18-01-2024, 20:05
İrandan Ermənistana yük karvanının hərəkəti qeydə alınıb
İrandan Ermənistana yük avtomobil karvanının hərəkəti qeydə alınıb.
17 yanvar 2024-cü il tarixdə saat 17:50 radələrində İran İslam Respublikasının Culfa qəsəbəsi ərazisindən iki ədəd “HINO” markalı avtomaşının hərəkəti qeydə alınıb. Onların üzərində brezentlə örtülmüş naməlum yüklər olub. Təxminən saat 19:55-20:15 radələrində həmin avtomobil karvanı Nurduz sərhəd-keçid məntəqəsindən Ermənistan Respublikasının Aqarak gömrük-keçid məntəqəsinə, saat 21:17-21:31 radələrində isə Meğridən Leqvaz qəsəbəsi istiqamətində hərəkət edib.
Nəzərə alsaq ki, daşınma qaranlıqda aparılıb, yükün özü isə açıq-aşkar gizlədilmək üçün brezentlə örtülüb, onun hərbi məqsəd daşıdığı şübhə doğurmur.
Əsas sualdan başlayaq: Bu dəfə “daşlar ölkəsi”nə silah tədarük etmək qərarına kim gəlib? Burada bir neçə variant var.
Siyahıda birinci yerdə Rusiyadır. Bir neçə gün əvvəl Paşinyanın partiyasının nümayəndəsi, istefada olan general Qaqik Melkonyan Ermənistana Rusiya silahlarının daha bir partiyasının gətirildiyini yüksək səslə elan edib. Eyni zamanda o, Moskvanın İrəvana konkret olaraq nə çatdırdığı barədə danışmaqdan imtina edib. Yaxud, ötən ilin dekabrında Rusiya səfiri Kopırkin TASS-a müsahibəsində qeyd edib ki, İrandan Ermənistana Rusiya hərbi texnikasının yeni partiyası göndərilib.
“Bağlanmış müqavilələrin demək olar ki, hamısı ya artıq tamamlanıb, ya da icrasının son mərhələsindədir. Moskva və İrəvan yeni sazişlərin bağlanmasını müzakirə edirlər. Ölkələrimiz arasında hərbi-texniki əməkdaşlıq sahəsində yeni sazişlər də müzakirə olunur”, - deyə səfir bildirib.
Bu yerdə xatırlatmaq yerinə düşər ki, hətta 44 günlük müharibə zamanı Rusiya silah, texnika və sursatları İran ərazisindən keçməklə Ermənistana ucsuz-bucaqsız axınla daşınıb. Ehtimal etmək olar ki, Rusiya yenidən İran vasitəsilə Ermənistana yeni silah partiyası göndərib. Və burada tamamilə ağlabatan sual yaranır: Moskva İrəvanı silahlandırmaqda davam edirsə, Azərbaycan və Ermənistan arasında sülh müqaviləsinin bağlanması üçün özünü necə vasitəçi kimi təqdim edir?
İkinci seçim Hindistandır. Paşinyan özü 2022-ci ildə parlamentin tribunasından Ermənistanın Hindistanla hərbi-texniki əməkdaşlığı fəal şəkildə inkişaf etdirəcəyini yüksək səslə bəyan edib. Ermənistan çoxsaylı buraxılış raket sistemləri, özüyeriyən artilleriya, tank əleyhinə idarə olunan raketlər, artilleriya radarları, pilotsuz uçuş aparatları sistemləri və hətta Hindistan istehsalı olan raketlərin alınmasına ciddi maraq göstərib.
2022-ci ilin noyabrında Ermənistan Hindistandan təxminən 160 milyon dollara 155 millimetrlik özüyeriyən artilleriya sistemi sifariş edib. Siyahı Ermənistan müdafiə nazirinin müavini Karen Brutyanın 2023-cü ilin fevralında Hindistana səfərindən sonra genişlənməyə başlayıb. Bundan əlavə, İrəvan havadan buraxılan ortamənzilli “BrahMos” raketləri və yerüstü qısamənzilli “Pralay” taktiki ballistik raketləri almağa hazırlaşır. Güman etmək olar ki, indi millətçi Modinin hökuməti Ermənistanı silahlandırmaqda davam edir.
