22-09-2024, 20:40
İranda güclü zəlzələ - Yaralılar var
İranın Şimali Xorasan bölgəsində zəlzələ nəticəsində 28 nəfər yaralanıb.
Bu barədə Şimali Xorasanın Fövqəladə Vəziyyət Xidmətinin rəhbəri bildirib.
Onun sözlərinə görə, zərərçəkmişlərdən 12-si xəstəxanaya yerləşdirilib.
22-09-2024, 20:12
Şri-Lankanın yeni prezidenti
Şri-Lankada sentyabrın 21-də keçirilmiş prezident seçkisinin ilkin nəticələrinə görə sosial-demokrat alyansının namizədi Anura Kumara Dissanayake qalib gəlib.
Şri-Lankanın Mərkəzi Seçki Komissiyası səslərin sayılmasından sonra heç bir namizədin tələb olunan 50 faizdən çox həddi keçə bilmədiyini açıqlayıb. Qanunvericiliyə uyğun olaraq ən çox səs toplamış 2 namizəd - Anura Kumara Dissanayake (42,31 faiz) və müxalif Birləşmiş Xalq Gücü blokunun lideri Sacith Premadasa (32,76 faiz) üçün səslərin 2-ci mərhələdə sayılması həyata keçirilib. Belə ki, qaydalara əsasən, seçicilər seçki bülletenində 3 namizədi qeyd edə bilərlər. Əgər tələb olunan səsi yığan olmasa, onda 2-ci mərhələ olaraq seçicilərin səsvermə bülletenində 2-ci və 3-cü seçimləri ən çox toplamış 2 namizədin xeyrinə sayılır. İkinci mərhələdə Anura Kumara Dissanayake qalib olub. O, növbəti 5 il müddətinə ölkəyə rəhbərlik edəcək.
Yeni seçilən prezidentin qarşısında, ilk növbədə, ölkəni ağır iqtisadi vəziyyətdən çıxarmaq vəzifəsi duracaq. Onun andiçmə mərasiminin sentyabrın 23-də təşkil olunacağı bildirilir.
Qeyd edək ki, prezidentlik vəzifəsi uğrunda 38 nəfər mübarizə aparıb. Onlar arasında ən çox şanslı olanlar hazırkı Prezident Ranil Vikramasinqhe, müxalif Birləşmiş Xalq Gücü blokunun lideri Sacith Premadasa, Milli Xalq Hakimiyyəti alyansının lideri, parlamentin deputatı Anura Kumara Dissanayake hesab olunurdu.
22-09-2024, 19:38
Netanyahu nazirlərə qadağa qoydu
İsrailin baş naziri Benyamin Netanyahu nazirlərə müsahibə verməyi qadağan edib.
Bu barədə "Kan" radiosu məlumat yayıb.
Qadağa İsrailin Livanın Hizbullah hərəkatı ilə münasibətlərinin gərginləşməsi ilə bağlıdır.
Müsahibə qadağası sentyabrın 22-dən qüvvəyə minib.
22-09-2024, 18:49
Rusiya səfirinin korteji minaya düşdü - Ölənlər var
Rusiyanın Pakistandakı səfiri Albert Xorevin müşayiət edən avtomobil Hayber-Paxtunxva əyalətində minaya düşüb.
Bu barədə Rusiya diplomatik missiyası sosial şəbəkədə məlumat verib.
Bildirilib ki, bu gün Albert Xorev bir neçə digər diplomatla birlikdə İslamabad Ticarət və Sənaye Palatası tərəfindən təşkil edilmiş turizm sammitində iştirak edib.
“Müşayiət avtomobili Hayber-Paxtunxva əyalətinin Minqora şəhərindən hotelə gedərkən minaya düşüb, nəticədə bir neçə polis əməkdaşı yaralanıb”, – məlumatda deyilir.
Qeyd olunub ki, diplomatlar hadisə sonucunda xəsarət almayıblar.
Pakistan Xarici İşlər Nazirliyi öz növbəsində açıqlayıb ki, öndə gedən kəşfiyyat dəstəsinin polis maşını əldəqayırma partlayıcı qurğuya düşüb, nəticədə polis əməkdaşları həlak olublar.
“Diplomatik korpusun bütün üzvləri İslamabada sağ-salamat qayıdıblar”, – nazirlik diqqətə çatdırıb.
22-09-2024, 18:31
İranda 3 günlük matəm elan olundu
İranın Cənubi Xorasan ostanında 3 günlük matəm elan edilib.
İran prokurorluğu Təbas kömür mədəni ilə bağlı araşdırmalara da başlayıb.
Son rəsmi məlumata əsasən, Təbas kömür mədənində dünən saat 21.00 radələrində baş vermiş partlayışda 51 nəfər ölüb, 17 yaralı var.
22-09-2024, 18:00
Qruplar arasında toqquşma: 100-dən çox ölən və itkin düşən var
Sentyabr ayının əvvəlindən Meksikada cinayətkar qruplar arasındakı toqquşmalarda 100-dən çox ölən və itkin düşən olub.
