Dünya » Səhifə 337

22-07-2023, 12:08

Türkiyə 10 ildən sonra Misirə səfir təyin etdi

Türkiyə 10 ildən sonra Misirə səfir təyin edib.
Bu barədə “Resmi Gazete”də məlumat yayımlanıb.
Səfir postu Salih Mutlu Şenə həvalə olunub.
Xatırladaq ki, Türkiyə ilə Misir arasında münasibətlər 2013-cü ildə hərbçilər tərəfindən islamçı Məhəmməd Mursinin devrilməsindən sonra pisləşib, tərəflər öz səfirlərini geri çağırıblar. 2021-ci ilin mart ayında Türkiyənin ovaxtki xarici işlər naziri Mövlud Çavuşoğlu Ankara ilə Qahirə arasında əlaqələrin diplomatik səviyyədə bərpa olunduğunu bəyan edib.

Türkiyə 10 ildən sonra Misirə səfir təyin etdi

22-07-2023, 11:56

İsveçin İrana yeni təyin olunan səfirini qəbul etməyəcəyik - Abdullahian

“İsveçdə Qurani-Kərim kitabı dəfələrlə təhqir edildiyi üçün biz bu ölkənin İrana yeni təyin olunan səfirini qəbul etməyəcəyik”.
Bunu İranın xarici işlər naziri Hüseyn Əmir Abdullahian bildirib.
O, İsveçə yeni səfir göndərməyəcəklərini də deyib.
Qeyd edək ki, bu yaxınlarda İsveçin Stokholm şəhərində Qurani-Kərim kitabı yandırılıb. Buna Türkiyə, Azərbaycan, İraq və başqa islam ölkələri etirazını bildirib.

İsveçin İrana yeni təyin olunan səfirini qəbul etməyəcəyik - Abdullahian

21-07-2023, 19:47

Polşa Ukrayna ərazisini işğal etməyi planlaşdırır - Putin

Polşa Ukrayna ərazisini işğal etməyi planlaşdırır. Bunu Rusiya prezidenti Vladimir Putin Təhlükəsizlik Şurasının üzvləri ilə görüşündə bildirib.
“Polşa liderlərinə gəlincə, yəqin ki, onlar NATO çətiri altında hansısa koalisiya yaratmağı və Ukraynadakı münaqişəyə birbaşa müdaxilə etməyi, daha sonra özlərinə daha yağlı bir parça qoparmağı, Qərbi Ukraynanı geri qaytarmağı gözləyirlər”, - Putin deyib.
“İndiki Polşanın qərb əraziləri Stalinin polyaklara hədiyyəsidir, Varşavadakı dostlarımız bunu unudublarmı? Biz sizə xatırladacağıq”, - Rusiya prezidenti əlavə edib.
Putin qeyd edib ki, ABŞ Avropanın mövqelərini zəiflətmək və Ukrayna münaqişəsini uzatmaq vasitəsilə faydalar əldə etmək məntiqi ilə hərəkət edir.
"Söhbət Avropanın zəifləməsindən faydalanan okeanın o biri tərəfindəki qlobal hegemonun maraqlarının qorunmasından gedir. Ukrayna münaqişəsinin sonsuza qədər uzanması onun üçün faydalıdır”, - o vurğulayıb.

Polşa Ukrayna ərazisini işğal etməyi planlaşdırır - Putin

21-07-2023, 14:53

Rusiya taxıl dəhlizinin aktiv fəaliyyət göstərməsinin tərəfdarıdır - Ərdoğan

Nəticələri baxımından həyati əhəmiyyət daşıyan taxıl sazişinin davam etdirilməsi bəşəriyyətin xeyrinədir.
Bunu Türkiyə Prezidenti Rəcəb Tayyib Ərdoğan jurnalistlərə açıqlamasında deyib.
Onun sözlərinə görə, Rusiyanın müəyyən gözləntiləri var, əgər bunlar həyata keçirilərsə, Rusiya taxıl dəhlizinin aktiv fəaliyyət göstərməsinin tərəfdarıdır.
"İnanıram ki, proses uzanmadan Qara Dəniz Taxıl Təşəbbüsünün davamını təmin edəcəyik", - Ərdoğan bildirib.

Rusiya taxıl dəhlizinin aktiv fəaliyyət göstərməsinin tərəfdarıdır - Ərdoğan

21-07-2023, 14:09

İsveçin verdiyi vədlərə əməl edəcəyinə ümid edirik - Ərdoğan

İsveçin NATO-ya üzvlüyü ilə bağlı təklif təqdim edildikdən sonra proses parlamentin iş qrafikinə uyğun formalaşacaq.
Bunu Şimali Kipr Türk Respublikasına səfərdən qayıdan Türkiyə Prezidenti Rəcəb Tayyib Ərdoğan deyib.
O, İsveç tərəfinin verdiyi təminatlara əməl edəcəyinə ümid etdiyini bildirib: “İsveçin atacağı addımlara uyğun hərəkət edəcəyik. NATO-nun ikinci ən güclü ordusuna sahib olan və NATO-nun lokomotivi olan Türkiyənin Avropa Birliyinə üzvlüyü Birliyə canlılıq və güc qatacaq”.
Ərdoğan terror təşkilatlarına qarşı mübarizə və terrorçuların ekstradisiyasında İsveçin konkret addımlar atmasının bu ölkənin xeyrinə olacağını vurğulayıb.

