İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə yeni rəisi təyinatı olub. Prezident İlham Əliyevin imzaladığı sərəncamla bu posta Məmməd Aslan oğlu Abbasbəyli təyin olunub. M.Abbasbəyli bu təyinatadək Antiinhisar və İstehlak Bazarına Nəzarət Dövlət Xidmətinin rəis müavini vəzifəsində işləyib.

Qeyd edək ki, Məmməd Abbasbəyli Əmək və Əhalinin Sosial Müdafiəsi Nazirliyi yanında Dövlət Məşğulluq Agentliyinin İdarə Heyətinin sədri Mustafa Abbasbəylinin qardaşıdır. Bununla da Azərbaycanda yüksək vəzifə daşıyan məmur qardaşların sayı artıb.
Hokm.az mövzunun aktuallığını nəzərə alaraq, dövlət idarəçiliyində mühüm postlar tutan məmur qardaşlarla bağlı araşdırma aparıb.
Başlayaq elə Abbasbəyli qardaşlarından. Dövlət Məşğulluq Agentliyinin sədri Mustafa Abbasbəyli 2004-cü ildə karyera yolunu sığorta sektorundan salıb və “Standard Insurance” sığorta şirkətində baş hüquqşünas kimi əmək fəaliyyətinə başlayıb. Bu şirkətin Departament rəhbəri, İdarə Heyətinin üzvü və sədr müavini vəzifələrini tutub. Ardınca “Toyota Baku” və “Beyli Group” şirkətlərinin baş direktoru, Azərbaycan Sığortaçılar Assosiasiyasının sədri vəzifələrində çalışıb. Son təyinata qədər isə Əmək və əhalinin sosial müdafiəsi nazirinin müşaviri işləyib.
Məmməd Abbasbəyli isə ABŞ-nın Corc Vaşinqton Universitetini bitirib. Əmək fəaliyyətinə 2000-ci ildə ABŞ-nın Nyu-York şəhərində yerləşən “Salans Hertzfeld & Heilbronn” hüquq şirkətində başlayıb, daha sonra firmanın Bakı ofisində işini davam etdirib. 2004-cü ildən “Azpetrol International Holdings B.V.”də, “EUPEC Pipe-Coatings LLC” və “BP Group” kimi bir sıra iri xarici sənaye və investisiya korporasiyalarında hüquqşünas, hüquq bölməsinin rəhbəri və baş menecer vəzifələrini tutub. Azərbaycan Alpinizm Federasiyasının prezidenti, İqtisadiyyat nazirinin müşaviri, İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin rəis müavini olub. Eyni zamanda, Sahibkarlığın İnkişafı Fondunun Müşahidə Şurasının üzvüdür.
Ölkəmizin aparıcı holdinqlərindən olan “PASHA Holding”in baş icraçı direktoru Cəlal Qasımovun qardaşı Balakişi Qasımov İctimai Televiziyanın baş direktorudur. Qardaşların xalası oğlu isə İqtisadiyyat naziri Mikayıl Cabbarovdur. Cəlal Qasımov İngiltərədə “Warwick Business School”da MBA proqramı üzrə məzun olub. “Azpetrol” şirkətində Vergi planlaşdırılması və büdcə nəzarəti departamentinin direktoru, maliyyə direktoru və Direktorlar Şurasının sədr müavini, “Bank of Baku”da İdarə Heyəti Sədrinin müşaviri və İdarə Heyətinin sədri, “Unibank”da icraçı direktor, “PASHA Holding”də Baş icraçı direktorun müavini, Bankinq Qrupun (Banking Group) rəhbəri vəzifələrində çalışıb. Balakişi Qasımov isə “Nə? Harada? Nə zaman?” elitar klubunun oyunçusu, Azərbaycanda “Nə? Harada? Nə zaman?” oyununun aparıcısı və baş prodüsseri, GameTV.az prodüser mərkəzinin rəhbəri, eyni zamanda Breyn rinq üzrə Azərbaycan çempionu, Anar Əzimovun komandasında üç dəfə Cənubi Qafqaz çempionu olub.

Prezidentin köməkçisi, Prezident Administrasiyasının Hərbi məsələlər şöbəsinin müdiri Məhərrəm Əliyevin qardaşı Adil Əliyev Milli Məclisin sədr müavini və Parlamentin Gənclər və idman komitəsinin sədridir. Məhərrəm Əliyev paytaxtın Nizami, Sabunçu, Xətai, Səbail rayon Polis İdarələrində rəhbər vəzifələrdə çalışıb. 14 il Bakı Şəhər Baş Polis İdarəsinin rəisi olub. Son təyinata qədər isə Azərbaycanın Tacikistanda səfiri, Prezidentin Müdafiə məsələləri üzrə köməkçisi xidmətinin Müdafiə məsələləri şöbəsinin müdiri, Ədliyyə nazirinin müavini postlarını tutub. Adil Əliyev isə əmək fəaliyyətində polis sistemində başlasa da, polkovnik-leytenant rütbəsində təqaüdə çıxıb. 2005-ci ildən Milli Məclisin üzvü və Azərbaycan Kikboksinq Federasiyasının prezidenti olub. Hazırda bu federasiyanın fəxri rəhbəridir.
Xarici İşlər naziri Ceyhun Bayramovun qardaşı Azər Bayramov Maliyyə nazirinin müavinidir. Ceyhun Bayramov “Omni” hüquq şirkətinin rəhbəri, Təhsil Nazirliyi aparatının rəhbəri, Təhsil nazirinin müavini və Təhsil naziri vəzifələrində çalışıb. Azər Bayramov isə Baş Dövlət Vergi Müfəttişliyinin “Beynəlxalq vergiqoyma”, “İri vergi ödəyiciləri ilə iş üzrə” idarələrinin rəisi olub. Maliyyə Nazirliyinin “Vergi Siyasəti və Gəlirlər” Baş İdarəsinin rəisi postlarını tutub.
Prezidentin köməkçisi, Prezident Administrasiyasının Dövlət nəzarəti şöbəsinin müdiri Kərəm Həsənovun qardaşı Malik Həsənov Milli Məclisin deputatıdır. Kərəm Həsənov uzun müddət Əmlak məsələləri Dövlət Komitəsinin sədri işləyib. Malik Həsənov isə üçüncü çağırışdır Cəlilabad seçicilərini ali qanunverici orqanda təmsil edir. Uzun müddət bizneslə məşğul olub. “Azinko Holdinq”in təsisçisi və direktoru olub. Bu gün də qeyri-rəsmi sahibkarlıq fəaliyyəti ilə məşğul olduğu iddia edilir.
Qafqaz Müsəlmanları İdarəsinin sədri, Şeyxülislam Hacı Allahşükür Paşazadənin qardaşı Cavanşir Paşazadə Milli Məclisin deputatıdır. SSRİ xalq deputatı, daha sonra Azərbaycanın millət vəkili olan Şeyx 42 ildə yaxındır ki, Qafqazın dini lideridir. Cavanşir Paşazadə isə uzun müddətdir Milli Məclisin üzvüdür. Hazırda Parlamentin İctimai birliklər və dini qurumlar və Aqrar siyasət komitələrinin üzvüdür.(Hokm.az)

Bütöv.az

2021-ci ilin 17 dekabr tarixində Xarici İşlər Nazirliyi Gülüstan Sarayında diplomatik korpus qarşısında ilin yekunlarına dair hesabat verib. Tədbirdə Xarici İşlər Nazirliyinin rəhbər heyəti, müvafiq qurumlardan yüksək səviyyəli nümayəndələr, ölkəmizdə akkreditə olunmuş diplomatik nümayəndəlik və beynəlxalq təşkilatların ofislərinin rəhbərləri iştirak ediblər.

