5-01-2025, 12:07
Tramp rekord qırdı
2024-cü ilin noyabrında keçirilən seçkidə qalib gələndən bəri ABŞ-nin yeni seçilmiş Prezidenti Donald Tramp donorlardan 200 milyon dollardan çox vəsait toplayıb.
Bu barədə “The New York Times” məlumat yayıb.
Bildirilib ki, bu məbləğ yeni seçilən prezidentlər üçün rekorddur.
Nəşrin məlumatına görə, toplanan vəsait Trampın andiçmə mərasiminin təşkili, siyasi tədbirlərin maliyyələşdirilməsi və potensial olaraq prezident kitabxanasının yaradılması üçün istifadə olunacaq.
Qeyd edək ki, hazırda Trampı dəstəkləyən donorlar arasında “Pfizer”, “Amazon” və “OpenAI” kimi böyük korporasiyalar, həmçinin kriptovalyutalarla əlaqəli şirkətlər var.
5-01-2025, 11:48
ABŞ Rusiya ilə birbaşa münaqişə vəziyyətində deyil - Blinken
ABŞ dövlət katibi Entoni Blinken Vaşinqtonun Moskva ilə birbaşa münaqişə vəziyyətində olmadığını bildirib.
Blinken bunu “The New York Times“ qəzetinə müsahibəsində deyib.
“Birbaşa münaqişə baxımından, mən buna yaxın olduğumuzu düşünmürəm, amma bununla bağlı çox diqqətli olmalıyıq”, - Blinken vurğulayıb.
Onun sözlərinə görə, amerikalılar da ABŞ-nin silahlı münaqişələrdə iştirakını istəmirlər, çünki insanlar bundan beziblər.
5-01-2025, 11:16
Gürcüstanda yeni nazirlik yaradıldı
Gürcüstanda nazirliklərin sayı 12-dən 13-ə yüksəlib.
Bu barədə “Novosti-Georgia” məlumat yayıb.
Bildirilib ki, əvvəllər Mədəniyyət Nazirliyinin tərkibində olan İdman Nazirliyi müstəqil olub.
Məlumata görə, bu nazirliyə Şalva Qoqoladze rəhbərlik edəcək.
5-01-2025, 09:49
Tramp İtaliyanın Baş naziri ilə görüşdü
İtaliyanın Baş naziri Corca Meloni danışıqlar üçün ABŞ-nin seçilmiş prezidenti Donald Trampın Mar-a-Laqodakı (Florida ştatı) iqamətgahına gəlib.
Bu barədə “The New York Times” (NYT) qəzeti mənbələrə istinadən məlumat yayıb.
“Görüş Meloninin tərəfdarlarının mühafizəkar İtaliya Baş nazirinin Avropada Trampın əsas müttəfiqinə çevriləcəyinə olan ümidlərini gücləndirir”, – məqalədə yazılıb.
NYT qeyd edib ki, görüşün gündəliyi aydın olmasa da, müşahidəçilər Meloninin Trampla respublikaçının Avropa ölkələri ilə fikir ayrılıqlarının yumşaldılmasını müzakirə edəcəyini gözləyirlər.
Qəzetə görə, İtaliyanın hökumət başçısının Amerikanın yeni lideri ilə görüşü hazırkı ABŞ administrasiyasının başçısı Cozef Baydenin 9-12 yanvar tarixlərinə planlaşdırılan səfərindən bir neçə gün əvvəl baş tutub. NYT-nin yazdığına görə, Baydenin İtaliyada Meloni, həmçinin Roma Papası Fransisklə görüşləri nəzərdən keçirilir.
5-01-2025, 09:30
Çində yeni virus - Xəstəxanalar dolub
Çində xəstəxanaların dolmasına səbəb olan yeni insan metapnevmovirusunun (hMPV) alovlanması baş verib.
Xəstəlik artıq yerli səhiyyə sisteminə əhəmiyyətli yük yaradıb. Patogen, ağciyərləri zədələyərək COVID-19 və qripə bənzər simptomlar yaradır.
“Hazırda Çin yüksək hazırlıq vəziyyətindədir, çünki ölkə boyunca qripə bənzər simptomlarla COVID-19-u xatırladan yeni virus haqqında məlumatlar daxil olur”, – məqalədə qeyd olunub.
“Daily Mail” qeyd edib ki, xəstəxanalara üşütmə, öskürək, boğazağrısı, həmçinin zəiflik və başgicəllənmə ilə xəstələr gətirilir. Eyni zamanda, Çində qrip A, mikoplazma pnevmoniyası və koronavirus kimi digər respirator viruslar da yayılır.
