20-10-2025, 15:03
Ramiz Mehdiyev nə qədər pensiya alır? - “Gözqamaşdıran məbləğ”
Prezident Administrasiyasının cinayət məsuliyyətinə cəlb edilən keçmiş rəhbəri, akademik Ramiz Mehdiyevin adı gündəmdən düşmür. Məsələn, sosial şəbəkələrdə onunla bağlı açılan müzakirələrdən birində Mehdiyevin çox yüksək - “gözqamaşdıran məbləğdə” pensiya aldığı bildirilir. Bu iddialara görə, Mehdiyev 10-12 min arasında pensiya ilə təmin olunur.
Qeyd edək ki, Azərbaycanda əmək pensiyasının minimum məbləği 2025-ci il fevralın 1-dən 320 manat təşkil edir. Əgər Mehdiyevlə bağlı pensiya iddiası doğrudursa, onda onun təqaüdünün fantastik məbləğdə olduğunu vurğulamaq olar.
İddialara rəğmən, Ramiz Mehdiyevin aylıq pensiyasının konkret məbləğini qeyd edə bilmərik. Çünki Dövlət Sosial Müdafiə Fondu bu məbləği vətəndaşın razılığı olmadan rəsmi olaraq açıqlamır.
Akademikin pensiyasını hesablamaq da xeyli çətindir. Bunun üçün lazım olan məlumatlar (onun almış olduğu rəsmi maaş, staj müddəti, əlavə ödənişlər) dəqiq məlum deyil. Amma əminliklə qeyd edə bilərik ki, uzun illər Prezident Administrasiyasının rəhbəri, Milli Elmlər Akademiyasının prezidenti kimi yüksək vəzifələrdə işləmiş şəxsin pensiyası sıradan əmək pensiyasından on-iyirmi dəfələrlə yüksəkdir.
Azərbaycanda dövlət qulluqçuları, deputatlar, yüksək vəzifəli şəxslərin pensiyası xidmət müddətinə və vəzifəsinin rəsmi maaşına görə müəyyən faizlərlə hesablanır - məsələn, deputatlar üçün “təxminən maaşın 80 %-ə qədəri” kimi maddə var.
Ekspertlər deyirlər ki, Ramiz Mehdiyev kimi yüksək vəzifəli məmurun pensiyası nəzəri baxımdan orta əmək pensiyasından dəfələrlə yüksək ola bilər — çünki yüksək maaş, uzun əmək stajı, ali statuslu dövlət qulluqçusu kimi xüsusi əlavələr burada xüsusi rol oynayan amillərdir.
Mehdiyev 1995–2019-cu illərdə Prezident Administrasiyasının rəhbəri olub. Bu “yüksək vəzifə + uzun staj” deməkdir. O, 2019-2022-ci illərdə Azərbaycan Milli Elmlər Akademiyasının (AMEA) prezidenti postunu da tutub.
Bundan başqa, 87 yaşlı akademik 2007-ci ildən AMEA-nın həqiqi üzvüdür. Ölkə başçısnın sərəncamına əsasən, 2018-ci il noyabrın 1-dən Azərbaycan Milli Elmlər Akademiyasının həqiqi üzvlərinin aylıq rütbə maaşları 2000 manat təşkil edir.
Yəni Ramiz Mehdiyev hazırda təkcə akademik rütbəsinə görə ayda 2000 manat alır.
Ramiz Mehdiyevə 2003-cü ildən - 65 yaşı tamam olduğu vaxtdan pensiya kəsilib. Həmin dövrdən indiyə kimi isə pensiyalar dəfələrlə illik indeksləşdirilib ki, bu da onun aldığı təqaüdün məbləğinin artmasına təsirsiz ötüşməyib.
Qüvvədə olan “Dövlət qulluqçularının pensiya təminatı haqqında” Qanuna əsasən, 1991-ci il oktyabrın 18-dək dövlət, sovet və partiya orqanlarında iş müddəti də pensiyanın təyin olunması şərtlərinə daxildir. Bioqrafiyasında qeyd olunduğu kimi, Ramiz Mehdiyev 1965-ci ildən 1991-ci ilə kimi keçmiş sovet-partiya-dövlət sistemində müxtəlif vəzifələr tutub.
“Dövlət qulluqçularının pensiya təminatı haqqında” Qanunun 6.1.3-cü maddəsinə əsasən, dövlət qulluğu vəzifəsində 10 ildən 15 ilə qədər qulluq stajı olan şəxsə dövlət məvacibinin 55 faizi miqdarında, 10 ildən yuxarı qulluq stajının hər ili üçün dövlət məvacibinin 5 faizi miqdarında əlavə olunmaqla, lakin dövlət məvacibinin 80 faizi miqdarından çox olmamaqla pensiya məbləği təyin olunur.
Qanunun 7.1-ci maddəsində deyilir: “Pensiya almaq üçün müraciət edənin arzusuna əsasən dövlət məvacibi onun müraciət etdiyi gündən əvvəlki dövlət qulluğunun 24 ayı və ya ardıcıl gələn istənilən 60 ayı ərzində aldığı dövlət məvacibindən, dövlət məvacibindəki sonrakı artımlar da nəzərə alınmaqla hesablanır”.
