1-02-2024, 20:40
Rusiya Ermənistanın əsas tərəfdaşı ola bilməz - Paşinyan
Rusiya müdafiə və hərbi-texniki sahədə Ermənistanın əsas tərəfdaşı ola bilməz.
Bunu Ermənistanın baş naziri Nikol Paşinyan İctimai Radioya müsahibəsində bildirib.
O, bunun obyektiv və subyektiv səbəblərinin olduğunu deyib.
"Biz başa düşməliyik ki, biz həqiqətən kiminlə hərbi-texniki və müdafiə əlaqələri saxlaya bilərik. Əvvəllər bu problem sadə idi, çünki belə bir sual yox idi və konsepsiya yaratmaqda heç bir çətinlik yox idi", - Paşinyan qeyd edib.
1-02-2024, 20:03
Müstəqillik Bəyannaməsi Azərbaycanla sülhə maneə olur - Paşinyan
Ermənistanın Müstəqillik Bəyannaməsi Azərbaycanla sülhə maneə olur.
Bunu Ermənistan Baş naziri Nikol Paşinyan İctimai radioya müsahibəsində deyib.
“Ermənistanın dövlət siyasəti Müstəqillik Bəyannaməsinə, Qarabağın və Ermənistanın birləşdirilməsinə əsaslanırsa, bizdə müharibə olacaq və heç vaxt sülh olmayacaq”, - deyə o bildirib.
Paşinyan yeni konstitusiya üçün referendumun keçirilməsini də şərh edib:
"İndi çox danışılır ki, hakimiyyət konstitusiyaya dəyişiklik edir, hakimiyyət filan edəcək. Hökumət bununla bağlı heç nə edə bilməz. Hökumət yeni jonstitusiyanı qəbul edə bilməz, hökumət onu xalqa təklif edə bilər, xalqla danışa bilər, izahatını verə bilər və bu qərarı ancaq xalq verə bilər".
Xatırladaq ki, Azərbaycan Prezidenti İlham Əliyev bir müddət əvvəl bəyan edib ki, Bakı ilə İrəvan arasında sülh müqaviləsi yalnız Ermənistan Konstitusiyasına dəyişikliklər edildikdən sonra imzalana bilər.
Qeyd edək ki, Ermənistanın Müstəqillik Bəyannaməsində qondarma “miatsum” ideyası ilə Azərbaycana, “Qərbi Ermənistan” iddiası ilə isə Türkiyəyə qarşı iddia irəli sürülüb.
Ölkə Konstitusiyasında yer alan bu iddialar götürülmədiyi təqdirdə Azərbaycanla sülh sazişinin imzalanması mümkün deyil, hətta Paşinyan hakimiyyəti sülhə imza atsa belə, hakimiyyət dəyişikliyi baş verərsə, yeni iqtidar Konstitusiyaya əsasən ərazi iddialarını davam etdirəcək. Bu baxımdan, təkcə sülh sazişinin imzalanması ilə iş bitmir, Ermənistanın ərazi iddiaları hüquqi sənədlərdən də təmizləməlidir. Artıq rəsmi Bakı bunu tələb kimi irəli sürüb.
Ermənistanda yeni Konstitusiyaya dair müzakirələrin başlanması isə İrəvanın Bakının tələbini nəzərə aldığını göstərir.
1-02-2024, 17:28
Agentlik Putinin Türkiyəyə səfərindən yazdı
Rusiya prezidenti Vladimir Putin böyük ehtimalla fevralın 12-də Türkiyəyə səfər edəcək. Həmin səfər zamanı prezidentlər Putin-Ərdoğan danışıqları da baş tutacaq.
Bu barədə “Reuters” agentliyi məlumat yayıb.
Qeyd edilib ki, bu, Putinin 2020-ci ildən sonra NATO üzvü olan ölkəyə ilk səfəri olacaq.
Bundan əvvəl Kremlin sözçüsü Dmitri Peskov Putinin martda Rusiyada keçiriləcək prezident seçkilərindən əvvəl Türkiyəyə səfər edəcəyini açıqlamışdı.
1-02-2024, 16:16
Paşinyan: “Dövlət xalqına çevriləcəyimiz məqam Konstitusiya referendumudur
Konstitusiya referendumu bizi qeyri-dövlət adamlarından dövlət adamına çevirəcək.
Ermənistanın baş naziri Nikol Paşinyan İctimai Radionun "Təhlükəsiz mühit" proqramına müsahibəsində Konstitusiya ilə bağlı referenduma gediləcəyinin anonsunu verib.
Paşinyan hesab edir ki, Müstəqillik Bəyannaməsi ilə münasibətlər tənzimlənməlidir.
“Bu gün biz həqiqətən də Müstəqillik Bəyannaməsi ilə münasibətimizi nizamlamalıyıq. Bizim qeyri-dövlət xalqından dövlət xalqına çevriləcəyimiz məqam nədir, o məqam Konstitusiya referendumudur”, - Paşinyan bildirib.
Baş nazirin sözlərinə görə, hökumətin yeganə vasitəsi xalqla danışmaqdır.