Sinaloa ştatında 53 nəfər öldürülüb, 51 nəfər itkin düşüb.
Sinaloada iki güclü narkotik qruplaşma arasında münaqişə iyulda bu qruplardan birinin lideri İsmael "El Mayo" Zambadanın ABŞ-də həbs edilməsi ilə başlayıb. 74 yaşlı Zambada bildirib ki, “Los Çapitos” qruplaşması onu oğurlayaraq sonradan təyyarə ilə ABŞ-yə göndərib. Bu da sentyabrın 9-dan iki qruplaşma arasında qanlı toqquşmaların başlamasına səbəb olub. Nəticədə ştatda bir çox məktəblər bağlanıb, restoran və mağazalar gün ərzində qısa rejimdə çalışır.
Zorakılığı aradan qaldırmağa çalışan Meksika hüquq-mühafizə orqanları “Los Çapitos” qruplaşmasının liderinin mühafizə xidmətinin rəisini olduğu ehtimal olunan şəxsi və hazırda həbsdə olan “Sinaloa”nın keçmiş rəhbərinin oğlunu həbs ediblər.
Meksika Prezidenti Andres Manuel Lopes Obrador bəyan edib ki, ABŞ Sinaloa ştatında zorakılıq dalğasına görə qismən məsuliyyət daşıyır.
22-09-2024, 16:01
Makronun prezidentlik reytinqində rekord geriləmə
Fransa sakinlərinin dörddə üçü ölkə prezidenti Emmanuel Makrondan narazılığını bildirib.
Bu barədə “Ifop”un “Journal du Dimanche” qəzeti üçün keçirdiyi sorğunun nəticələrində göstərilib.
Nəşr qeyd edib ki, 2018-ci ilin dekabrında “Sarı jiletlilər” böhranının pik nöqtəsində Zəfər tağı talan edildikdən sonra heç vaxt prezidentin populyarlıq reytinqi 25%-ə enməyib və ya ondan imtina reytinqi 75%-ə yüksəlməyib.
“Journal du Dimanche”nin yazdığına görə, Makron əsasən “onu korlayan qeyri-mütənasib eqosunda”, eləcə də parlamentin “dağıdılması fiaskosunda” günahlandırılır.
Sorğusu həmçinin göstərib ki, fransızların 55%-i baş nazir Mişel Barnyedən narazıdır, baxmayaraq ki, onun hökuməti materialda qeyd olunduğu kimi, hələlik heç bir tədbir görməyib.
Sentyabrın 11-dən 20-dək aparılan sorğuda 2098 nəfər iştirak edib.
22-09-2024, 16:01
Makronun prezidentlik reytinqində rekord geriləmə
Fransa sakinlərinin dörddə üçü ölkə prezidenti Emmanuel Makrondan narazılığını bildirib.
Bu barədə “Ifop”un “Journal du Dimanche” qəzeti üçün keçirdiyi sorğunun nəticələrində göstərilib.
Nəşr qeyd edib ki, 2018-ci ilin dekabrında “Sarı jiletlilər” böhranının pik nöqtəsində Zəfər tağı talan edildikdən sonra heç vaxt prezidentin populyarlıq reytinqi 25%-ə enməyib və ya ondan imtina reytinqi 75%-ə yüksəlməyib.
“Journal du Dimanche”nin yazdığına görə, Makron əsasən “onu korlayan qeyri-mütənasib eqosunda”, eləcə də parlamentin “dağıdılması fiaskosunda” günahlandırılır.
Sorğusu həmçinin göstərib ki, fransızların 55%-i baş nazir Mişel Barnyedən narazıdır, baxmayaraq ki, onun hökuməti materialda qeyd olunduğu kimi, hələlik heç bir tədbir görməyib.
Sentyabrın 11-dən 20-dək aparılan sorğuda 2098 nəfər iştirak edib.
22-09-2024, 13:39
İranda partlayış: 51 ölü, çox sayda yaralı var
İranın şərqindəki Cənubi Xorasan ostanının Təbəs şəhərində kömür mədənində baş vermiş partlayış nəticəsində ölənlərin sayı 50 nəfəri ötüb.
Bu barədə İranın Mehr agentliyi məlumat yayıb.
“Təbəsdəki şaxtada baş vermiş insident nəticəsində ölənlərin sayı 51 nəfərə çatıb, daha 20 nəfər yaralanıb”, - agentlik bildirib.
Qeyd olunub ki, hadisə yerində xilasetmə işləri davam edir.
22-09-2024, 09:50
Yaponiyada 130 mindən çox insan təxliyə edildi
Yaponiyanın Honsü adasının qərbindəki İşikava prefekturasının yeddi şəhər və qəsəbəsində 131,4 min nəfərin təxliyəsi elan edilib.
Ərazidə davam edən yağışlar artıq bir nəfərin ölümünə, 6 nəfərin itkin düşməsinə səbəb olub.
Ərazidən çayların daşması və sürüşmə ilə bağlı xəbərlər gəlir. Prefekturada azı 6 min ev işıqsız qalıb. Mobil rabitədə fasilələr var.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!