28-11-2025, 22:17
Bu ölkədə müdafiə naziri istefa verdi
Rumıniyanın müdafiə naziri Yonuts Moşteanu ali təhsilinə dair məlumatlarla bağlı yaranan qalmaqal fonunda istefa verib. Baş nazir İlie Bolojan bildirib ki, nazirin istefa ərizəsi qəbul olunub və müdafiə nazirinin səlahiyyətlərinin müvəqqəti icrası iqtisadiyyat, rəqəmsallaşma, sahibkarlıq və turizm naziri Radu Mirutsaya tapşırılacaq.
Y.Moşteanu sosial şəbəkədə açıqlamasında “təhsil məsələsinə dair müzakirələrin ölkənin gündəmini yayındırmaması üçün” vəzifədən getdiyini qeyd edib. O, qərarı barədə Rumıniya Prezidenti Nikuşor Dana, Baş nazir İlie Boločana və Rumıniyanın Xilas Birliyi (USR) Partiyasının rəhbərliyinə məlumat verib.
Y.Moşteanunun rəsmi tərcümeyi-halında Buxarestdəki Ateneum Universitetini bitirdiyi göstərilsə də, ali məktəb rəhbərliyi onun həmin universitetdə oxumadığını açıqlayıb. Daha sonra nazirin paytaxtdakı Bioterra Universitetində təhsil aldığı bəlli olub. Sənədlərə əsasən, o, 1995-ci ildə daxil olub, 2016-cı ildə buraxılış imtahanları verib, diplom isə 2018-ci ilə tarixlənib. 2015-ci ildən etibarən isə ali təhsil tələb edən vəzifələrdə - nəqliyyat nazirinin müşaviri və TAROM dövlət aviaşirkətinin idarə heyətinin üzvü kimi çalışıb.
Y.Moşteanu 23 iyunda müdafiə naziri təyin olunub. Bundan əvvəl USR partiyasından parlamentdə deputat və nəqliyyat nazirinin müşaviri olub.
Radu Mirutsanın müdafiə nazirinin vəzifələrini müvəqqəti icra etməsi üçün prezidentə təqdimat göndərilib.
28-11-2025, 21:46
71 yaşlı kişini maşın vurdu
Şəki rayonunun Turan qəsəbəsi ərazisində yol-nəqliyyat hadisəsi baş verib.
Qəsəbə ərazisində Aslan Ağaverdiyev idarə etdiyi KAMAZ markalı avtomobillə piyada, 71 yaşlı Silom Süleymanovu vurub. Piyada müxtəlif dərəcəli bədən xəsarətləri alıb. O, Şəki Rayon Mərkəzi Xəstəxanasına yerləşdirilib.
Qəzanın təfərrüatları araşdırılır.
28-11-2025, 21:38
Kəlbəcərdə yanğın
Fövqəladə Hallar Nazirliyinin “112” qaynar telefon xəttinə Kəlbəcər rayonu, Qalaboynu kəndi istiqamətində açıq ərazidə yanğın baş verməsi barədə məlumat daxil olub.
Bu barədə Fövqəladə Hallar Nazirliyinin Mətbuat xidməti məlumat verib.
Bildirilib ki, məlumatla əlaqədar əraziyə FHN-in Dövlət Yanğından Mühafizə Xidmətinin qüvvələri cəlb olunub.
Havanın küləkli olması və relyefin mürəkkəbliyi yanğının söndürülməsini çətinləşdirsə də hazırda yanğınla mübarizə tədbirləri davam etdirilir.
28-11-2025, 20:29
Ödənişli yolda radar quraşdırıldı
Bakı-Quba-Rusiya Federasiyası ilə dövlət sərhədi yeni avtomobil yolunda yeni radarlar və müşahidə kameraları quraşdırılıb.
Ödənişli yolda maksimal sürət həddi, radar və müşahidə kameralarını göstərən yol nişanları cari ilin yanvar ayında quraşdırılmışdı. Radarlar və xüsusi texniki vasitələrin quraşdırılmasına isə ötən həftədən başlanılıb. Quraşdırılan texniki vasitələr hazırda test rejimində işləyir.
Azərbaycan Avtomobil Yolları Dövlət Agentliyinin (AAYDA) 20 nömrəli Xüsusi Təyinatlı Yol İstismarı MMC-nin direktoru Mirqiyas Kazımov bildirib ki, yolda radar və müşahidə kameralarının quraşdırılması işləri bir ay ərzində yekunlaşacaq. Proses Daxili İşlər Nazirliyinin müvafiq qurumu tərəfindən həyata keçirilir.
