30-08-2023, 10:17
Putin belarus həmkarını ad günü münasibətilə təbrik etdi
Rusiya prezidenti Vladimir Putin Belarusun dövlət başçısı Aleksandr Lukaşenkonu ad günü münasibətilə təbrik edib. Təbrik teleqramında deyilir:
"Əminəm ki, birgə səylərlə biz istənilən çətinlikləri dəf edə və çoxşaxəli Rusiya-Belarus əməkdaşlığının, o cümlədən İttifaq dövləti formatında daha da genişlənməsini təmin edə biləcəyik".
Qeyd edək ki, bu gün Belarus prezidentinin 69 yaşı tamam olur.
29-08-2023, 23:47
Ukrayna XİN Başçısı Stoltenberqlə telefon danışığı apardı
Ukrayna xarici işlər naziri Dmitri Kuleba NATO Baş katibi Yens Stoltenberq ilə telefon danışığı aparıb.
Bu barədə Kuleba özünün "Twitter" hesabında bildirib.
Onun sözlərinə görə, telefon danışığı zamanı Ukraynanın NATO-ya inteqrasiyası yolunda növbəti addımlar müzakirə olunub.
Kuleba və Stoltenberq Ukrayna-NATO Şurasının fəaliyyəti barədə də danışıblar.
"Mən həmçinin Baş katibə birinci Müdafiə Sənayesi Forumuna Ukraynanın hazırlığı barədə məlumat verdim", - Kuleba qeyd edib
29-08-2023, 22:53
Mirzoyan finlandiyalı həmkarıyla Qarabağı müzakirə etdi
Ermənistan xarici işlər naziri Ararat Mirzoyan finlandiyalı həmkarı Elina Valtonen ilə telefon danışığı aparıb.
Bu barədə Ermənistan Xarici İşlər Nazirliyi məlumat yayıb.
Telefon danışığı zamanı Qarabağdakı vəziyyət müzakirə olunub.
Mirzoyan erməni tərəfinin mövqeyini təqdim edib.
29-08-2023, 20:39
Ermənistanın Vaqif Xaçaturyanla bağlı müraciəti rədd edildi
Avropa Məhkəməsi sülh və insanlıq əleyhinə cinayətləri törətməkdə təqsirləndirilən Vaqif Xaçaturyanla bağlı Ermənistanın müraciətini də rədd edib.
Bunu Azərbaycan Republikasının İnsan Hüquqları üzrə Avropa Məhkəməsi yanında səlahiyyətli nümayəndəsi, Ali Məhkəmənin sədr müavini Çingiz Əsgərov bildirib.
Ç.Əsgərov qeyd edib ki, bu, bir ayda Ermənistanın rədd edilmiş artıq dördüncü müraciətidir.
29-08-2023, 18:56
Priqojinin dəfni “qapalı formatda” keçirildi
"Vaqner" muzdlularının təsisçisi Yevgeni Priqojin 2023-cü il avqustun 29-da Sankt-Peterburqdakı Poroxovski qəbiristanlığında dəfn edilib.
Bu barədə "Kommersant" nəşri yazıb.
Dəfn mərasimi “qapalı formatda” keçirilib. Vida mərasimi yalnız qohumların və yaxın dostların iştirakı ilə baş tutub.
“Yevgeni Viktoroviçlə vidalaşma qapalı formatda baş tutdu. Vidalaşmaq istəyənlər Poroxovskoye qəbiristanlığını ziyarət edə bilərlər", - "Concord" qrupunun mesajında deyilir.
Avqustun 23-də Rusiyanın Tver vilayətində “Embraer Legacy” biznes təyyarəsi qəzaya uğrayıb. Priqojinə məxsus təyyarənin qəzaya uğraması nəticəsində 10 nəfər ölüb. Ölənlər arasında Priqojinin özü və onun sağ qolu, “Vaqner”in komandiri Dmitri Utkin də var. "Vaqner"ə yaxın teleqram kanalları təyyarənin raketlə vurulduğunu iddia edib.
24 saatlıq sükutdan sonra Rusiya prezidenti Vladimir Putin təyyarədəki 10 nəfərin hamısının ailələrinə “səmimi başsağlığı” verib və Priqojini “istedadlı iş adamı” adlandırıb.
