Hacı Məmmədov yazır: hər gecənin bir səhəri .....                        Milli Musiqi Günündə birgə layihə .....                        "COVID-19" virusu hələ də nəzarətə alınmayıb" .....                        Biomüxtəlifliyin itirilməsi prosesi rekord həddə çatıb .....                        Milyarder Əhmədov təltif edilib. .....                        İşıqlı Atalı yazır: Ürəyinizdə Günəş olsun! .....                        İlham Əliyev: “Ermənilər məscidlərimizdə heyvan saxlayırlar…” .....                        Ömür də bir kitabdı… .....                        Tractor tarix yazdı .....                       
Tarix : 19-07-2017, 10:32
5 azərbaycanlı fəalın məhkəmə iclası keçirilib


Butov.az GünAz TV - yə istinadən xəbər verir ki, iyulun 17 - də Təbriz İnqilab Məhkəməsinin 3 - cü Şöbəsində bu şəhərin mərkəzi zindanında bir aydan çoxdur aclıq aksiyası keçirməkdə olan azərbaycanlı milli-mədəni fəal Həbib Sasaniyan və daha 5 fəalın məhkəmə iclası təşkil olunub. H. Sasaniyan növbəti dəfə iclasa qatılmaqdan imtina edib.

Məhkəmə iclasından sonra artıq Mehdi Cavadzadə, Həmid Səqəfi, Babək Avənd, İsmail Əfxəmi və Yunis Rəhimi barələrində çıxarılacaq hökmü gözləyir. H.Sasaniyan bundan öncəki məhkəmə proseslərinə də qatılmadığı üçün barəsində qiyabi olaraq qərar çıxarıla bilər.

Məlumata görə, H.Sasaniyan zindana nəzarət edən müstəntiqlə görüş bəhanəsi ilə Təbriz məhkəməsinə gətirilib, lakin o, növbəti dəfə məhkəmə iclasına qatılmayıb.

H.Sasaniyan ETTELAAT (İran Kəşfiyyat Nazirliyi) İdarəsinin məhkəmə prosesinə müdaxiləsi və uzun müddətdir qeyri - müəyyən vəziyyətdə saxlandığına etiraz olaraq iyunun 13 - dən aclıq aksiyası keçirir. Bu müddətdə rejimin rəsmi orqanları onun irəli sürdüyü tələblərə laqeydlik nümayiş etdirib, fəalın ailə üzvləri və yaxınları isə onun səhhətindən nigarandır.

Hazırda aclıq aksiyasının 36 - cı günündə olan azərbaycanlı fəal böyrək ağrısı, mədə qanaxması, qan təzyiqi və bayğınlıq kimi xəstəliklərdən əziyyət çəkir, onun son günlərdə laxta qan qusduğu bildirilir. Bütün bunlara baxmayaraq siyasi məhbusun şəhər xəstəxanasında müalicə olunmasına icazə verilmir.

Vaxtaşırı bayğınlıq keçirən azərbaycanlı fəal davamlı olaraq karbamazepin dərmanı qəbul etməlidir. O, həmin dərmanı qəbul etsə də, uzun müddət ac qaldığı üçün son günlərdə onda bir neçə dəfə bayğınlıq olub.

H.Sasaniyan 2016 - cı il mayın 15 - də Mehdi Cavadzadə, Həmid Səqəfi, Babək Avənd, İsmail Əfxəmi və Yunis Rəhimi adlı 5 azərbaycanlı fəalla birlikdə Ərdəbildə yaxalanıb. O, yaxalandığı gündən bəri müvəqqəti həbsxanada saxlanılır.

Yuxarıda adlarını çəkdiyimiz fəallar “Ölkə təhlükəsizliyini pozmaq məqsədi ilə qanunsuz qrup yaratmaq” ittihamı ilə mühakimə olunur, lakin onlar irəli sürülən ittihamı qətiyyətlə rədd edir.

Fəallar ermənilərin Dağlıq Qarabağda azərbaycanlılara qarşı törətdikləri cinayətlərlə bağlı maarifləndirmə fəaliyyəti ilə məşğul olduqlarına görə təhlükəsizlik qüvvələri tərəfindən saxlanılıb, əsassız etiraflar üçün ağır işgəncəyə məruz qalıblar.

H.Sasaniyan iyunun 20 - də vəkilinin prosesə qatılmadığı səbəbindən üçüncü dəfə olaraq Təbriz İnqilab Məhkəməsində keçirilən məhkəmə iclasına qatılmaqdan imtina edib, nəticədə proses iyulun 17-nə təxirə salınmışdır.

Mayın 31-də Təbriz məhkəməsinin 3-cü şöbəsində adlarını çəkdiyimiz 5 fəalın məhkəmə iclası keçirilib. Çağırışa görə, Həbib Sasaniyan da məhkəməyə müraciət etməli idi, lakin o ETTELAAT İdarəsinin ona qarşı irəli sürdüyü yalan ittihamlar, məhkəmənin müstəqil olmaması və qaldırdığı vəsatətə baxılmamasına etiraz olaraq məhkəməyə müraciət etməkdən imtina edib.

O, aprelin 18-də də dosyesində bəzi sənədlərin yoxa çıxması səbəbindən məhkəmə iclasına qatılmaqdan imtina etmişdir.

H.sasaniyanın 11 və 15 yaşlı iki övladı var. Fəalın həbsdə olması səbəbindən onun ailəsi çətin güzəran keçirir, maddi sıxıntı çəkir. Ailənin dolanışığının həddən artıq ağır olduğu barədə dəfələrlə məlumat yayılıb.


Paylaş



Bölmə: Güneyin sesi / Karusel / Slayd / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Sentyabr 2020    »
BeÇaÇCaCŞB
 123456
78910111213
14151617181920
21222324252627
282930 
Reklam
Hava
Valyuta
Reklam

Sayğac
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Hər ötən il növbəti il üçün xatirəyə çevrilir; bəzən xatırlanır, bəzən də yenidən yaşanılır. Ancaq elə illər var ki, onları yenidən yaşamaq mümkün olmur. Bu illərə Türkiyənin unudulmaz 90 - cı illərini aid etmək olar. Axı həmin illəri yaddaqalan edən nəydi?
Butov.az Türkiyə mətbuatına istinadən həmin unudulmazlığı təqdim edir:
Türkiyənin unudulmaz 90 - cı illəri...
Video
https://www.youtube.com/watch?v=gd75lEyQX58

Şəhidlərə mahnı həsr olunub.

All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!