdür. Yaşasın velosiped!”
Ermənistanın müxalifyönlü KİV-ləri baş naziri batmaqda olan gəmiyə bənzədiblər.
Ermənistanın baş naziri Nikol Paşinyan bu gün yenidən özünün velosipedlə videosunu yayıb.
Paşinyan sosial şəbəkədəki videopaylaşımına bu sözləri yazıb:
“İlk velosiped yürüşümüz baş tutdu. Qoşulmaq istəyirsinizsə, adınızı, telefon nömrənizi nikolpashinyan@gmail.com ünvanına yazın. Bu mövzuda digər qaydaları əvvəlki postda qeyd etmişdim.
Velosiped həyatdır, velosiped optimizmdir, velosiped çətinlikləri və kədəri aradan qaldırmaq üçün gücdür. Yaşasın velosiped!”
Ermənistanın müxalifyönlü KİV-ləri baş naziri batmaqda olan gəmiyə bənzədiblər.
7-06-2024, 14:25
Zaxarovadan Aİ-nin Ermənistandakı missiyası haqda sərt AÇIQLAMA
“Avropa İttifaqının (Aİ) Ermənistandakı missiyasından hərbi-siyasi sabitli pozmaqdan, regionu başqa bir geosiyasi rəqabət meydanına çevirməkdən başqa heç nə gözləməyə dəyməz”.
Bunu Rusiya Xarici İşlər Nazirliyinin rəsmi nümayəndəsi Mariya Zaxarova iyunun 7-də keçirdiyi həftəlik brifinqdə Moskvanın avropalı müşahidəçilərin casusluqda şübhəli olması barədə öz kanalları vasitəsilə Fransanı xəbərdar edib-etmədiyi sualına cavab verərkən bildirib.
"Biz bu barədə heç kimə məlumat vermədik, bu barədə dərhal açıq şəkildə danışdıq", - o deyib.
Onun sözlərinə görə, Moskva açıq şəkildə Avropa İttifaqının Ermənistandakı missiyasına mənfi münasibətini ifadə edib.
“Biz dəfələrlə Avropa İttifaqı qoyunlarının Ermənistan ərazisində hərbiləşdirilmiş mövcudluğunun qarşıdurma xarakterini şərh etmişik. Düzünü desəm, heç bir yerdə sübut axtarmağa ehtiyac yoxdur - onlar göz qabağındadır. Bu missiyanın anti-Rusiya, anti-Azərbaycan və anti-İran məqsədləri getdikcə daha aydın görünür. Və daha çox, NATO ölkələri ona qoşulmağa başlayanda hər şey aydın oldu, mənə, hamıya belə görünür”, - rusiyalı diplomat bildirib.
M.Zaxarova qeyd edib ki, region onsuz da qeyri-sabitdir, lakin insanlar arasında humanitar ünsiyyət və iqtisadi inkişaf naminə bütün imkanları açmaq üçün vəziyyəti sabitləşdirmək, uzunmüddətli böhranı həll etmək şansı var:
“Və ümumilikdə, regiona sabitlik gətirmək üçün hər cür şans var idi, bunun üçün iş də başladı və öz nəticəsini verməyə də başladı. Bu isə təbii ki, bu regionu dinc və təhlükəsiz görməyən Qərbdə narazılıq yaradıb”, - Zaxarova bildirib.
Rusiya Xarici İşlər Nazirliyinin nümayəndəsi əmindir ki, Cənubi Qafqazda bütün məsələlər regional ölkələrin kollektiv səyləri əsasında, müstəsna olaraq onların maraqlarına uyğun və kənar müdaxilə olmadan həll edilməlidir.
7-06-2024, 14:25
Zaxarovadan Aİ-nin Ermənistandakı missiyası haqda sərt AÇIQLAMA
“Avropa İttifaqının (Aİ) Ermənistandakı missiyasından hərbi-siyasi sabitli pozmaqdan, regionu başqa bir geosiyasi rəqabət meydanına çevirməkdən başqa heç nə gözləməyə dəyməz”.