Və nəhayət, İranın bu dəfə Ermənistanı silahlandırmaq qərarına gəldiyini istisna edə bilmərik. Bildiyiniz kimi, bu ölkə Zəngəzur dəhlizi ilə bağlı mütəmadi olaraq hədələyici bəyanatlar verir və bildirir ki, “Cənubi Qafqazda sərhədlərin dəyişdirilməsi qırmızı xəttdir”. Ehtimal etmək olar ki, müxtəlif istiqamətlərdə (Yəmən, Suriya, Livan, İraq, Qəzza, indi də Pakistan) proksi müharibələr aparan Tehran Ermənistanın silahlandırılmasının onun ərazisinə qoşun yeritməkdən daha məqsədəuyğun olduğuna qərar verib. Bu qərar Tehranda Azərbaycanın Türkiyə və İsraillə artan hərbi-texniki əməkdaşlığına zidd olaraq verilə bilərdi.
18-01-2024, 17:17
AKP böyük şəhərlərdə namizədliyi irəli sürüləcək şəxsləri açıqlayıb
Türkiyənin hakim Ədalət və İnkişaf Partiyası (AKP) bələdiyyə seçkilərində böyük şəhərlərdə namizədliyi irəli sürüləcək şəxsləri açıqlayıb.
Sözügedən siyahını partiyanın sədri, Türkiyə Prezidenti Rəcəb Tayyib Ərdoğan təqdim edib.
Mərasimdə 17 böyük şəhər və 31 vilayətin bələdiyyə sədrliyinə namizədlər təqdim olunub. Böyük şəhərlərdə AKP-nin namizədləri aşağıdakı şəxslər olacaq:
Adana Böyükşəhər bələdiyyə sədrliyinə namizəd Fatih Mehmet Kocaispir
Ankara Böyükşəhər bələdiyyə sədrliyinə namizəd Turqut Altınok
Antalya Böyükşəhər bələdiyyə sədrliyinə namizəd Hakan Tütüncü
Diyarbakır Böyükşəhər bələdiyyə sədrliyinə namizəd Mehmet Halis Bilden
Gaziantep Böyükşəhər bələdiyyə sədrliyinə namizəd Fatma Şahin
Hatay Böyükşəhər bələdiyyə sədrliyinə namizəd Mehmet Öntürk
İzmir Böyükşəhər bələdiyyə sədrliyinə namizəd Hamzadağ
Kahramanmaraş Böyükşəhər bələdiyyə sədrliyinə namizəd Fırat Görgel
Kayseri Böyükşəhər bələdiyyə sədrliyinə namizəd Memduh Büyükkılıç
Konya Böyükşəhər bələdiyyə sədrliyinə namizəd Uğur İbrahim Altay
Malatya Böyükşəhər bələdiyyə sədrliyinə namizəd Sami Er
Mardin Böyükşəhər bələdiyyə sədrliyinə namizəd Abdullah Erin
Sakarya Böyükşəhər bələdiyyə sədrliyinə namizəd Yusuf Alemdar
Şanlıurfa Böyükşəhər bələdiyyə sədrliyinə namizəd Zeynel Abidin Beyazgül
Tekirdağ Böyükşəhər bələdiyyə sədrliyinə namizəd Cüneyt Yüksel
Trabzon Böyükşəhər bələdiyyə sədrliyinə namizəd Əhməd Metin Genç
Van Böyükşəhər bələdiyyə sədrliyinə namizəd Abdulahət Arvas
18-01-2024, 16:45
Azərbaycan və Ermənistan dost və qardaş ölkələrdir - Qaribaşvili
Gürcüstanın qonşu Azərbaycan və Ermənistanla yaxın münasibətləri və tərəfdaşlığı var, onlar dost və qardaş ölkələrdir.
Bunu Gürcüstanın Baş naziri İrakli Qaribaşvili Davos İqtisadi Forumunda çıxışı zamanı deyib.
O, Ermənistan və Azərbaycan liderinin ikitərəfli müstəvidə əlaqə yaratmaqda maraqlı olduğunu və bunu düzgün yol hesab etdiyini vurğulayıb.