Ramiz Mehdiyev kimi uzun illər yüksək vəzifədə fəaliyyət göstərmiş şəxsin pensiya məbləğinin fantastik olması hüquqi baxımdan əsaslandırılsa da, ictimai baxımdan müzakirə və suallar doğurur.
20-10-2025, 14:24
Nizami Rəmzinin qızı həbs olundu
Mərhum meyxanaçı və şair Nizami Rəmzinin qızı Reyhan həbs olunub.
Bununla bağlı bloger Nail Kəmərli məlumat yayıb:
"Heyf səndən, Reyhan. Gərək səni elə o gün aparardım, Reyhan. Məni aldatdın. İnandım sənə. Reyhan artıq həbsdədir. Çox heyf".
Qeyd edək ki, N.Kəmərli 2023-cü ildə Reyhanın acınacaqlı həyatını nümayiş etdirmişdi. Narkotik aludəçisi olan Reyhan küçədə yaşayırdı. O, müalicə üçün reabilitasiya mərkəzinə yerləşdirilməli idi.
20-10-2025, 14:02
“Qarabağ”dan ayrılmaq fikrim yoxdur - Qurban Qurbanov
“Qarabağ”dan ayrılmaq və daha böyük kluba getmək kimi fikrim yoxdur.
Bu sözləri "Qarabağ”ın baş məşqçisi Qurban Qurbanov Türkiyənin “Haber Global” televiziya kanalına müsahibəsində deyib.
Mütəxəssis Ağdam klubu ilə arasında xüsusi bağ olduğunu söyləyib:
“Bura mənim ikinci, bəlkə də birinci evimdir. Çünki burada öz evimdən daha çox vaxt keçirirəm. Amma gələcəkdə hər şey mümkündür. Klubda və ya sistemdə dəyişikliklər baş verə bilər. Hazırda “Qarabağ”dan ayrılmaq fikrim yoxdur. Bu komanda ilə ildən-ilə daha möhkəm olmaq və uğurlu nəticələr əldə etmək istəyirəm”.
Qeyd edək ki, “Qarabağ” oktyabrın 22-də UEFA Çempionlar Liqasının əsas mərhələsində növbəti oyununu keçirəcək. Ağdam təmsilçisi III tur çərçivəsində İspaniyada “Atletik”in qonağı olacaq. “San Mames” stadionunda oynanılacaq qarşılaşma Bakı vaxtı ilə saat 20:45-də başlayacaq.
20-10-2025, 13:25
Xocavənddə mina partladı - Yaralı var
Xocavənd rayonunda mina hadisəsi baş verib.
Bu barədə Azərbaycan Respublikasının Minatəmizləmə Agentliyindən (ANAMA) məlumat verilib.
Məlumata görə, işğaldan azad edilmiş Xocavənd rayonunun Tağaverd kəndi ərazisində 2025-ci il 20 oktyabr tarixində mina hadisəsi baş verib.
Ekskavator operatoru vəzifəsində çalışan Agentliyin əməkdaşı 1967-ci il təvəllüdlü Şirinov İlqar Vəli oğlu xidməti vəzifəsini yerinə yetirərkən baş verən piyada əleyhinə mina partlayışı nəticəsində xəsarət alıb.
Xəsarət alan şəxs hadisə yerindən təxliyyə edilərək, rayon xəstəxanasına çatdırılıb. Xəsarət alan şəxsin sağ ayağı topuq nahiyəsindən amputasiya edilib. Vəziyyəti stabildir.
20-10-2025, 12:43
Gürcüstanda çörəyin və unun qiyməti bahalaşdı
Gürcüstanda çörəyin və un məmulatlarının qiymətləri artıb.
Ölkədəki supermarket şəbəkələrində standart 410 və 530 qramlıq çörəklərin qiymətləri 5-10 tetri artıb.
Gürcüstan Çörəkçilər Assosiasiyasının sədri Malxaz Dolidze bildirib ki, çörəyin qiymətinin artması unun bahalaşması və işçilərin maaşlarının artırılması ilə əlaqədadır.
“Ötən il unun bir kisəsinin orta qiyməti 52 lari idisə, bu gün 60 lari civarındadır. Bundan əlavə, işçilərin maaşı da var. Bu da istehsalçılara qiyməti dəyişməyə əsas verir”, - deyə Dolidze bildirib.
Onun sözlərinə görə, unun qiyməti aşağı düşərsə, çörəyin də qiyməti müvafiq olaraq tənzimlənəcək: “Ona görə də ictimaiyyət mövcud vəziyyətə anlayışla yanaşmalıdır”.
Qeyd edək ki, çörək Gürcüstanda ən sabit məhsullardan biri olaraq qalır. Təkcə paytaxt Tbilisi gündə 400 tona qədər çörək məhsulları istehlak edir.
