30-05-2024, 15:58
Keşiş bütün erməniləri axşam mitinqinə çağırdı
İş günü başa çatandan sonra da Ermənistan hökumətinin binası yanında qalmağa davam edəcəyəm və hamını mənə qoşulmağa çağırıram.
Bunu “Vətən naminə” hərəkatın lideri, keşiş Baqrat Qalstanyan deyib.
“İşini saat 18:00-da bitirənlər gəlsinlər, bizə qoşulsunlar ki, biz daha çox olaq”, - deyə Qalstanyan əhalini mitinqə çağırıb.
Arxiyepiskopun sözlərinə görə, onlar Ermənistan baş nazirinin Hökumət binasından çıxmasına mane olurlar. Etirazçılar onunla görüşməyi tələb edirlər.
30-05-2024, 14:55
Paşinyanla Mirzoyan xarici vəsait hesabına körpü tikdirmək istəyirlər
Ermənistan baş naziri Nikol Paşinyan Lori və Tavuş bölgələrində daşqınlar nəticəsində dağılmış körpülərin bərpasında və yeni körpülərin tikintisində beynəlxalq tərəfdaşların dəstəyinə ümid edir.
Paşinyan hökumətin iclasında bu barədə danışıb:
“Beynəlxalq tərəfdaşlardan dəstək verməyə hazır olduqları barədə mesajlar almağımız çox vacibdir. Düşünürəm ki, xüsusilə körpü tikintisi sahəsində biz tərəfdaşlarımızdan konkret dəstək tələb etməliyik”.
Ermənistanın xarici işlər naziri Ararat Mirzoyan bildirib ki, belə şəraitdə cəlb oluna biləcək bir sıra beynəlxalq mexanizmlər var və bu və ya digər məsələdə dəstək verməyə hazır olduqlarını bildirən beynəlxalq tərəfdaşlar var.
“Modullu körpülər məsələsində bizə kömək edə biləcək tərəfdaşlar var. Biz indi elə bir mərhələdəyik ki, beynəlxalq tərəfdaşlardan tam olaraq nə gözlədiyimizi mümkün qədər tez başa düşməliyik. Bu məsələdə ümidimizi Ərazi İdarəetmə və İnfrastruktur Nazirliyinə bağlayırıq. Bizdə körpülərin sayı və onların növləri haqqında tam və aydın fikir olan an müraciət edə bilərik”, - deyə Mirzoyan vurğulayıb.
30-05-2024, 14:36
Türkiyə Prezidenti “EFES-2024” təlimlərini izləyib
Türkiyə Prezidenti Rəcəb Tayyib Ərdoğan İzmir vilayətinin Doğanbey rayonunda keçirilən “EFES-2024” beynəlxalq hərbi təlimlərinin “Müşahidəçi günü” çərçivəsində gündüz fazasını izləyib. Qardaş ölkənin dövlət başçısı, həmçinin hərbçilərin qarşısında çıxış edib.
Fəxri qonaqları kürsüsündə Rəcəb Tayyib Ərdoğanla yanaşı təlimlərin gedişini Türkiyənin milli müdafiə naziri Yaşar Güler, Azərbaycanın müdafiə naziri Zakir Həsənov, Azərbaycanın Dövlət Sərhəd Xidmətinin rəisi Elçin Quliyev də izləyiblər.
“EFES-2024” təlimləri çərçivəsində Azərbaycanın hərbi qulluqçularının da iştirak etdiyi birgə əməliyyatların müxtəlif ssenariləri yerinə yetirilib. Şərti rəqibin nəzarət etdiyi rayonun sahilinə dəniz desant qrupunun endirilməsi də həyata keçirilib.
F-16 təyyarələri və ATAK-2 hərbi helikopterləri şərti rəqibin müəyyən olunmuş hədəflərinə zərbələr endirib. Eyni zamanda, helikopterlərin köməyi ilə personalın təxliyəsi də həyata keçirilib. Artilleriya və minaatan bölmələr isə şərti rəqibin istehkamlarını məhv ediblər.
30-05-2024, 13:52
Həbsxanada görüşərik - Baqrat Qalstanyan Paşinyanı hədələdi
Bilirəm ki, Paşinyanla (Ermənistanın baş naziri – red.) görüş proseduru var və mən ona həbsxanada baş çəkəcəyəm.