“İki il əvvəl mənim vasitəçilik cəhdim oldu. Bizim ilk vasitəçiliyimiz uğurlu oldu, Azərbaycan saxlanılmış 15 ermənini azad etdi və Ermənistan Azərbaycana minalanmış ərazilərin xəritəsini verdi. Bu uğurlu cəhd idi. Lakin bu çox mürəkkəb bir vəziyyətdir. Biz regionda bir çox oyunçuların olduğunu başa düşürük. Əlavə etmək istərdim ki, bilirəm ki, Azərbaycan və Ermənistanın liderlərinin mövqeyi bundan ibarətdir ki, onlar bir-biriləri ilə ikitərəfli səviyyədə əlaqə yaratmaq istəyirlər", - baş nazir vurğulayıb.
O, bunun düzgün yol olduğunu vurğulayıb:
"Çünki bu qədər çox vasitəçi ilə, bu qədər çox maraqlı tərəflə proses bəzən daha mürəkkəb və qeyri-məhsuldar ola bilər. Ona görə də mən onlara uğurlar arzu edirəm. Mən həqiqətən də ümid edirəm ki, onlar həll tapa biləcəklər və tezliklə sülh müqaviləsini imzalayacaqlar”, - deyə Qaribaşvili bildirib.
18-01-2024, 15:14
İstanbulda bina çökdü
Türkiyənin İstanbul şəhərində bina çöküb.
Hadisə Ümraniye rayonunda baş verib.
Belə ki, metro inşaatı zamanı əvvəlcədən boşaldılan yaşayış binası dağılıb.
Daha sonra boşaldılan başqa bir bina və yol çöküb.
18-01-2024, 15:00
Ermənistan və Fransa prezidentləri görüşdülər
Ermənistan və Fransa prezidentləri Vahaqn Xaçaturyan və Emmanuel Makron görüşüblər.
Bu barədə "Sputnik Armenia" məlumat yayıb.
Bu, İsveçrənin Davos şəhərində keçirilən Dünya İqtisadi Forumu çərçivəsində baş tutub. Onlar Cənubi Qafqaz ətrafında fikir mübadiləsi aparıblar.
Detallar açıqlanmayıb.
18-01-2024, 14:25
İordaniya Suriyaya hava zərbələri endirdi
İordaniyanın Suriyanın cənubuna hava zərbələri endirib.
Nəticədə 10 nəfər həlak olub.
Onların arasında uşaqların da olduğu deyilir. İordaniya rəsmilərindən hələlik hər hansı şərh verilməyib. İordaniyanın hava zərbələri ölkənin cənubundakı Suveyda əyalətinin Arman şəhərində iki evə endirilib. Onların narkotik daşıyanlar olduğu bildirilir.
İordaniya və onun Qərb müttəfiqləri narkotik qaçaqmalçılığında artımın səbəbkarı kimi Livanda yerləşən, İranın dəstəklədiyi Hizbullah və Suriyanın cənubuna nəzarət edən digər iranpərəst qrupları günahlandırır. İran və Hizbullah bu ittihamları müttəfiqləri Suriyaya qarşı Qərbin konspirasiya planı olduğunu iddia edir və narkotik istehsalı və qaçaqmalçılığında iştirakını inkar edir.
Müharibədən əziyyət çəkən Yaxın Şərq ölkəsi olan Suriya narkotik ticarəti üçün regionun əsas məkanına çevrilib, İordaniya isə əsas tranzit marşrutu kimi istifadə olunur.
18-01-2024, 14:02
Lavrov İrandan və Ermənistandan keçən yolların müqayisəsini çətin anlandırdı
Rusiya xarici işlər naziri Sergey Lavrov İrandan və Ermənistandan keçən yolların müqayisəsini çətin adlandırıb.
Bu barədə o, bu gün keçirilən mətbuat konfransında danışıb.
Nazir Paşinyanın təklifinin yersiz olduğunu bildirib.
“Cənab Paşinyanın Ermənistan ərazisindən tranzit üçün eyni şərtləri istədiyi barədə dediklərində heçir məntiq görünmür, açığını desəm, bunları müqayisə etmək çətin və yersizdir".
O qeyd edib ki, Ermənistan indi Sünik vilayətindən (Zəngəzur - red.) keçən yolu açmaqda çətinlik edir, bu üçtərəfli bəyanatda deyilib.