20-10-2025, 12:15
Sabahın hava proqnozu
Azərbaycanda oktyabrın 21-də arabir yağış yağacağı, şimşək çaxacağı gözlənilir.
Bu barədə Milli Hidrometeorologiya Xidmətindən məlumat verilib.
Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin axşam bəzi yerlərdə yağış yağacağı ehtimalı var. Mülayim şimal-qərb küləyi gündüz arabir güclənəcək.
Havanın temperaturu gecə 14-16, gündüz 17-20 dərəcə isti olacaq. Atmosfer təzyiqi 760 mm civə sütunundan 765 mm civə sütununa yüksələcək. Nisbi rütubət 70-80 % təşkil edəcək.
Azərbaycanın rayonlarında bəzi yerlərdə arabir yağış yağacağı, şimşək çaxacağı gözlənilir. Ayrı-ayrı yerlərdə leysan xarakterli intensiv olacağı, dolu düşəcəyi, yüksək dağlıq ərazilərdə sulu qara keçəcəyi ehtimalı var. Bəzi yerlərdə arabir duman olacaq. Qərb küləyi ayrı-ayrı yerlərdə arabir güclənəcək.
Havanın temperaturu gecə 9-14, gündüz 17-21, dağlarda gecə 1-5, gündüz 5-9 dərəcə isti olacaq.
19-10-2025, 18:30
Tramp bu ölkənin prezidentini hədələdi
ABŞ prezidenti Donald Tramp Kolumbiya prezidenti Qustavo Petronu narkotik ticarətinə yardım etməkdə ittiham edib.
Tramp Petronu Petronu qeyri-qanuni narkotik bazarının lideri adlandırıb və onu bütün ölkədə narkotik istehsalını təşviq etməkdə günahlandırıb.
Trampın sözlərinə görə, bu dərmanların böyük bir hissəsi ABŞ-də gətirilir. Bu fonda o, Kolumbiyaya ABŞ-nin bütün subsidiyalarının və ödənişlərinin dayandırıldığını elan edib.
Tramp həm də Petronu hədələyib: “Yaxşısı budur, bu öldürmə sahələrini dərhal bağlasın, yoxsa Birləşmiş Ştatlar onun üçün onları bağlayacaq və bu heç də xoş olmayacaq”.
19-10-2025, 17:58
HƏMAS komandiri öldürüldü
İzzəddin əl-Qəssam Briqadasının komandirlərindən biri Qəzzada məhv edilib.
Bu barədə “Əl Ərəbiyə” telekanalı məlumat yayıb.
“İzzəddin əl-Qəssam Briqadasının “Ən-Nuhba” bölüyünün komandiri Yəhya əl-Məbhuh öldürülüb İsrail ordusunun Qəzzaya endirdiyi zərbələr nəticəsində öldürülüb”, - məlumatda qeyd olunub.
19-10-2025, 17:52
Rusiyaya heç nə verməyəcəyik - Zelenski
Biz Rusiyaya heç nə verməyəcəyik.
Bunu Ukrayna Prezidenti Vladimir Zelenski deyib.
“Rusiyaya qarşı uzaqmənzilli sanksiyalarımızın həm əhatə dairəsində, həm də dəqiqliyində artım var. Əslində, hər gün və ya iki gündən bir Rusiyada neft emalı zavodu vurulur. Bu da Rusiyanı reallığa qaytarmağa çalışır”, - Zelenski bildirib.
19-10-2025, 17:21
Çin ABŞ-ni kiberhücumlarda ittiham etdi
Çin Dövlət Təhlükəsizlik Nazirliyi ABŞ kəşfiyyatının məxfi məlumatları oğurladığını və Milli Zaman Mərkəzinin şəbəkələrinə hücum etdiyini iddia edir.
Bu barədə South China Morning Post (SCMP) məlumat yayıb.
Qeyd olunub ki, bu cür hücumlar bu təşkilatın normal fəaliyyətinə təsir göstərə bilərdi.
Şaansi əyalətinin Sian şəhərində yerləşən və Çin Elmlər Akademiyasına bağlı mərkəz ölkədə dəqiq standart vaxtın ötürülməsinə cavabdehdir. Çinin əks-kəşfiyyat agentliyinin məlumatına görə, ABŞ Milli Təhlükəsizlik Agentliyi 2022-ci ilin martında başlayan həssas məlumatları oğurlaya bilib.
Növbəti ilin aprelində ABŞ kəşfiyyatı Milli Zaman Mərkəzinin kompüter sistemlərini sındırmaq və şəbəkələrini öyrənmək üçün oğurlanmış parollardan istifadə etməyə başlayıb.
Vurğulanıb ki, Amerika kəşfiyyatı hücumlar üçün ABŞ, Avropa və Asiyada yerləşən virtual serverlərdən ərazi kimi istifadə edib. Çin dövlət təhlükəsizlik orqanları hücumlara dair sübutlar aşkar edib və Milli Zaman Mərkəzinə gələcək təhlükəsizlik pozuntularının qarşısını almaq üçün araşdırma aparmaq, hücumları dayandırmaq və protokolları yeniləmək tapşırığı verib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!