21-01-2024, 17:23
Pəncabda son 10 gündə 42 uşaq pnevmoniyadan ölüb
Pakistanın Pəncab əyalətində hava şəraitinin kəskin pisləşməsi səbəbindən son 10 gündə 42 uşaq pnevmoniyadan ölüb.
Pakistanın Pəncab əyalətində müşahidə olunan sıx duman həyata mənfi təsir göstərir.
Əyaləti bürüyən duman səbəbindən pnevmoniya hallarında artım var.
Pəncab əyalətində son 10 gündə 42 uşaq pnevmoniyadan ölüb.
Ölkənin Səhiyyə Nazirliyindən verilən açıqlamada sətəlcəm hallarında ciddi artım müşahidə edildiyi və yüzlərlə uşağın sətəlcəmdən müalicə edildiyi qeyd edilib.
Dünən 668 sətəlcəm hadisəsinin aşkar edildiyi qeyd edilən açıqlamada, əyalətdə pnevmoniya hadisələrinin sayının 7 min 700-ə yüksəldiyi bildirilib.
21-01-2024, 15:54
Donetsk şəhərinin atəşə tutulması nəticəsinsə 25 nəfər öldü
Ukrayna Silahlı Qüvvələri tərəfindən işğal altında olan Donetsk şəhərindəki “Merkuri” qapalı bazarının atəşə tutulması nəticəsində 25 nəfər ölüb.
Bu barədə qondarma Donetsk Xalq Respublikasının başçısı Denis Puşılin deyib.
Onun sözlərinə görə, ən azı 20 nəfər yaralanıb, onlardan ikisinin vəziyyəti orta ağırdır: “Bütün yaralılara lazımi tibbi yardım göstərilir. Onların arasında ağır yaralılar da var, bir çoxunun həyati orqanları ciddi zədələnib”.
21-01-2024, 12:48
Nazir: “Azərbaycanın Ərbildə konsulluq açmasından çox mənnun olarıq”
Azərbaycan İraqın şimalında yerləşən Ərbil şəhərində Baş Konsulluq açılması üçün işlər aparır.
Bunu açıqlamasında İraq Kürdüstan Regionu hökumətinin Etnik Azlıqların İşləri üzrə naziri Aydın Maruf Səlim bildirib.
“Azərbaycanın Ərbildə konsulluq açmasından çox mənnun olarıq. Bunun üzərində işlər aparılır. Bildiyiniz kimi, Azərbaycanın Bağdadda konsulluğu var. Yaxın zamanda Ərbildə də konsulluğun olmasını çox səbirsizliklə gözləyirik. Biz Azərbaycanı qardaş ölkə olaraq görürük, onun uğuru hər zaman bizi sevindirir”,- deyə o qeyd edib.
Qeyd edək ki, Almaniyanın Münhen şəhərində baş tutan görüşdə konsulluğun açılması Azərbaycan Prezidenti İlham Əliyevin İraq Kürdüstan Regionunun başçısı Neçirvan Bərzani ilə müzakirə edilib. İraq Kürdüstan Regionunun başçısı ötən ilin yayında Azərbaycana səfər edib.
20-01-2024, 16:01
ABŞ Qırmızı dənizdə husilərə məxsus 3 gəmini məhv etdi
ABŞ Mərkəzi Komandanlığı qüvvələri cümə günü Qırmızı dənizdə gəmiləri hədəf almış husilərə məxsus üç gəmi əleyhinə raketə zərbələr endirib.
Bu barədə ABŞ ordusu “X” sosial şəbəkəsində bildirib.
“ABŞ qüvvələri Yəmənin husilərin nəzarətində olan ərazilərində raketlərin bölgədəki ticarət gəmiləri və ABŞ Hərbi Dəniz Qüvvələrinin gəmiləri üçün qaçılmaz təhlükə yaratdığını müəyyən edib. ABŞ qüvvələri daha sonra özünümüdafiə məqsədi ilə həmin raketləri vuraraq məhv edib”, - məlumatda deyilir.