Bütöv.az Ovqat.com-a istinadən xəbər verir ki, nazir Ceyhun Bayramov öz hesabat nitqində Azərbaycan XİN-in bir illik xidmətindən ağız dolusu danışıb. Həqiqətən də 44 günlük müharibədən sonra Azərbaycanın diplomatik fəaliyyəti barədə danışacaq çox şey vardı və belə görünür ki, Cənab nazir illk hesabat hazırlamaqda heç bir korluq çəkməyib. Amma Ceyhun müəllimin ya “paxıllıq”dan, ya da hansısa səbəbdən unutduğu bəzi məsələlər də olub. Onlardan biri də Naxçıvan Muxtar Respublikasının diplomatik fəaliyyətidir. Bəli, bəli, səhv eşitmədiniz, məhz diplomatik fəaliyyəti.

Baxmayaraq ki Muxtar Respublikada mövcud olmayan iki nazirlikdən biri (digəri Müdafiə Nazirliyidir) XİN-dir, amma bu “dövlətçik” aktiv diplomatik siyasətlə məşğuldur. Özü də MR-nın diplomatik korpusu öz fəaliyyət aktivliyinə görə nəinki digər muxtar nazirliklərdən, hətta Ceyhun Bayramovun idarə etdiyi mərkəzi XİN-dən belə geri qalmır. Təsəvvür edin ki, 1.5 ildir ki, XİN-ə rəhbərlik edən Ceyhun Bayramov üst-üstə toplasan indiyədək bəlkə də 10 ölkəyə səfər etməyib. Naxçıvanın qeyri-rəsmi Xarici İşlər naziri Bəxtiyar Əsgərov isə, göz dəyməsin, bu sahədə nəinki Ceyhun Bayramovu, hətta Napoleon Bonapartın baş diplomatı Şarl Moris de Taleyranı belə çox-çox geridə qoyub. Belə ki, Naxçıvanın “Taleyranı” 2018-ci ilin təkcə bir ayında 10-dan çox səfirlə görüşmüşdü. Sözügedən görüşlər onun vəzifə təyinatının sərhədlərini aşdığından biz həmin vaxt bu barədə tənqidi qeydlərimizi və şübhələrimizi qələmə almışdıq. Eşitdiyimizə görə, bu yazıdan sonra həm paytaxt, həm də muxtar rəhbərlik Naxçıvan Daimi Nümayəndəliyinə bir daha bənzər görüşlər keçirməməyi məsləhət görmüşdü.

Şərti olaraq adına “Qara pişik” dediyimiz qaynağımızın verdiyi məlumata görə, Naxçıvan Daimi nümayəndəsi yola salmaqda olduğunuz il də öz ampluasından kənara çıxmaq barədə düşünməyib və ölkənin baş diplomatına örnək təşkil edəcək performans sərgiləyib. Zira Ceyhun müəllimin bu il neçə ölkə rəsmisi ilə görüşüb-görüşmədiyinə özü aydınlıq gətirə bilər. Biz isə Naxçıvan “xanlığını” çox sevdiyimizdən onun daimi nümayəndəsi Bəxtiyar Əsgərovun builki görüşlərinin siyahısını yayımlayırıq:

27.01.2021: Əfqanıstanın fövqəladə və səlahiyyətli səfiri Amanullah Ceyhun ilə görüşüb;

16.02.2021: Türkiyənin fövqəladə və səlahiyyətli səfiri Erkan Özoralla ilə görüşüb;

22.02.2021: Niderland Krallığının Azərbaycan Respublikasında fövqəladə və səlahiyyətli səfiri xanım Pauline Eizema ilə görüşüb;

15.03.2021: Belarus Respublikasının Azərbaycan Respublikasında yeni təyin olunan fövqəladə və səlahiyyətli səfiri Andrey Ravkovla görüşüb;

24.03.2021: Rusiya Federasiyasının ölkəmizdəki səfirliyində olub. Fövqəladə və səlahiyyətli səfir Mixail Nikolayeviç Boçarnikovla görüşdə əsas müzakirə mövzusu iki ölkə arasındakı münasibətlər olub;

08.04.2021: Yaponiyanın Azərbaycan Respublikasında yeni təyin olunan fövqəladə və səlahiyyətli səfiri Vada Cuniçi ilə görüşüb;

12.04.2021: Fransanın Azərbaycan Respublikasında fövqəladə və səlahiyyətli səfiri Zakari Qrosla görüşüb;

14.04.2021: Qazaxıstan Respublikasının Azərbaycan Respublikasında fövqəladə və səlahiyyətli səfiri Serkan Abdıkərimovla görüş;

13.04.2021: Türkiyə Cümhuriyyətinin Azərbaycan Respublikasında fövqəladə və səlahiyyətli səfiri Erkan Özoralla onun diplomatik fəaliyyətinin başa çatması ilə əlaqədar görüş;

26.05.2021: Serbiya Respublikasının Azərbaycanda yeni təyin olunmuş fövqəladə və səlahiyyətli səfiri Draqan Vladislavljeviçlə görüş;

27.05.2021: İndoneziya Respublikasının Azərbaycanda yeni təyin olunmuş fövqəladə və səlahiyyətli səfiri Hildi Hamidlə görüş;

22.06.2021: İsveç Krallığının Azərbaycan Respublikasındakı fövqəladə və səlahiyyətli səfiri Kristian Kamillə görüş;

25.06.2021: İtaliya Respublikasının Azərbaycan Respublikasında yeni təyin olunan fövqəladə və səlahiyyətli səfiri Klaudio Taffuri ilə görüş;

2021-ci il iyunun 30-da Belçika Krallığının Azərbaycan Respublikasında fövqəladə və səlahiyyətli səfiri Bert Schoofsla onun fəaliyyət müddətinin başa çatması ilə əlaqədar görüşüb.