Müsahibə tam olaraq bu gün saat 19:00-da yayımlanacaq.
Xatırladaq ki, Azərbaycan Prezidenti İlham Əliyev bir müddət əvvəl bəyan edib ki, Bakı ilə İrəvan arasında sülh müqaviləsi yalnız Ermənistan Konstitusiyasına dəyişikliklər edildikdən sonra imzalana bilər.
Yanvarın 19-da Nikol Paşinyan isə bildirmişdi ki, Ermənistana yeni Konstitusiya lazımdır.
“Bizim Ermənistan Respublikasını yeni geosiyasi və regional şəraitdə daha rəqabətqabiliyyətli və həyat qabiliyyətli edən Konstitusiyamız olmalıdır”, - Paşinyan bildirib.
Qeyd edək ki, Ermənistanın Müstəqillik Bəyannaməsində qondarma “miatsum” ideyası ilə Azərbaycana, “Qərbi Ermənistan” iddiası ilə isə Türkiyəyə qarşı iddia irəli sürülüb.
Ölkə Konstitusiyasında yer alan bu iddialar götürülmədiyi təqdirdə Azərbaycanla sülh sazişinin imzalanması mümkün deyil, hətta Paşinyan hakimiyyəti sülhə imza atsa belə, hakimiyyət dəyişikliyi baş verərsə, yeni iqtidar Konstitusiyaya əsasən ərazi iddialarını davam etdirəcək. Bu baxımdan, təkcə sülh sazişinin imzalanması ilə iş bitmir, Ermənistanın ərazi iddiaları hüquqi sənədlərdən də təmizləməlidir. Artıq rəsmi Bakı bunu tələb kimi irəli sürüb.
Ermənistanda yeni Konstitusiyaya dair müzakirələrin başlanması isə İrəvanın Bakının tələbini nəzərə aldığını göstərir.
1-02-2024, 15:08
Qəzza zolağında ölənlərin ümumi sayı 27 mini keçib
İsrailin zərbələri nəticəsində ötən ilin oktyabrın 7-dən bəri Qəzza zolağında ölənlərin ümumi sayı 27 mini keçib.
Bu barədə Qəzzadakı səhiyyə qurumu məlumat yayıb.
Bildirilib ki, Qəzza zolağında 27019 fələstinli həlak olub, 66139 fələstinli yaralanıb.
Xatırladaq ki, ötən ilin oktyabrın 7-də HAMAS-ın İsrailin cənubuna gözlənilməz hücumu nəticəsində 1200-dən çox israilli qətlə yetirilib, 240-dan çox israilli girov götürülüb. Bundan sonra İsrail hərbi qüvvələri HAMAS-a qarşı Qəzzada hərbi əməliyyata başlayıb.
1-02-2024, 14:11
Qaribaşivili rəsmi olaraq bu partiyanın sədri seçildi
Gürcüstanın hakim Gürcü arzusu - Demokratik Gürcüstan Partiyasının qurultayı keçirilib.
Ölkənin bir neçə gün əvvəl istefa verən Baş naziri İrakli Gürcüstanın hakim Gürcü arzusu - Demokratik Gürcüstan Partiyasının qurultayı keçirilib.
Ölkənin bir neçə gün əvvəl istefa verən Baş naziri İrakli Qaribaşivili rəsmi olaraq partiyanın sədri seçilib.
Qaibaşvili bu il yanvarın 29-da baş nazir vəzifəsindən istefa verib.
Partiya Baş nazir postuna İrakli Kobaxidzenin namizədliyini təsdiqləyib.
31-01-2024, 23:49
Ukrayna və ABŞ arasında Memorandum imzalandı
Ukrayna Silahlı Qüvvələrinə təqdim edilmiş beynəlxalq yardımın istifadə edilməsi üzərində nəzarət sahəsində əməkdaşlıq gücləndirilir. Bununla bağlı yanvarın 31-də Ukrayna və ABŞ arasında Qarşılıqlı anlaşma haqqında Memorandum imzalanıb.
anvarın 31-də Ukrayna müdafiə naziri Rustem Umerov Kiyevdə ABŞ Müdafiə Nazirliyinin baş inspektoru Robert Storç ilə görüşüb.
Görüş zamanı Rustem Umerov Amerika tərəfini Ukrayna Müdafiə Nazirliyində davam edən institusional transformasiyalar, xüsusilə də effektiv nəzarət, risklərin idarə edilməsi və uyğunluq sisteminin tətbiqi, satınalmalar sahəsində korrupsiyanın qarşısının alınması, habelə müdafiə sektorunda demokratik nəzarət alətlərinin tətbiqi haqqında məlumatlandırıb.
“Aprelin sonunadək bütün nəzarət mexanizmlərinin tətbiq ediləcəyinə və sistemin işləyəcəyinə yüz faiz əmin olacağıq”, - deyə nazir qeyd edib.
31-01-2024, 22:16
Ərdoğan gələn ay Misirə səfər edəcək
Türkiyə prezidenti Rəcəb Tayyib Ərdoğan gələn ay Misirə səfər edəcək.
