Dünya » Səhifə 340

11-11-2023, 12:16

Rusiya Kiyevə “İsgəndər” ballistik raketini atdı

Bu gün Rusiya tərəfindən Ukraynanın paytaxtı Kiyevə “İsgəndər” ballistik raketi atılıb.
52 günlük fasilədən sonra bu gün səhər saat 08:00 radələrində yenidən Kiyevə raket hücumları olub.
Məlumata görə, raket şəhərə yaxınlaşarkən hava hücumundan müdafiə qüvvələri tərəfindən məhv edilib.
İlkin məlumatlara görə, tələfat və dağıntı yoxdur.

Rusiya Kiyevə “İsgəndər” ballistik raketini atdı

11-11-2023, 11:06

İsrail ordusu HƏMAS-ın 11 hərbi mövqeyini ələ keçirib

İsrail ordusu Qəzza zolağında HƏMAS-ın 11 möhkəmləndirilmiş hərbi mövqeyini ələ keçirib.
Bu barədə İsrail Müdafiə Ordusu məlumat yayıb.
Bildirilib ki, İsrail ordusunun bölmələri Qəzza zolağında hərbi əməliyyatları davam etdirir.

İsrail ordusu HƏMAS-ın 11 hərbi mövqeyini ələ keçirib

11-11-2023, 09:30

Ərdoğan Səudiyyə Ərəbistanına yola düşür

Türkiyə Prezident Rəcəb Tayyib Ərdoğan 8-ci Fövqəladə İslam Zirvə Toplantısında iştirak etmək üçün bu gün Səudiyyə Ərəbistanının paytaxtı Ər-Riyada gedəcək.
Sammitdə İslam dünyasının nümayəndələri baş verənlərə qarşı atılacaq konkret addımlar barədə fikir mübadiləsi aparacaqlar.
Zirvə iclasında çıxış edəcək Türkiyə Prezidentinin toplantı çərçivəsində iştirakçı liderlərlə də ikitərəfli görüşlər keçirəcəyi gözlənilir.

Ərdoğan Səudiyyə Ərəbistanına yola düşür

10-11-2023, 17:53

Rusiya ilə Ukrayna
arasında müharibə uzun müddət davam edəcək - Şolts

Almaniya kansleri Olaf Şolts Rusiya ilə Ukrayna arasında müharibənin uzun müddət davam edə biləcəyini bildirib.
O, buna hazır olmağa çağırıb.
Kansler qeyd edib ki, Rusiyanın hərbi əməliyyatları dayandıracağına və qoşunlarını geri çəkəcəyinə dair heç bir əlamət yoxdur. NATO-nun baş katibi Yens Stoltenberq də oxşar bəyanatla çıxış edib.
Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.

Rusiya ilə Ukrayna arasında müharibə uzun müddət davam edəcək - Şolts

10-11-2023, 17:14

Paşinyan Makronla görüşündə müzakirə olunan məsələləri açıqladı

Ermənistanın baş naziri Nikol Paşinyan Fransa prezidenti Emmanuel Makronla görüşdə müzakirə olunan məsələləri açıqlayıb.
Nikol Paşinyan bu barədə öz X səhifəsində yazıb.
O, Makronla söhbəti "gözəl" adlandırıb.
“Biz müstəsna dostluq münasibətlərinin dərinləşdirilməsi və Ermənistan-Fransa ikitərəfli gündəliyinin gücləndirilməsi, Aİ ilə əməkdaşlığı, eləcə də Cənubi Qafqazdakı vəziyyətlə bağlı məsələləri müzakirə etdik”, - Paşinyan bildirib.
Qeyd edək ki, noyabrın 9-da Ermənistan baş naziri Fransa prezidenti Emmanuel Makronla görüşüb. Noyabrın 10-da Nikol Paşinyan VI Paris Sülh Konfransının açılış mərasimində iştirak edib, daha sonra isə panel müzakirəsinə qatılacaq.

Paşinyan Makronla görüşündə müzakirə olunan məsələləri açıqladı

10-11-2023, 16:40

İsrail və Qazaxıstanın XİN Başçıları telefon danışığı apardı

İsrailin xarici işlər naziri Eli Kohen qazaxıstanlıların Qəzza zolağından təxliyəsinə şəxsən nəzarət edəcək.
Bu barədə Qazaxıstanın xarici işlər naziri Murat Nurtleu ilə İsrailin xarici işlər naziri Eli Kohen arasında telefon danışığı olub.
Nurtleu israilli həmkarına Qəzza zolağında yerləşən Qazaxıstan vətəndaşlarının təxliyəsinə köməklik göstərilməsi üçün xahişlə müraciət edərək, bu vəzifənin ölkə üçün əsas prioritet olduğunu qeyd edib.
O, həmçinin Koheni qazaxıstanlıların vətənlərinə tezliklə qayıtması üçün Misir hakimiyyəti ilə işlərin gedişi barədə məlumatlandırıb.
Kohen həmkarına təqdim etdiyi məlumata görə təşəkkür edib və əmin edib ki, İsrail tərəfi Qazaxıstan vətəndaşlarının təxliyəsi məsələsinin həlli üçün bütün səylərini göstərəcək və bu məsələ onun şəxsi nəzarətində olacaq.