07.07.2021: Çin Xalq Respublikasının Azərbaycan Respublikasında fövqəladə və səlahiyyətli səfiri xanım Guo Minlə görüş;

09.07.2021: Amerika Birləşmiş Ştatlarının Azərbaycan Respublikasında fövqəladə və səlahiyyətli səfiri Li Litzenberger ilə görüş;

14.07.2021: İsrail dövlətinin Azərbaycan Respublikasında fövqəladə və səlahiyyətli səfiri Corc Diklə görüş;

16.07.2021: Türkiyə Respublikasının Azərbaycan Respublikasındakı fövqəladə və səlahiyyətli səfiri Cahit Bağçı ilə görüş;

03.08.2021: Ukrayna Respublikasının Azərbaycan Respublikasında fövqəladə və səlahiyyətli səfiri Vladislav Kanevski ilə görüş;

09.08.2021: Şimali Kipr Türk Cümhuriyyətinin yeni təyin olunan Bakı Təmsilçisi Mustafa Kamal Bəyazbayramla görüş;

18.08.2021: Argentina Respublikasının Azərbaycan Respublikasında fövqəladə və səlahiyyətli səfiri Serxio Osvaldo Peres Qunella ilə görüş;

20.08.2021: İran İslam Respublikasının Azərbaycan Respublikasındakı səfirliyinin hərbi attaşesi Cavad Forutəni ilə görüş;

02.09.2021: Tacikistan Respublikasının Azərbaycan Respublikasında fövqəladə və səlahiyyətli səfiri Rustam Soli ilə görüş;

03.09.2021: Belçika Krallığının Azərbaycan Respublikasında yeni təyin olunan fövqəladə və səlahiyyətli səfiri Michel Peetermansla görüş;

10.09.2021: Səudiyyə Ərəbistanının Azərbaycandakı fövqəladə və səlahiyyətli səfiri Haməd bin Abdullah bin Səud bin Xudeyrlə görüş;

16.09.2021: Serbiyanın Azərbaycandakı səfiri Draqan Vladisavljeviçin dəvəti ilə bu ölkənin Azərbaycandakı səfirliyində olub.

17.09.2021: Liviyanın Azərbaycan Respublikasındakı Müvəqqəti İşlər Vəkili Aşraf Adamla görüş;

22.09.2021: Yunanıstanın Azərbaycan Respublikasında fövqəladə və səlahiyyətli səfiri Nikolaos Piperigos ilə görüş;

24.09.2021: Bəxtiyar Əsgərov İran İslam Respublikasının Azərbaycan Respublikasında fövqəladə və səlahiyyətli səfiri Seyid Abbas Musəvinin dəvətilə, bu ölkənin "Müqəddəs Müdafiə Həftəsi" münasibətilə təşkil olunmuş rəsmi qəbulda iştirak edib;

15.11.2021: Kuba Respublikasının Azərbaycan, Gürcüstan, Özbəkistan və Türkmənistan Respublikalarında fövqəladə və səlahiyyətli Səfiri Alfredo Nieves Portuondo ilə görüş və s.

Sual oluna bilər: rəsmi missiyası əslində Naxçıvan MR-in paytaxtdakı “dəftərxanası” olan Daimi Nümayəndəliyin rəhbəri görüşdüyü xarici ölkə səfirləri ilə nəyi müzakirə edib?

Muxtar Respublika rəsmilərinin iddialarına görə, Bəxtiyar Əsgərov xarici ölkə səfirləri ilə bir qayda olaraq bu kimi məsələləri müzakirə edib və etməkdədir: “iki ölkə arasındakı siyasi münasibətlər, Naxçıvan Muxtar Respublikası ilə əlaqələr, regiondakı yeni vəziyyət, Zəngəzur dəhlizinin açılması, rəsmi səfərlər və digər maraqlı mövzular”. Doğrusu, muxtariyyət rəsmilərinin “iki ölkə arasındakı siyasi münasibətlər” deyəndə hansı dövlətləri nəzərdə tutduqları bizə aydın deyil. Əgər söhbət burada Azərbaycan və tərəf müqabili olan digər dövlətdən gedirsə, Bəxtiyar Əsgərovun xarici ölkə səfirləri ilə bu kimi məsələləri müzakirə etmək səlahiyyəti varmı? Biz bilən, buna yalnız Ceyhun Bayramovun və Prezident İlham Əliyevin səlahiyyəti çatır. Sözsüz ki, Bəxtiyar müəllim özünü I şəxsin yerində görməsi az inandırıcıdır. Onda belə çıxır ki, o özünü Ceyhun Bayramovun yerində görür. Niyə də görməsin? Ceyhun Bayramov dünən Təhsil Nazirliyindən gəlib XİN-in rəhbəri vəzifəsində çalışır. Bəxtiyar müəllim isə 10 illərdir saçını gündə bir səfirlə keçirməkdə ağardıb. Təcrübə baxımından Ceyhun müəllim onun yanında olduqca xırda adamdır. Qabiliyyət baxımından isə məsələ mübahisəlidir. “Xan” həzrətlərindən soruşsaq, Bəxtiyar müəllimin qabiliyyəti unikal diplomatlarda belə yoxdur.

Bunlar öz yerində. Bəs, MR hakimiyyətinin rəsmi məlumatlarında keçən “digər maraqlı mövzular” deyiləndə nə nəzərdə tutulur? Nə yazıq ki, Bəxtiyar müəllimin səfirlərlə danışıqları məxfi tutulduğundan bu sualın cavabını müəyyənləşdirmək çətindir. Amma xarici səfirliklərdən mediaya sızdırılan məlumatlar bu barədə bəzi ip ucları verir.

2020-ci ilin sentyabrında Əlcəzair səfirliyindən Ovqat.com-a verilən məlumata görə, Bəxtiyar müəllim ölkənin Bakıdakı səfiri xanım Səlimə Abdelhaqqa Naxçıvan Muxtar Respublikasının Ali Məclisinin sədri Vasif Talıbovun salamlarını çatdırıb və ona Azərbaycana səfir təyin edilməsi münasibətilə ilk təbrik teleqramının Cənab Sədr tərəfindən göndərildiyini xatırladıb. Naxçıvan nümayəndəsinin bununla Vasif Talıbovun Azərbaycanın digər rəsmilərindən, o cümlədən Prezident İlham Əliyevdən daha operativ diplomatik bacarığa malik olduğunu qabartdığı ortadadır.

Bizə maraqlı gələn digər məqam Bəxtiyar müəllimin Prezident İlham Əliyevin az qala qapısından qovduğu Yunanıstan səfiri ilə görüşməsidir. Soruşa bilərsiniz: strateji müttəfiqimiz Türkiyə ilə ciddi ziddiyyətləri olan Yunanıstan səfirinə Bəxtiyar Əsgərov niyə “xan salamı”nı çatdırmaq ehtiyacı duyub və onunla nəyi müzakirə edib? Daimi nümayəndəlikdən NUHÇIXAN İnformasiya Agentliyinə açıqlamasında bu suala belə cavab verib: “Görüşdə iki ölkə arasındakı siyasi münasibətlər, Naxçıvan Muxtar Respublikası ilə əlaqələr, regiondakı yeni vəziyyət, Zəngəzur dəhlizinin açılması, rəsmi səfərlər və digər maraqlı mövzular ətrafında müzakirələr aparılıb”.

Halbuki Prezident İlham Əliyev həmin səfiri 2020-ci ilin sentyabrında sərt tənqid etmiş və üzərindən bir ay keçəndən sonra Yunanıstan XİN onu ““Azərbaycan hökumətinin əsassız iddialarına görə” iddiası ilə geri çağırmışdı. Naxçıvanın daimi nümayəndəsi isə onu öz iqamətgahında qəbul edib “iki ölkə arasındakı münasibətlər”i müzakirəyə çıxarmışdı. Sanki bununla yunan diplomatına “Azərbaycanda başqa siyasi iradə də var” mesajını vermişdi.