Bunu Rusiya Xarici İşlər Nazirliyinin rəsmi nümayəndəsi Mariya Zaxarova iyunun 7-də keçirdiyi həftəlik brifinqdə Moskvanın avropalı müşahidəçilərin casusluqda şübhəli olması barədə öz kanalları vasitəsilə Fransanı xəbərdar edib-etmədiyi sualına cavab verərkən bildirib.
"Biz bu barədə heç kimə məlumat vermədik, bu barədə dərhal açıq şəkildə danışdıq", - o deyib.
Onun sözlərinə görə, Moskva açıq şəkildə Avropa İttifaqının Ermənistandakı missiyasına mənfi münasibətini ifadə edib.
“Biz dəfələrlə Avropa İttifaqı qoyunlarının Ermənistan ərazisində hərbiləşdirilmiş mövcudluğunun qarşıdurma xarakterini şərh etmişik. Düzünü desəm, heç bir yerdə sübut axtarmağa ehtiyac yoxdur - onlar göz qabağındadır. Bu missiyanın anti-Rusiya, anti-Azərbaycan və anti-İran məqsədləri getdikcə daha aydın görünür. Və daha çox, NATO ölkələri ona qoşulmağa başlayanda hər şey aydın oldu, mənə, hamıya belə görünür”, - rusiyalı diplomat bildirib.
M.Zaxarova qeyd edib ki, region onsuz da qeyri-sabitdir, lakin insanlar arasında humanitar ünsiyyət və iqtisadi inkişaf naminə bütün imkanları açmaq üçün vəziyyəti sabitləşdirmək, uzunmüddətli böhranı həll etmək şansı var:
“Və ümumilikdə, regiona sabitlik gətirmək üçün hər cür şans var idi, bunun üçün iş də başladı və öz nəticəsini verməyə də başladı. Bu isə təbii ki, bu regionu dinc və təhlükəsiz görməyən Qərbdə narazılıq yaradıb”, - Zaxarova bildirib.
Rusiya Xarici İşlər Nazirliyinin nümayəndəsi əmindir ki, Cənubi Qafqazda bütün məsələlər regional ölkələrin kollektiv səyləri əsasında, müstəsna olaraq onların maraqlarına uyğun və kənar müdaxilə olmadan həll edilməlidir.
6-06-2024, 15:35
Fransa Ukraynaya qoşun göndərməyəcək - Baş nazir
Fransanın baş naziri Qabriel Attal deyib ki, rəsmi Paris Ukraynaya hərbi əməliyyatlarda iştirak etmək üçün qoşun göndərmək niyyətində deyil.
Bunu baş nazir “France 2” telekanalına müsahibəsində deyib.
“Bu cür planlar yoxdur. Bilirsiniz, biz bu məsələni çox müzakirə etdik”, - o qeyd edib.
Bundan əvvəl Fransa prezidenti Emmanuel Makron Ukraynaya təlimatçı göndərməyə hazır olan Avropa ölkələrindən ibarət koalisiya yaratmağı təklif etmişdi.
“Le Monde” nəşri yazır ki, bu məsələ bir neçə həftə, hətta günlər ərzində həll oluna bilər.
Bir gün əvvəl ABŞ prezidentinin milli təhlükəsizlik üzrə köməkçisi Ceyk Sallivan Vaşinqtonun heç bir şəkildə Ukraynaya ordusunu göndərmək fikrində olmadığını bildirib. O xatırladıb ki, Birləşmiş Ştatlar artıq Almaniyadakı hərbi bazada ukraynalı əsgərlərə təlim keçir və burada “minlərlə ukraynalı əsgər” Qərb istehsalı olan avadanlıqlarla işləməyi öyrənir.
Almaniya da Ukraynaya hərbi personal göndərməyəcəyini bəyan edib. Eyni zamanda Almaniyanın müdafiə naziri Boris Pistorius Berlinin Kiyevə hərbi yardımı davam etdirəcəyini vurğulayıb.