İsveçin verdiyi vədlərə əməl edəcəyinə ümid edirik - Ərdoğan

21-07-2023, 13:19

Ukrayna Prezidenti onu tənqid edən səfiri vəzifəsindən azad etdi

Ukrayna Prezidenti Volodimir Zelenski ölkənin Böyük Britaniyadakı səfiri Vadim Pristaykonu vəzifəsindən azad edib.
Qərar Ukrayna prezidentinin saytında dərc edilib. Onun yerinə təyinat olmayıb.
Qeyd edək ki, bir müddət əvvəl Pristayko Zelenskinin Böyük Britaniya müdafiə naziri Ben Uollasla bağlı fikirlərini "qeyri-sağlam sarkazm" adlandırmışdı. Məlumata görə, diplomat Zelenskini tənqid etməsindən sonra Kiyevdən sərt tonda telefon zəngi qəbul edib.

Ukrayna Prezidenti onu tənqid edən səfiri vəzifəsindən azad etdi

21-07-2023, 12:40

Polşa Belarusla sərhədə əlavə qoşun yerləşdirir

Polşa Müdafiə Nazirliyi Belarusla sərhədə əlavə qoşun yerləşdirmək qərarına gəlib.
Bu barədə Polşa təhlükəsizlik komitəsinin nümayəndəsi Zibqnev Hofman bildirib.
Onun sözlərinə görə, Belarus ordusu ilə “Vaqner” qruplaşmasının birgə təlimlər keçirməsi təxribatdır. Polşa bu səbəbdən sərhədə əlavə hərbi qüvvələr yerləşdirəcək.
Qeyd edək ki, Belarus Silahlı Qüvvələri “Vaqner” qruplaşması ilə birlikdə Polşa sərhədi yaxınlığında yerləşən Brest poliqonunda döyüş hazırlığı üzrə təlimlər keçirir.

Polşa Belarusla sərhədə əlavə qoşun yerləşdirir

21-07-2023, 11:45

Putin intiqamın ən yaxşı soyuq yemək olduğunu düşünən biridir - ABŞ

"Vaqner" muzdlularının rəhbəri Yevgeni Priqojinin qiyamı Prezident Vladimir Putinin qurduğu güc sistemində əhəmiyyətli zəiflik olduğunu nümayiş etdirdi.
Bunu ABŞ Mərkəzi Kəşfiyyat İdarəsinin direktoru Uilyam Börns deyib.
O vurğulayıb ki, Rusiya lideri hələ də Priqojindən qisas almaq istəyə bilər: "Bu, hazırda gördüyümüz çox mürəkkəb rəqsdir".
Börns əlavə edib ki, Putin Proqojinlə nə edəcəyini düşünür və vaxt qazanmağa çalışır:
“Putin intiqamın ən yaxşı soyuq yemək olduğunu düşünən biridir. Mənim təcrübəmə görə, Putin intiqamçıdır və Priqojin cəzadan xilas ola bilsə, təəccüblənərdim... Əgər mən Priqojin olsaydım, yeməyimin dadına baxan adamı işdən çıxarmazdım”.

Putin intiqamın ən yaxşı soyuq yemək olduğunu düşünən biridir - ABŞ

21-07-2023, 11:29

Rusiya Odessaya raket zərbələri endirdi - Ölən və yaralananlar var

Rusiya ardıcıl dördüncü gün Ukraynanın Odessa vilayətinə raket zərbələri endirib.
Vilayətdə hava hücumu xəbərdarlığı elan edilib.
Odessa administrasiyasının mətbuat katibi Sergey Bratçuk deyib ki, vilayətin cənubuna atılan iki raket bölgədəki kənd təsərrüfatı müəssisələrinə düşüb. Onun sözlərinə görə, raketlər “Kalibr” tipli olub.
Administrasiyanın rəhbəri Oleq Kiper qeyd edib ki, zərbələr nəticəsində iki nəfər yaralanıb. Obyektlərə vurulan zərbələr nəticəsində 100 ton noxud və 20 ton arpa məhv olub.
Rusiya, həmçinin Zaporojye vilayətinin Poxovski rayonunda infrastruktur obyektinə də zərbələr endirib. Regional hərbi administrasiyanın rəhbəri Yuri Malaşko vurğulayıb ki, hücumda 29-43 yaşlarında 4 nəfər ölüb, daha iki nəfər yaralanıb.

Rusiya Odessaya raket zərbələri endirdi - Ölən və yaralananlar var

20-07-2023, 21:26

Fransa hökumətinin yeni tərkibi açıqlandı

Fransa hökumətinin yeni tərkibi açıqlanıb. Elizabet Born Fransanın Baş naziri vəzifəsində qalıb.
Yeni hökumət əvvəlkindən çox da fərqlənmir.
Səhiyyə və təhsil nazirləri, sosial və həmrəylik üzrə dövlət katibi vəzifələrinə yeni təyinatlar olub.
Hökumətin digər üzvləri öz funksiyalarını davam etdirəcəklər.
İyulun 21-də Prezident Emmanuel Makronun sədrliyi ilə Yelisey sarayında yeni hökumətin üzvləri ilə ilk iclasın keçiriləcəyi gözlənilir.

Fransa hökumətinin yeni tərkibi açıqlandı