Ümidvarıq ki, Azərbaycanın müvafiq dairələri, o cümlədən Prezident İlham Əliyev Naxçıvan Ali Məclisinin Sədrindən bizi vətəndaş kimi narahat edən suallara cavab istəyəcək.

Binəqədi rayon Elektrik Təchizatı və Satışı İdarəsinin rəisi Teymur Tağızadənin daha bir özbaşınalığı üzə çıxıb. Sən demə, idarə rəisi rayon üzrə itirilmiş enerjinin varlığını ört-bas etmək məqsədilə qanunsuz işlərə imza atırmış. Belə ki, Tağızadə satdığı enerjinin pulunu dolayı yolla çıxarmaq üçün həm Azərişıq ASC-nin rəhbərliyini, eləcə də Qaçqın və Məcburi Köçkünlərin İşləri Üzrə Dövlət Komitəsini (bundan sonra - QMKDK) aldadırmış.

Bütöv.az yazır ki, bu barədə Demokratik TV-yə daxil olan məlumata görə, Dərnəgül qəsəbəsi Səttar Bəhlulzadə ilə Ziya Bünyadov küçələrinin kəsişməsində yerləşən məcburi köçkün yataqxanalarına və yaxın ərazini əhatə edən QMKDK-ya məxsus "26" kod altında istifadə edilən əhali kodu kommersiya və digər maddi məqsədlər üçün istifadə edilir. Məlumata görə, Dərnəgüldə yol kənarında yerləşən bir sıra sahibkarlıq subyektləri araşdırılarsa üzə çıxar ki, Qaçqınkomun əhali kodu üzrə ödədiyi elektrik enerjisini bəzi sahibkarlar da istifadə edir. Yəni, təsəvvür edirsinizmi, Azərişıq sahibkarlıq obyektlərinin istifadə etdiyi elektrik enerjisini də dövlətə - Qaçqınkom-a ödətdirirmiş.

Saytımızın əldə etdiyi məlumata görə, ərazidəki transformatora (TM-443) əlavə gərginliyin yüklənməsi təkcə büdcə israfçılığı yaratmır, həm də mütamadi texniki nasazlıqlar, süni problemlər yaradır. Məcburi köçkünlərin tez-tez işıqsız qalmasına səbəblərdən biri də məhz əlavə yüklənmələrdir.
İddialara inansaq, Azərişıq sözügedən maxinasiyada ikiqat uduş əldə edir, enerjini həm abonentə, həm də nəğd pulla qaçqınkoma satır. Problem barədə Azərişıq ASC-nin aidiyyatı şəxsləri də məlumatlıdır.

2021-ci ilin sentyabrında Binəqədi RETSİ-nin rəisinin qeyri-rəsmi əmrilə ərazidə məcburi-köçkün qeyri-yaşayış obyektlərindən 50-yə yaxın sayğacın sökülərək çıxarılması da məsələnin ciddiyyətindən xəbər verir.

Bu fakta görə Teymur Tağızadə cəzalandırılmazsa, hər şey gün kimi aydındır - Demək ki, "Azərişıq" ASC-ni sadəcə satdığı enerjidən pul qamarlamaq, debütor borcu minimumda saxlamaq maraqlıdır, bu məqsədlə dövlətin digər qurumu maddi zərər görsə də...
Bütöv.az Azərişıq ASC-nin mövqeyini də öyrənib dərc etməyə çalışacaq!

Goranboy rayonu Hazırəhmədli kəndinin sakini Məmmədova Mirağa Nəbi oğlu Goranboy rayon Təhsil Şöbəsinin ( RTŞ) müdiri Seymur Nazarovdan, Hazırəhmədli kənd T. Məmmədov adına tam orta məktəbinin direktoru Sadət Abbasovanın qanunsuz əməllərindən və özbaşınalıqlarından şikayətçidir.

Bütöv.az xəbər verir ki, Dünyanınsəsi.Az-ın redaksiyasına göndərilən şikayət məktubunda Mirağa Nəbi oğlu direktor S.Abbasovu təhsil sitemini bazara çevirməkdə ittiham edir.
Şikayətçi qeyd edir ki, əvvəllər bizim kənddə 9-10-11-ci sinif şagirdləri repetitor yanına gedirdi.Bu gün isə 1-ci sinif şagirdi olan övladını repetitorun yanına göndərir.Nəticədə kənd məktəbində şagird kontigentin dərsə davamiyyəti olmur.Direktoor S.Abbasova məqsədyönlü şəkildə özünün “repetitor biznesi”ni çiçəkləndirir.Bu direktorun özbaşınalığına isə Goranboyda gözün üstə qaşın var deyən tapılmır.
Bu məsələ ilə bağlı dəflərlə kənd sakinləri yuxarı insatnsiyalara eləcə də dən Goranbot RTŞ-nin müdiri Seymur Nazarova da müraciət ediblər.Amma heç bir tədbir görülməyib.
Sonda şikayətçi bir maraqlı məqama toxunub;
” Həyat yoldaşım Məmmədova Qəmər Camal qızı Hazırəhmədli tam orta məktəbində xadimə işləyirdi onu işdən çıxarandan sonra əmrə baxdıq ki, (0.5 oklad) lobarant vəzifəsində çalışırmış”.

Redaksiya olaraq qarşı tərəfin mövqeyini də dərc edə bilərik.
Hazırəhmədli kənd sakinin prezidentə ünvanlanmış videoşikayətini təqdim edirik:

Şəkinin icra başçısı ilə bağlı Elxan Usubovla bağlı ilginc iddialar yayılıb.

DİA.AZ xəbər verir ki, sosial şəbəkələrdə yayılan informasiyaya görə, Elxan Usubov əmlakının bir hissəsini satışa çıxarıb.

Xatırladaq ki, Şəkinin RİH rəhbəri oliqarx icra başçılarından hesab olunur və bu günlərdə onun biznes imepriyası ilə bağlı məlumatlar, habelə əmlaklarının siyahısı da yayılmışdı.

Yayılan son xəbərlərə görə isə Elxan Usubov əmlakının müəyyən hissəsini satışa çıxarıb və bu da onun gedişi ilə bağlı verilə biləcək qərarla əlaqələndirilir.

DİA.AZ olaraq Elxan Usubova aid olduğu deyilən əmlakın müəyyən hissəsini təqdim edirik:

- Bakıda T.Şıxəliyev, ev 6 ünvanında mənzil

- Şəkidə L.Abdullayev, ev 36 ünvanında mənzil

- Şəkidə M.Ə.Rəsulzadə, ev 293 ünvanında mənzil

- Şəkidə 5 ədəd dəbdəbəli malikanəsi

- Şəkidəki süd zavodu

- Şəkidə fəaliyyət göstərən sanatoriyalar

- Şəkidəki "Sünbül" çörəkbişirmə sexi

- Şəki, M.F.Axundov prospektində Hotel və Restoran

- Şəki-Oğuz yolunun üstündə yerləşən istirahət mərkəzləri

- Oğuzda meşədə restoranı

- Ağstafada bir neçə obyektlər

- Mingəçevirdə obyektləri

- Bakıda, Şağan Sun City ərazisində böyük bağı

- Gürcüstanda böyük fındıq zavodu

- "CHEMİCO CO LTD" MMC şirkəti

- "A.Q.T.İ.M." MMC şirkəti (gips, mala və əhəng istehsalı)

- Bunlardan əlavə, siyahıya Şəkidə bir neçə iaşə-ticarət obyektləri, fərdi yaşayış sahələri və hektarlarla torpaq sahələri də daxildir.