Bu barədə "Bloomberg" agentliyi məsələ ilə tanış olan türk rəsmilərə istinadən məlumat yayıb.
Ərdoğanla Misir prezidenti Əbdülfəttah əs-Sisi ilə görüşəcək.
Danışıqlarda Qəzzada fələstinlilərə yardımın göstərilməsi və müharibənin dayandırılması üçün mümkün addımların müzakirə olunacağı gözlənilir.
31-01-2024, 20:45
Putinin Türkiyəyə səfər edəcəyi tarix açıqlandı
Rusiya prezidenti Vladimir Putin fevralın 12-də Türkiyəyə səfər edəcək.
Bu barədə «Reuters» agentliyi Türkiyə rəsmisinə istinadən məlumat yayıb.
«RİA Novosti» isə türk diplomatına istinadən bildirib ki, başqa tarixlər də nəzərdən keçirilir.
«Bu tarix ehtimaldır, lakin yekun deyil, koordinasiya davam edir», — mənbə qeyd edib.
«A-Haber» yazır ki, Vladimir Putin Türkiyə prezidenti Rəcəb Tayyib Ərdoğanla Ukrayna münaqişəsi, taxıl tədarükü və Suriyadakı vəziyyəti müzakirə edəcək.
Bundan əvvəl Urisya Prezidentinin köməkçisi Yuri Uşakov Putinin səfərinin fevralda baş tutacağını açıqlayıb.
Xatırladaq ki, Vladimir Putin 2023-cü il dekabrın 14-də birbaşa xətt üzrə Türkiyəyə planlaşdırılan səfərindən danışıb. Həmin ay Rusiya prezidentinin mətbuat katibi Dmitri Peskov səfərin gündəmdə olduğunu, lakin dəqiq tarixlərin olmadığını bildirib. Yuri Uşakovun sözlərinə görə, Vladimir Putinlə Rəcəb Tayyib Ərdoğan arasında danışıqların əsas mövzularından biri Ukrayna münaqişəsi olacaq.
31-01-2024, 17:26
Zaxarova Ermənistana xəbərdarlıq etdi
"Əgər kimsə yaxınlıq istəyirsə, bunun nə qədər təhlükəli olduğunu və hansı nəticələrə gətirib çıxaracağını başa düşməlidir. Biz artıq görmüşük ki, NATO-nun yaxınlığı bir çox ölkələr üçün nələrə gətirib çıxarır - münaqişələrə qarışmaq, suverenlik və müstəqilliyin itirilməsi, sözün hər mənasında və bütün sahələrdə iradənin başqasının planına tabe olması, ən əsası isə öz milli maraqlarını həyata keçirmək imkanın olmaması...".
Bunu Bunu Rusiya Xarici İşlər Nazirliyinin rəsmi nümayəndəsi Mariya Zaxarova NATO-nun Cənubi Qafqaz üzrə xüsusi nümayəndəsi Xavyer Kolominin Ermənistanın xarici siyasətinin NATO ilə yaxınlığa yönəldiyi barədə sözlərini şərh edərkən deyib.
“Yəqin ki, burada əsas parametrlərə diqqət etməliyik. Ermənistanın milli maraqları nədən ibarətdir? Yəqin ki, bunu təhlil etmək lazımdır, xəritəni açıb baxmaq lazımdır ki, bu ölkə hansı regionda hansı qonşuların arasında yerləşir. Bu cür yaxınlığın lehinə çıxış edənlər üçün tarix dərsliklərini oxumaq lazımdır ki, belə münasibətlər bölgə dövlətlərilə əlaqələrin qırılmasına, qonşuların qıcıqlanmasına gətirib çıxarır. Biz bütün bunları təhlil edib Ermənistanın özünün milli maraqlarının nədən ibarət olduğunu, nəyin faydalı, nəyin qısamüddətli fayda gətirdiyini, nəyin ortamüddətli, nəyin uzunmüddətli olduğunu anlamalıyıq və vədlərdən deyil, bundan çıxış etməliyik”.
Zaxarovanın sözlərinə görə, Qərbdə hər şeyi vəd edirlər. “Amma mən onların harada nə etdiklərini düşünürəm. Bəli, məmurlara rüşvət vermək lazım olanda, Ukraynada, Moldovada da gördüyümüz kimi, bir sıra başqa dövlətlərdə olduğu kimi, onların buna kifayət qədər pulu var və s. Amma NATO və ABŞ-ın yaxınlığına ümid bəsləyən müvafiq ölkələrin iqtisadiyyatlarının inkişafı üçün real maddi platformalar və zəmin yaratmaq lazım olanda, nədənsə vədlər heç vaxt yerinə yetirilmir. Mən son 30-40 ildə heç bir nümunə bilmirəm, görməmişəm”, - deyə Zaxarova vurğulayıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Təqvim
| « Noyabr 2026 » | ||||||
|---|---|---|---|---|---|---|
| Be | Ça | Ç | Ca | C | Ş | B |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | ||||||
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!