ABŞ ötən həftədən etibarən Yəməndəki husi hədəflərinə zərbələr endirir və bu həftə həmin qrupu yenidən “terrorçu” təşkilatlar siyahısına əlavə edib. Prezident Co Bayden cümə axşamı bildirib ki, husilərə qarşı hava hücumları davam edəcək.
Ağ evin sözçüsü Con Kirbi deyib ki, ABŞ ordusu gəmilərə hücumlar etməyə hazırlaşan husi raket sistemlərinə qarşı son həftədə dördüncü hava zərbəsi endirib.
Husilər cümə axşamı axşam saatlarında ABŞ-a məxsus tanker gəmisinə iki gəmi əleyhinə ballistik raket atıblar və bu raketlər gəminin yaxınlığında suya düşüb. ABŞ ordusunun məlumatına görə, həmin raket hücumu heç bir xəsarət və ya dağıntıya səbəb olmayıb.
20-01-2024, 15:09
İsrail İran zabitlərinin yaşadığı malikanələrə raket zərbələri endirdi
İsrail ordusu Suriyanın paytaxtı Dəməşqə zərbələr endirib.
Bu barədə "Reuters" agentliyi məlumat yayıb.
Bildirilir ki, zərbələr nəticəsində İran İslam İnqilabı Keşikçiləri Korpusunun üzvü öldürülüb. AFP-nin yerli hüquq müdafiəçilərinə istinadən verdiyi məlumata görə, ümumilikdə 5 nəfər ölüb.
“İsrailin şənbə günü Suriyanın paytaxtı Dəməşqə endirdiyi zərbə nəticəsində İslam İnqilabı Keşikçiləri Korpusunun bir üzvü həlak olub, digərləri isə yaralanıb”, - Suriya tərəfdarı regional birlikdəki mənbə "Reuters" agentliyinə bildirib.
İran mətbuatı yazır ki, zərbələr nəticəsində SEPAH-ın “Əl-Qüds” xüsusi təyinatlı qüvvələrinin kəşfiyyat xidmətinin komandiri, general Yusif Omid Zadə ölüb. Digər ölən şəxslərin də iranlı zabitlər olduğu bildirilir.
Raket zərbələri iranlı hərbi müşavirlərin yaşadığı Dəməşqin qərbindəki Mezze məhəlləsindəki malikanələrdən birinə endirilib.
Hücumda üç təyyarə iştirak edib, müşavirlərin yaşadığı dördmərtəbəli ev tamamilə dağılıb.
19-01-2024, 22:40
Pakistan İranla diplomatik münasibətləri bərpa etmək qərarındadır
Pakistanın Milli Təhlükəsizlik Komitəsi İranla diplomatik münasibətləri tam bərpa etmək qərarına gəlib.
Bu barədə "Reuters" agentliyi mənbəyə istinadən yazıb.
Məlumata görə, diplomatik münasibətlərin bərpası çərçivəsində səfirlər Reza Amiri Moghaddam və Muhammad Mudasir Tipu İslamabada və Tehrana qayıdacaqlar.
Qeyd edək ki, bir qədər əvvəl Pakistan və İranın xarici işlər nazirləri Cəlil Abbas Cilani və Hüseyn Əmir-Abdollahian telefonla danışıb və təhlükəsizlik tədbirlərini müzakirə ediblər.
Pakistan Xarici İşlər Nazirliyi bildirib ki, söhbət zamanı Cəlil Abbas Cilani və Hüseyn Əmir-Abdollahian terrorizmlə mübarizədə əməkdaşlığı gücləndirmək barədə razılığa gəliblər.
Qeyd edək ki, yanvarın 16-da İran İslam İnqilabı Keşikçiləri Korpusu (SEPAH) Pakistana raket zərbələri endirib. Pakistan Xarici İşlər Nazirliyi hadisəni beynəlxalq hüququn pozulması kimi qiymətləndirib və səfiri Tehrandan geri çağırıb.