"İrəvan yeni tələblər irəli sürür, orada Rusiya sərhədçilərinin yerləşdirilməsini istəmir. Bu, razılaşmalara ziddir. Qərbin eqoist istəklərinin maraqlarının Ermənistan və Azərbaycanın maraqlarının reallaşmasına mane olması təəssüf doğurur", - nazir belə söyləyib.
Qeyd edək ki, Ermənistan baş naziri Nikol Paşinyan bir neçə gün əvvək Qavar şəhərində keçirilən görüş zamanı deyib ki, İrəvan İran kimi eyni şərtlərlə Azərbaycanla Naxçıvan arasında quru əlaqəsini təmin etməyə hazırdır.
“Biz də İranın təqdim etdiyi şərtlərlə Azərbaycan və Naxçıvan arasında dəmir yolu və avtomobil əlaqəsini təmin etməyə hazırıq”, - Paşinyan bildirib.
18-01-2024, 13:58
Ankara Pakistanla İran arasında vasitəçilik təklif etdi
Rəsmi Ankara Pakistanla İran arasında vasitəçilik təklif edib.
Bu barədə Türkiyə Xarici İşlər Nazirliyindən bildirilib.
Qeyd olunub ki, Türkiyə Tehran və İslamabad arasında yaranan gərginlikdən narahatdır: “Problemin BMT prinsipləri əsasında, ölkələrin ərazi bütövlüyü və suverenliyi əsasında həllinin vacib olduğuna inanırıq. Məsələnin regional təhlükəsizlik və sabitliyə daha çox təhdid yaratmadan, dialoq və əməkdaşlıq əsasında həllini arzulayırıq”, - bəyanatda bildirilib.
Rəsmi Ankara tərəfləri dialoqa çağırıb: “Türkiyə təcrübəsini bölüşməyə və prosesə töhfə verməyə hazırdır”.
Qeyd edək ki, bir neçə gün əvvəl İran İslam İnqilabı Keşikçiləri Korpusu (Sepah) Pakistanda yerləşən “Ceyş əl-Adl” qruplaşmasına zərbələr endirib. Yanvarın 17-də Pakistan buna cavab olaraq İran ərazisinə zərbələr endirib. Nəticədə 9 nəfər həlak olub. Pakistan Silahlı Qüvvələri yüksək hazırlıq səviyyəsinə gətirilib.
18-01-2024, 13:52
Lavrov bir sıra məsələlərlə bağlı açıqlama verdi
"Üçtərəfli bəyanatda bütün iqtisadi və nəqliyyat əlaqələrinin açılacağı və Ermənistanın Azərbaycanla Naxçıvan arasında nəqliyyat kommunikasiyalarının təhlükəsizliyinə zəmanət verdiyi, nəzarətin isə Rusiya Federasiyası FTX tərəfindən həyata keçiriləcəyi bildirilib. Biz yaxşı başa düşürük ki, əldə edilmiş razılaşmalardan geri çəkilmələr qeyri-adi deyil. Onların tamamlanmasına nə mane oldu, bilmirik, amma yaxşı bilirik ki, Qərb dostlarının yaxşı məsləhətləri Cənubi Qafqazda həmişə mövcuddur və bəzən prosesin bu və ya digər iştirakçısı tərəfindən qəbul edilir".
Bunu Rusiyanın xarici işlər naziri Sergey Lavrov keçirdiyi mətbuat konfransında deyib.
O qeyd edib ki, delimitasiya problemi də nəzərdən keçirilə bilər.
"Moskva ora dəvət olunmur və Mişel açıqladı ki, xəritə Rusiya Federasiyasında olsa da, bununla Avropa İttifaqı məşğul olacaq. Rusiya heç vaxt Ermənistanla münasibətlərin soyumasının təşəbbüskarı olmayıb. Ermənistanın indiki rəsmilərinin çoxu müxalifətdə olduqları vaxt KTMT və Aİİ-dən çıxmağa çağırıblar. Paşinyan hakimiyyətə gələndə İrəvandan uzaqlaşmağa zərrə qədər həvəsimiz yox idi, hər şey onun sələfi dövründə olduğu kimi inkişaf etdi.