Son xəbərlərdə həmçinin o da qeyd olunur ki, Elxan Usubov paralel olaraq Türkiyədə özünə yeni əmlaklar axtarışına da çıxıb.

İddia olunanlarla bağlı qarşı tərəfi də dinləməyə hazırıq...

Bütöv.az

2018-ci ildə Tahir Məmmədov Şamaxıya icra başçısı təyin olunanda rayon sakinləri böyük ümidlərə qapıldılar. Necə də olsa da, gənc kadr idi, indiyə qədər haqqında mənfi obraz formalaşmamışdı və ən əsası Prezident etimad göstərərək yüksəs vəzifəyə təyin etmişdi. Camaat inanırdı ki, tezliklə Şamaxının yığılıb qalan problemləri öz həllini tapacaq, bu qədim diyarın da üzərinə gün işığı düşəcək. “Bir küçəsi abad” olan qədim Şamaxının da abadlaşacağı günü gözləyən sakinlərin elə gözləri yolda qaldı. İndi isə şamaxılılar deyir ki, “Şamaxını əvvəlcə zəlzələ dağıtdı, sonra da Tahir Məmmədovun komandası”…

Pia.az-a Şamaxıdan dazil olan məlumatda bildirilir ki, icra başçısı təyin olunandan sonra yerli kadrlara qarşı savaş açan T.Məmmədov öz adamlarını ən strateji postlara təyin etməklə rayonda bütün sahələrə nəzarəti ələ keçirdi. Yerli şəraitə bələd olmayan, camaatla adicə ünsiyyəti düzgün qura bilməyən “kabinet məmurları” şamaxılılara qan uddurmağa başladılar. Evini zəlzələdə evləri dağılanları bir də məmurlar incitməyə başladı.

Şikayətçilər qeyd edirlər ki, Şamaxı zəlzələsindən sonra rayonda əsl “korrupsiya zəlzələsi” başlanıb. Belə ki, dövlət tərəfindən ayrılmış vəsaitlərin talanması yetmirmiş kimi, evlərinə ziyan dəyənlərdən təmir işləri ilə bağlı pul yığılmasına start verildi. Cənab Prezident tərəfindən ayrılmış vəsait sağa-sola xərclənərək inşa olunan mənzillər “açıq” şəklində qanunsuz satılıb. Hətta dərəbəylik o həddə çatıb ki, istənilən şəxs babat “şirinlik” verdikdə siyahılara əlavə olunaraq evində təmir işləri aparılır. “Şirinlik” yaxşı olanda isə hətta yeni ev belə tikilir. Bütün bu qanunsuz işlərə isə Tahir Məmmədovun ən yaxın adamları rəhbərlik edir.

Şikayətçilər bildirir ki, Şamaxı rayonunda infrastruktur bərbad vəziyyətdədir. Adi halda yağış yağan kimi bir çox küçələr keçilməz vəziyyətə düşür. Yollar çox bərbad vəziyyətdədir, düzəlməsi isə deyəsən, heç gündəmdə deyil. Rayon mərkəzində işiq və qaz saatlarla verilmir və bu şikayətlərə baxan da yoxdur. Yayın günündə su günlərlə gəlməyə bilər, heç kimə bunun səbəi ilə bağlı izah verilmir və heç kim də tənbeh olunmur.

Rayon mərkəzində küçələri zibil basıb. Bu gün zibil, tullantı qalaqla qapılarda qalıb iylənir, küçələri üfunət iyi basıb…

Cənab Prezidentin Şamaxıya məişət tullantılarının atılması üçün xüsusi maşınlar ayırmasına baxmayaraq, ayda cəmi bir-iki dəfə zibil atılır. Yeni verilmiş maşınlar yönəldilib Çuxuryurd, Nağaraxana istiqamətinə, çünki istirahətə gələnlər zibil atılmasına yaxşı pul verir və bu təmiz gəlir olaraq Tahir müəllimin ixtiyarındadır..

Bu hələ rayon mərkəzində olan vəziyyətdir, kəndlərdə vəziyyət daha acınacaqlıdır və kəndlər haqqında heç danışmağa da dəyməz. İşlədiyi müddətdə Tahir Məmmədov bəlkə cəmi bir dəfə hər hansı bir kənddə olub, mövcud problemlərlə bağlı isə ümumiyyətlə heç bir iş görülməyib.

Şikayərçilər qeyd edirlər ki, Şamaxıda digər bir ağrılı problem isə işsizlikdir. Əvvəllər əhalinin çox hissəsi dolanacaq üçün Rusiyaya üz tutsa da, son zamanlar pandemiya səbəbindən bu da mümkün deyil. Aztəminatlı ailələrin cüzi dolanacaq mənbəyi kimi ictimai işlərin açılması, onların maaş kartları ilə təmin olunmasına baxmayaraq, Şamaxıda bu işlər də hamı üçün əlçatan deyil. Bildirilir ki, icra başçısının məsləhət bildiyi şəxslər həmin maaş kartlarını alırlar. Əgər lazımi strukturlar məsələni dərindən araşdırsalar, dəhşətli faktların üstünü aça bilərlər.

Sitat: “Bu gün Şamaxıda kütləvi narazılıq hökm sürür. Bütün sahələrdə total korrupsiya və rüşvətxorluq dərin kök salıb. İnsanların şikayətinə baxan yoxdur, narazılıq edənlər təqib olunur, incidilir. Bütöv bir rayon bir neçə şəxsin maraqlarına tabe edilib, özəl müəssisəsinə çevrilib.

Tahir Məmmədovun özünü toxunulmaz hesab etməsinin əsas səbəblərindən biri isə xüsusilə maraqlıdır. O hər yerdə özünü sırf Ramin Quluzadənin kadrı kimi təqdim edir, vəzifəyə məhz onun təqdimatı əsasında gəldiyini gizlətmir. Nəzərə alsaq ki, Tahir Məmmədov Ramin Quluzadənin nazir olduğu dönəmdə icra başçısı təyin olunmuşdu, onda bunu həqiqət olduğunu demək mümkündür. Bu gün Ramin Quluzadənin Prezidentin işlər müdiri olduğunu nəzərə alsaq, Tahir Məmmədovun özünü hansı prestijdə hiss etdiyini təsəvvür etmək çətin deyil.

Bax, özünü Prezidentin əsgəri adlandıran şəxslər yerlərdə bu əməllərlə məşğuldurlar. Prezidentin xüsusi diqqət yetirdiyi Şamaxıda baş verənlərdən yəqin ki, məlumatı yoxdur. Ona düzgün məlumat çatdırılsa aydın olar ki, rayonda sırf onun siyasətinə zərbə vuran əməllər törədilir. Lakin hələ ki, T.Məmmədov və komandası necə deyərlər, cidanı çuvalda gizlədə bilirlər. Amma bu çox davam edə bilməz. Həqiqətlər üzə çıxanda yəqin ki, əsl zəlzələ onda baş verəcək!”