İsrail və Qazaxıstanın XİN Başçıları telefon danışığı apardı

10-11-2023, 16:26

Keçmiş deputat Rusiyaya görə həbs olundu

Riqa Şəhər Məhkəməsi Latviya parlamentinin keçmiş deputatı Yanis Adamsonsu Rusiya Federasiyasına casusluqda ittiham edərək 8,5 il müddətinə azadlıqdan məhrum edib.
Bu barədə "Ukrayna Pravda" nəşri məlumat yayıb.
Eks-deputat, həmçinin dələduzluqda, habelə icazəsiz odlu silah və döyüş sursatı əldə edib saxlamaqda ittiham olunur.
O, özünü günahkar hesab etmir və hökmdən apellyasiya şikayəti verməyi planlaşdırır.

Keçmiş deputat Rusiyaya görə həbs olundu

10-11-2023, 16:13

"Fransa ilə hərbi sahədə əməkdaşlıqda irəliləyiş var" - Qriqoryan

"İrəvan həm kollektiv Avropa, həm də ayrı-ayrı ölkələrlə təhlükəsizlik sahəsində əməkdaşlığı gücləndirməyə ümid edir".
Bunu Ermənistan Təhlükəsizlik Şurasının katibi Armen Qriqoryan Brüsseldə keçirilən Ermənistan-Avropa konfransında qeyd edib.
O deyib ki, son dövrlərdə "intensiv dialoq inkişaf edib".
"Fransa ilə hərbi sahədə əməkdaşlıqda irəliləyiş var", - Qriqoryan bildirib.

"Fransa ilə hərbi sahədə əməkdaşlıqda irəliləyiş var" - Qriqoryan

10-11-2023, 15:46

Saakaşvili müalicə müəssisəsindən həbsxanaya köçürülür

Gürcüstanın sabiq prezidenti Mixail Saakaşvili müalicə müəssisəsindən həbsxanaya köçürüləcək.
Gürcüstan ədliyyə naziri Rati Breqadzenin sözlərinə görə, məhkum Saakaşvilinin vəziyyəti kəskin şəkildə yaxşılaşıb və o, həkimlərin qərarı və tövsiyəsi əsasında mülki klinikadan həbsxanaya köçürüləcək.
"Mən onun səhhətinin yaxşılaşması ilə bağlı qənaətləri təsdiqləyirəm. Biz buna sevinirik və həkimlərin müvafiq qərarı və tövsiyəsi olanda o, cəzaçəkmə müəssisəsinə köçürüləcək", - Breqadze bildirib.
2021-ci il oktyabrın 1-də həbs olunduqdan sonra Saakaşvilinin səhhətində problemlər yaranıb. Bir müddət sonra o, "Vivamed" klinikasına köçürülüb.

Saakaşvili müalicə müəssisəsindən həbsxanaya köçürülür

10-11-2023, 15:28

Putin Təhlükəsizlik Şurasının daimi üzvləri ilə görüş keçirdi

Rusiya prezidenti Vladimir Putin Təhlükəsizlik Şurasının daimi üzvləri ilə görüş keçirib.
Bu barədə Kremlin mətbuat xidməti məlumat yayıb.
İclasın mövzusu informasiya təhlükəsizliyinin təmin edilməsi olub.
"Bu gün bizim üçün vacib və çox aktual bir məsələ var - Rusiyanın informasiya təhlükəsizliyini təmin etmək üçün tədbirlərin effektivliyini artırmaq məsələsi. Yeri gəlmişkən, təkcə ölkəmiz üçün deyil, xüsusən də bizim üçün, xüsusən də mövcud vəziyyəti nəzərə alaraq deyirəm", - Putin görüşün açıq hissəsində deyib.
Prezident Federal Texniki və İxrac Nəzarəti Xidmətinin direktoru Vladimir Selindən məruzə ilə çıxış etməyi xahiş edib. Mütəxəssislər bütün sahələrdə informasiya təhlükəsizliyi həlləri üçün daxili bazarın artımını qeyd ediblər.

Putin Təhlükəsizlik Şurasının daimi üzvləri ilə görüş keçirdi