NATO-nun baş katibi Yens Stoltenberq daha əvvəl demişdi ki, NATO da Ukraynada öz qüvvələrini yerləşdirməyi planlaşdırmır.
“Biz diqqətimizi Ukraynaya uzunmüddətli dəstək üçün daha güclü çərçivə qura biləcəyimizə və uzunmüddətli maliyyə öhdəliyi üzərində necə razılaşacağımıza yönəldirik”, - Stoltenberq qeyd edib.
Fransa prezidenti Emmanuel Makron fevralın sonunda Qərb qoşunlarının Ukraynaya göndərilməsi ilə bağlı müzakirələrə başlayıb. O, daha sonra bəyan etdi ki, Rusiya ordusu cəbhə xəttini yarıb Kiyev və ya Odessanı tutmağa cəhd edərsə, belə bir ssenaridən istifadə edilə bilər. Makron qeyd edib ki, Putin Ukraynada qələbə qazanarsa, o, kampaniyanı davam etdirə və digər Avropa ölkələrini işğal edə bilər.
6-06-2024, 14:56
İranda prezidentliyə namizədlərin siyahısının açıqlanacağı tarix dəyişdi
İranda prezidentliyə namizədlərin yekun siyasısı gələn həftə - iyunun 12-də açıqlanacaq.
Bu barədə İran Konstitusiyasını Müdafiə Şurasının sözçüsü Hadi Tahan Nazif bildirib.
İranın daxili işlər naziri Əhməd Vahidi prezident seçkilərində namizəd kimi iştirak üçün 80 nəfərin müraciət etdiyini deyib.
Vahidi seçkilərin təbliğat kampaniyasının iyunun 12-dən 27-si səhərə qədər aparılacağını bildirib.
5-06-2024, 20:27
Güllələnən Baş nazir ilk açıqlamanı verdi
Slovakiyanın Baş naziri Robert Fitso mayın 15-də Qandlova şəhərində hökumətin iclasının ardından törədilmiş sui-qəsd cəhdindən sonra ilk şərhini verib.
Onun videomüraciəti özünün feysbuk səhifəsində paylaşılıb.
Slovakiya hökumətinin başçısı bildirib ki, ona sui-qəsd cəhdi edən Yuray Tsintula qarşı nifrət hiss etmir. O, iyulun əvvəlinə qədər işinin başına qayıtmağı planlaşdırdığını da qeyd edib.
“Mən onu bağışlayıram və ona nifrət etmirəm... O, sadəcə şər və siyasi nifrətin elçisi olub”, - Baş nazir bildirib.
4-06-2024, 22:49
Mədən çökdü, 30 nəfər dağıntılar altında qaldı
Nigeriyanın mərkəzində yeraltı qızıl mədəni çöküb. Nəticədə azı 30 şaxtaçı dağıntılar altında sıxışaraq qalıb.
Bu barədə Nigeriyanın Dövlət Fövqəladə Hallar İdarəsi məlumat yayıb.
Məlumata görə, hadisə rayonun Qalkoqo kəndindəki yeraltı qızıl mədənində yağışın torpağı yumasından sonra baş verib. Altı mədənçi ağır yaralanıb, lakin təxliyə edilib. Qalan mədənçilərin xilasetmə işləri davam edir.
4-06-2024, 16:54
Erməni keşiş Azərbaycanla sərhədə gəlir
Sabah tərəfdaralarımızla Vardenis rayonuna gedəcəyik.
Bunu iyunun 4-də İrəvandakı Surb Anna kilsəsinin həyətində “Vətən naminə” hərəkatının lideri, arxiyepiskop Baqrat Qalstanyan deyib.
“Saat 18.00-da Zod kəndində mitinqimiz var”, - Qalstanyan bildirib.
Arxiyeskop yaxın vaxtlarda Zəngəzur bölgəsində də gedəcəklərini deyib, amma dəqiq tarix açıqlamayıb.
Qeyd edək ki, Baqrat Qalstanyanın mitinq keçirmək istədiyi Zod kəndi Azərbaycanın Kəlbəcər rayonu ilə sərhəddə yerləşir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!