Qarşı tərəfin mövqeyini dərc etməyə hazırıq…

Bütöv.az

Son iki il ərzində meşə təsərrüfatına Namiq Xıdırov tərəfindən vurulan ziyanın miqyası o qədər genişdir ki onun fəsadlarını növbəti illər ərzində ödəmək çox çətin olacaq.

Demək olar ki meşə təsərrüfatının icra mexanizmi tamam məhv edildi. Uzun illər yetişən kadırlar işdən uzaqlaşdırıldı,strukturun ayağı başına başı ayağına çevrildi. Bütün sahələr üzrə uçot işləri ləğ olundu, qırma sahələri harda gəldi ayrıldı,meşə salma işi məhv oldu,toxumçuluq üzrə olan kadrlar və texnologiya geri atıldı,meşəbəylik skruktu pozoldu,baş meşəbəyilərə aid olan işlər bərbat hala salındı. Bu da axırı, Namiq Xıdırovun hardansa tapıb təyin etdiyi Adəm İsmiyev kimlər bundan artıqına qadir ola bilməzdi, meşə təsərrüfatının inkişafı onun qorunması ilə məşğul olmaq əvəzinə selfi çəkməklə məşğul olur. Masallı Yardımlı Cəlilabad boyda rayonların meşə sərvətini idman müəlliminə tapşıranda belə də olmalı idi . İndi araşdıran oldumu ki Adəm İsmiyev iki ilə yaxın müddətdə regional idarədə nə etdi ?

Hansı işlər gördü ? Nə əkdi, nə biçdi ? İki ildə ayrılan qırma sahələri təftiş olundumu? Əvvəlki illərdə əkilən meşə əkinlərini necə oldu ? İki ildə özü nə əkdi, nə yetişdirdi ?

İctimayətə bu barədə də məlumat verilməlidir. Yoxsa ərizəsi alındı və heç nə olmamış kimi getdi öz işinim ardına. Belə də idarəçilik olar?

Üç rayonun meşə təsərrüfatı iflic vəziyyətinə gətirildi və bir ərizə ilə Adəm İsmiyev gülə-gülə getdi evinə. Kim cavab verəcək bu pozuntulara?

İki il ərzində Adəm İsmiyevin fəaliyyəti nəticəsinə meşə sahələri öz başına buraxıldı, qanunsuz qırma sahələri ayrıldı,meşələrdə işlik materialları hazırlandı və sexlərə daşındı, hazırda Masallıda olan ağac emalı sexlərində kifayət qədər mal var. Rayonda bu barədə hamının məlumatı var. Niyə bu məsələ əsaslı surətdə araşdırılmır. Ona görə ki Namiq Xıdırov və onun mühafizə üzrə müavini Mohuma Heracıyev buna imkan vermir.

Yəqin ki, bu yaxınlarda Namiq Xıdırovun Şabrana direktor təyin etdiyi qohumu digər idman müəllimi, Sabirabada təyin etdiyi əmək müəllimi, Lənkərana təyin etdiyi direktoru, Göygölə təyin etdiyi baytar həkimi barəsində də yeni selfilər üzə çıxacaq.

Deyilənə görə özünü xəstəliyə vuran Namiq Xıdırov indi də bülüten götürüb gizlənir. Bir azdan da məlum olacaq ki, cıxıb gedib xaricə, yəni qaçıb.

Hesab edirik ki Maliyyə nazirliyinin, İqtisadiyyat nazirliyinin və digər aidiatı qurumlardan ibarət geniş tərkibdə komissiya yaradılıb Namiq Xıdırovun faliyyəti, onun icazə verdiyi qırma sahələri, əkin yerləri və s işləri yoxlanılıb bu barədə ictimayətə məlumat verilməlidir, həm də bu yoxlama müstəqil mütəxəssislərin iştirakı ilə aparılmalıdır. O zaman tam məlum olacaq ki, Namiq Xıdırov və onun dostları Mohuma Heracıyev, Mehman Səfərov dövlət meşələrinə nə qədər ziyan vurublar. Yoxsa ki, onların bu dırnaqarası fəaliyətini sonradan kim aradan qaldıracaq.

Yaxsa bunlar ərizə verib qaçıb gedəcək və hər şey düşəcək bu beş üç nəfər yetim meşəçilərin üzərinə.

Bir də yol vermək olmaz, qoy hər şeyə görə cavab versinlər və meşə təsərrüfatına vurduqları ziyanı hər üçü də ödəsinlər.



(Qaynarxett.az)

Bütöv.az

Naxçıvan Muxtar Respublika DİN-də baş verən özbaşınalıqlarla bağlı ardıcıl yazılarımız dərc olunduqdan sonra bəzi rəsmi şəxslərin “qeyri-rəsmi məsləhətlərini” nəzərə alıb bu kimi məsələlərə həssas yanaşmağa çalışsaq da, bölgədən redaksiyamıza axışan məktubların ardı-arası kəsilmir. Hiss olunur ki, araşdırmalarımıza son ümid yeri kimi baxan Naxçıvan sakinləri bizim vasitəmizlə öz dərdlərini mərkəzi hakimiyyətə çatdırmaq istəyirlər. Biz də Əmir Teymurun dövlət rəhbərlərinə “İnsanları qorxu ilə ümid arasında yaşat. Ümidi hər yerdən üzülən toplumlar məhv olmağa məhkumdur” tövsiyələrini nəzərə alıb xeyli götür-qoydan sonra vətəndaşlarımızın istəyinin həyata keçirilməsini dövlətçiliyimizin davamlılığı baxımından yararlı sayırıq və onları işıqlandırmağa qərar verdik.


Bütöv.az bildirir ki, Ovqat.com-a Naxçıvan DİN-nin bir qrup əməkdaşı tərəfindən göndərilən məktubda deyilir:

“Salam, Heydər məllim, Sizi Naxcivandan narahat edirik. Biz Naxçıvan Daxili İşlər Nazirliyinin əməkdaşlarıyıq.

Polis Akademiyasını bitirən polis zabitləri Naxçıvan Muxtar Respublikasına göndəriləndən sonra MR DİN rəhbərliyi tərəfindən yaşayış yerlərindən kənara təyin edilirlər. Akademiya məzunlarinin əksəriyyəti “uçaskovu” vəzifəsinə işə götürülürlər. Həmin əməkdaşlar mənzil və ya kirayə pulu ilə təmin olunmurlar. Kirayə pulu tələb edikləri zaman isə polis zabitlərinə deyirlər ki, bura ilk xidmət yeriniz olduğundan sizə kirayə pulu düşmür. Axı harda görülüb ki, yaşayış yerindən 70-80 km uzaqda xidmət edəsən və kirayə pulu almayasan?

Əlavə olaraq , bizə verilən 240 manatlıq yanacaq pulu da kəsilib. Yanacaq əsasən talon formasında polis orqaninin rəis, rəis müavini və xidmət rəislərinə verilir. Məsələn; yanacagin verilməsinə dair qeydiyyat jurnalında 3 ton yanacağa imza atılır, lakin onun 1 tonu polis orqanlarına göndərilir. Geriyə qalan yanacagin hara getdiyi məlum deyil.