Bunu Ermənistanda keçirilən aksiyaların rəhbəri, “Vətən naminə” hərəkatının lideri, keşiş Baqrat Qalstanyan mayın 30-da İrəvandakı Respublika meydanında itaətsizlik etirazı zamanı jurnalistlərlə söhbətində deyib.
Onun sözlərinə görə, Paşinyanla hər gün görüş gözlənilir.
“Nə bu adamın, nə də Vahe Qazaryanın (Ermənistanın daxili işlər naziri - red.) cəsarətləri yoxdur”, - Qalstanyan qeyd edib.
Qalstanyan sözlərinə görə, hazırda hökumətdə qanunsuz iclas çağırılıb.
“Bu adam hər cəhətdən tükənib: həm mənəvi, həm də hüquqi cəhətdən. Siz velosiped sürürdünüz, amma indi velosiped haradadır?”, - deyə hərəkatın lideri əlavə edib.
Qeyd edək ki, mayın 29-da Nikol Paşinyan jurnalistlərlə söhbətində bildirib ki, əgər kimsə onunla görüşmək istəyirsə, qəbula yazıla bilər.
30-05-2024, 11:51
Rusiya ilə razılığa gəlmişik - Paşinyan
Ermənistanın şimalında daşqınlar nəticəsində zədələnmiş dəmir yolunun bərpası ilə bağlı Rusiya ilə razılıq əldə olunub.
Bunu Ermənistanın baş naziri Nikol Paşinyan Nazirlər Kabinetinin iclasında açıqlayıb.
Dünən Moskvada Ermənistan baş nazirin müavini Mher Qriqoryan və “Rusiya Dəmir Yolları” şirkətinin rəhbərləri daşqından zərər çəkmiş ərazilərdə dəmir yolunun iş rejimi barədə razılığa gəliblər.
Bundan əvvəl Ermənistan və Gürcüstanı birləşdirən dəmir yolunun 2.5 km-nin zədələndiyi, lakin artıq yüklərin daşınması üçün müvəqqəti həll yolu olduğu bildirilmişdi.
29-05-2024, 18:45
Türkiyə yerli tankların kütləvili istehsalına başlayır
Son illər müdafiə sənayesi sahəsi üzrə mühüm layihələrə imza atan Türkiyə yeni nəsil texnologiyalarla təchiz edilmiş yerli istehsal “Altay” tankının kütləvi istehsalına başlayır.
Bu barədə Türkiyə Müdafiə Sənayesi İdarəsinin sədri Haluk Görgün açıqlayıb.
Bildirilib ki, Türkiyə Silahlı Qüvvələrinin həyata keçirdiyi əməliyyatlar çərçivəsində əldə edilən təcrübələr əsasında yeni xüsusiyyətlər əlavə edilən “Altay” müasir döyüş mühitinin şərtlərinə uyğun olaraq təkmilləşdirilib. Ən son rəqəmsal texnologiyaların əlavə edilməsi ilə istifadə qabiliyyəti artırılan tank hədəfin müəyyən edilməsi və atəş açmaq üçün daha həssas-çevik vəziyyətə gətirilib.
29-05-2024, 17:58
Rəisinin helikopterinin vurulması haqda heç bir səbəb aşkarlanmayıb
İranlı ekskpertlər indiyə kimi İran prezidenti İbrahim Rəisi və onu müşayiət edən heyəti Xudafərindən Təbrizə aparan helikopterin hər hansı xarici tərəf tərəfindən vurulması ilə əlaqədar heç bir səbəb aşkarlamayıblar.
Bunu İran prezidentinin qayınatası və İranın Ali Liderinin Rəzəvi Xorasan vilayəti üzrə nümayəndəsi Əhməd Ələmolhoda deyib.
Onun sözlərinə görə, ekspertlər İran prezidentinin qəzaya uğramasının müxtəlif səbəblərini araşdırıblar. Helikopterin qəzaya uğramasında müxtəlif ehtimallar irəli sürülürdü. Bu ehtimallara hadisənin qəza olması, yaxud xarici amil faktorunun olub-olmaması daxil idi.
Qeyd edək ki, 19 mayda İran prezidenti İbrahim Rəisi, xarici işlər naziri Hüseyn Əmir Abdullahian, İranın Ali Liderinin Təbriz üzrə nümayəndəsi Məhəmməd Əli Ali Haşim, Şərqi Azərbaycan vilayətinin valisi Malik Rəhmətini Xudafərindən Təbrizə aparan helikopter vilayətin Vərzəqan rayonunda qəzaya uğrayıb.