Bununla əlaqədar tibb mütəxəssisləri iqtidar və sakinləri yoluxma riskini azaltmaq üçün maska istifadəsi və müntəzəm əl dezinfeksiyası da daxil olmaqla şəxsi təhlükəsizlik tədbirlərinə riayət etməyə çağırırlar.
4-01-2025, 17:10
Marketdə yanğın 8 nəfərin həyatına son qoydu
Çinin Hıbey əyalətində marketdə baş verən yanğın nəticəsində 8 nəfər ölüb, 15 nəfər xəsarət alıb.
Yanğın Canciakou şəhərində səhər saatlarında baş verib. Hadisə yerinə gələn yanğınsöndürənlər təxminən saat yarımdan sonra yanğını nəzarət altına alıblar. Axtarış-xilasetmə işləri başa çatıb. Yaralılar xəstəxanalara yerləşdirilib.
Yanğının hansı səbəbdən baş verdiyi məlum deyil.
3-01-2025, 19:10
Fransada qarşıdurma: 5 nəfər girov götürüldü
Arles penitensiar mərkəzində bir məhbus həbsxananın 4 tibb işçisini və 1 gözətçini girov götürüb.
Fransada səhər saatlarında baş verən hadisədən sonra böhran iclası çağrılıb. Bildirilir ki, girov götürən məhbusun 37 yaşı var və cinsi təcavüzə görə həbs edilib. Onun 2031-ci ildə azadlığa buraxıla biləcəyi və psixi problemləri olduğu qeyd edilir.
Ədliyyə naziri J.Darmanın X hesabında bütün vasitələrin səfərbər edildiyini bildirib.
3-01-2025, 18:30
Türkiyədə ötən il rekord qırılıb - Ərdoğan AÇIQLADI
Ötən il Türkiyədə ixracatdan əldə edilən gəlirlər 2023-cü ilə nisbətən 2,5 faiz artaraq 262 milyard ABŞ dollarına çatıb. İl ərzində ixracat göstəricilərində respublika tarixinin rekordu qırılıb.
Bu barədə Türkiyə Prezidenti Rəcəb Tayyib Ərdoğan bildirib.
Prezident Ərdoğan 2024-cü ilin üçüncü rübündə 2,1 faiz artım göstərən ölkə iqtisadiyyatının tam 17 rübdür ki, fasiləsiz böyüdüyünü, 2025-ci il üçün xalis ixracat və sabit sərmayə yatırımlarının da dəstəyi ilə bu böyümənin 4 faizədək artmasının hədəfləndiyini deyib.
Türkiyə Statistika Komitəsi tərəfindən 2024-cü il üçün açıqlanan inflyasiya göstəricilərinin tətbiq olunan siyasətin düzgünlüyünü təsdiqlədiyini bildirən Ərdoğan, ötən ilin yanvar-oktyabr ayları ərzində ölkədə işsizlik səviyyəsinin son 23 ilin ən aşağı səviyyəsinə enərək, orta hesabla 8,8 faizə çatdığını vurğulayıb.
3-01-2025, 17:51
Alman nazir Suriyanın yeni lideri ilə görüşdü
Almaniyanın xarici işlər nazirləri Annalena Berbok Suriyanın yeni hakimiyyətinin lideri Əhməd əl-Şara ilə görüşüb. Görüş Dəməşqdə baş tutub.
3-01-2025, 17:36
Məşhur filmin çəkildiyi malikanə 5,25 milyona satıldı
Dünyaca məşhur "Evdə tək" filminin çəkildiyi malikanə 5,25 milyon dollara satılıb.
Satış Milad bayramından öncə baş tutub.
1990-cı ildə "Evdə tək" filmi və 1992-ci ildə çəkilən "Evdə tək 2" filmlərində nümayiş olunan Çikaqonun şəhərətrafı malikanəsi may ayında sarışa çıxarılıb. 2012-ci ildə bir alıcı ev üçün 1,58 milyon dollar ödəyib.
İki mərtəbəli kərpic ev 2018-ci ildə müasir üslub nəzərə alınmaqla təmir edilib.
850 m²-lik malikanədə dörd kamin, beş yataq otağı, altı vanna otağı, iki camaşırxana, qaraj, istirahət zonası, idman zalı, kinoteatr otağı və qapalı idman meydançası var.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!