29-08-2023, 18:11
Gürcüstanda yanacağın qiyməti qalxdı
Son günlər dünya bazarında neftin qiymətinin qalxması fonunda Gürcüstanın əksər yanacaqdoldurma məntəqələrində avtomobil yanacağının (benzin, dizel və qaz) qiymətində artım müşahidə olunur.
Əksər yanacaqdoldurma məntəqələrində benzinin qiyməti növündən asılı olaraq 30-35 tetri (13-15 sent) artıb.
Hazırda bəzi yanacaqdoldurma məntəqələrində bir litr “nano super” yanacağının qiyməti 3,70 lari (1,42 ABŞ dolları), “Force super” 3,65 lari, “Regular” isə 2,70 lariyə satılır.
Dizel yanacağının qiyməti isə 2,90 laridən 3,07 lari arasında dəyişir.
İqtisadçı ekspertlərin fikrincə, bu artım ölkə daxilində dolların yenidən bahalaşması və larinin dəyər itirməsi ilə əlaqədardır.
Ekspertlər hesab edirlər ki, benzinin qiyməti inflyasiyanın artmasına və istehlak mallarının da qiymətlərinin bahalaşmasına təsir edəcək.
29-08-2023, 17:06
Rusiya və Türkiyə XİN Başçılarının görüş tarixi və yeri bəlli oldu
Rusiyanın xarici işlər naziri Sergey Lavrov və Türkiyənin xarici işlər naziri Hakan Fidanın görüş tarixi və yeri məlum olub.
Bu barədə TASS mənbələrinə istinadən məlumat yayıb.
Bildirilib ki, nazirlər avqustun 31-də Moskvada danışıqlar aparacaqlar.
29-08-2023, 15:41
Paşinyan Makronla bir sıra məsələləri müzakirə etdi
Ermənistan Baş naziri Nikol Paşinyanla Fransa Prezidenti Emmanuel Makron arasında telefon danışığı olub.
Bu barədə Ermənistan hökumətinin mətbuat xidməti məlumat yayıb.
Telefon danışığı zamanı tərəflər regionda vəziyyəti müzakirə ediblər.
Stabillik və sülhün təmin edilməsi üçün səylərin vacibliyi vurğulanıb.
29-08-2023, 13:54
Rusiyanın Ay proqramı davam etdirilməlidir - Peskov
"Putin heç vaxt Şolts və Makronla Qərbin anti-Rusiya sanksiyaları mövzusunu müzakirə etməyib".
Bu barədə Kremlin sözçüsü Dmitri Peskov danışıb.
"Kremldə Priqojinin dəfn mərasimi ilə bağlı heç bir məlumat yoxdur və Putinin orada iştirakı gözlənilmir. Kiyev Qərbi Moskva ilə mümkün qədər dərindən münaqişəyə sürükləmək üçün mümkün və mümkün olmayan hər şeyi edir. Luna-25 missiyasının uğursuzluğu saçınızı qoparmaq üçün bir səbəb deyil, səbəbləri təhlil etməli və yeni bir cəhd üçün onları aradan qaldırmalısınız. Rusiyanın Ay proqramı davam etdirilməlidir. Kreml Roma Papasının böyük Rusiyanın irsi haqqında sözlərini alqışlayır, nə yaxşı ki, pontifik Rusiya tarixini bilir", - sözçü belə deyib.
29-08-2023, 13:24
İraqda qəza: İranlı zəvvarları daşıyan avtobus aşdı
İraqda iranlı zəvvarları daşıyan avtobus aşıb.
Bu barədə məlumatı İranda Ərbəin Mərkəzi Qərargahının sözçüsü Cavad Təşəkküri açıqlayıb.
Onun sözlərinə görə, avtobusun aşması nəticəsində Ərbəin ziyarətinə yollanan 20 iranlı zəvvar həlak olub, çox sayda insan isə yaralanıb.
Yaralılar arasında üç azyaşlının da olduğu qeyd olunub.
Qəzanın səbəbləri açıqlanmayıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!