Muxtar respublikada istintaq sahəsindəki vəzifələrə əsasən savadsız kadrlar təyin olunurlar. Hansi ki, həmin şəxslər ilk təhsillərini Naxçıvan Dövlət Universitetinin aidiyyəti olmayan fakültələrində alıblar. Kimlərinsə adamı olduqlarına görə ikinci təhsil adı ilə 10 min manata Naxçıvan Dövlət universitetinin hüquq fakultəsini qiyabi bitiriblər. Akademiya məzunları özlərini istintaq sahələrindəki vəzifələrə təyin olunmasını tələb etdikdə isə onlara eyni cavab verilir: sizin bu sahəyə savadınız çatmır!

Müqayisə üçün qeyd edək ki, sahə inspektorunun aylıq maaşı 620 manat, mustəntiqin aylıq maaşı isə 1300-1500 manat intervalındadır. Əmək haqqına diqqət yetirəndə akademiya məzunlarının bu vəzifələrə niyə təyin olunmadıqlarının əsl səbəbi ortaya çıxır”.

Məktub müəlliflərinin iddialarına görə, Muxtar Respublikanın polis orqanlarındakı bu arzuolunmaz vəziyyət cinayətkarlığa qarşı mübarizə imkanlarını da xeyli azaldır:

“Bu gün Naxçıvan MR DİN-də istintaq sahəsində çalışanların əksəriyyəti kimlərinsə qohumu və ya tanıdıqlarıdır. Naxçıvanın polis orqanlarında müstəntiq vəzifəsində işləyənlər yaxın tanışlar olduğundan MR rəhbərliyi bilir ki, törədəcəkləri cinayət işi bağlı qalacaq”.

Redaksiyamıza göndərilən digər məktub Muxtar Respublika rəhbərliyinin yeni nazir təyin etmək barədə düşündüyü Rəşad İsmayılovun keçmişi ilə bağlıdır. Məktubda bildirilir ki, Rəşad İsmayılov Naxçıvan Hərbi Prokuroru general-mayor Yaşar Həsənovun əlaltılarındandır və uzun müddət bu adamın yanında işləyib. Ötən il nazir Fazil Ələkbərovun taxtının laxlaması ortaya çıxan kimi, MR DİN-ə nazir müavini göndərilən əlaltısı vasitəsilə polis orqanını da ələ keçirmək imkanı qazanan Naxçıvan Hərbi prokuroru Yaşar Həsənovun həm hərbi, həm də mülki hüquq strukturlarında öz mövqeyini gücləndirməyə çalışdığı iddia olunur. İddialara görə, onların arxasında isə Vasif Talıbovun qardaşı Məhərrəm müəllim dayanır. Doğrudan da hərbi ədliyyə strukturunda yetişmiş birinin anidən Daxili işlər orqanlarına sıçrayış etməsi deyəsən yalnız Naxçıvan MR-də görünən nadir hadisələrdəndir.

Bəs, Yaşar Həsənov kimdir və niyə bu qədər təhlükəli şəxs hesab olunur?

Gəlin, bu suala cavabı redaksiyamıza göndərilən məktubun sətir aralarında axtaraq:

“Azərbaycan ictimaiyyəti Naxçıvanın hərbi prokuroru Yaşar Həsənov barədə ilk məlumatı 2018-ci ilin mart ayında Fransanın Tuluza bölgəsində baş verən bir qalmaqallı sui-qəsd hadisəsi zamanı eşitdi. Məlumata görə, Fransanın Colomie şəhərində “Audi” markalı avtomobildən düşən bir şəxs digər avtomobildə olan Rahim Namazov və həyat yoldaşına 7 güllə vurub hadisə yerindən qaçır. Güllələnən R.Namazov və həyat yoldaşı xəstəxanaya yerləşdirilir.

Araşdırma zamanı məlum olmuşdu ki, R.Namazov Azərbaycanda məhkumluq həyatı yaşayıb, o cümlədən bir dəfə dələduzluq hadisəsinə görə 1 il icbari həbs cəzası alıb.

Daha sonra Rahim Namazovun özü barədə hazırladığı video-çıxışı yayılır. Video çıxışda bildirilir ki, Rahim Tofiq oğlu Namazov 1978-ci ildə Şəkidə ziyalı ailəsində anadan olub. 2005 –ci ilin iyul ayında ali təhsilli kimi hərbi xidmətə çağırılıb. 2005 –ci ilin avqust ayının sonlarında Kərəm Mustafayevin şəxsi sürücüsü gəlib Rahim Namazovu N saylı hərbi hissədən korpusa aparıb. O, burada korpus komandiri və hərbi prokuror Yaşar Həsənovla görüşür. Onlar R.Namazovdan necə sürücü olduğunu soruşurlar. Daha sonra R.Namazov korpusun geniş meydançasında hərbi prokurora məxsus ağ “Niva”nı xeyli sürür. Nəticə etibarı ilə R.Namazovun sürücülüyü bəyənilir.

Rahim Namazov sürücü kimi xidmət etdiyi dövrdə kimsəyə görməyi arzulamadığı bir çox dəhşətli olayların şahidi olur və özü üçün bunu gündəliyinə qeyd edir: “Demək olar ki, hər gün ən azı iki hərbi hissəyə hadisə dalınca gedirlər. Hər gün hadisə olurdu - əsgər yoldaşını güllələyirdi, zabit əsgərini və s. Xidmətə başladığı dövrdən gündəlik yazır və orada intiharları qeyd edirdi. Xüsusilə intihar edənlər arasında bəzən xidmət müddətləri başa çatmış, ancaq qanunsuz yolla məcburi xidmətə davam edən gizirlərə və zabitlərə də rast gəlmək olurdu. Məsələn, Gəncədən Spartak adlı bir zabit var idi. Onun ölüm işini elə ört-basdır etdilər ki, yəqin hələ də açılmayıb. Orqan əməliyyatı ən çox Kəngərli rayonundakı hərbi hissələrin birinin tibb məntəqəsində aparılırdı. Hətta prokuror Yaşar Həsənov bir dəfə kefli olanda Rahim Namazova bu sözləri deyib:
- Ay Namazov, bu gecə yenə yuxumu qatmışam.
- Niyə, komandir?
- Ötən gecə filan hərbi hissədə intihar etmiş əsgər yuxuma girmişdi. Məndən böyrəklərini istəyirdi.
Düzü, mən bunu eşidəndə şoka düşdüm. Sonra qayıdıb mənə dedi ki, “köpəyoğlu, elə bil iy bilir, böyrəkləri məndədir”.