Mirqiyas Kazımovun sözlərinə görə, Bakı-Quba-Rusiya Federasiyası ilə dövlət sərhədi avtomobil yolunun 129 kilometrlik ödənişli hissəsində 20-yə yaxın məntəqədə radarlar və xüsusi texniki vasitələrin quraşdırılması nəzərdə tutulub. Ödənişli yolda sürət həddinin artırılması ilə bağlı təkliflər də müzakirə olunur.
Hazırda yolda ən yüksək sürət həddi qanunvericiliyə uyğun olaraq 110 km/saatdır. Yolun başlanğıc nöqtəsi - Yeni Yaşma ödəmə məntəqəsindən, son nöqtəsi - Yeni Sudur ödəmə məntəqəsinədək olan hissəsində bütün yolboyu sürət həddini göstərən nişanlara rast gəlmək olar.
28-11-2025, 20:03
Anar Əsədliyə ittiham elan olundu
Ləğv edilmiş Yüksəliş Partiyasının sədri Anar Əsədlinin cinayət işi üzrə növbəti məhkəmə prosesi keçirilib.
Dövlət ittihamçısı təqsirləndirilənə ittiham aktını elan edib. İttihama görə, Anar Əsədli yüksək gəlir əldə etmək adı ilə tanışı Oqtay Qasımovdan müxtəlif vaxtlarda pul alıb. Söhbət, ümumilikdə 255 min manatın alınmasından gedir. Həmin puldan 23 manatı geri qaytarıb.
Anar Əsədli Etibar Nəsirovdan isə ümumilikdə 8 min 500 manat alıb. Həmin məbləğdən 3400 manat ödəniş edib. Təqsirləndirilən şəxs Hüseyn İlhamdan 17 min manat alıb və həmin məbləğin 4250 manatını geri qaytarıb. Tamara Allahverdiyevadan isə ümumilikdə 78500 manat alıb. Dəyən ziyandan 17 min manat geri ödəniş edib.
Anar Əsədli özünü ittihamla təqsirli bilməyib.
Növbəti proses dekabrın 19-na təyin edilib.
28-11-2025, 19:54
Türkiyə və Ermənistan rəsmiləri sərhəddə görüşüblər
Türkiyə ilə Ermənistan arasında normallaşma prosesi üzrə xüsusi nümayəndələrin görüşləri zamanı əldə edilən razılaşmaların bir hissəsi olaraq, iki ölkənin müvafiq nazirliklərinin nümayəndələri 28 noyabr 2025-ci il tarixində Türkiyə ilə Ermənistan arasındakı Akyaka-Ahurik sərhəd keçid məntəqəsində və Ermənistanın Gümrü şəhərində görüşüblər.
Bu barədə Türkiyə Xarici İşlər Nazirliyi məlumat yayıb.
Məlumata görə, görüş zamanı Qars-Gümrü dəmir yolunda daşımaların bərpası və bu istiqamətdəki texniki məsələlər müzakirə olunub.
28-11-2025, 19:35
Zelenskinin "sağ əli" istefa verdi
Ukrayna Prezident Administrasiyasının rəhbəri Andrey Yermak istefa ərizəsini ölkə başçısı Volodimir Zelenskiyə təqdim edib.
Bu barədə Zelenski ənənəvi axşam müraciətində bildirib.
"Ukrayna Prezidenti Administrasiyası yenidən işə salınacaq. Administrasiyanın rəhbəri Andrey Yermak istefa ərizəsi verib. İstəyirəm ki, heç bir şayiə və ya fərziyyə olmasın. Administrasiyanın yeni rəhbəri ilə bağlı sabah bu quruma rəhbərlik edə biləcək şəxslərlə məsləhətləşmələr aparacağam", - deyə o bildirib.
Qeyd edək ki, son günlərdə Yermakın adı korrupsiya qalmaqalında hallanıb. Onun evində axtarış aparılıb.
28-11-2025, 19:27
Paşinyanın müavini Azərbaycana gəldi
Şahin Mustafayev və Mher Qriqoryan Qəbələdə görüşüb.
Bu barədə Azərbaycan Respublikası ilə Ermənistan Respublikası arasında dövlət sərhədinin delimitasiyası üzrə Dövlət Komissiyasının Katibliyinin məlumatında bildirilib.