Qəza nəticəsində 9 nəfər həlak olub.
29-05-2024, 17:50
Qəzzada döyüş bu il bitməyəcək - İsrail MTX rəhbəri
Qəzzada döyüş bu il bitməyəcək.
Bu barədə İsrail Milli Təhlükəsizlik Xidmətinin rəhbəri, baş nazir Benyamin Netanyahunun milli təhlükəsizlik üzrə müşaviri Tzaçi Haneqbi bildirib.
O qeyd edib ki, hazırda İsrail Müdafiə Qüvvələri Qəzza zolağı ilə Misir arasındakı bufer zonası olan Fildelf marşrutunun 75%-nə nəzarət edir.
"Qəzzada döyüşlər ən azı daha 7 ay davam edəcək", - yəhudi rəsmi əlavə edib.
29-05-2024, 17:42
Ərdoğan İtaliya baş naziri ilə danışıqlar apardı
Türkiyə prezidenti Rəcəb Tayyib Ərdoğan İtaliya baş naziri Corciya Meloni ilə telefon danışığı aparıb.
Bu barədə TRT məlumat yayıb.
Türkiyə-İtaliya münasibətləri müzakirə olunub. İsrail-Fələstin münaqişəsi də nəzərdən keçirilib.
Ərdoğan telefon danışığı zamanı İtaliyanı Fələstini tanımağa çağırıb.
29-05-2024, 17:28
İranda 3 nəfər prezidentliyə namizədliyini irəli sürdü
Sabiq deputat, İran Demokrat Partiyasının qurucusu Mustafa Kəvakbian, 12-ci çağırış Məclisin (parlament) üzvləri Məhəmməd Səbaqian və Abbas Moğtadai yaxın bir ayda keçiriləcək prezident seçkilərində iştirak etmək üçün namizədliyini irəli sürüb.
Bu barədə SNN telekanalı məlumat yayıb.
Məlumata görə, namizədlər qeydiyyat prosedurunu başa vurduqdan sonra çıxış edərək seçki proqramının bəzi bəndlərini açıqlayıblar. Kəvakbian seçiləcəyi təqdirdə ölkənin büdcəsinin neft gəlirlərindən asılılığını azaltmaq niyyətində olduğunu, Səbaqiyan isə özünün əsas prioritetinin İslam Respublikasının siyasi və inzibati strukturunda islahatların aparılması olduğunu bəyan edib.
Kəvakbian ötən prezident seçkilərində bir neçə dəfə namizəd kimi qeydə alınıb. Dörd işdən üçündə onun namizədliyi Mühafizə Şurası tərəfindən rədd edilib. Digər iki namizəd isə əvvəllər prezidentliyə namizəd olmayıb.
İran parlamentində Səbaqian Yəzd əyalətini, Moğtadai isə İsfahan vilayətini təmsil edir.
Bu gün - cümə axşamı yerli vaxtla saat 08:00-da 14-cü prezident seçkilərində namizədlərin qeydiyyatı başlayıb. Proses iyunun 3-dək davam edəcək. İyunun 4-dən etibarən Konstitusiyanın Keşikçiləri Şurası namizədlərin ölkə prezidenti postunun tələblərinə uyğun olub-olmadığını müəyyən etmək üçün bir həftə ərzində araşdırma aparacaq. Namizədlərin yekun siyahısı iyunun 11-də açıqlanacaq.
İranda növbədənkənar prezident seçkiləri iyunun 28-nə planlaşdırılıb. Namizədlərdən heç biri lazımi miqdarda səs yığa bilməsə, iyulun 5-də ən çox səs toplayan iki namizədin iştirakı ilə seçkilərin ikinci turu keçiriləcək.
İran qanunvericiliyinə əsasən, prezident birbaşa ümumi səsvermə yolu ilə dörd il müddətinə seçilir. Eyni şəxs ardıcıl iki müddətdən çox dövlət başçısı seçilə bilməz. Prezident postuna namizəd olmaq istəyən şəxs 40-75 yaşlarında, dövlət qurumlarında rəhbər vəzifələrdə iş təcrübəsinə malik İran vətəndaşı olmalıdır.
Mayın 19-da İranın şimalındakı Şərqi Azərbaycan əyalətində göyərtəsində ölkə prezidenti İbrahim Rəisinin və xarici işlər naziri Hüseyn Əmir Abdullahianın olduğu helikopter qəzaya uğrayıb. Helikopterdə olan 9 nəfərin hamısı həlak olub.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!