Mənbə: http://profliqa.blogspot.com/2012/08/kopyoglu-el-bil-iy-bilir-boyrklri-mnddir.html?m=1

Gündəlik gördüklərini dəftərinə yazması Rahim Namazova xidmətinin sonrakı aylarında problem yaradır: “Gündəliyi ələ keçirən hərbi prokuror öncə korpus komandirinə, daha sonra isə Ali Məclisin sədri Vasif Talıbova məruzə edir. Araşdırma aparmazdan öncə Rahim Namzova 10 sutka həbs verirlər. Daha sonra Rahim Namazovu Ordubaddakı ağır şəraiti olan postlardan birinə yollayırlar. 2006-cı il, may ayının 4-də Culfada yerləşən hərbi hissənin akt zalında qondarma məhkəmə təşkil edərək əvvəldən qorxudulmuş və öyrədilmiş əsgər və zabitləri Rahim Namazova qarşı qoyurlar. R.Namazov 1 il 5 ay 17 gün həbs cəzası alır. Cəzanın 9 ayını çəkəndən sonra Bakıdakı 16 saylı həbsxanadan azadlığa buraxılır”.

Rahim Namazov iddia edirdi ki, Naxçıvanda bir neçə ildə dünyasını dəyişmiş hər hansı bir hərbçinin qəbri açılıb ekspertiza baxışı keçirilsə, hələ çox şeyin şahidi olarıq.

Rahim Namazov 2010-cu ildə ailəsi ilə birlikdə Fransanın Tuluza şəhərinə köçür. 30.03.2018-ci ildə Colomie şəhərində güllələnir.

Bəs həmin dövrdə Naxçıvan Hərbi Prokurorluğunda çalışan, indi isə Naxçıvan DİN-in müavini olan Rəşad İsmayılovun bu insan alveri cinayətlərindən xəbəri var idimi? Güman edirik ki, Rəşad müəllimin bundan məlumatsız olması qeyri-mümkündür. Bəs Rəşad İsmayılovu Naxçıvan DİN-in İnsan Alverinə Qarşı Mübarizə İdarəsini ləğv etməsinə nə vadar etdi? Bu barədə gələn yazılarımızda ətraflı məlumat veriləcək”, - Ovqat.com-a göndərilən məktubda belə deyilir.

Bütöv.az

AMEA-nın prezidenti Ramiz Mehdiyevin təkidilə elm ocağının baş hüquqşünası Kamal Əliyevin jurnalist Osman Nərimanoğluna qarşı "xüsusi ittiham qaydasında" qaldırdığı şikayəti rədd edilib. Bugün saat 11:00-da Göygöl rayon Məhkəməsində baş tutan işi üzrə ilkin prosesdə hakim Əyyub Kərimov müvafiq qərarı elan edib, əsassız şikayət icraata qəbul edilməyib.

Demokratik.Az-a bu barədə danışan Nərimanoğlu bildirib: "Dəyərli dostlar! Həftənin ilk gününə uğurla başladım. Həm evində, həm şüurunda, eləcə də bütün karyerası boyunca müşahidə edilən antimilli əməllərində erməni sevgisi gəzdirən "boz kardinal" Ramiz Mehdiyevin mənə qarşı haqsız hücumuna qalib gəldim. Göygöl məhkəməsinin hakimi Əyyub Kərimovun qərarı ilə AMEA-nın səbatsız prezidenti Ramiz Mehdiyevin diqtəsilə hüquqşünas Kamal Əliyevin barəmdə tərtib etdiyi absurd "xüsusi ittiham" icraata alınmadan rədd edildi. Bu hal ölkədə məhkəmə sistemində ədalətin tamamilə olmadığını söyləyənlər üçün, elə özüm üçün növbəti xoş nümunədir. Allah ölkəmizi və prezidentimizi qorusun, "5-ci kolon"un təmsilçilərinin başına daş salsın. Biz cəmiyyət olaraq ölkənin əsas elm məbədini (AMEA-nı-red) Mehdiyevin inhisarından, təcavüzündən azad etmək üçün səylərimizi davam etdirməliyik. Bu haqq yolunda mənə informasiya dəstəyi göstərən hər kəsə, xüsusilə də "turan" informasiya agentliyinə və "kanal13" televiziyasına təşəkkürümü bildirirəm."

Jurnalist onu da qeyd edib ki, məhkəmədə hakim qarşısında duran Kamal Əliyev kövrəlib, özünü öz "xüsusi ittiham"ının qarşısında aciz aparıb. İddialarını heç cür əsasıandıra bilməyib.

Xatırladaq ki, demokratik.az saytının 16 noyabr 2021-ci il tarixli sayında Ramiz Mehdiyev AMEA-nın hüquq şöbəsini görün kimə tapşırıb - "Tərtər işi" boz kardinala da uzanır? başlıqlı xəbər yayımlayıb. Həmin xəbərdə 2017-ci ildə hərbçilərimizə qarşı işgəncələrlə müşahidə olunan məlum "Tərtər işi"nə eyham edilir, müzakirələrdə adı hallanan hərbi hakim Kamal Əliyevin hansı əsaslarla Ramiz Mehdiyev tərəfindən AMEA-da "hüquq şöbəsinin müdiri" təyin edilməsi sual edilir. Ramiz Mehdiyevin fəaliyyəti boyunca rusmeyilli kadr olduğuna işarə edilir.

Sözügedən mülahizə və faktlardan dözməyən qarşı tərəf yazılanları böhtan hesab edərək jurnalisti xüsusi ittihamla Yasamal Məhkəməsinə vermişdi. Lakin, 23 noyabr tarixli məhkəmə baxışında məhkəmə "Xüsusi ittiham"ı aidiyyatı üzrə Göygöl Məhkəməsinə verməyi tövsiyə etmişdi. Bu müddət ərzində Ramiz Mehdiyev AMEA-nın adında süni təyziq elementi kimi "xüsusi ittiham"ı jurnalistin evinə belə göndərərək özünü biabır etmişdi...

Bütöv.az

Milli Məclisin bu gün keçirilən plenar iclasında çıxış edən deputat Tahir Kərimli bəzi dairələrə qarşı fikirlərini bildirib.

Modern.az xəbər verir ki, deputat ötən həftə çıxışına görə sosial şəbəkələrdə söyüldüyünü deyib:
"Xalqın söyüşlə bağlı xasiyyətinə məəttəl qalmışam. Bilmirəm əvvəldən bu qədər söyüş var idimi, yoxsa indi çoxalıbmı. Bu qədər söyüş olar?? Bu həmin xalq deyilmi ki prezidentin çağırışı ilə 50 min nəfər müharibədə könüllü iştirak üçün yazıldı. Bizim yaltaqlığa nə ehtiyacımız var ki? Övladımız, özümüz üçün nə istəyirik ki?! Deyirlər Tahir Kərimli deyib ki prezidentin alternativi yoxdur. Bəs yoxdur da. Siz özünüz müxtəlif illərdə uduzdunuz. Minlərlə insanı küçədə əzdirdiniz. Müsavat AXCP-ni, AXCP Müsavatı xəyanətdə ittiham etdiniz. Siz neçə il oturdunuz parlamentdə nə etdiniz ki?
Biz xalqın problemini dilə gətiririk. İstəyirsiniz ki, biz də söyək Prezidenti, bunu görməyəcəksiniz! 22 il işsiz qaldım. Amma heç kimin yanında olmadım. Siz istəyirsiniz ki, siz iqtidara yaxın olanda biz də yaxın olaq, siz uzaq olanda da uzaq olaq. Yalan vədlərlə xalqı aldatmayaq".

Bütöv.az