Bildirilib ki, noyabrın 28-də Azərbaycan Respublikasının Qəbələ şəhərində Azərbaycan Respublikasının Baş nazirinin müavini Şahin Mustafayev və Ermənistan Respublikasının Baş nazirinin müavini Mher Qriqoryanın sədrliyi ilə Azərbaycan Respublikası ilə Ermənistan Respublikası arasında dövlət sərhədinin delimitasiyası üzrə Dövlət Komissiyasının və Ermənistan Respublikası ilə Azərbaycan Respublikası arasında dövlət sərhədinin delimitasiyası və sərhəd təhlükəsizliyi məsələləri üzrə Komissiyanın 12-ci görüşü keçirilib.
Görüş zamanı tərəflər 16 yanvar 2025-ci il tarixində keçirilmiş 11-ci görüşün yekunları üzrə əldə olunmuş, delimitasiyası üzrə kompleks işlərin dövlət sərhədinin şimal sahəsindən başlayaraq Azərbaycan Respublikasının, Ermənistan Respublikasının və Gürcüstanın sərhədlərinin qovuşma nöqtəsi ərazisindən cənub istiqamətində, şimaldan cənuba, Azərbaycan Respublikasının və Ermənistan Respublikasının İran İslam Respublikası ilə sərhədinə qədər başlanması barədə razılaşmanı qeyd ediblər.
Tərəflər delimitasiya tədbirləri ilə bağlı təşkilati və texniki məsələlər üzrə ətraflı fikir mübadiləsi aparıblar.
Həmçinin delimitasiya işlərinin həyata keçirilməsi qaydasına dair müvafiq təlimat layihələri müzakirə olunub.
Azərbaycan Respublikasının Baş nazirinin müavini Şahin Mustafayev və Ermənistan Respublikasının baş nazirinin müavini Mher Qriqoryan qarşılıqlı maraq doğuran məsələlər üzrə ayrıca fikir mübadiləsi aparıblar.
Tərəflər növbəti görüşün tarixini iş qaydasında, Ermənistan Respublikasının şəhərlərindən birində müəyyən etmək barədə razılığa gəlilər.
28-11-2025, 19:07
Nərimanovda bina yanır
Fövqəladə Hallar Nazirliyinin “112” qaynar telefon xəttinə paytaxtın Nərimanov rayonu, Əlicabbar Orucov küçəsində çoxmərtəbəli binada yanğın baş verməsi barədə ilkin məlumat daxil olub.
Bu barədə FHN məlumat yayıb.
Bildirilib ki, məlumatla əlaqədar dərhal FHN-in Dövlət Yanğından Mühafizə və Xüsusi Riskli Xilasetmə xidmətlərinin qüvvələri əraziyə cəlb olunub.
Hazırda yanğının söndürülməsi istiqamətində əməliyyat davam edir.
28-11-2025, 18:40
CHP-də qurultay - Kılıçdaroğlu qatılmadı
Türkiyənin ana müxalifət partiyası olan Cümhuriyyət Xalq
Partiyasının (CHP) 39-cu qurultayı öz işinə başlayıb.
Qurultayın ilk günü partiyanın proqramı və nizamnamə dəyişikliyi qəbul edilib.
Üç gün davam edəcək qurultayın şüarı “İndi iqtidar zamanı” olaraq müəyyənləşdirilib.
Qurultayın ilk günündə partiyanın yenilənmiş proqramı təsdiqlənib. Eyni zamanda, Partiya Məclisinin üzv sayı 60-dan 80-ə qaldırılıb. Özgür Özəl çıxışında bildirib ki, məqsəd CHP-ni iqtidara daşıyacaq və Türkiyənin əsas problemlərini həll edəcək yeni hökumət proqramı formalaşdırmaqdır.
Qurultaya dəvət edilən keçmiş sədr Kemal Kılıçdaroğlu tədbirə qatılmayıb. Sabiq sədr Hikmet Çətin də səhhətindəki problemlərə görə iştirak etməyib.
Tutulan İstanbul Böyükşəhər Bələdiyyə Başqanı Ekrem İmamoğlunun həyat yoldaşı Dilek Kaya İmamoğlu, vəzifədən uzaqlaşdırılan Esenyurt Bələdiyyə Başqanı Ahmet Özer, eləcə də Ankara və İzmir başda olmaqla çox sayda bələdiyyə başqanı qurultayda iştirak edib.
CHP-də sədr seçkisində yalnız bir namizəd var – iki ildən çoxdur partiyaya rəhbərlik edən Özgür Özəl. Qurultayda əsas rəqabətin Partiya Məclisinə (PM) seçkilərdə yaşanacağı gözlənilir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!