İrəvan KTMT ilə bağlı sənədi imzalamadı, eyni zamanda Aİ missiyası gəldi. Aİ missiyası Rusiya sərhədçilərinin işi ilə fəal maraqlanmağa başladı. Rusiya Federasiyasının bölgədəki hərəkətlərini gözdən salmağa çalışdı. Moskva bunu İrəvanla müzakirə edib.
Qərb Rusiya Federasiyasını Cənubi Qafqazdan çıxaracağını açıq şəkildə bəyan edir, onlar İrəvanın etirazını görməyiblər. Ya biz günahkarları axtarırıq və sərhədləri möhkəmləndirmək üçün bugünkü imkanlardan imtina edirik, ya da artıq İrəvanda açıq şəkildə bəyan edildiyi kimi, qərbli həmkarlarımızla işləyirik. Rusiya və KTMT məyus oldu, Qərb isə yox. Bizim erməni xalqı ilə çox isti münasibətlərimiz var. Əminik ki, tarix hər şeyi öz yerinə qoyacaq, lakin biz bütün problemləri təkbaşına həll etməyəcəyik", - o qeyd edib.
"Aİ-nin Ermənistandakı missiyası etimad yaratmaqla məşğul olmadı. Qərb Moskva, İrəvan və Bakı arasında üçtərəfli razılaşmaların həyata keçirilməsinə imkan vermək istəmir. Aİ və ABŞ Ermənistanla Azərbaycan arasında sərhədin delimitasiyasını Moskvadan yan keçməklə özlərinə məxsus şəkildə təşkil etmək istəyirlər", - rusiyalı nazir dövlətinin mövqeyini belə ifadə edib.
Lavrov bildirib ki, Azərbaycan Rusiya Federasiyası ərazisində Ermənistanla sülh müqaviləsi imzalamağa hazırdır, lakin İrəvanın mövqeyi qeyri-müəyyən olaraq qalır: "Məhz Moskvada məsələyə son qoymaq və bütün məsələləri həll etmək üçün bütöv qarşılıqlı fəaliyyət sistemi qurmaq üçün səylər başladı".
"İrəvanın buna nə dərəcədə hazır olduğunu bilmirəm, baxmayaraq ki, Ermənistan paytaxtına müvafiq siqnallar çoxdan göndərilib", - deyə o əlavə edib.
17-01-2024, 23:10
Zelenski Çinin Baş naziriylə görüşü rədd etdi
Ukrayna prezidenti Volodimir Zelenski ilə Çinin baş naziri Li Qianq arasında İsveçrədə görüş baş tutmayıb.
Bu barədə "Politco" qəzeti yazıb.
Bildirilir ki, Çin Ukraynanın görüş tələbini rədd edib. Məlumata görə, Çin rəhbərliyi Rusiyanın tələbi ilə Ukrayna nümayəndələri ilə hər hansı görüşdən imtina edib. Ukrayna rəsmisi isə bildirib ki, Kiyev Çin nümayəndəsi ilə görüş tələb etməyib.
26 aprel 2023-cü ildə Çin lideri Si Cinpin Zelenski ilə telefonla danışıb. Tərəflər xüsusilə Ukrayna ərazisində hərbi əməliyyatların sülh yolu ilə həlli yollarını müzakirə ediblər. May ayında Çinin Avrasiya məsələləri üzrə xüsusi nümayəndəsi Li Hui iki günlük səfər üçün Kiyevə gəlib. Ukrayna Çinin təqdim etdiyi münaqişənin həlli planını tənqid edib.
Zelenski Li Qianqla görüşmək fikrində olmadığını, çünki bunun onun səviyyəsinə uyğun olmadığını bildirib.O, qeyd edib ki, Çin lideri ilə görüşməkdən şad olardı.
“Bildiyim qədər, Si Cinpin qərarlar verir, Ukraynada isə mən qərar verirəm. Mənim heç bir dialoqa ehtiyacım yoxdur, bu qərarları qəbul edən liderlərin mühüm qərarlarına ehtiyacım var”, - deyə Zelenski bildirib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Təqvim
| « Noyabr 2026 » | ||||||
|---|---|---|---|---|---|---|
| Be | Ça | Ç | Ca | C | Ş | B |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | ||||||
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!