Yanvarın 18-də Pakistan İranın Sistan və Bəlucistan əyalətində yerləşən Seravan rayonunda “terrorçuların sığınacaqlarına” raket və pilotsuz təyyarələrlə hücum edib. Nəticədə ən azı 9 nəfər ölüb .
19-01-2024, 19:25
İran və Pakistanın XİN başçıları danışıqlar apardı
İranın xarici işlər naziri Hüseyin Əmir-Abdullahian pakistanlı həmkarı Cəlil Abbas Cilani ilə telefon danışığı aparıb.
Bu barədə İRNA məlumat yayıb.
Abdullahian Pakistanın suverenliyi və ərazi bütövlüyünün İran üçün vacibliyini vurğulayıb.
O, Pakistan ərazisində terror düşərgələrinin zərərsizləşdirilməsi üçün iki ölkənin əməkdaşlığının zəruri olduğunu deyib.
Pakistanın XİN başçısı da öz növbəsində terrorla mübarizədə ümumi yanaşmanın iki ölkə arasındakı əməkdaşlığın əsasını təşkil etdiyini qeyd edib. O, Pakistanın həmişə İranla qardaşlıq və konstruktiv əlaqələrə önəm verdiyini vurğulayıb.
19-01-2024, 18:06
Putin Vəftiz mərasimində iştirak etdi
Rusiya Prezidenti Vladimir Putin yanvarın 18-dən 19-na keçən gecə dini aynində - Vəftiz mərasimində iştirak edib.
Bu barədə Prezidentin mətbuat katibi Dmitri Peskov bildirib.
Qeyd edək ki, Vəftiz xristianlıqda ən müqəddəs ayinlərdən biri sayılır. Vəftiz tamamilə suya batırılma deməkdir.
Vladimir Putin Moskva vilayətindəki çimərlikdə buzlu su çuxuruna batmaqla dini ayini icra edib.
Yanvarın 19-da bütün dünyada pravoslav xristianlar əsas xristian bayramlarından birini – Vəftizi qeyd edirlər. Ənənəvi olaraq, yanvarın 19-na keçən gecə Vəftiz hamamında suya batma icra olunur.
Kreml ilk dəfə Putinin 2018-ci ildə buzlu su çuxura düşdüyünü bildirmişdi.
Peskovun sözlərinə görə, Prezident əvvəllər də bu ənənəyə əməl edib, lakin bunu ictimailəşdirməyib, sakit mühitdə həyatda keçirib.
19-01-2024, 17:29
Ermənistanın müdafiə naziri NATO rəsmisiylə Qafqazı müzakirə etdi
Ermənistanın müdafiə naziri Suren Papikyan NATO baş katibinin Qafqaz və Mərkəzi Asiya üzrə xüsusi nümayəndəsi Xavyer Kolomina ilə təhlükəsizlik məsələlərini müzakirə edib.
Ermənistan KİV-nin məlumatına görə, görüşdə regional təhlükəsizliklə bağlı və qarşılıqlı maraq doğuran digər məsələlər də müzakirə olunub.
Görüş zamanı Ermənistan-NATO tərəfdaşlığının hazırkı kursu və inkişaf perspektivləri də müzakirə olunub.
19-01-2024, 13:49
Paşinyan: “Ermənistanın yeni Konstitusiyaya ehtiyac var”
Ermənistanın yeni Konstitusiyaya ehtiyacı var.
Bunu ölkə baş naziri Nikol Paşinyan deyib:
“Mənim fikrimcə, bir sıra həmkarlarımın fikrincə belədir. Mən bu fikrimi ona görə bildirirəm ki, bu daha geniş müzakirə mövzusu olsun, Ermənistan Respublikasına konstitusiya dəyişikliklərinə deyil, yeni Konstitusiyaya ehtiyac var”.
Paşinyan mövzu barədə Ədliyyə Nazirliyinin əməkdaşları ilə görüşündə danışıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Təqvim
| « Noyabr 2026 » | ||||||
|---|---|---|---|---|---|---|
| Be | Ça | Ç | Ca | C | Ş | B |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | ||||||
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!